| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೭-೮. ಪಠಮಅನಾಗತಭಯಸುತ್ತಾದಿವಣ್ಣನಾ
7-8. Paṭhamaanāgatabhayasuttādivaṇṇanā
೭೭-೭೮. ಸತ್ತಮೇ ವಿಸೇಸಸ್ಸ ಪತ್ತಿಯಾ ವಿಸೇಸಸ್ಸ ಪಾಪುಣನತ್ಥಂ। ವೀರಿಯನ್ತಿ ಪಧಾನವೀರಿಯಂ। ತಂ ಪನ ಚಙ್ಕಮನವಸೇನ ಕರಣೇ ‘‘ಕಾಯಿಕ’’ನ್ತಿಪಿ ವತ್ತಬ್ಬತಂ ಲಭತೀತಿ ಆಹ – ‘‘ದುವಿಧಮ್ಪೀ’’ತಿ। ಸತ್ಥಕವಾತಾತಿ ಸನ್ಧಿಬನ್ಧನಾನಿ ಕತ್ತರಿಯಾ ಛಿನ್ದನ್ತಾ ವಿಯ ಪವತ್ತವಾತಾ। ತೇನಾಹ – ‘‘ಸತ್ಥಂ ವಿಯಾ’’ತಿಆದಿ। ಕತಕಮ್ಮೇಹೀತಿ ಕತಚೋರಕಮ್ಮೇಹಿ। ತೇ ಕಿರ ಕತಕಮ್ಮಾ ಯಂ ನೇಸಂ ದೇವತಂ ಆಯಾಚಿತ್ವಾ ಕಮ್ಮಂ ನಿಪ್ಫನ್ನಂ, ತಸ್ಸ ಉಪಕಾರತ್ಥಾಯ ಮನುಸ್ಸೇ ಮಾರೇತ್ವಾ ಗಲಲೋಹಿತಾನಿ ಗಣ್ಹನ್ತಿ। ತೇ ‘‘ಅಞ್ಞೇಸು ಮನುಸ್ಸೇಸು ಮಾರಿಯಮಾನೇಸು ಕೋಲಾಹಲಂ ಉಪ್ಪಜ್ಜಿಸ್ಸತಿ, ಪಬ್ಬಜಿತಂ ಪರಿಯೇಸನ್ತೋ ನಾಮ ನತ್ಥೀ’’ತಿ ಮಞ್ಞಮಾನಾ ಭಿಕ್ಖೂ ಗಹೇತ್ವಾ ಮಾರೇನ್ತಿ। ತಂ ಸನ್ಧಾಯೇತಂ ವುತ್ತಂ। ಅಕತಕಮ್ಮೇಹೀತಿ ಅಟವಿತೋ ಗಾಮಂ ಆಗಮನಕಾಲೇ ಕಮ್ಮನಿಪ್ಫತ್ತತ್ಥಂ ಪುರೇತರಂ ಬಲಿಕಮ್ಮಂ ಕಾತುಕಾಮೇಹಿ। ತೇನೇವಾಹ – ‘‘ಚೋರಿಕಂ ಕತ್ವಾ ನಿಕ್ಖನ್ತಾ ಕತಕಮ್ಮಾ ನಾಮಾ’’ತಿಆದಿ। ಅಟ್ಠಮೇ ನತ್ಥಿ ವತ್ತಬ್ಬಂ।
77-78. Sattame visesassa pattiyā visesassa pāpuṇanatthaṃ. Vīriyanti padhānavīriyaṃ. Taṃ pana caṅkamanavasena karaṇe ‘‘kāyika’’ntipi vattabbataṃ labhatīti āha – ‘‘duvidhampī’’ti. Satthakavātāti sandhibandhanāni kattariyā chindantā viya pavattavātā. Tenāha – ‘‘satthaṃ viyā’’tiādi. Katakammehīti katacorakammehi. Te kira katakammā yaṃ nesaṃ devataṃ āyācitvā kammaṃ nipphannaṃ, tassa upakāratthāya manusse māretvā galalohitāni gaṇhanti. Te ‘‘aññesu manussesu māriyamānesu kolāhalaṃ uppajjissati, pabbajitaṃ pariyesanto nāma natthī’’ti maññamānā bhikkhū gahetvā mārenti. Taṃ sandhāyetaṃ vuttaṃ. Akatakammehīti aṭavito gāmaṃ āgamanakāle kammanipphattatthaṃ puretaraṃ balikammaṃ kātukāmehi. Tenevāha – ‘‘corikaṃ katvā nikkhantā katakammā nāmā’’tiādi. Aṭṭhame natthi vattabbaṃ.
ಪಠಮಅನಾಗತಭಯಸುತ್ತಾದಿವಣ್ಣನಾ ನಿಟ್ಠಿತಾ।
Paṭhamaanāgatabhayasuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೭. ಪಠಮಅನಾಗತಭಯಸುತ್ತಂ • 7. Paṭhamaanāgatabhayasuttaṃ
೮. ದುತಿಯಅನಾಗತಭಯಸುತ್ತಂ • 8. Dutiyaanāgatabhayasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೭. ಪಠಮಅನಾಗತಭಯಸುತ್ತವಣ್ಣನಾ • 7. Paṭhamaanāgatabhayasuttavaṇṇanā
೮. ದುತಿಯಅನಾಗತಭಯಸುತ್ತವಣ್ಣನಾ • 8. Dutiyaanāgatabhayasuttavaṇṇanā
