| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. පඨමආජානීයසුත්‌තං
5. Paṭhamaājānīyasuttaṃ
5. ‘‘ඡහි , භික්‌ඛවෙ, අඞ්‌ගෙහි සමන්‌නාගතො රඤ්‌ඤො භද්‍රො අස්‌සාජානීයො රාජාරහො හොති රාජභොග්‌ගො, රඤ්‌ඤො අඞ්‌ගන්‌ත්‌වෙව සඞ්‌ඛං ගච්‌ඡති.
5. ‘‘Chahi , bhikkhave, aṅgehi samannāgato rañño bhadro assājānīyo rājāraho hoti rājabhoggo, rañño aṅgantveva saṅkhaṃ gacchati.
‘‘කතමෙහි ඡහි ? ඉධ, භික්‌ඛවෙ, රඤ්‌ඤො භද්‍රො අස්‌සාජානීයො ඛමො හොති රූපානං, ඛමො සද්‌දානං, ඛමො ගන්‌ධානං, ඛමො රසානං, ඛමො ඵොට්‌ඨබ්‌බානං, වණ්‌ණසම්‌පන්‌නො ච හොති. ඉමෙහි ඛො, භික්‌ඛවෙ, ඡහි අඞ්‌ගෙහි සමන්‌නාගතො රඤ්‌ඤො භද්‍රො අස්‌සාජානීයො රාජාරහො හොති රාජභොග්‌ගො, රඤ්‌ඤො අඞ්‌ගන්‌ත්‌වෙව සඞ්‌ඛං ගච්‌ඡති.
‘‘Katamehi chahi ? Idha, bhikkhave, rañño bhadro assājānīyo khamo hoti rūpānaṃ, khamo saddānaṃ, khamo gandhānaṃ, khamo rasānaṃ, khamo phoṭṭhabbānaṃ, vaṇṇasampanno ca hoti. Imehi kho, bhikkhave, chahi aṅgehi samannāgato rañño bhadro assājānīyo rājāraho hoti rājabhoggo, rañño aṅgantveva saṅkhaṃ gacchati.
‘‘එවමෙවං ඛො, භික්‌ඛවෙ, ඡහි ධම්‌මෙහි සමන්‌නාගතො භික්‌ඛු ආහුනෙය්‍යො හොති…පෙ.… අනුත්‌තරං පුඤ්‌ඤක්‌ඛෙත්‌තං ලොකස්‌ස. කතමෙහි ඡහි? ඉධ , භික්‌ඛවෙ, භික්‌ඛු ඛමො හොති රූපානං, ඛමො සද්‌දානං, ඛමො ගන්‌ධානං, ඛමො රසානං, ඛමො ඵොට්‌ඨබ්‌බානං, ඛමො ධම්‌මානං. ඉමෙහි ඛො , භික්‌ඛවෙ, ඡහි ධම්‌මෙහි සමන්‌නාගතො භික්‌ඛු ආහුනෙය්‍යො හොති…පෙ.… අනුත්‌තරං පුඤ්‌ඤක්‌ඛෙත්‌තං ලොකස්‌සා’’ති. පඤ්‌චමං.
‘‘Evamevaṃ kho, bhikkhave, chahi dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassa. Katamehi chahi? Idha , bhikkhave, bhikkhu khamo hoti rūpānaṃ, khamo saddānaṃ, khamo gandhānaṃ, khamo rasānaṃ, khamo phoṭṭhabbānaṃ, khamo dhammānaṃ. Imehi kho , bhikkhave, chahi dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassā’’ti. Pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5-7. ආජානීයසුත්‌තත්‌තයවණ්‌ණනා • 5-7. Ājānīyasuttattayavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 2-7. දුතියආහුනෙය්‍යසුත්‌තාදිවණ්‌ණනා • 2-7. Dutiyaāhuneyyasuttādivaṇṇanā
