| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਪਠਮਅਨਾਗਤਭਯਸੁਤ੍ਤવਣ੍ਣਨਾ
7. Paṭhamaanāgatabhayasuttavaṇṇanā
੭੭. ਸਤ੍ਤਮੇ ਆਰਞ੍ਞਕੇਨਾਤਿ ਅਰਞ੍ਞવਾਸਿਨਾ। ਅਪ੍ਪਤ੍ਤਸ੍ਸਾਤਿ ਅਸਮ੍ਪਤ੍ਤਸ੍ਸ ਝਾਨવਿਪਸ੍ਸਨਾਮਗ੍ਗਫਲਪ੍ਪਭੇਦਸ੍ਸ વਿਸੇਸਸ੍ਸ ਪਤ੍ਤਿਯਾ। ਸੇਸਪਦੇਸੁਪਿ ਏਸੇવ ਨਯੋ। ਸੋ ਮਮਸ੍ਸ ਅਨ੍ਤਰਾਯੋਤਿ ਸੋ ਮਮ ਜੀવਿਤਨ੍ਤਰਾਯੋ ਚ ਬ੍ਰਹ੍ਮਚਰਿਯਨ੍ਤਰਾਯੋ ਚ, ਪੁਥੁਜ੍ਜਨਕਾਲਕਿਰਿਯਂ ਕਰੋਨ੍ਤਸ੍ਸ ਸਗ੍ਗਨ੍ਤਰਾਯੋ ਚ ਮਗ੍ਗਨ੍ਤਰਾਯੋ ਚ ਭવੇਯ੍ਯ। ਹਨ੍ਦਾਤਿ વવਸ੍ਸਗ੍ਗਤ੍ਥੇ ਨਿਪਾਤੋ। વੀਰਿਯਂ ਆਰਭਾਮੀਤਿ ਦੁવਿਧਮ੍ਪਿ વੀਰਿਯਂ ਕਰੋਮਿ। ਸਤ੍ਥਕਾਤਿ ਸਤ੍ਥਂ વਿਯ ਸਨ੍ਧਿਬਨ੍ਧਨਚ੍ਛੇਦਕવਾਤਾ। વਾਲ਼ੇਹੀਤਿ ਕਕ੍ਖਲ਼ੇਹਿ। ਮਾਣવੇਹੀਤਿ ਚੋਰੇਹਿ। ਕਤਕਮ੍ਮੇਹਿ વਾ ਅਕਤਕਮ੍ਮੇਹਿ વਾਤਿ ਏਤ੍ਥ ਚੋਰਿਕਂ ਕਤ੍વਾ ਨਿਕ੍ਖਨ੍ਤਾ ਕਤਕਮ੍ਮਾ ਨਾਮ, ਚੋਰਿਕਂ ਕਾਤੁਂ ਗਚ੍ਛਨ੍ਤਾ ਅਕਤਕਮ੍ਮਾ ਨਾਮ। ਤਤ੍ਥ ਕਤਕਮ੍ਮਾ ਕਮ੍ਮਸ੍ਸ ਨਿਪ੍ਫਨ੍ਨਤ੍ਤਾ ਸਤ੍ਤਾਨਂ ਗਲਲੋਹਿਤਂ ਗਹੇਤ੍વਾ ਦੇવਤਾਨਂ ਬਲਿਂ ਕਰੋਨ੍ਤਿ, ਅਕਤਕਮ੍ਮਾ ‘‘ਏવਂ ਨੋ ਕਮ੍ਮਂ ਨਿਪ੍ਫਜ੍ਜਿਸ੍ਸਤੀ’’ਤਿ ਪਠਮਤਰਂ ਕਰੋਨ੍ਤਿ। ਇਦਂ ਸਨ੍ਧਾਯ ਤੇ ਮਂ ਜੀવਿਤਾ વੋਰੋਪੇਯ੍ਯੁਨ੍ਤਿ વੁਤ੍ਤਂ। વਾਲ਼ਾ ਅਮਨੁਸ੍ਸਾਤਿ ਕਕ੍ਖਲ਼ਾ ਦੁਟ੍ਠਾ ਯਕ੍ਖਾਦਯੋ ਅਮਨੁਸ੍ਸਾ।
77. Sattame āraññakenāti araññavāsinā. Appattassāti asampattassa jhānavipassanāmaggaphalappabhedassa visesassa pattiyā. Sesapadesupi eseva nayo. So mamassa antarāyoti so mama jīvitantarāyo ca brahmacariyantarāyo ca, puthujjanakālakiriyaṃ karontassa saggantarāyo ca maggantarāyo ca bhaveyya. Handāti vavassaggatthe nipāto. Vīriyaṃ ārabhāmīti duvidhampi vīriyaṃ karomi. Satthakāti satthaṃ viya sandhibandhanacchedakavātā. Vāḷehīti kakkhaḷehi. Māṇavehīti corehi. Katakammehi vā akatakammehi vāti ettha corikaṃ katvā nikkhantā katakammā nāma, corikaṃ kātuṃ gacchantā akatakammā nāma. Tattha katakammā kammassa nipphannattā sattānaṃ galalohitaṃ gahetvā devatānaṃ baliṃ karonti, akatakammā ‘‘evaṃ no kammaṃ nipphajjissatī’’ti paṭhamataraṃ karonti. Idaṃ sandhāya te maṃ jīvitā voropeyyunti vuttaṃ. Vāḷā amanussāti kakkhaḷā duṭṭhā yakkhādayo amanussā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਪਠਮਅਨਾਗਤਭਯਸੁਤ੍ਤਂ • 7. Paṭhamaanāgatabhayasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੮. ਪਠਮਅਨਾਗਤਭਯਸੁਤ੍ਤਾਦਿવਣ੍ਣਨਾ • 7-8. Paṭhamaanāgatabhayasuttādivaṇṇanā
