Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౯. పఠమఆనన్దసుత్తం
9. Paṭhamaānandasuttaṃ
౩౯. అథ ఖో ఆయస్మా ఆనన్దో యేన భగవా తేనుపసఙ్కమి; ఉపసఙ్కమిత్వా భగవన్తం అభివాదేత్వా ఏకమన్తం నిసీది. ఏకమన్తం నిసిన్నో ఖో ఆయస్మా ఆనన్దో భగవన్తం ఏతదవోచ – ‘‘‘సఙ్ఘభేదో సఙ్ఘభేదో’తి, భన్తే, వుచ్చతి. కిత్తావతా ను ఖో, భన్తే, సఙ్ఘో భిన్నో హోతీ’’తి ? ‘‘ఇధానన్ద, భిక్ఖూ అధమ్మం ధమ్మోతి దీపేన్తి, ధమ్మం అధమ్మోతి దీపేన్తి, అవినయం వినయోతి దీపేన్తి…పే॰… పఞ్ఞత్తం తథాగతేన అపఞ్ఞత్తం తథాగతేనాతి దీపేన్తి. తే ఇమేహి దసహి వత్థూహి అవకస్సన్తి అపకస్సన్తి ఆవేని కమ్మాని కరోన్తి ఆవేని పాతిమోక్ఖం ఉద్దిసన్తి. ఏత్తావతా ఖో, ఆనన్ద, సఙ్ఘో భిన్నో హోతీ’’తి.
39. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘‘saṅghabhedo saṅghabhedo’ti, bhante, vuccati. Kittāvatā nu kho, bhante, saṅgho bhinno hotī’’ti ? ‘‘Idhānanda, bhikkhū adhammaṃ dhammoti dīpenti, dhammaṃ adhammoti dīpenti, avinayaṃ vinayoti dīpenti…pe… paññattaṃ tathāgatena apaññattaṃ tathāgatenāti dīpenti. Te imehi dasahi vatthūhi avakassanti apakassanti āveni kammāni karonti āveni pātimokkhaṃ uddisanti. Ettāvatā kho, ānanda, saṅgho bhinno hotī’’ti.
‘‘సమగ్గం పన, భన్తే, సఙ్ఘం భిన్దిత్వా కిం సో పసవతీ’’తి? ‘‘కప్పట్ఠికం, ఆనన్ద, కిబ్బిసం పసవతీ’’తి. ‘‘కిం పన, భన్తే, కప్పట్ఠికం కిబ్బిస’’న్తి? ‘‘కప్పం, ఆనన్ద, నిరయమ్హి పచ్చతీతి –
‘‘Samaggaṃ pana, bhante, saṅghaṃ bhinditvā kiṃ so pasavatī’’ti? ‘‘Kappaṭṭhikaṃ, ānanda, kibbisaṃ pasavatī’’ti. ‘‘Kiṃ pana, bhante, kappaṭṭhikaṃ kibbisa’’nti? ‘‘Kappaṃ, ānanda, nirayamhi paccatīti –
‘‘ఆపాయికో నేరయికో, కప్పట్ఠో సఙ్ఘభేదకో;
‘‘Āpāyiko nerayiko, kappaṭṭho saṅghabhedako;
వగ్గరతో అధమ్మట్ఠో, యోగక్ఖేమా పధంసతి;
Vaggarato adhammaṭṭho, yogakkhemā padhaṃsati;
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౯-౧౦. ఆనన్దసుత్తద్వయవణ్ణనా • 9-10. Ānandasuttadvayavaṇṇanā