| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. батамаааж̇аанийяасуд̇д̇ам̣
5. Paṭhamaājānīyasuttaṃ
97. ‘‘д̇ийхи, бхигкавз, ан̇г̇зхи саманнааг̇ад̇о ран̃н̃о бхад̣̇ро 1 ассааж̇аанийяо рааж̇аарахо ход̇и рааж̇абхог̇г̇о, ран̃н̃о ан̇г̇анд̇зва сан̇кяам̣ 2 г̇ажчад̇и. гад̇амзхи д̇ийхи? ид̇ха, бхигкавз, ран̃н̃о бхад̣̇ро ассааж̇аанийяо ван̣н̣асамбанно жа ход̇и б̣аласамбанно жа ж̇авасамбанно жа. имзхи ко, бхигкавз, д̇ийхи ан̇г̇зхи саманнааг̇ад̇о ран̃н̃о бхад̣̇ро ассааж̇аанийяо рааж̇аарахо ход̇и рааж̇абхог̇г̇о, ран̃н̃о ан̇г̇анд̇зва сан̇кяам̣ г̇ажчад̇и. звамзвам̣ ко, бхигкавз, д̇ийхи д̇хаммзхи саманнааг̇ад̇о бхигку аахунзяяо ход̇и баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логасса. гад̇амзхи д̇ийхи ? ид̇ха, бхигкавз, бхигку ван̣н̣асамбанно жа ход̇и б̣аласамбанно жа ж̇авасамбанно жа.
97. ‘‘Tīhi, bhikkhave, aṅgehi samannāgato rañño bhadro 3 assājānīyo rājāraho hoti rājabhoggo, rañño aṅganteva saṅkhyaṃ 4 gacchati. Katamehi tīhi? Idha, bhikkhave, rañño bhadro assājānīyo vaṇṇasampanno ca hoti balasampanno ca javasampanno ca. Imehi kho, bhikkhave, tīhi aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhyaṃ gacchati. Evamevaṃ kho, bhikkhave, tīhi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa. Katamehi tīhi ? Idha, bhikkhave, bhikkhu vaṇṇasampanno ca hoti balasampanno ca javasampanno ca.
‘‘гат̇ан̃жа, бхигкавз, бхигку ван̣н̣асамбанно ход̇и? ид̇ха, бхигкавз, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. звам̣ ко, бхигкавз, бхигку ван̣н̣асамбанно ход̇и.
‘‘Kathañca, bhikkhave, bhikkhu vaṇṇasampanno hoti? Idha, bhikkhave, bhikkhu sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu. Evaṃ kho, bhikkhave, bhikkhu vaṇṇasampanno hoti.
‘‘гат̇ан̃жа, бхигкавз, бхигку б̣аласамбанно ход̇и? ид̇ха, бхигкавз, бхигку аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяа т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. звам̣ ко, бхигкавз, бхигку б̣аласамбанно ход̇и.
‘‘Kathañca, bhikkhave, bhikkhu balasampanno hoti? Idha, bhikkhave, bhikkhu āraddhavīriyo viharati akusalānaṃ dhammānaṃ pahānāya kusalānaṃ dhammānaṃ upasampadāya thāmavā daḷhaparakkamo anikkhittadhuro kusalesu dhammesu. Evaṃ kho, bhikkhave, bhikkhu balasampanno hoti.
‘‘гат̇ан̃жа, бхигкавз, бхигку ж̇авасамбанно ход̇и? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и; ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и; ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и; ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. звам̣ ко, бхигкавз, бхигку ж̇авасамбанно ход̇и. имзхи ко, бхигкавз, д̇ийхи д̇хаммзхи саманнааг̇ад̇о бхигку аахунзяяо ход̇и баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаа’’д̇и. бан̃жамам̣.
‘‘Kathañca, bhikkhave, bhikkhu javasampanno hoti? Idha, bhikkhave, bhikkhu ‘idaṃ dukkha’nti yathābhūtaṃ pajānāti; ‘ayaṃ dukkhasamudayo’ti yathābhūtaṃ pajānāti; ‘ayaṃ dukkhanirodho’ti yathābhūtaṃ pajānāti; ‘ayaṃ dukkhanirodhagāminī paṭipadā’ti yathābhūtaṃ pajānāti. Evaṃ kho, bhikkhave, bhikkhu javasampanno hoti. Imehi kho, bhikkhave, tīhi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5-7. батамаааж̇аанийяасуд̇д̇аад̣̇иван̣н̣анаа • 5-7. Paṭhamaājānīyasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-7. батамаааж̇аанийяасуд̇д̇аад̣̇иван̣н̣анаа • 5-7. Paṭhamaājānīyasuttādivaṇṇanā
