| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. батамааананд̣̇асуд̇д̇ам̣
5. Paṭhamaānandasuttaṃ
263. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа згаманд̇ам̣ нисийд̣̇и , згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘гад̇амаа ну ко, бханд̇з, взд̣̇анаа, гад̇амо взд̣̇анаасамуд̣̇аяо, гад̇амо взд̣̇анаанирод̇хо, гад̇амаа взд̣̇анаанирод̇хаг̇ааминий бадибад̣̇аа? го взд̣̇анааяа ассаад̣̇о, го аад̣̇ийнаво, гим̣ ниссаран̣анд̇и? д̇иссо имаа, аананд̣̇а, взд̣̇анаа – сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа – имаа вужжанд̇и, аананд̣̇а, взд̣̇анаа. пассасамуд̣̇аяаа взд̣̇анаасамуд̣̇аяо; пассанирод̇хаа взд̣̇анаанирод̇хо. аяамзва арияо адтан̇г̇иго маг̇г̇о взд̣̇анаанирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи. яам̣ взд̣̇анам̣ бадижжа уббаж̇ж̇ад̇и сукам̣ соманассам̣, аяам̣ взд̣̇анааяа ассаад̣̇о. яаа взд̣̇анаа анижжаа д̣̇угкаа вибарин̣аамад̇хаммаа, аяам̣ взд̣̇анааяа аад̣̇ийнаво. яо взд̣̇анааяа чанд̣̇арааг̇авинаяо чанд̣̇арааг̇аббахаанам̣, ид̣̇ам̣ взд̣̇анааяа ниссаран̣ам̣. ат̇а ко банаананд̣̇а, маяаа анубуб̣б̣асан̇каараанам̣ нирод̇хо агкаад̇о. батамам̣ жхаанам̣ самаабаннасса ваажаа нируд̣̇д̇хаа ход̇и…бз… сан̃н̃аавзд̣̇аяид̇анирод̇хам̣ самаабаннасса сан̃н̃аа жа взд̣̇анаа жа нируд̣̇д̇хаа хонд̇и. кийн̣аасавасса бхигкуно рааг̇о нируд̣̇д̇хо ход̇и, д̣̇осо нируд̣̇д̇хо ход̇и, мохо нируд̣̇д̇хо ход̇и. ат̇а ко банаананд̣̇а, маяаа анубуб̣б̣асан̇каараанам̣ вуубасамо агкаад̇о. батамам̣ жхаанам̣ самаабаннасса ваажаа вуубасанд̇аа ход̇и…бз… сан̃н̃аавзд̣̇аяид̇анирод̇хам̣ самаабаннасса сан̃н̃аа жа взд̣̇анаа жа вуубасанд̇аа хонд̇и. кийн̣аасавасса бхигкуно рааг̇о вуубасанд̇о ход̇и, д̣̇осо вуубасанд̇о ход̇и, мохо вуубасанд̇о ход̇и. ат̇а ко банаананд̣̇а, маяаа анубуб̣б̣асан̇каараанам̣ бадиббассад̣̇д̇хи агкаад̇аа. батамам̣ жхаанам̣ самаабаннасса ваажаа бадиббассад̣̇д̇хаа ход̇и…бз… аагаасаанан̃жааяад̇анам̣ самаабаннасса руубасан̃н̃аа бадиббассад̣̇д̇хаа ход̇и. вин̃н̃аан̣ан̃жааяад̇анам̣ самаабаннасса аагаасаанан̃жааяад̇анасан̃н̃аа бадиббассад̣̇д̇хаа ход̇и. аагин̃жан̃н̃ааяад̇анам̣ самаабаннасса вин̃н̃аан̣ан̃жааяад̇анасан̃н̃аа бадиббассад̣̇д̇хаа ход̇и. нзвасан̃н̃аанаасан̃н̃ааяад̇анам̣ самаабаннасса аагин̃жан̃н̃ааяад̇анасан̃н̃аа бадиббассад̣̇д̇хаа ход̇и. сан̃н̃аавзд̣̇аяид̇анирод̇хам̣ самаабаннасса сан̃н̃аа жа взд̣̇анаа жа бадиббассад̣̇д̇хаа хонд̇и. кийн̣аасавасса бхигкуно рааг̇о бадиббассад̣̇д̇хо ход̇и, д̣̇осо бадиббассад̣̇д̇хо ход̇и, мохо бадиббассад̣̇д̇хо ход̇ий’’д̇и. бан̃жамам̣.
263. Atha kho āyasmā ānando yena bhagavā tenupasaṅkami; upasaṅkamitvā ekamantaṃ nisīdi , ekamantaṃ nisinno kho āyasmā ānando bhagavantaṃ etadavoca – ‘‘katamā nu kho, bhante, vedanā, katamo vedanāsamudayo, katamo vedanānirodho, katamā vedanānirodhagāminī paṭipadā? Ko vedanāya assādo, ko ādīnavo, kiṃ nissaraṇanti? Tisso imā, ānanda, vedanā – sukhā vedanā, dukkhā vedanā, adukkhamasukhā vedanā – imā vuccanti, ānanda, vedanā. Phassasamudayā vedanāsamudayo; phassanirodhā vedanānirodho. Ayameva ariyo aṭṭhaṅgiko maggo vedanānirodhagāminī paṭipadā, seyyathidaṃ – sammādiṭṭhi…pe… sammāsamādhi. Yaṃ vedanaṃ paṭicca uppajjati sukhaṃ somanassaṃ, ayaṃ vedanāya assādo. Yā vedanā aniccā dukkhā vipariṇāmadhammā, ayaṃ vedanāya ādīnavo. Yo vedanāya chandarāgavinayo chandarāgappahānaṃ, idaṃ vedanāya nissaraṇaṃ. Atha kho panānanda, mayā anupubbasaṅkhārānaṃ nirodho akkhāto. Paṭhamaṃ jhānaṃ samāpannassa vācā niruddhā hoti…pe… saññāvedayitanirodhaṃ samāpannassa saññā ca vedanā ca niruddhā honti. Khīṇāsavassa bhikkhuno rāgo niruddho hoti, doso niruddho hoti, moho niruddho hoti. Atha kho panānanda, mayā anupubbasaṅkhārānaṃ vūpasamo akkhāto. Paṭhamaṃ jhānaṃ samāpannassa vācā vūpasantā hoti…pe… saññāvedayitanirodhaṃ samāpannassa saññā ca vedanā ca vūpasantā honti. Khīṇāsavassa bhikkhuno rāgo vūpasanto hoti, doso vūpasanto hoti, moho vūpasanto hoti. Atha kho panānanda, mayā anupubbasaṅkhārānaṃ paṭippassaddhi akkhātā. Paṭhamaṃ jhānaṃ samāpannassa vācā paṭippassaddhā hoti…pe… ākāsānañcāyatanaṃ samāpannassa rūpasaññā paṭippassaddhā hoti. Viññāṇañcāyatanaṃ samāpannassa ākāsānañcāyatanasaññā paṭippassaddhā hoti. Ākiñcaññāyatanaṃ samāpannassa viññāṇañcāyatanasaññā paṭippassaddhā hoti. Nevasaññānāsaññāyatanaṃ samāpannassa ākiñcaññāyatanasaññā paṭippassaddhā hoti. Saññāvedayitanirodhaṃ samāpannassa saññā ca vedanā ca paṭippassaddhā honti. Khīṇāsavassa bhikkhuno rāgo paṭippassaddho hoti, doso paṭippassaddho hoti, moho paṭippassaddho hotī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5-8. батамааананд̣̇асуд̇д̇аад̣̇иван̣н̣анаа • 5-8. Paṭhamaānandasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-8. батамааананд̣̇асуд̇д̇аад̣̇иван̣н̣анаа • 5-8. Paṭhamaānandasuttādivaṇṇanā
