| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৩-১০. পঠমআনন্দসুত্তাদিৰণ্ণনা
3-10. Paṭhamaānandasuttādivaṇṇanā
৯৮৯-৯৯৬. অনিচ্চাদিৰসেনাতি অনিচ্চদুক্খানত্তৰসেন। পৰিচিনতি পকারেহি ৰিচিনতি। নিক্কিলেসাতি অপগতকিলেসা ৰিক্খম্ভিতকিলেসা। পীতিসম্বোজ্ঝঙ্গো, পস্সদ্ধিসম্বোজ্ঝঙ্গোতি পাঠো।
989-996.Aniccādivasenāti aniccadukkhānattavasena. Pavicinati pakārehi vicinati. Nikkilesāti apagatakilesā vikkhambhitakilesā. Pītisambojjhaṅgo, passaddhisambojjhaṅgoti pāṭho.
যায অনোসক্কনং অনতিৰত্তনঞ্চ হোতি, অযং তত্রমজ্ঝত্তুপেক্খা মজ্ঝত্তাকারোতি ৰুত্তা। একচিত্তক্খণিকাতি একচিত্তুপ্পাদপরিযাপন্নত্তা।
Yāya anosakkanaṃ anativattanañca hoti, ayaṃ tatramajjhattupekkhā majjhattākāroti vuttā. Ekacittakkhaṇikāti ekacittuppādapariyāpannattā.
চত্তুন্নং চতুক্কানং ৰসেন সোল়সক্খত্তুকা। আনাপানসন্নিস্সযেন পৰত্তত্তা আরম্মণৰসেন পৰত্তা আনাপানারম্মণাপি অপরভাগে সতি আনাপানস্সতীতি পরিযাযেন ৰত্তব্বতং অরহতীতি ‘‘আনাপানস্সতি মিস্সকা কথিতা’’তি ৰুত্তং। আনাপানমূলকাতি আনাপানসন্নিস্সযেন পৰত্তা সতিপট্ঠানা। তেসং মূলভূতাতি তেসং সতিপট্ঠানানং মূলকারণভূতা। বোজ্ঝঙ্গমূলকাতি বোজ্ঝঙ্গপচ্চযভূতা। তেপি বোজ্ঝঙ্গাতি এতে ৰীসতি সতিপট্ঠানহেতুকা বোজ্ঝঙ্গা। ৰিজ্জাৰিমুত্তিপূরকাতি ততিযৰিজ্জায তস্স ফলস্স চ পরিপূরণৰসেন পৰত্তা বোজ্ঝঙ্গা। ফলসম্পযুত্তাতি চতুত্থফলসম্পযুত্তা, চতুব্বিধফলসম্পযুত্তা ৰা।
Cattunnaṃ catukkānaṃ vasena soḷasakkhattukā. Ānāpānasannissayena pavattattā ārammaṇavasena pavattā ānāpānārammaṇāpi aparabhāge sati ānāpānassatīti pariyāyena vattabbataṃ arahatīti ‘‘ānāpānassati missakā kathitā’’ti vuttaṃ. Ānāpānamūlakāti ānāpānasannissayena pavattā satipaṭṭhānā. Tesaṃ mūlabhūtāti tesaṃ satipaṭṭhānānaṃ mūlakāraṇabhūtā. Bojjhaṅgamūlakāti bojjhaṅgapaccayabhūtā. Tepi bojjhaṅgāti ete vīsati satipaṭṭhānahetukā bojjhaṅgā. Vijjāvimuttipūrakāti tatiyavijjāya tassa phalassa ca paripūraṇavasena pavattā bojjhaṅgā. Phalasampayuttāti catutthaphalasampayuttā, catubbidhaphalasampayuttā vā.
দুতিযৰগ্গৰণ্ণনা নিট্ঠিতা।
Dutiyavaggavaṇṇanā niṭṭhitā.
আনাপানসংযুত্তৰণ্ণনা নিট্ঠিতা।
Ānāpānasaṃyuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
৩. পঠমআনন্দসুত্তং • 3. Paṭhamaānandasuttaṃ
৪. দুতিযআনন্দসুত্তং • 4. Dutiyaānandasuttaṃ
৫. পঠমভিক্খুসুত্তং • 5. Paṭhamabhikkhusuttaṃ
৬. দুতিযভিক্খুসুত্তং • 6. Dutiyabhikkhusuttaṃ
৭. সংযোজনপ্পহানসুত্তং • 7. Saṃyojanappahānasuttaṃ
৮. অনুসযসমুগ্ঘাতসুত্তং • 8. Anusayasamugghātasuttaṃ
৯. অদ্ধানপরিঞ্ঞাসুত্তং • 9. Addhānapariññāsuttaṃ
১০. আসৰক্খযসুত্তং • 10. Āsavakkhayasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩-১০. পঠমআনন্দসুত্তাদিৰণ্ণনা • 3-10. Paṭhamaānandasuttādivaṇṇanā
