| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༥. པཋམཨཀྑནྟིསུཏྟཾ
5. Paṭhamaakkhantisuttaṃ
༢༡༥. ‘‘པཉྩིམེ, བྷིཀྑཝེ, ཨཱདཱིནཝཱ ཨཀྑནྟིཡཱ། ཀཏམེ པཉྩ? བཧུནོ ཛནསྶ ཨཔྤིཡོ ཧོཏི ཨམནཱཔོ, ཝེརབཧུལོ ཙ ཧོཏི, ཝཛྫབཧུལོ ཙ, སམྨཱུལ༹ྷོ ཀཱལཾ ཀརོཏི, ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏི། ཨིམེ ཁོ, བྷིཀྑཝེ, པཉྩ ཨཱདཱིནཝཱ ཨཀྑནྟིཡཱ།
215. ‘‘Pañcime, bhikkhave, ādīnavā akkhantiyā. Katame pañca? Bahuno janassa appiyo hoti amanāpo, verabahulo ca hoti, vajjabahulo ca, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā akkhantiyā.
‘‘པཉྩིམེ, བྷིཀྑཝེ, ཨཱནིསཾསཱ ཁནྟིཡཱ། ཀཏམེ པཉྩ? བཧུནོ ཛནསྶ པིཡོ ཧོཏི མནཱཔོ, ན ཝེརབཧུལོ ཧོཏི, ན ཝཛྫབཧུལོ, ཨསམྨཱུལ༹ྷོ ཀཱལཾ ཀརོཏི, ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫཏི། ཨིམེ ཁོ, བྷིཀྑཝེ, པཉྩ ཨཱནིསཾསཱ ཁནྟིཡཱ’’ཏི། པཉྩམཾ།
‘‘Pañcime, bhikkhave, ānisaṃsā khantiyā. Katame pañca? Bahuno janassa piyo hoti manāpo, na verabahulo hoti, na vajjabahulo, asammūḷho kālaṃ karoti, kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā khantiyā’’ti. Pañcamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥. པཋམཨཀྑནྟིསུཏྟཝཎྞནཱ • 5. Paṭhamaakkhantisuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༣-༡༠. སཱིལསུཏྟཱདིཝཎྞནཱ • 3-10. Sīlasuttādivaṇṇanā
