| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩-੧੦. ਪਠਮਆਨਨ੍ਦਸੁਤ੍ਤਾਦਿવਣ੍ਣਨਾ
3-10. Paṭhamaānandasuttādivaṇṇanā
੯੮੯-੯੯੬. ਤਤਿਯੇ ਪવਿਚਿਨਤੀਤਿ ਅਨਿਚ੍ਚਾਦਿવਸੇਨ ਪવਿਚਿਨਤਿ। ਇਤਰਂ ਪਦਦ੍વਯਂ ਏਤਸ੍ਸੇવ વੇવਚਨਂ। ਨਿਰਾਮਿਸਾਤਿ ਨਿਕ੍ਕਿਲੇਸਾ ਕਾਯਿਕਚੇਤਸਿਕਦਰਥਪਟਿਪਸ੍ਸਦ੍ਧਿਯਾ ਕਾਯੋਪਿ ਚਿਤ੍ਤਮ੍ਪਿ ਪਸ੍ਸਮ੍ਭਤਿ। ਸਮਾਧਿਯਤੀਤਿ ਸਮ੍ਮਾ ਠਪਿਯਤਿ, ਅਪ੍ਪਨਾਚਿਤ੍ਤਂ વਿਯ ਹੋਤਿ। ਅਜ੍ਝੁਪੇਕ੍ਖਿਤਾ ਹੋਤੀਤਿ ਸਹਜਾਤਅਜ੍ਝੁਪੇਕ੍ਖਨਾਯ ਅਜ੍ਝੁਪੇਕ੍ਖਿਤਾ ਹੋਤਿ।
989-996. Tatiye pavicinatīti aniccādivasena pavicinati. Itaraṃ padadvayaṃ etasseva vevacanaṃ. Nirāmisāti nikkilesā kāyikacetasikadarathapaṭipassaddhiyā kāyopi cittampi passambhati. Samādhiyatīti sammā ṭhapiyati, appanācittaṃ viya hoti. Ajjhupekkhitā hotīti sahajātaajjhupekkhanāya ajjhupekkhitā hoti.
ਏવਂ ਚੁਦ੍ਦਸવਿਧੇਨ ਕਾਯਪਰਿਗ੍ਗਾਹਕਸ੍ਸ ਭਿਕ੍ਖੁਨੋ ਤਸ੍ਮਿਂ ਕਾਯੇ ਸਤਿ ਸਤਿਸਮ੍ਬੋਜ੍ਝਙ੍ਗੋ, ਤਾਯ ਸਤਿਯਾ ਸਮ੍ਪਯੁਤ੍ਤਞਾਣਂ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ, ਤਂਸਮ੍ਪਯੁਤ੍ਤਮੇવ ਕਾਯਿਕਚੇਤਸਿਕવੀਰਿਯਂ વੀਰਿਯਸਮ੍ਬੋਜ੍ਝਙ੍ਗੋ, ਪੀਤਿਪਸ੍ਸਦ੍ਧਿਚਿਤ੍ਤੇਕਗ੍ਗਤਾ ਪੀਤਿਪਸ੍ਸਦ੍ਧਿਸਮਾਧਿਸਮ੍ਬੋਜ੍ਝਙ੍ਗਾ, ਇਮੇਸਂ ਛਨ੍ਨਂ ਬੋਜ੍ਝਙ੍ਗਾਨਂ ਅਨੋਸਕ੍ਕਨਅਨਤਿવਤ੍ਤਨਸਙ੍ਖਾਤੋ ਮਜ੍ਝਤ੍ਤਾਕਾਰੋ ਉਪੇਕ੍ਖਾਸਮ੍ਬੋਜ੍ਝਙ੍ਗੋ। ਯਥੇવ ਹਿ ਸਮਪ੍ਪવਤ੍ਤੇਸੁ ਅਸ੍ਸੇਸੁ ਸਾਰਥਿਨੋ ‘‘ਅਯਂ ਓਲੀਯਤੀ’’ਤਿ ਤੁਦਨਂ વਾ, ‘‘ਅਯਂ ਅਤਿਧਾવਤੀ’’ਤਿ ਆਕਡ੍ਢਨਂ વਾ ਨਤ੍ਥਿ, ਕੇવਲਂ ਏવਂ ਪਸ੍ਸਮਾਨਸ੍ਸ ਠਿਤਾਕਾਰੋવ ਹੋਤਿ, ਏવਮੇવ ਇਮੇਸਂ ਛਨ੍ਨਂ ਬੋਜ੍ਝਙ੍ਗਾਨਂ ਅਨੋਸਕ੍ਕਨਅਨਤਿવਤ੍ਤਨਸਙ੍ਖਾਤੋ ਮਜ੍ਝਤ੍ਤਾਕਾਰੋ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਨਾਮ ਹੋਤਿ। ਏਤ੍ਤਾવਤਾ ਕਿਂ ਕਥਿਤਂ? ਏਕਚਿਤ੍ਤਕ੍ਖਣਿਕਾ ਨਾਨਾਸਰਸਲਕ੍ਖਣਾ વਿਪਸ੍ਸਨਾਬੋਜ੍ਝਙ੍ਗਾ ਨਾਮ ਕਥਿਤਾ।
Evaṃ cuddasavidhena kāyapariggāhakassa bhikkhuno tasmiṃ kāye sati satisambojjhaṅgo, tāya satiyā sampayuttañāṇaṃ dhammavicayasambojjhaṅgo, taṃsampayuttameva kāyikacetasikavīriyaṃ vīriyasambojjhaṅgo, pītipassaddhicittekaggatā pītipassaddhisamādhisambojjhaṅgā, imesaṃ channaṃ bojjhaṅgānaṃ anosakkanaanativattanasaṅkhāto majjhattākāro upekkhāsambojjhaṅgo. Yatheva hi samappavattesu assesu sārathino ‘‘ayaṃ olīyatī’’ti tudanaṃ vā, ‘‘ayaṃ atidhāvatī’’ti ākaḍḍhanaṃ vā natthi, kevalaṃ evaṃ passamānassa ṭhitākārova hoti, evameva imesaṃ channaṃ bojjhaṅgānaṃ anosakkanaanativattanasaṅkhāto majjhattākāro upekkhāsambojjhaṅgo nāma hoti. Ettāvatā kiṃ kathitaṃ? Ekacittakkhaṇikā nānāsarasalakkhaṇā vipassanābojjhaṅgā nāma kathitā.
વਿવੇਕਨਿਸ੍ਸਿਤਨ੍ਤਿਆਦੀਨਿ વੁਤ੍ਤਤ੍ਥਾਨੇવ। ਏਤ੍ਥ ਪਨ ਸੋਲ਼ਸਕ੍ਖਤ੍ਤੁਕਾ ਆਨਾਪਾਨਸ੍ਸਤਿ ਮਿਸ੍ਸਕਾ ਕਥਿਤਾ, ਆਨਾਪਾਨਮੂਲਕਾ ਸਤਿਪਟ੍ਠਾਨਾ ਪੁਬ੍ਬਭਾਗਾ , ਤੇਸਂ ਮੂਲਭੂਤਾ ਆਨਾਪਾਨਸ੍ਸਤਿ ਪੁਬ੍ਬਭਾਗਾ। ਬੋਜ੍ਝਙ੍ਗਮੂਲਕਾ ਸਤਿਪਟ੍ਠਾਨਾ ਪੁਬ੍ਬਭਾਗਾ, ਤੇਪਿ ਬੋਜ੍ਝਙ੍ਗਾ ਪੁਬ੍ਬਭਾਗਾવ। વਿਜ੍ਜਾવਿਮੁਤ੍ਤਿਪੂਰਕਾ ਪਨ ਬੋਜ੍ਝਙ੍ਗਾ ਨਿਬ੍ਬਤ੍ਤਿਤਲੋਕੁਤ੍ਤਰਾ, વਿਜ੍ਜਾવਿਮੁਤ੍ਤਿਯੋ ਅਰਿਯਫਲਸਮ੍ਪਯੁਤ੍ਤਾ। વਿਜ੍ਜਾ વਾ ਚਤੁਤ੍ਥਮਗ੍ਗਸਮ੍ਪਯੁਤ੍ਤਾ, વਿਮੁਤ੍ਤਿ ਫਲਸਮ੍ਪਯੁਤ੍ਤਾਤਿ। ਚਤੁਤ੍ਥਪਞ੍ਚਮਛਟ੍ਠਾਨਿਪਿ ਇਮਿਨਾવ ਸਮਾਨਪਰਿਚ੍ਛੇਦਾਨਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Vivekanissitantiādīni vuttatthāneva. Ettha pana soḷasakkhattukā ānāpānassati missakā kathitā, ānāpānamūlakā satipaṭṭhānā pubbabhāgā , tesaṃ mūlabhūtā ānāpānassati pubbabhāgā. Bojjhaṅgamūlakā satipaṭṭhānā pubbabhāgā, tepi bojjhaṅgā pubbabhāgāva. Vijjāvimuttipūrakā pana bojjhaṅgā nibbattitalokuttarā, vijjāvimuttiyo ariyaphalasampayuttā. Vijjā vā catutthamaggasampayuttā, vimutti phalasampayuttāti. Catutthapañcamachaṭṭhānipi imināva samānaparicchedāni. Sesaṃ sabbattha uttānamevāti.
ਆਨਾਪਾਨਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Ānāpānasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੩. ਪਠਮਆਨਨ੍ਦਸੁਤ੍ਤਂ • 3. Paṭhamaānandasuttaṃ
੪. ਦੁਤਿਯਆਨਨ੍ਦਸੁਤ੍ਤਂ • 4. Dutiyaānandasuttaṃ
੫. ਪਠਮਭਿਕ੍ਖੁਸੁਤ੍ਤਂ • 5. Paṭhamabhikkhusuttaṃ
੬. ਦੁਤਿਯਭਿਕ੍ਖੁਸੁਤ੍ਤਂ • 6. Dutiyabhikkhusuttaṃ
੭. ਸਂਯੋਜਨਪ੍ਪਹਾਨਸੁਤ੍ਤਂ • 7. Saṃyojanappahānasuttaṃ
੮. ਅਨੁਸਯਸਮੁਗ੍ਘਾਤਸੁਤ੍ਤਂ • 8. Anusayasamugghātasuttaṃ
੯. ਅਦ੍ਧਾਨਪਰਿਞ੍ਞਾਸੁਤ੍ਤਂ • 9. Addhānapariññāsuttaṃ
੧੦. ਆਸવਕ੍ਖਯਸੁਤ੍ਤਂ • 10. Āsavakkhayasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩-੧੦. ਪਠਮਆਨਨ੍ਦਸੁਤ੍ਤਾਦਿવਣ੍ਣਨਾ • 3-10. Paṭhamaānandasuttādivaṇṇanā
