| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༣-༡༠. པཋམཨཱནནྡསུཏྟཱདིཝཎྞནཱ
3-10. Paṭhamaānandasuttādivaṇṇanā
༩༨༩-༩༩༦. ཏཏིཡེ པཝིཙིནཏཱིཏི ཨནིཙྩཱདིཝསེན པཝིཙིནཏི། ཨིཏརཾ པདདྭཡཾ ཨེཏསྶེཝ ཝེཝཙནཾ། ནིརཱམིསཱཏི ནིཀྐིལེསཱ ཀཱཡིཀཙེཏསིཀདརཐཔཊིཔསྶདྡྷིཡཱ ཀཱཡོཔི ཙིཏྟམྤི པསྶམྦྷཏི། སམཱདྷིཡཏཱིཏི སམྨཱ ཋཔིཡཏི, ཨཔྤནཱཙིཏྟཾ ཝིཡ ཧོཏི། ཨཛ྄ཛྷུཔེཀྑིཏཱ ཧོཏཱིཏི སཧཛཱཏཨཛ྄ཛྷུཔེཀྑནཱཡ ཨཛ྄ཛྷུཔེཀྑིཏཱ ཧོཏི།
989-996. Tatiye pavicinatīti aniccādivasena pavicinati. Itaraṃ padadvayaṃ etasseva vevacanaṃ. Nirāmisāti nikkilesā kāyikacetasikadarathapaṭipassaddhiyā kāyopi cittampi passambhati. Samādhiyatīti sammā ṭhapiyati, appanācittaṃ viya hoti. Ajjhupekkhitā hotīti sahajātaajjhupekkhanāya ajjhupekkhitā hoti.
ཨེཝཾ ཙུདྡསཝིདྷེན ཀཱཡཔརིགྒཱཧཀསྶ བྷིཀྑུནོ ཏསྨིཾ ཀཱཡེ སཏི སཏིསམྦོཛ྄ཛྷངྒོ, ཏཱཡ སཏིཡཱ སམྤཡུཏྟཉཱཎཾ དྷམྨཝིཙཡསམྦོཛ྄ཛྷངྒོ, ཏཾསམྤཡུཏྟམེཝ ཀཱཡིཀཙེཏསིཀཝཱིརིཡཾ ཝཱིརིཡསམྦོཛ྄ཛྷངྒོ, པཱིཏིཔསྶདྡྷིཙིཏྟེཀགྒཏཱ པཱིཏིཔསྶདྡྷིསམཱདྷིསམྦོཛ྄ཛྷངྒཱ, ཨིམེསཾ ཚནྣཾ བོཛ྄ཛྷངྒཱནཾ ཨནོསཀྐནཨནཏིཝཏྟནསངྑཱཏོ མཛ྄ཛྷཏྟཱཀཱརོ ཨུཔེཀྑཱསམྦོཛ྄ཛྷངྒོ། ཡཐེཝ ཧི སམཔྤཝཏྟེསུ ཨསྶེསུ སཱརཐིནོ ‘‘ཨཡཾ ཨོལཱིཡཏཱི’’ཏི ཏུདནཾ ཝཱ, ‘‘ཨཡཾ ཨཏིདྷཱཝཏཱི’’ཏི ཨཱཀཌྜྷནཾ ཝཱ ནཏྠི, ཀེཝལཾ ཨེཝཾ པསྶམཱནསྶ ཋིཏཱཀཱརོཝ ཧོཏི, ཨེཝམེཝ ཨིམེསཾ ཚནྣཾ བོཛ྄ཛྷངྒཱནཾ ཨནོསཀྐནཨནཏིཝཏྟནསངྑཱཏོ མཛ྄ཛྷཏྟཱཀཱརོ ཨུཔེཀྑཱསམྦོཛ྄ཛྷངྒོ ནཱམ ཧོཏི། ཨེཏྟཱཝཏཱ ཀིཾ ཀཐིཏཾ? ཨེཀཙིཏྟཀྑཎིཀཱ ནཱནཱསརསལཀྑཎཱ ཝིཔསྶནཱབོཛ྄ཛྷངྒཱ ནཱམ ཀཐིཏཱ།
Evaṃ cuddasavidhena kāyapariggāhakassa bhikkhuno tasmiṃ kāye sati satisambojjhaṅgo, tāya satiyā sampayuttañāṇaṃ dhammavicayasambojjhaṅgo, taṃsampayuttameva kāyikacetasikavīriyaṃ vīriyasambojjhaṅgo, pītipassaddhicittekaggatā pītipassaddhisamādhisambojjhaṅgā, imesaṃ channaṃ bojjhaṅgānaṃ anosakkanaanativattanasaṅkhāto majjhattākāro upekkhāsambojjhaṅgo. Yatheva hi samappavattesu assesu sārathino ‘‘ayaṃ olīyatī’’ti tudanaṃ vā, ‘‘ayaṃ atidhāvatī’’ti ākaḍḍhanaṃ vā natthi, kevalaṃ evaṃ passamānassa ṭhitākārova hoti, evameva imesaṃ channaṃ bojjhaṅgānaṃ anosakkanaanativattanasaṅkhāto majjhattākāro upekkhāsambojjhaṅgo nāma hoti. Ettāvatā kiṃ kathitaṃ? Ekacittakkhaṇikā nānāsarasalakkhaṇā vipassanābojjhaṅgā nāma kathitā.
ཝིཝེཀནིསྶིཏནྟིཨཱདཱིནི ཝུཏྟཏྠཱནེཝ། ཨེཏྠ པན སོལ༹སཀྑཏྟུཀཱ ཨཱནཱཔཱནསྶཏི མིསྶཀཱ ཀཐིཏཱ, ཨཱནཱཔཱནམཱུལཀཱ སཏིཔཊྛཱནཱ པུབྦབྷཱགཱ , ཏེསཾ མཱུལབྷཱུཏཱ ཨཱནཱཔཱནསྶཏི པུབྦབྷཱགཱ། བོཛ྄ཛྷངྒམཱུལཀཱ སཏིཔཊྛཱནཱ པུབྦབྷཱགཱ, ཏེཔི བོཛ྄ཛྷངྒཱ པུབྦབྷཱགཱཝ། ཝིཛྫཱཝིམུཏྟིཔཱུརཀཱ པན བོཛ྄ཛྷངྒཱ ནིབྦཏྟིཏལོཀུཏྟརཱ, ཝིཛྫཱཝིམུཏྟིཡོ ཨརིཡཕལསམྤཡུཏྟཱ། ཝིཛྫཱ ཝཱ ཙཏུཏྠམགྒསམྤཡུཏྟཱ, ཝིམུཏྟི ཕལསམྤཡུཏྟཱཏི། ཙཏུཏྠཔཉྩམཚཊྛཱནིཔི ཨིམིནཱཝ སམཱནཔརིཙྪེདཱནི། སེསཾ སབྦཏྠ ཨུཏྟཱནམེཝཱཏི།
Vivekanissitantiādīni vuttatthāneva. Ettha pana soḷasakkhattukā ānāpānassati missakā kathitā, ānāpānamūlakā satipaṭṭhānā pubbabhāgā , tesaṃ mūlabhūtā ānāpānassati pubbabhāgā. Bojjhaṅgamūlakā satipaṭṭhānā pubbabhāgā, tepi bojjhaṅgā pubbabhāgāva. Vijjāvimuttipūrakā pana bojjhaṅgā nibbattitalokuttarā, vijjāvimuttiyo ariyaphalasampayuttā. Vijjā vā catutthamaggasampayuttā, vimutti phalasampayuttāti. Catutthapañcamachaṭṭhānipi imināva samānaparicchedāni. Sesaṃ sabbattha uttānamevāti.
ཨཱནཱཔཱནསཾཡུཏྟཝཎྞནཱ ནིཊྛིཏཱ།
Ānāpānasaṃyuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya
༣. པཋམཨཱནནྡསུཏྟཾ • 3. Paṭhamaānandasuttaṃ
༤. དུཏིཡཨཱནནྡསུཏྟཾ • 4. Dutiyaānandasuttaṃ
༥. པཋམབྷིཀྑུསུཏྟཾ • 5. Paṭhamabhikkhusuttaṃ
༦. དུཏིཡབྷིཀྑུསུཏྟཾ • 6. Dutiyabhikkhusuttaṃ
༧. སཾཡོཛནཔྤཧཱནསུཏྟཾ • 7. Saṃyojanappahānasuttaṃ
༨. ཨནུསཡསམུགྒྷཱཏསུཏྟཾ • 8. Anusayasamugghātasuttaṃ
༩. ཨདྡྷཱནཔརིཉྙཱསུཏྟཾ • 9. Addhānapariññāsuttaṃ
༡༠. ཨཱསཝཀྑཡསུཏྟཾ • 10. Āsavakkhayasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣-༡༠. པཋམཨཱནནྡསུཏྟཱདིཝཎྞནཱ • 3-10. Paṭhamaānandasuttādivaṇṇanā
