| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5-7. батамаааж̇аанийяасуд̇д̇аад̣̇иван̣н̣анаа
5-7. Paṭhamaājānīyasuttādivaṇṇanā
97-99. бан̃жамз анужчавигод̇и ран̃н̃о барибхун̃ж̇анаяог̇г̇о. хад̇т̇абаад̣̇аад̣̇иан̇г̇асамад̇ааяаад̇и хад̇т̇абаад̣̇аад̣̇иаваяавасамад̇ааяа, ран̃н̃о ваа сзнааяа ан̇г̇абхууд̇ад̇д̇аа ран̃н̃о ан̇г̇анд̇и вужжад̇и. аанзд̇ваа хунид̇аб̣б̣анд̇и аахунам̣, аахуд̇ийд̇и ад̇т̇ад̇о зганд̇и ааха ‘‘аахуд̇исан̇каад̇ам̣ бин̣д̣абаад̇а’’нд̇и. д̣̇уурад̇оби аанзд̇ваа сийлаванд̇зсу д̣̇аад̇аб̣б̣ассзд̇ам̣ ад̇хиважанам̣. бин̣д̣абаад̇анд̇и жа нид̣̇ассанамад̇д̇ам̣. аанзд̇ваа хунид̇аб̣б̣аанан̃хи жийвараад̣̇ийнам̣ жад̇уннам̣ бажжаяаанамзд̇ам̣ ад̇хиважанам̣ аахунанд̇и. д̇ам̣ арахад̇ийд̇и аахунзяяо. бадиг̇г̇ахзд̇ум̣ яуд̇д̇од̇и д̇асса махабпалабхаавагаран̣ад̇о бадиг̇г̇ан̣хид̇ум̣ анужчавиго.
97-99. Pañcame anucchavikoti rañño paribhuñjanayoggo. Hatthapādādiaṅgasamatāyāti hatthapādādiavayavasamatāya, rañño vā senāya aṅgabhūtattā rañño aṅganti vuccati. Ānetvā hunitabbanti āhunaṃ, āhutīti atthato ekanti āha ‘‘āhutisaṅkhātaṃ piṇḍapāta’’nti. Dūratopi ānetvā sīlavantesu dātabbassetaṃ adhivacanaṃ. Piṇḍapātanti ca nidassanamattaṃ. Ānetvā hunitabbānañhi cīvarādīnaṃ catunnaṃ paccayānametaṃ adhivacanaṃ āhunanti. Taṃ arahatīti āhuneyyo. Paṭiggahetuṃ yuttoti tassa mahapphalabhāvakaraṇato paṭiggaṇhituṃ anucchaviko.
баахунагабхад̇д̇ассаад̇и д̣̇исавид̣̇исад̇о ааг̇ад̇аанам̣ бияаманаабаанам̣ н̃аад̇имид̇д̇аанам̣ ад̇т̇ааяа саггаарз бадияад̇д̇асса ааг̇анд̇угабхад̇д̇асса. д̇ан̃хи табзд̇ваа д̇з д̇ат̇ааруубз баахунагз сан̇гхассзва д̣̇аад̇ум̣ яуд̇д̇ам̣, сан̇гхова д̇ам̣ бадиг̇г̇ахзд̇ум̣ яуд̇д̇о. сан̇гхасад̣̇исо хи баахунаго над̇т̇и. д̇ат̇аа хзса згасмим̣ б̣уд̣̇д̇ханд̇арз вийд̇ивад̇д̇з д̣̇иссад̇и, гад̣̇аажи асан̇кязяязби габбз вийд̇ивад̇д̇з. аб̣б̣огин̣н̣ан̃жа бияаманаабад̇аад̣̇игарзхи д̇хаммзхи саманнааг̇ад̇о. звам̣ баахунамасса д̣̇аад̇ум̣ яуд̇д̇ам̣, баахунан̃жа бадиг̇г̇ахзд̇ум̣ яуд̇д̇од̇и баахунзяяо. аяан̃хзд̇т̇а ад̇хиббааяо ‘‘н̃аад̇имид̇д̇аа виббавудтаа на жирассзва самааг̇ажчанд̇и, анавадтид̇аа жа д̇зсу бияаманаабад̇аа, на звамарияасан̇гхо, д̇асмаа сан̇гхова баахунзяяо’’д̇и.
Pāhunakabhattassāti disavidisato āgatānaṃ piyamanāpānaṃ ñātimittānaṃ atthāya sakkāre paṭiyattassa āgantukabhattassa. Tañhi ṭhapetvā te tathārūpe pāhunake saṅghasseva dātuṃ yuttaṃ, saṅghova taṃ paṭiggahetuṃ yutto. Saṅghasadiso hi pāhunako natthi. Tathā hesa ekasmiṃ buddhantare vītivatte dissati, kadāci asaṅkhyeyyepi kappe vītivatte. Abbokiṇṇañca piyamanāpatādikarehi dhammehi samannāgato. Evaṃ pāhunamassa dātuṃ yuttaṃ, pāhunañca paṭiggahetuṃ yuttoti pāhuneyyo. Ayañhettha adhippāyo ‘‘ñātimittā vippavuṭṭhā na cirasseva samāgacchanti, anavaṭṭhitā ca tesu piyamanāpatā, na evamariyasaṅgho, tasmā saṅghova pāhuneyyo’’ti.
д̣̇агканд̇и зд̇ааяа сад̇д̇аа яат̇аад̇хиббзд̇аахи самбад̇д̇ийхи вад̣дханд̇ийд̇и д̣̇агкин̣аа, баралогам̣ сад̣̇д̣̇ахид̇ваа д̣̇аанам̣. д̇ам̣ д̣̇агкин̣ам̣ арахад̇и, д̣̇агкин̣ааяа ваа хид̇о яасмаа махабпалагаран̣ад̇ааяа висод̇хзд̇ийд̇и д̣̇агкин̣зяяо.
Dakkhanti etāya sattā yathādhippetāhi sampattīhi vaḍḍhantīti dakkhiṇā, paralokaṃ saddahitvā dānaṃ. Taṃ dakkhiṇaṃ arahati, dakkhiṇāya vā hito yasmā mahapphalakaraṇatāya visodhetīti dakkhiṇeyyo.
бун̃н̃ад̇т̇игзхи ан̃ж̇али гаран̣ийяо зд̇т̇аад̇и ан̃ж̇алигаран̣ийяо. убхо хзд̇т̇а сираси бад̇идтаабзд̇ваа саб̣б̣алогзна гаяирамаанам̣ ан̃ж̇алигаммам̣ арахад̇ийд̇и ваа ан̃ж̇алигаран̣ийяо. д̇знааха ‘‘ан̃ж̇алибаг̇г̇ахан̣асса анужчавиго’’д̇и.
Puññatthikehi añjali karaṇīyo etthāti añjalikaraṇīyo. Ubho hettha sirasi patiṭṭhāpetvā sabbalokena kayiramānaṃ añjalikammaṃ arahatīti vā añjalikaraṇīyo. Tenāha ‘‘añjalipaggahaṇassa anucchaviko’’ti.
яад̣̇иби баал̣ияам̣ ‘‘ануд̇д̇ара’’нд̇и вуд̇д̇ам̣, над̇т̇и ид̇о уд̇д̇арам̣ висидтанд̇и хи ануд̇д̇арам̣, самамбисса бана над̇т̇ийд̇и д̣̇ассзнд̇о ‘‘асад̣̇иса’’нд̇и ааха. кид̇д̇ам̣ вуд̇д̇ам̣ б̣ийж̇ам̣ махабпалабхаавагаран̣зна д̇ааяад̇и рагкад̇и, кибанд̇и вабанд̇и зд̇т̇а б̣ийж̇аанийд̇и ваа кзд̇д̇ам̣, гзд̣̇аараад̣̇и, кзд̇д̇ам̣ вияа кзд̇д̇ам̣, бун̃н̃аанам̣ кзд̇д̇ам̣ бун̃н̃агкзд̇д̇ам̣. яат̇аа хи ран̃н̃о ваа амажжасса ваа саалийнам̣ ваа яаваанам̣ ваа вируханадтаанам̣ ‘‘ран̃н̃о саалигкзд̇ам̣ яавагкзд̇а’’нд̇и вужжад̇и, звам̣ сан̇гхо саб̣б̣алогасса бун̃н̃аанам̣ вируханадтаанам̣. сан̇гхам̣ ниссааяа хи логасса наанаббагаарахид̇асукасам̣вад̇д̇анигаани бун̃н̃аани вируханд̇и, д̇асмаа сан̇гхо ануд̇д̇арам̣ бун̃н̃агкзд̇д̇ам̣ логасса. сзсам̣ сувин̃н̃зяяамзва. чадтасад̇д̇амаани уд̇д̇аанад̇т̇аанзва.
Yadipi pāḷiyaṃ ‘‘anuttara’’nti vuttaṃ, natthi ito uttaraṃ visiṭṭhanti hi anuttaraṃ, samampissa pana natthīti dassento ‘‘asadisa’’nti āha. Khittaṃ vuttaṃ bījaṃ mahapphalabhāvakaraṇena tāyati rakkhati, khipanti vapanti ettha bījānīti vā khettaṃ, kedārādi, khettaṃ viya khettaṃ, puññānaṃ khettaṃ puññakkhettaṃ. Yathā hi rañño vā amaccassa vā sālīnaṃ vā yavānaṃ vā viruhanaṭṭhānaṃ ‘‘rañño sālikkhetaṃ yavakkheta’’nti vuccati, evaṃ saṅgho sabbalokassa puññānaṃ viruhanaṭṭhānaṃ. Saṅghaṃ nissāya hi lokassa nānappakārahitasukhasaṃvattanikāni puññāni viruhanti, tasmā saṅgho anuttaraṃ puññakkhettaṃ lokassa. Sesaṃ suviññeyyameva. Chaṭṭhasattamāni uttānatthāneva.
батамаааж̇аанийяасуд̇д̇аад̣̇иван̣н̣анаа нидтид̇аа.
Paṭhamaājānīyasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
5. батамаааж̇аанийяасуд̇д̇ам̣ • 5. Paṭhamaājānīyasuttaṃ
6. д̣̇уд̇ияаааж̇аанийяасуд̇д̇ам̣ • 6. Dutiyaājānīyasuttaṃ
7. д̇ад̇ияаааж̇аанийяасуд̇д̇ам̣ • 7. Tatiyaājānīyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5-7. батамаааж̇аанийяасуд̇д̇аад̣̇иван̣н̣анаа • 5-7. Paṭhamaājānīyasuttādivaṇṇanā
