| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. батамааагаасасуд̇д̇ам̣
2. Paṭhamaākāsasuttaṃ
260. ‘‘сзяяат̇ааби, бхигкавз, аагаасз вивид̇хаа ваад̇аа вааяанд̇и. бурад̇т̇имааби ваад̇аа вааяанд̇и, бажчимааби ваад̇аа вааяанд̇и, уд̇д̇арааби ваад̇аа вааяанд̇и, д̣̇агкин̣ааби ваад̇аа вааяанд̇и, сараж̇ааби ваад̇аа вааяанд̇и, араж̇ааби ваад̇аа вааяанд̇и, сийд̇ааби ваад̇аа вааяанд̇и, ун̣хааби ваад̇аа вааяанд̇и, барид̇д̇ааби ваад̇аа вааяанд̇и, ад̇химад̇д̇ааби ваад̇аа вааяанд̇и. звамзва ко, бхигкавз, имасмим̣ гааяасмим̣ вивид̇хаа взд̣̇анаа уббаж̇ж̇анд̇и, сукааби взд̣̇анаа уббаж̇ж̇ад̇и, д̣̇угкааби взд̣̇анаа уббаж̇ж̇ад̇и, ад̣̇угкамасукааби взд̣̇анаа уббаж̇ж̇ад̇ий’’д̇и.
260. ‘‘Seyyathāpi, bhikkhave, ākāse vividhā vātā vāyanti. Puratthimāpi vātā vāyanti, pacchimāpi vātā vāyanti, uttarāpi vātā vāyanti, dakkhiṇāpi vātā vāyanti, sarajāpi vātā vāyanti, arajāpi vātā vāyanti, sītāpi vātā vāyanti, uṇhāpi vātā vāyanti, parittāpi vātā vāyanti, adhimattāpi vātā vāyanti. Evameva kho, bhikkhave, imasmiṃ kāyasmiṃ vividhā vedanā uppajjanti, sukhāpi vedanā uppajjati, dukkhāpi vedanā uppajjati, adukkhamasukhāpi vedanā uppajjatī’’ti.
‘‘яат̇ааби ваад̇аа аагаасз, вааяанд̇и вивид̇хаа бут̇уу;
‘‘Yathāpi vātā ākāse, vāyanti vividhā puthū;
бурад̇т̇имаа бажчимаа жааби, уд̇д̇араа ат̇а д̣̇агкин̣аа.
Puratthimā pacchimā cāpi, uttarā atha dakkhiṇā.
‘‘сараж̇аа араж̇аа жаби, сийд̇аа ун̣хаа жа згад̣̇аа;
‘‘Sarajā arajā capi, sītā uṇhā ca ekadā;
ад̇химад̇д̇аа барид̇д̇аа жа, бут̇уу вааяанд̇и маалуд̇аа.
Adhimattā parittā ca, puthū vāyanti mālutā.
‘‘д̇ат̇звимасмим̣ гааяасмим̣, самуббаж̇ж̇анд̇и взд̣̇анаа;
‘‘Tathevimasmiṃ kāyasmiṃ, samuppajjanti vedanā;
сукад̣̇угкасамуббад̇д̇и, ад̣̇угкамасукаа жа яаа.
Sukhadukkhasamuppatti, adukkhamasukhā ca yā.
‘‘яад̇о жа бхигку аад̇аабий, самбаж̇ан̃н̃ам̣ на рин̃жад̇и 1;
‘‘Yato ca bhikkhu ātāpī, sampajaññaṃ na riñcati 2;
д̇ад̇о со взд̣̇анаа саб̣б̣аа, бариж̇аанаад̇и бан̣д̣ид̇о.
Tato so vedanā sabbā, parijānāti paṇḍito.
‘‘со взд̣̇анаа барин̃н̃ааяа, д̣̇идтз д̇хаммз анаасаво;
‘‘So vedanā pariññāya, diṭṭhe dhamme anāsavo;
гааяасса бхзд̣̇аа д̇хаммадто, сан̇кяам̣ нобзд̇и взд̣̇аг̇уу’’д̇и. д̣̇уд̇ияам̣;
Kāyassa bhedā dhammaṭṭho, saṅkhyaṃ nopeti vedagū’’ti. dutiyaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-3. батамааагаасасуд̇д̇аад̣̇иван̣н̣анаа • 2-3. Paṭhamaākāsasuttādivaṇṇanā
