| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3-10. батамааананд̣̇асуд̇д̇аад̣̇иван̣н̣анаа
3-10. Paṭhamaānandasuttādivaṇṇanā
989-996. д̇ад̇ияз бавижинад̇ийд̇и анижжаад̣̇ивасзна бавижинад̇и. ид̇арам̣ бад̣̇ад̣̇ваяам̣ зд̇ассзва взважанам̣. нираамисаад̇и ниггилзсаа гааяигажзд̇асигад̣̇арат̇абадибассад̣̇д̇хияаа гааяоби жид̇д̇амби бассамбхад̇и. самаад̇хияад̇ийд̇и саммаа табияад̇и, аббанаажид̇д̇ам̣ вияа ход̇и. аж̇жхубзгкид̇аа ход̇ийд̇и сахаж̇аад̇ааж̇жхубзгканааяа аж̇жхубзгкид̇аа ход̇и.
989-996. Tatiye pavicinatīti aniccādivasena pavicinati. Itaraṃ padadvayaṃ etasseva vevacanaṃ. Nirāmisāti nikkilesā kāyikacetasikadarathapaṭipassaddhiyā kāyopi cittampi passambhati. Samādhiyatīti sammā ṭhapiyati, appanācittaṃ viya hoti. Ajjhupekkhitā hotīti sahajātaajjhupekkhanāya ajjhupekkhitā hoti.
звам̣ жуд̣̇д̣̇асавид̇хзна гааяабариг̇г̇аахагасса бхигкуно д̇асмим̣ гааяз сад̇и сад̇исамб̣ож̇жхан̇г̇о, д̇ааяа сад̇ияаа самбаяуд̇д̇ан̃аан̣ам̣ д̇хаммавижаяасамб̣ож̇жхан̇г̇о, д̇ам̣самбаяуд̇д̇амзва гааяигажзд̇асигавийрияам̣ вийрияасамб̣ож̇жхан̇г̇о, бийд̇ибассад̣̇д̇хижид̇д̇згаг̇г̇ад̇аа бийд̇ибассад̣̇д̇хисамаад̇хисамб̣ож̇жхан̇г̇аа, имзсам̣ чаннам̣ б̣ож̇жхан̇г̇аанам̣ аносагганаанад̇ивад̇д̇анасан̇каад̇о маж̇жхад̇д̇аагааро убзгкаасамб̣ож̇жхан̇г̇о. яат̇зва хи самаббавад̇д̇зсу ассзсу саарат̇ино ‘‘аяам̣ олийяад̇ий’’д̇и д̇уд̣̇анам̣ ваа, ‘‘аяам̣ ад̇ид̇хаавад̇ий’’д̇и аагад̣дханам̣ ваа над̇т̇и, гзвалам̣ звам̣ бассамаанасса тид̇аагаарова ход̇и, звамзва имзсам̣ чаннам̣ б̣ож̇жхан̇г̇аанам̣ аносагганаанад̇ивад̇д̇анасан̇каад̇о маж̇жхад̇д̇аагааро убзгкаасамб̣ож̇жхан̇г̇о наама ход̇и. зд̇д̇аавад̇аа гим̣ гат̇ид̇ам̣? згажид̇д̇агкан̣игаа наанаасарасалагкан̣аа вибассанааб̣ож̇жхан̇г̇аа наама гат̇ид̇аа.
Evaṃ cuddasavidhena kāyapariggāhakassa bhikkhuno tasmiṃ kāye sati satisambojjhaṅgo, tāya satiyā sampayuttañāṇaṃ dhammavicayasambojjhaṅgo, taṃsampayuttameva kāyikacetasikavīriyaṃ vīriyasambojjhaṅgo, pītipassaddhicittekaggatā pītipassaddhisamādhisambojjhaṅgā, imesaṃ channaṃ bojjhaṅgānaṃ anosakkanaanativattanasaṅkhāto majjhattākāro upekkhāsambojjhaṅgo. Yatheva hi samappavattesu assesu sārathino ‘‘ayaṃ olīyatī’’ti tudanaṃ vā, ‘‘ayaṃ atidhāvatī’’ti ākaḍḍhanaṃ vā natthi, kevalaṃ evaṃ passamānassa ṭhitākārova hoti, evameva imesaṃ channaṃ bojjhaṅgānaṃ anosakkanaanativattanasaṅkhāto majjhattākāro upekkhāsambojjhaṅgo nāma hoti. Ettāvatā kiṃ kathitaṃ? Ekacittakkhaṇikā nānāsarasalakkhaṇā vipassanābojjhaṅgā nāma kathitā.
вивзганиссид̇анд̇иаад̣̇ийни вуд̇д̇ад̇т̇аанзва. зд̇т̇а бана сол̣асагкад̇д̇угаа аанаабаанассад̇и миссагаа гат̇ид̇аа, аанаабаанамуулагаа сад̇ибадтаанаа буб̣б̣абхааг̇аа , д̇зсам̣ муулабхууд̇аа аанаабаанассад̇и буб̣б̣абхааг̇аа. б̣ож̇жхан̇г̇амуулагаа сад̇ибадтаанаа буб̣б̣абхааг̇аа, д̇зби б̣ож̇жхан̇г̇аа буб̣б̣абхааг̇аава. виж̇ж̇аавимуд̇д̇ибуурагаа бана б̣ож̇жхан̇г̇аа ниб̣б̣ад̇д̇ид̇алогуд̇д̇араа, виж̇ж̇аавимуд̇д̇ияо арияапаласамбаяуд̇д̇аа. виж̇ж̇аа ваа жад̇уд̇т̇амаг̇г̇асамбаяуд̇д̇аа, вимуд̇д̇и паласамбаяуд̇д̇аад̇и. жад̇уд̇т̇абан̃жамачадтааниби иминаава самаанабарижчзд̣̇аани. сзсам̣ саб̣б̣ад̇т̇а уд̇д̇аанамзваад̇и.
Vivekanissitantiādīni vuttatthāneva. Ettha pana soḷasakkhattukā ānāpānassati missakā kathitā, ānāpānamūlakā satipaṭṭhānā pubbabhāgā , tesaṃ mūlabhūtā ānāpānassati pubbabhāgā. Bojjhaṅgamūlakā satipaṭṭhānā pubbabhāgā, tepi bojjhaṅgā pubbabhāgāva. Vijjāvimuttipūrakā pana bojjhaṅgā nibbattitalokuttarā, vijjāvimuttiyo ariyaphalasampayuttā. Vijjā vā catutthamaggasampayuttā, vimutti phalasampayuttāti. Catutthapañcamachaṭṭhānipi imināva samānaparicchedāni. Sesaṃ sabbattha uttānamevāti.
аанаабаанасам̣яуд̇д̇аван̣н̣анаа нидтид̇аа.
Ānāpānasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
3. батамааананд̣̇асуд̇д̇ам̣ • 3. Paṭhamaānandasuttaṃ
4. д̣̇уд̇ияааананд̣̇асуд̇д̇ам̣ • 4. Dutiyaānandasuttaṃ
5. батамабхигкусуд̇д̇ам̣ • 5. Paṭhamabhikkhusuttaṃ
6. д̣̇уд̇ияабхигкусуд̇д̇ам̣ • 6. Dutiyabhikkhusuttaṃ
7. сам̣яож̇анаббахаанасуд̇д̇ам̣ • 7. Saṃyojanappahānasuttaṃ
8. анусаяасамуг̇гхаад̇асуд̇д̇ам̣ • 8. Anusayasamugghātasuttaṃ
9. ад̣̇д̇хаанабарин̃н̃аасуд̇д̇ам̣ • 9. Addhānapariññāsuttaṃ
10. аасавагкаяасуд̇д̇ам̣ • 10. Āsavakkhayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-10. батамааананд̣̇асуд̇д̇аад̣̇иван̣н̣анаа • 3-10. Paṭhamaānandasuttādivaṇṇanā
