| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. батамааананд̣̇асуд̇д̇ам̣
7. Paṭhamaānandasuttaṃ
839. саавад̇т̇инид̣̇аанам̣. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа –
839. Sāvatthinidānaṃ. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca –
‘‘гад̇амаа ну ко, бханд̇з , ид̣̇д̇хи, гад̇амо ид̣̇д̇хибаад̣̇о, гад̇амаа ид̣̇д̇хибаад̣̇абхааванаа, гад̇амаа ид̣̇д̇хибаад̣̇абхааванааг̇ааминий бадибад̣̇аа’’д̇и? ‘‘ид̇хаананд̣̇а, бхигку анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇и…бз… яаава б̣рахмалогааби гааязна васам̣ вад̇д̇зд̇и – аяам̣ вужжад̇аананд̣̇а, ид̣̇д̇хи’’.
‘‘Katamā nu kho, bhante , iddhi, katamo iddhipādo, katamā iddhipādabhāvanā, katamā iddhipādabhāvanāgāminī paṭipadā’’ti? ‘‘Idhānanda, bhikkhu anekavihitaṃ iddhividhaṃ paccanubhoti – ekopi hutvā bahudhā hoti, bahudhāpi hutvā eko hoti…pe… yāva brahmalokāpi kāyena vasaṃ vatteti – ayaṃ vuccatānanda, iddhi’’.
‘‘гад̇амо жаананд̣̇а, ид̣̇д̇хибаад̣̇о? яо, аананд̣̇а, маг̇г̇о яаа бадибад̣̇аа ид̣̇д̇хилаабхааяа ид̣̇д̇хибадилаабхааяа сам̣вад̇д̇ад̇и – аяам̣ вужжад̇аананд̣̇а, ид̣̇д̇хибаад̣̇о.
‘‘Katamo cānanda, iddhipādo? Yo, ānanda, maggo yā paṭipadā iddhilābhāya iddhipaṭilābhāya saṃvattati – ayaṃ vuccatānanda, iddhipādo.
‘‘гад̇амаа жаананд̣̇а, ид̣̇д̇хибаад̣̇абхааванаа? ид̇хаананд̣̇а, бхигку чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, вийрияасамаад̇хи…бз… жид̇д̇асамаад̇хи…бз… виймам̣саасамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и – аяам̣ вужжад̇аананд̣̇а, ид̣̇д̇хибаад̣̇абхааванаа.
‘‘Katamā cānanda, iddhipādabhāvanā? Idhānanda, bhikkhu chandasamādhippadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi…pe… vīmaṃsāsamādhippadhānasaṅkhārasamannāgataṃ iddhipādaṃ bhāveti – ayaṃ vuccatānanda, iddhipādabhāvanā.
‘‘гад̇амаа жаананд̣̇а, ид̣̇д̇хибаад̣̇абхааванааг̇ааминий бадибад̣̇аа? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти…бз… саммаасамаад̇хи – аяам̣ вужжад̇аананд̣̇а, ид̣̇д̇хибаад̣̇абхааванааг̇ааминий бадибад̣̇аа’’д̇и. сад̇д̇амам̣.
‘‘Katamā cānanda, iddhipādabhāvanāgāminī paṭipadā? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi – ayaṃ vuccatānanda, iddhipādabhāvanāgāminī paṭipadā’’ti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-10. бхигкусуд̇д̇аад̣̇иван̣н̣анаа • 3-10. Bhikkhusuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-10. бхигкусуд̇д̇аад̣̇иван̣н̣анаа • 3-10. Bhikkhusuttādivaṇṇanā
