| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩-੧੦. ਪਠਮਆਨਨ੍ਦਸੁਤ੍ਤਾਦਿવਣ੍ਣਨਾ
3-10. Paṭhamaānandasuttādivaṇṇanā
੯੮੯-੯੯੬. ਅਨਿਚ੍ਚਾਦਿવਸੇਨਾਤਿ ਅਨਿਚ੍ਚਦੁਕ੍ਖਾਨਤ੍ਤવਸੇਨ। ਪવਿਚਿਨਤਿ ਪਕਾਰੇਹਿ વਿਚਿਨਤਿ। ਨਿਕ੍ਕਿਲੇਸਾਤਿ ਅਪਗਤਕਿਲੇਸਾ વਿਕ੍ਖਮ੍ਭਿਤਕਿਲੇਸਾ। ਪੀਤਿਸਮ੍ਬੋਜ੍ਝਙ੍ਗੋ, ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋਤਿ ਪਾਠੋ।
989-996.Aniccādivasenāti aniccadukkhānattavasena. Pavicinati pakārehi vicinati. Nikkilesāti apagatakilesā vikkhambhitakilesā. Pītisambojjhaṅgo, passaddhisambojjhaṅgoti pāṭho.
ਯਾਯ ਅਨੋਸਕ੍ਕਨਂ ਅਨਤਿવਤ੍ਤਨਞ੍ਚ ਹੋਤਿ, ਅਯਂ ਤਤ੍ਰਮਜ੍ਝਤ੍ਤੁਪੇਕ੍ਖਾ ਮਜ੍ਝਤ੍ਤਾਕਾਰੋਤਿ વੁਤ੍ਤਾ। ਏਕਚਿਤ੍ਤਕ੍ਖਣਿਕਾਤਿ ਏਕਚਿਤ੍ਤੁਪ੍ਪਾਦਪਰਿਯਾਪਨ੍ਨਤ੍ਤਾ।
Yāya anosakkanaṃ anativattanañca hoti, ayaṃ tatramajjhattupekkhā majjhattākāroti vuttā. Ekacittakkhaṇikāti ekacittuppādapariyāpannattā.
ਚਤ੍ਤੁਨ੍ਨਂ ਚਤੁਕ੍ਕਾਨਂ વਸੇਨ ਸੋਲ਼ਸਕ੍ਖਤ੍ਤੁਕਾ। ਆਨਾਪਾਨਸਨ੍ਨਿਸ੍ਸਯੇਨ ਪવਤ੍ਤਤ੍ਤਾ ਆਰਮ੍ਮਣવਸੇਨ ਪવਤ੍ਤਾ ਆਨਾਪਾਨਾਰਮ੍ਮਣਾਪਿ ਅਪਰਭਾਗੇ ਸਤਿ ਆਨਾਪਾਨਸ੍ਸਤੀਤਿ ਪਰਿਯਾਯੇਨ વਤ੍ਤਬ੍ਬਤਂ ਅਰਹਤੀਤਿ ‘‘ਆਨਾਪਾਨਸ੍ਸਤਿ ਮਿਸ੍ਸਕਾ ਕਥਿਤਾ’’ਤਿ વੁਤ੍ਤਂ। ਆਨਾਪਾਨਮੂਲਕਾਤਿ ਆਨਾਪਾਨਸਨ੍ਨਿਸ੍ਸਯੇਨ ਪવਤ੍ਤਾ ਸਤਿਪਟ੍ਠਾਨਾ। ਤੇਸਂ ਮੂਲਭੂਤਾਤਿ ਤੇਸਂ ਸਤਿਪਟ੍ਠਾਨਾਨਂ ਮੂਲਕਾਰਣਭੂਤਾ। ਬੋਜ੍ਝਙ੍ਗਮੂਲਕਾਤਿ ਬੋਜ੍ਝਙ੍ਗਪਚ੍ਚਯਭੂਤਾ। ਤੇਪਿ ਬੋਜ੍ਝਙ੍ਗਾਤਿ ਏਤੇ વੀਸਤਿ ਸਤਿਪਟ੍ਠਾਨਹੇਤੁਕਾ ਬੋਜ੍ਝਙ੍ਗਾ। વਿਜ੍ਜਾવਿਮੁਤ੍ਤਿਪੂਰਕਾਤਿ ਤਤਿਯવਿਜ੍ਜਾਯ ਤਸ੍ਸ ਫਲਸ੍ਸ ਚ ਪਰਿਪੂਰਣવਸੇਨ ਪવਤ੍ਤਾ ਬੋਜ੍ਝਙ੍ਗਾ। ਫਲਸਮ੍ਪਯੁਤ੍ਤਾਤਿ ਚਤੁਤ੍ਥਫਲਸਮ੍ਪਯੁਤ੍ਤਾ, ਚਤੁਬ੍ਬਿਧਫਲਸਮ੍ਪਯੁਤ੍ਤਾ વਾ।
Cattunnaṃ catukkānaṃ vasena soḷasakkhattukā. Ānāpānasannissayena pavattattā ārammaṇavasena pavattā ānāpānārammaṇāpi aparabhāge sati ānāpānassatīti pariyāyena vattabbataṃ arahatīti ‘‘ānāpānassati missakā kathitā’’ti vuttaṃ. Ānāpānamūlakāti ānāpānasannissayena pavattā satipaṭṭhānā. Tesaṃ mūlabhūtāti tesaṃ satipaṭṭhānānaṃ mūlakāraṇabhūtā. Bojjhaṅgamūlakāti bojjhaṅgapaccayabhūtā. Tepi bojjhaṅgāti ete vīsati satipaṭṭhānahetukā bojjhaṅgā. Vijjāvimuttipūrakāti tatiyavijjāya tassa phalassa ca paripūraṇavasena pavattā bojjhaṅgā. Phalasampayuttāti catutthaphalasampayuttā, catubbidhaphalasampayuttā vā.
ਦੁਤਿਯવਗ੍ਗવਣ੍ਣਨਾ ਨਿਟ੍ਠਿਤਾ।
Dutiyavaggavaṇṇanā niṭṭhitā.
ਆਨਾਪਾਨਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Ānāpānasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੩. ਪਠਮਆਨਨ੍ਦਸੁਤ੍ਤਂ • 3. Paṭhamaānandasuttaṃ
੪. ਦੁਤਿਯਆਨਨ੍ਦਸੁਤ੍ਤਂ • 4. Dutiyaānandasuttaṃ
੫. ਪਠਮਭਿਕ੍ਖੁਸੁਤ੍ਤਂ • 5. Paṭhamabhikkhusuttaṃ
੬. ਦੁਤਿਯਭਿਕ੍ਖੁਸੁਤ੍ਤਂ • 6. Dutiyabhikkhusuttaṃ
੭. ਸਂਯੋਜਨਪ੍ਪਹਾਨਸੁਤ੍ਤਂ • 7. Saṃyojanappahānasuttaṃ
੮. ਅਨੁਸਯਸਮੁਗ੍ਘਾਤਸੁਤ੍ਤਂ • 8. Anusayasamugghātasuttaṃ
੯. ਅਦ੍ਧਾਨਪਰਿਞ੍ਞਾਸੁਤ੍ਤਂ • 9. Addhānapariññāsuttaṃ
੧੦. ਆਸવਕ੍ਖਯਸੁਤ੍ਤਂ • 10. Āsavakkhayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩-੧੦. ਪਠਮਆਨਨ੍ਦਸੁਤ੍ਤਾਦਿવਣ੍ਣਨਾ • 3-10. Paṭhamaānandasuttādivaṇṇanā
