| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៣-១០. បឋមអានន្ទសុត្តាទិវណ្ណនា
3-10. Paṭhamaānandasuttādivaṇṇanā
៩៨៩-៩៩៦. អនិច្ចាទិវសេនាតិ អនិច្ចទុក្ខានត្តវសេន។ បវិចិនតិ បការេហិ វិចិនតិ។ និក្កិលេសាតិ អបគតកិលេសា វិក្ខម្ភិតកិលេសា។ បីតិសម្ពោជ្ឈង្គោ, បស្សទ្ធិសម្ពោជ្ឈង្គោតិ បាឋោ។
989-996.Aniccādivasenāti aniccadukkhānattavasena. Pavicinati pakārehi vicinati. Nikkilesāti apagatakilesā vikkhambhitakilesā. Pītisambojjhaṅgo, passaddhisambojjhaṅgoti pāṭho.
យាយ អនោសក្កនំ អនតិវត្តនញ្ច ហោតិ, អយំ តត្រមជ្ឈត្តុបេក្ខា មជ្ឈត្តាការោតិ វុត្តា។ ឯកចិត្តក្ខណិកាតិ ឯកចិត្តុប្បាទបរិយាបន្នត្តា។
Yāya anosakkanaṃ anativattanañca hoti, ayaṃ tatramajjhattupekkhā majjhattākāroti vuttā. Ekacittakkhaṇikāti ekacittuppādapariyāpannattā.
ចត្តុន្នំ ចតុក្កានំ វសេន សោឡសក្ខត្តុកា។ អានាបានសន្និស្សយេន បវត្តត្តា អារម្មណវសេន បវត្តា អានាបានារម្មណាបិ អបរភាគេ សតិ អានាបានស្សតីតិ បរិយាយេន វត្តព្ពតំ អរហតីតិ ‘‘អានាបានស្សតិ មិស្សកា កថិតា’’តិ វុត្តំ។ អានាបានមូលកាតិ អានាបានសន្និស្សយេន បវត្តា សតិបដ្ឋានា។ តេសំ មូលភូតាតិ តេសំ សតិបដ្ឋានានំ មូលការណភូតា។ ពោជ្ឈង្គមូលកាតិ ពោជ្ឈង្គបច្ចយភូតា។ តេបិ ពោជ្ឈង្គាតិ ឯតេ វីសតិ សតិបដ្ឋានហេតុកា ពោជ្ឈង្គា។ វិជ្ជាវិមុត្តិបូរកាតិ តតិយវិជ្ជាយ តស្ស ផលស្ស ច បរិបូរណវសេន បវត្តា ពោជ្ឈង្គា។ ផលសម្បយុត្តាតិ ចតុត្ថផលសម្បយុត្តា, ចតុព្ពិធផលសម្បយុត្តា វា។
Cattunnaṃ catukkānaṃ vasena soḷasakkhattukā. Ānāpānasannissayena pavattattā ārammaṇavasena pavattā ānāpānārammaṇāpi aparabhāge sati ānāpānassatīti pariyāyena vattabbataṃ arahatīti ‘‘ānāpānassati missakā kathitā’’ti vuttaṃ. Ānāpānamūlakāti ānāpānasannissayena pavattā satipaṭṭhānā. Tesaṃ mūlabhūtāti tesaṃ satipaṭṭhānānaṃ mūlakāraṇabhūtā. Bojjhaṅgamūlakāti bojjhaṅgapaccayabhūtā. Tepi bojjhaṅgāti ete vīsati satipaṭṭhānahetukā bojjhaṅgā. Vijjāvimuttipūrakāti tatiyavijjāya tassa phalassa ca paripūraṇavasena pavattā bojjhaṅgā. Phalasampayuttāti catutthaphalasampayuttā, catubbidhaphalasampayuttā vā.
ទុតិយវគ្គវណ្ណនា និដ្ឋិតា។
Dutiyavaggavaṇṇanā niṭṭhitā.
អានាបានសំយុត្តវណ្ណនា និដ្ឋិតា។
Ānāpānasaṃyuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
៣. បឋមអានន្ទសុត្តំ • 3. Paṭhamaānandasuttaṃ
៤. ទុតិយអានន្ទសុត្តំ • 4. Dutiyaānandasuttaṃ
៥. បឋមភិក្ខុសុត្តំ • 5. Paṭhamabhikkhusuttaṃ
៦. ទុតិយភិក្ខុសុត្តំ • 6. Dutiyabhikkhusuttaṃ
៧. សំយោជនប្បហានសុត្តំ • 7. Saṃyojanappahānasuttaṃ
៨. អនុសយសមុគ្ឃាតសុត្តំ • 8. Anusayasamugghātasuttaṃ
៩. អទ្ធានបរិញ្ញាសុត្តំ • 9. Addhānapariññāsuttaṃ
១០. អាសវក្ខយសុត្តំ • 10. Āsavakkhayasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៣-១០. បឋមអានន្ទសុត្តាទិវណ្ណនា • 3-10. Paṭhamaānandasuttādivaṇṇanā
