| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༥. པཋམཨཱཛཱནཱིཡསུཏྟཾ
5. Paṭhamaājānīyasuttaṃ
༥. ‘‘ཚཧི , བྷིཀྑཝེ, ཨངྒེཧི སམནྣཱགཏོ རཉྙོ བྷདྲོ ཨསྶཱཛཱནཱིཡོ རཱཛཱརཧོ ཧོཏི རཱཛབྷོགྒོ, རཉྙོ ཨངྒནྟྭེཝ སངྑཾ གཙྪཏི།
5. ‘‘Chahi , bhikkhave, aṅgehi samannāgato rañño bhadro assājānīyo rājāraho hoti rājabhoggo, rañño aṅgantveva saṅkhaṃ gacchati.
‘‘ཀཏམེཧི ཚཧི ? ཨིདྷ, བྷིཀྑཝེ, རཉྙོ བྷདྲོ ཨསྶཱཛཱནཱིཡོ ཁམོ ཧོཏི རཱུཔཱནཾ, ཁམོ སདྡཱནཾ, ཁམོ གནྡྷཱནཾ, ཁམོ རསཱནཾ, ཁམོ ཕོཊྛབྦཱནཾ, ཝཎྞསམྤནྣོ ཙ ཧོཏི། ཨིམེཧི ཁོ, བྷིཀྑཝེ, ཚཧི ཨངྒེཧི སམནྣཱགཏོ རཉྙོ བྷདྲོ ཨསྶཱཛཱནཱིཡོ རཱཛཱརཧོ ཧོཏི རཱཛབྷོགྒོ, རཉྙོ ཨངྒནྟྭེཝ སངྑཾ གཙྪཏི།
‘‘Katamehi chahi ? Idha, bhikkhave, rañño bhadro assājānīyo khamo hoti rūpānaṃ, khamo saddānaṃ, khamo gandhānaṃ, khamo rasānaṃ, khamo phoṭṭhabbānaṃ, vaṇṇasampanno ca hoti. Imehi kho, bhikkhave, chahi aṅgehi samannāgato rañño bhadro assājānīyo rājāraho hoti rājabhoggo, rañño aṅgantveva saṅkhaṃ gacchati.
‘‘ཨེཝམེཝཾ ཁོ, བྷིཀྑཝེ, ཚཧི དྷམྨེཧི སམནྣཱགཏོ བྷིཀྑུ ཨཱཧུནེཡྻོ ཧོཏི…པེ॰… ཨནུཏྟརཾ པུཉྙཀྑེཏྟཾ ལོཀསྶ། ཀཏམེཧི ཚཧི? ཨིདྷ , བྷིཀྑཝེ, བྷིཀྑུ ཁམོ ཧོཏི རཱུཔཱནཾ, ཁམོ སདྡཱནཾ, ཁམོ གནྡྷཱནཾ, ཁམོ རསཱནཾ, ཁམོ ཕོཊྛབྦཱནཾ, ཁམོ དྷམྨཱནཾ། ཨིམེཧི ཁོ , བྷིཀྑཝེ, ཚཧི དྷམྨེཧི སམནྣཱགཏོ བྷིཀྑུ ཨཱཧུནེཡྻོ ཧོཏི…པེ॰… ཨནུཏྟརཾ པུཉྙཀྑེཏྟཾ ལོཀསྶཱ’’ཏི། པཉྩམཾ།
‘‘Evamevaṃ kho, bhikkhave, chahi dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassa. Katamehi chahi? Idha , bhikkhave, bhikkhu khamo hoti rūpānaṃ, khamo saddānaṃ, khamo gandhānaṃ, khamo rasānaṃ, khamo phoṭṭhabbānaṃ, khamo dhammānaṃ. Imehi kho , bhikkhave, chahi dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassā’’ti. Pañcamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥-༧. ཨཱཛཱནཱིཡསུཏྟཏྟཡཝཎྞནཱ • 5-7. Ājānīyasuttattayavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༢-༧. དུཏིཡཨཱཧུནེཡྻསུཏྟཱདིཝཎྞནཱ • 2-7. Dutiyaāhuneyyasuttādivaṇṇanā
