| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৫. পঠমআজানীযসুত্তং
5. Paṭhamaājānīyasuttaṃ
৫. ‘‘ছহি , ভিক্খৰে, অঙ্গেহি সমন্নাগতো রঞ্ঞো ভদ্রো অস্সাজানীযো রাজারহো হোতি রাজভোগ্গো, রঞ্ঞো অঙ্গন্ত্ৰেৰ সঙ্খং গচ্ছতি।
5. ‘‘Chahi , bhikkhave, aṅgehi samannāgato rañño bhadro assājānīyo rājāraho hoti rājabhoggo, rañño aṅgantveva saṅkhaṃ gacchati.
‘‘কতমেহি ছহি ? ইধ, ভিক্খৰে, রঞ্ঞো ভদ্রো অস্সাজানীযো খমো হোতি রূপানং, খমো সদ্দানং, খমো গন্ধানং, খমো রসানং, খমো ফোট্ঠব্বানং, ৰণ্ণসম্পন্নো চ হোতি। ইমেহি খো, ভিক্খৰে, ছহি অঙ্গেহি সমন্নাগতো রঞ্ঞো ভদ্রো অস্সাজানীযো রাজারহো হোতি রাজভোগ্গো, রঞ্ঞো অঙ্গন্ত্ৰেৰ সঙ্খং গচ্ছতি।
‘‘Katamehi chahi ? Idha, bhikkhave, rañño bhadro assājānīyo khamo hoti rūpānaṃ, khamo saddānaṃ, khamo gandhānaṃ, khamo rasānaṃ, khamo phoṭṭhabbānaṃ, vaṇṇasampanno ca hoti. Imehi kho, bhikkhave, chahi aṅgehi samannāgato rañño bhadro assājānīyo rājāraho hoti rājabhoggo, rañño aṅgantveva saṅkhaṃ gacchati.
‘‘এৰমেৰং খো, ভিক্খৰে, ছহি ধম্মেহি সমন্নাগতো ভিক্খু আহুনেয্যো হোতি…পে॰… অনুত্তরং পুঞ্ঞক্খেত্তং লোকস্স। কতমেহি ছহি? ইধ , ভিক্খৰে, ভিক্খু খমো হোতি রূপানং, খমো সদ্দানং, খমো গন্ধানং, খমো রসানং, খমো ফোট্ঠব্বানং, খমো ধম্মানং। ইমেহি খো , ভিক্খৰে, ছহি ধম্মেহি সমন্নাগতো ভিক্খু আহুনেয্যো হোতি…পে॰… অনুত্তরং পুঞ্ঞক্খেত্তং লোকস্সা’’তি। পঞ্চমং।
‘‘Evamevaṃ kho, bhikkhave, chahi dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassa. Katamehi chahi? Idha , bhikkhave, bhikkhu khamo hoti rūpānaṃ, khamo saddānaṃ, khamo gandhānaṃ, khamo rasānaṃ, khamo phoṭṭhabbānaṃ, khamo dhammānaṃ. Imehi kho , bhikkhave, chahi dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassā’’ti. Pañcamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫-৭. আজানীযসুত্তত্তযৰণ্ণনা • 5-7. Ājānīyasuttattayavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ২-৭. দুতিযআহুনেয্যসুত্তাদিৰণ্ণনা • 2-7. Dutiyaāhuneyyasuttādivaṇṇanā
