| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
3-10. පඨමආනන්‌දසුත්‌තාදිවණ්‌ණනා
3-10. Paṭhamaānandasuttādivaṇṇanā
989-996. අනිච්‌චාදිවසෙනාති අනිච්‌චදුක්‌ඛානත්‌තවසෙන. පවිචිනති පකාරෙහි විචිනති. නික්‌කිලෙසාති අපගතකිලෙසා වික්‌ඛම්‌භිතකිලෙසා. පීතිසම්‌බොජ්‌ඣඞ්‌ගො, පස්‌සද්‌ධිසම්‌බොජ්‌ඣඞ්‌ගොති පාඨො.
989-996.Aniccādivasenāti aniccadukkhānattavasena. Pavicinati pakārehi vicinati. Nikkilesāti apagatakilesā vikkhambhitakilesā. Pītisambojjhaṅgo, passaddhisambojjhaṅgoti pāṭho.
යාය අනොසක්‌කනං අනතිවත්‌තනඤ්‌ච හොති, අයං තත්‍රමජ්‌ඣත්‌තුපෙක්‌ඛා මජ්‌ඣත්‌තාකාරොති වුත්‌තා. එකචිත්‌තක්‌ඛණිකාති එකචිත්‌තුප්‌පාදපරියාපන්‌නත්‌තා.
Yāya anosakkanaṃ anativattanañca hoti, ayaṃ tatramajjhattupekkhā majjhattākāroti vuttā. Ekacittakkhaṇikāti ekacittuppādapariyāpannattā.
චත්‌තුන්‌නං චතුක්‌කානං වසෙන සොළසක්‌ඛත්‌තුකා. ආනාපානසන්‌නිස්‌සයෙන පවත්‌තත්‌තා ආරම්‌මණවසෙන පවත්‌තා ආනාපානාරම්‌මණාපි අපරභාගෙ සති ආනාපානස්‌සතීති පරියායෙන වත්‌තබ්‌බතං අරහතීති ‘‘ආනාපානස්‌සති මිස්‌සකා කථිතා’’ති වුත්‌තං. ආනාපානමූලකාති ආනාපානසන්‌නිස්‌සයෙන පවත්‌තා සතිපට්‌ඨානා. තෙසං මූලභූතාති තෙසං සතිපට්‌ඨානානං මූලකාරණභූතා. බොජ්‌ඣඞ්‌ගමූලකාති බොජ්‌ඣඞ්‌ගපච්‌චයභූතා. තෙපි බොජ්‌ඣඞ්‌ගාති එතෙ වීසති සතිපට්‌ඨානහෙතුකා බොජ්‌ඣඞ්‌ගා. විජ්‌ජාවිමුත්‌තිපූරකාති තතියවිජ්‌ජාය තස්‌ස ඵලස්‌ස ච පරිපූරණවසෙන පවත්‌තා බොජ්‌ඣඞ්‌ගා. ඵලසම්‌පයුත්‌තාති චතුත්‌ථඵලසම්‌පයුත්‌තා, චතුබ්‌බිධඵලසම්‌පයුත්‌තා වා.
Cattunnaṃ catukkānaṃ vasena soḷasakkhattukā. Ānāpānasannissayena pavattattā ārammaṇavasena pavattā ānāpānārammaṇāpi aparabhāge sati ānāpānassatīti pariyāyena vattabbataṃ arahatīti ‘‘ānāpānassati missakā kathitā’’ti vuttaṃ. Ānāpānamūlakāti ānāpānasannissayena pavattā satipaṭṭhānā. Tesaṃ mūlabhūtāti tesaṃ satipaṭṭhānānaṃ mūlakāraṇabhūtā. Bojjhaṅgamūlakāti bojjhaṅgapaccayabhūtā. Tepi bojjhaṅgāti ete vīsati satipaṭṭhānahetukā bojjhaṅgā. Vijjāvimuttipūrakāti tatiyavijjāya tassa phalassa ca paripūraṇavasena pavattā bojjhaṅgā. Phalasampayuttāti catutthaphalasampayuttā, catubbidhaphalasampayuttā vā.
දුතියවග්‌ගවණ්‌ණනා නිට්‌ඨිතා.
Dutiyavaggavaṇṇanā niṭṭhitā.
ආනාපානසංයුත්‌තවණ්‌ණනා නිට්‌ඨිතා.
Ānāpānasaṃyuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
3. පඨමආනන්‌දසුත්‌තං • 3. Paṭhamaānandasuttaṃ
4. දුතියආනන්‌දසුත්‌තං • 4. Dutiyaānandasuttaṃ
5. පඨමභික්‌ඛුසුත්‌තං • 5. Paṭhamabhikkhusuttaṃ
6. දුතියභික්‌ඛුසුත්‌තං • 6. Dutiyabhikkhusuttaṃ
7. සංයොජනප්‌පහානසුත්‌තං • 7. Saṃyojanappahānasuttaṃ
8. අනුසයසමුග්‌ඝාතසුත්‌තං • 8. Anusayasamugghātasuttaṃ
9. අද්‌ධානපරිඤ්‌ඤාසුත්‌තං • 9. Addhānapariññāsuttaṃ
10. ආසවක්‌ඛයසුත්‌තං • 10. Āsavakkhayasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3-10. පඨමආනන්‌දසුත්‌තාදිවණ්‌ණනා • 3-10. Paṭhamaānandasuttādivaṇṇanā
