| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༧. པཋམཨནཱགཏབྷཡསུཏྟཝཎྞནཱ
7. Paṭhamaanāgatabhayasuttavaṇṇanā
༧༧. སཏྟམེ ཨཱརཉྙཀེནཱཏི ཨརཉྙཝཱསིནཱ། ཨཔྤཏྟསྶཱཏི ཨསམྤཏྟསྶ ཛྷཱནཝིཔསྶནཱམགྒཕལཔྤབྷེདསྶ ཝིསེསསྶ པཏྟིཡཱ། སེསཔདེསུཔི ཨེསེཝ ནཡོ། སོ མམསྶ ཨནྟརཱཡོཏི སོ མམ ཛཱིཝིཏནྟརཱཡོ ཙ བྲཧྨཙརིཡནྟརཱཡོ ཙ, པུཐུཛྫནཀཱལཀིརིཡཾ ཀརོནྟསྶ སགྒནྟརཱཡོ ཙ མགྒནྟརཱཡོ ཙ བྷཝེཡྻ། ཧནྡཱཏི ཝཝསྶགྒཏྠེ ནིཔཱཏོ། ཝཱིརིཡཾ ཨཱརབྷཱམཱིཏི དུཝིདྷམྤི ཝཱིརིཡཾ ཀརོམི། སཏྠཀཱཏི སཏྠཾ ཝིཡ སནྡྷིབནྡྷནཙྪེདཀཝཱཏཱ། ཝཱལེ༹ཧཱིཏི ཀཀྑལེ༹ཧི། མཱཎཝེཧཱིཏི ཙོརེཧི། ཀཏཀམྨེཧི ཝཱ ཨཀཏཀམྨེཧི ཝཱཏི ཨེཏྠ ཙོརིཀཾ ཀཏྭཱ ནིཀྑནྟཱ ཀཏཀམྨཱ ནཱམ, ཙོརིཀཾ ཀཱཏུཾ གཙྪནྟཱ ཨཀཏཀམྨཱ ནཱམ། ཏཏྠ ཀཏཀམྨཱ ཀམྨསྶ ནིཔྥནྣཏྟཱ སཏྟཱནཾ གལལོཧིཏཾ གཧེཏྭཱ དེཝཏཱནཾ བལིཾ ཀརོནྟི, ཨཀཏཀམྨཱ ‘‘ཨེཝཾ ནོ ཀམྨཾ ནིཔྥཛྫིསྶཏཱི’’ཏི པཋམཏརཾ ཀརོནྟི། ཨིདཾ སནྡྷཱཡ ཏེ མཾ ཛཱིཝིཏཱ ཝོརོཔེཡྻུནྟི ཝུཏྟཾ། ཝཱལཱ༹ ཨམནུསྶཱཏི ཀཀྑལཱ༹ དུཊྛཱ ཡཀྑཱདཡོ ཨམནུསྶཱ།
77. Sattame āraññakenāti araññavāsinā. Appattassāti asampattassa jhānavipassanāmaggaphalappabhedassa visesassa pattiyā. Sesapadesupi eseva nayo. So mamassa antarāyoti so mama jīvitantarāyo ca brahmacariyantarāyo ca, puthujjanakālakiriyaṃ karontassa saggantarāyo ca maggantarāyo ca bhaveyya. Handāti vavassaggatthe nipāto. Vīriyaṃ ārabhāmīti duvidhampi vīriyaṃ karomi. Satthakāti satthaṃ viya sandhibandhanacchedakavātā. Vāḷehīti kakkhaḷehi. Māṇavehīti corehi. Katakammehi vā akatakammehi vāti ettha corikaṃ katvā nikkhantā katakammā nāma, corikaṃ kātuṃ gacchantā akatakammā nāma. Tattha katakammā kammassa nipphannattā sattānaṃ galalohitaṃ gahetvā devatānaṃ baliṃ karonti, akatakammā ‘‘evaṃ no kammaṃ nipphajjissatī’’ti paṭhamataraṃ karonti. Idaṃ sandhāya te maṃ jīvitā voropeyyunti vuttaṃ. Vāḷā amanussāti kakkhaḷā duṭṭhā yakkhādayo amanussā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༧. པཋམཨནཱགཏབྷཡསུཏྟཾ • 7. Paṭhamaanāgatabhayasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༧-༨. པཋམཨནཱགཏབྷཡསུཏྟཱདིཝཎྞནཱ • 7-8. Paṭhamaanāgatabhayasuttādivaṇṇanā
