| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
7-8. பட²மஅனாக³தப⁴யஸுத்தாதி³வண்ணனா
7-8. Paṭhamaanāgatabhayasuttādivaṇṇanā
77-78. ஸத்தமே விஸேஸஸ்ஸ பத்தியா விஸேஸஸ்ஸ பாபுணனத்த²ங். வீரியந்தி பதா⁴னவீரியங். தங் பன சங்கமனவஸேன கரணே ‘‘காயிக’’ந்திபி வத்தப்³ப³தங் லப⁴தீதி ஆஹ – ‘‘து³வித⁴ம்பீ’’தி. ஸத்த²கவாதாதி ஸந்தி⁴ப³ந்த⁴னானி கத்தரியா சி²ந்த³ந்தா விய பவத்தவாதா. தேனாஹ – ‘‘ஸத்த²ங் வியா’’திஆதி³. கதகம்மேஹீதி கதசோரகம்மேஹி. தே கிர கதகம்மா யங் நேஸங் தே³வதங் ஆயாசித்வா கம்மங் நிப்ப²ன்னங், தஸ்ஸ உபகாரத்தா²ய மனுஸ்ஸே மாரெத்வா க³லலோஹிதானி க³ண்ஹந்தி. தே ‘‘அஞ்ஞேஸு மனுஸ்ஸேஸு மாரியமானேஸு கோலாஹலங் உப்பஜ்ஜிஸ்ஸதி, பப்³ப³ஜிதங் பரியேஸந்தோ நாம நத்தீ²’’தி மஞ்ஞமானா பி⁴க்கூ² க³ஹெத்வா மாரெந்தி. தங் ஸந்தா⁴யேதங் வுத்தங். அகதகம்மேஹீதி அடவிதோ கா³மங் ஆக³மனகாலே கம்மனிப்ப²த்தத்த²ங் புரேதரங் ப³லிகம்மங் காதுகாமேஹி. தேனேவாஹ – ‘‘சோரிகங் கத்வா நிக்க²ந்தா கதகம்மா நாமா’’திஆதி³. அட்ட²மே நத்தி² வத்தப்³ப³ங்.
77-78. Sattame visesassa pattiyā visesassa pāpuṇanatthaṃ. Vīriyanti padhānavīriyaṃ. Taṃ pana caṅkamanavasena karaṇe ‘‘kāyika’’ntipi vattabbataṃ labhatīti āha – ‘‘duvidhampī’’ti. Satthakavātāti sandhibandhanāni kattariyā chindantā viya pavattavātā. Tenāha – ‘‘satthaṃ viyā’’tiādi. Katakammehīti katacorakammehi. Te kira katakammā yaṃ nesaṃ devataṃ āyācitvā kammaṃ nipphannaṃ, tassa upakāratthāya manusse māretvā galalohitāni gaṇhanti. Te ‘‘aññesu manussesu māriyamānesu kolāhalaṃ uppajjissati, pabbajitaṃ pariyesanto nāma natthī’’ti maññamānā bhikkhū gahetvā mārenti. Taṃ sandhāyetaṃ vuttaṃ. Akatakammehīti aṭavito gāmaṃ āgamanakāle kammanipphattatthaṃ puretaraṃ balikammaṃ kātukāmehi. Tenevāha – ‘‘corikaṃ katvā nikkhantā katakammā nāmā’’tiādi. Aṭṭhame natthi vattabbaṃ.
பட²மஅனாக³தப⁴யஸுத்தாதி³வண்ணனா நிட்டி²தா.
Paṭhamaanāgatabhayasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
7. பட²மஅனாக³தப⁴யஸுத்தங் • 7. Paṭhamaanāgatabhayasuttaṃ
8. து³தியஅனாக³தப⁴யஸுத்தங் • 8. Dutiyaanāgatabhayasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
7. பட²மஅனாக³தப⁴யஸுத்தவண்ணனா • 7. Paṭhamaanāgatabhayasuttavaṇṇanā
8. து³தியஅனாக³தப⁴யஸுத்தவண்ணனா • 8. Dutiyaanāgatabhayasuttavaṇṇanā
