| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. батамаанаат̇абин̣д̣игасуд̇д̇ам̣
6. Paṭhamaanāthapiṇḍikasuttaṃ
1022. саавад̇т̇инид̣̇аанам̣ . д̇зна ко бана самаязна анаат̇абин̣д̣иго г̇ахабад̇и ааб̣аад̇хиго ход̇и д̣̇угкид̇о б̣аал̣хаг̇илаано. ат̇а ко анаат̇абин̣д̣иго г̇ахабад̇и ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса, язнааяасмаа саарибуд̇д̇о д̇знубасан̇гама; убасан̇гамид̇ваа мама важанзна ааяасмад̇о саарибуд̇д̇асса баад̣̇з сирасаа ванд̣̇а – ‘анаат̇абин̣д̣иго, бханд̇з, г̇ахабад̇и ааб̣аад̇хиго д̣̇угкид̇о б̣аал̣хаг̇илаано. со ааяасмад̇о саарибуд̇д̇асса баад̣̇з сирасаа ванд̣̇ад̇ий’д̇и. зван̃жа вад̣̇зхи – ‘саад̇ху гира, бханд̇з, ааяасмаа саарибуд̇д̇о язна анаат̇абин̣д̣игасса г̇ахабад̇исса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и.
1022. Sāvatthinidānaṃ . Tena kho pana samayena anāthapiṇḍiko gahapati ābādhiko hoti dukkhito bāḷhagilāno. Atha kho anāthapiṇḍiko gahapati aññataraṃ purisaṃ āmantesi – ‘‘ehi tvaṃ, ambho purisa, yenāyasmā sāriputto tenupasaṅkama; upasaṅkamitvā mama vacanena āyasmato sāriputtassa pāde sirasā vanda – ‘anāthapiṇḍiko, bhante, gahapati ābādhiko dukkhito bāḷhagilāno. So āyasmato sāriputtassa pāde sirasā vandatī’ti. Evañca vadehi – ‘sādhu kira, bhante, āyasmā sāriputto yena anāthapiṇḍikassa gahapatissa nivesanaṃ tenupasaṅkamatu anukampaṃ upādāyā’’’ti.
‘‘звам̣ , бханд̇з’’д̇и ко со бурисо анаат̇абин̣д̣игасса г̇ахабад̇исса бадиссуд̇ваа язнааяасмаа саарибуд̇д̇о д̇знубасан̇гами; убасан̇гамид̇ваа ааяасманд̇ам̣ саарибуд̇д̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бурисо ааяасманд̇ам̣ саарибуд̇д̇ам̣ зд̇ад̣̇авожа –
‘‘Evaṃ , bhante’’ti kho so puriso anāthapiṇḍikassa gahapatissa paṭissutvā yenāyasmā sāriputto tenupasaṅkami; upasaṅkamitvā āyasmantaṃ sāriputtaṃ abhivādetvā ekamantaṃ nisīdi. Ekamantaṃ nisinno kho so puriso āyasmantaṃ sāriputtaṃ etadavoca –
‘‘анаат̇абин̣д̣иго, бханд̇з, г̇ахабад̇и ааб̣аад̇хиго д̣̇угкид̇о б̣аал̣хаг̇илаано. со ааяасмад̇о саарибуд̇д̇асса баад̣̇з сирасаа ванд̣̇ад̇и. зван̃жа вад̣̇ад̇и – ‘саад̇ху гира, бханд̇з, ааяасмаа саарибуд̇д̇о язна анаат̇абин̣д̣игасса г̇ахабад̇исса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и. ад̇хиваасзси ко ааяасмаа саарибуд̇д̇о д̇ун̣хийбхаавзна.
‘‘Anāthapiṇḍiko, bhante, gahapati ābādhiko dukkhito bāḷhagilāno. So āyasmato sāriputtassa pāde sirasā vandati. Evañca vadati – ‘sādhu kira, bhante, āyasmā sāriputto yena anāthapiṇḍikassa gahapatissa nivesanaṃ tenupasaṅkamatu anukampaṃ upādāyā’’’ti. Adhivāsesi kho āyasmā sāriputto tuṇhībhāvena.
ат̇а ко ааяасмаа саарибуд̇д̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа ааяасмад̇аа аананд̣̇зна бажчаасаман̣зна язна анаат̇абин̣д̣игасса г̇ахабад̇исса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко ааяасмаа саарибуд̇д̇о анаат̇абин̣д̣игам̣ г̇ахабад̇им̣ зд̇ад̣̇авожа – ‘‘гажжи д̇з, г̇ахабад̇и, каманийяам̣ гажжи яаабанийяам̣? гажжи д̣̇угкаа взд̣̇анаа бадиггаманд̇и, но абхиггаманд̇и; бадиггамосаанам̣ бан̃н̃ааяад̇и, но абхиггамо’’д̇и? ‘‘на мз, бханд̇з, каманийяам̣, на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо’’д̇и.
Atha kho āyasmā sāriputto pubbaṇhasamayaṃ nivāsetvā pattacīvaramādāya āyasmatā ānandena pacchāsamaṇena yena anāthapiṇḍikassa gahapatissa nivesanaṃ tenupasaṅkami; upasaṅkamitvā paññatte āsane nisīdi. Nisajja kho āyasmā sāriputto anāthapiṇḍikaṃ gahapatiṃ etadavoca – ‘‘kacci te, gahapati, khamanīyaṃ kacci yāpanīyaṃ? Kacci dukkhā vedanā paṭikkamanti, no abhikkamanti; paṭikkamosānaṃ paññāyati, no abhikkamo’’ti? ‘‘Na me, bhante, khamanīyaṃ, na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo’’ti.
‘‘яат̇ааруубзна ко, г̇ахабад̇и, б̣уд̣̇д̇хз аббасаад̣̇зна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и д̇ат̇ааруубо д̇з б̣уд̣̇д̇хз аббасаад̣̇о над̇т̇и. ад̇т̇и жа ко д̇з, г̇ахабад̇и, б̣уд̣̇д̇хз авзжжаббасаад̣̇о – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇ан̃жа бана д̇з б̣уд̣̇д̇хз авзжжаббасаад̣̇ам̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpena kho, gahapati, buddhe appasādena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati tathārūpo te buddhe appasādo natthi. Atthi ca kho te, gahapati, buddhe aveccappasādo – itipi so bhagavā…pe… satthā devamanussānaṃ buddho bhagavāti. Tañca pana te buddhe aveccappasādaṃ attani samanupassato ṭhānaso vedanā paṭippassambheyya.
‘‘яат̇ааруубзна ко, г̇ахабад̇и, д̇хаммз аббасаад̣̇зна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ат̇ааруубо д̇з д̇хаммз аббасаад̣̇о над̇т̇и. ад̇т̇и жа ко д̇з, г̇ахабад̇и, д̇хаммз авзжжаббасаад̣̇о – сваагкаад̇о бхаг̇авад̇аа д̇хаммо…бз… бажжад̇д̇ам̣ взд̣̇ид̇аб̣б̣о вин̃н̃уухийд̇и. д̇ан̃жа бана д̇з д̇хаммз авзжжаббасаад̣̇ам̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpena kho, gahapati, dhamme appasādena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, tathārūpo te dhamme appasādo natthi. Atthi ca kho te, gahapati, dhamme aveccappasādo – svākkhāto bhagavatā dhammo…pe… paccattaṃ veditabbo viññūhīti. Tañca pana te dhamme aveccappasādaṃ attani samanupassato ṭhānaso vedanā paṭippassambheyya.
‘‘яат̇ааруубзна ко, г̇ахабад̇и, сан̇гхз аббасаад̣̇зна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ат̇ааруубо д̇з сан̇гхз аббасаад̣̇о над̇т̇и. ад̇т̇и жа ко д̇з, г̇ахабад̇и, сан̇гхз авзжжаббасаад̣̇о – суббадибанно бхаг̇авад̇о саавагасан̇гхо…бз… ануд̇д̇арам̣ бун̃н̃агкзд̇д̇ам̣ логассаад̇и. д̇ан̃жа бана д̇з сан̇гхз авзжжаббасаад̣̇ам̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpena kho, gahapati, saṅghe appasādena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, tathārūpo te saṅghe appasādo natthi. Atthi ca kho te, gahapati, saṅghe aveccappasādo – suppaṭipanno bhagavato sāvakasaṅgho…pe… anuttaraṃ puññakkhettaṃ lokassāti. Tañca pana te saṅghe aveccappasādaṃ attani samanupassato ṭhānaso vedanā paṭippassambheyya.
‘‘яат̇ааруубзна ко, г̇ахабад̇и, д̣̇уссийлязна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ат̇ааруубам̣ д̇з д̣̇уссийляам̣ над̇т̇и. ад̇т̇и жа ко д̇з, г̇ахабад̇и, арияаганд̇аани сийлаани…бз… самаад̇хисам̣вад̇д̇анигаани. д̇аани жа бана д̇з арияаганд̇аани сийлаани ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpena kho, gahapati, dussīlyena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, tathārūpaṃ te dussīlyaṃ natthi. Atthi ca kho te, gahapati, ariyakantāni sīlāni…pe… samādhisaṃvattanikāni. Tāni ca pana te ariyakantāni sīlāni attani samanupassato ṭhānaso vedanā paṭippassambheyya.
‘‘яат̇ааруубааяа ко, г̇ахабад̇и, мижчаад̣̇идтияаа саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ат̇ааруубаа д̇з мижчаад̣̇идти над̇т̇и. ад̇т̇и жа ко д̇з, г̇ахабад̇и, саммаад̣̇идти. д̇ан̃жа бана д̇з саммаад̣̇идтим̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpāya kho, gahapati, micchādiṭṭhiyā samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, tathārūpā te micchādiṭṭhi natthi. Atthi ca kho te, gahapati, sammādiṭṭhi. Tañca pana te sammādiṭṭhiṃ attani samanupassato ṭhānaso vedanā paṭippassambheyya.
‘‘яат̇ааруубзна ко, г̇ахабад̇и, мижчаасан̇габбзна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и , д̇ат̇ааруубо д̇з мижчаасан̇габбо над̇т̇и. ад̇т̇и жа ко д̇з, г̇ахабад̇и, саммаасан̇габбо. д̇ан̃жа бана д̇з саммаасан̇габбам̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpena kho, gahapati, micchāsaṅkappena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati , tathārūpo te micchāsaṅkappo natthi. Atthi ca kho te, gahapati, sammāsaṅkappo. Tañca pana te sammāsaṅkappaṃ attani samanupassato ṭhānaso vedanā paṭippassambheyya.
‘‘яат̇ааруубааяа ко, г̇ахабад̇и, мижчааваажааяа саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ат̇ааруубаа д̇з мижчааваажаа над̇т̇и. ад̇т̇и жа ко д̇з, г̇ахабад̇и, саммааваажаа. д̇ан̃жа бана д̇з саммааваажам̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpāya kho, gahapati, micchāvācāya samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, tathārūpā te micchāvācā natthi. Atthi ca kho te, gahapati, sammāvācā. Tañca pana te sammāvācaṃ attani samanupassato ṭhānaso vedanā paṭippassambheyya.
‘‘яат̇ааруубзна ко, г̇ахабад̇и, мижчаагамманд̇зна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ат̇ааруубо д̇з мижчаагамманд̇о над̇т̇и. ад̇т̇и жа ко д̇з, г̇ахабад̇и, саммаагамманд̇о. д̇ан̃жа бана д̇з саммаагамманд̇ам̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpena kho, gahapati, micchākammantena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, tathārūpo te micchākammanto natthi. Atthi ca kho te, gahapati, sammākammanto. Tañca pana te sammākammantaṃ attani samanupassato ṭhānaso vedanā paṭippassambheyya.
‘‘яат̇ааруубзна ко, г̇ахабад̇и, мижчааааж̇ийвзна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ат̇ааруубо д̇з мижчааааж̇ийво над̇т̇и. ад̇т̇и жа ко д̇з, г̇ахабад̇и, саммааааж̇ийво. д̇ан̃жа бана д̇з саммааааж̇ийвам̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpena kho, gahapati, micchāājīvena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, tathārūpo te micchāājīvo natthi. Atthi ca kho te, gahapati, sammāājīvo. Tañca pana te sammāājīvaṃ attani samanupassato ṭhānaso vedanā paṭippassambheyya.
‘‘яат̇ааруубзна ко, г̇ахабад̇и, мижчаавааяаамзна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ат̇ааруубо д̇з мижчаавааяаамо над̇т̇и. ад̇т̇и жа ко д̇з, г̇ахабад̇и, саммаавааяаамо. д̇ан̃жа бана д̇з саммаавааяаамам̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpena kho, gahapati, micchāvāyāmena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, tathārūpo te micchāvāyāmo natthi. Atthi ca kho te, gahapati, sammāvāyāmo. Tañca pana te sammāvāyāmaṃ attani samanupassato ṭhānaso vedanā paṭippassambheyya.
‘‘яат̇ааруубааяа ко, г̇ахабад̇и, мижчаасад̇ияаа саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ат̇ааруубаа д̇з мижчаасад̇и над̇т̇и. ад̇т̇и жа ко д̇з, г̇ахабад̇и, саммаасад̇и. д̇ан̃жа бана д̇з саммаасад̇им̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpāya kho, gahapati, micchāsatiyā samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, tathārūpā te micchāsati natthi. Atthi ca kho te, gahapati, sammāsati. Tañca pana te sammāsatiṃ attani samanupassato ṭhānaso vedanā paṭippassambheyya.
‘‘яат̇ааруубзна ко, г̇ахабад̇и, мижчаасамаад̇хинаа саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и , д̇ат̇ааруубо д̇з мижчаасамаад̇хи над̇т̇и. ад̇т̇и жа ко д̇з, г̇ахабад̇и, саммаасамаад̇хи. д̇ан̃жа бана д̇з саммаасамаад̇хим̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpena kho, gahapati, micchāsamādhinā samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati , tathārūpo te micchāsamādhi natthi. Atthi ca kho te, gahapati, sammāsamādhi. Tañca pana te sammāsamādhiṃ attani samanupassato ṭhānaso vedanā paṭippassambheyya.
‘‘яат̇ааруубзна ко, г̇ахабад̇и, мижчаан̃аан̣зна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ат̇ааруубам̣ д̇з мижчаан̃аан̣ам̣ над̇т̇и. ад̇т̇и жа ко д̇з, г̇ахабад̇и, саммаан̃аан̣ам̣. д̇ан̃жа бана д̇з саммаан̃аан̣ам̣ ад̇д̇ани саманубассад̇о таанасо взд̣̇анаа бадиббассамбхзяяа.
‘‘Yathārūpena kho, gahapati, micchāñāṇena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, tathārūpaṃ te micchāñāṇaṃ natthi. Atthi ca kho te, gahapati, sammāñāṇaṃ. Tañca pana te sammāñāṇaṃ attani samanupassato ṭhānaso vedanā paṭippassambheyya.
‘‘яат̇ааруубааяа ко, г̇ахабад̇и, мижчаавимуд̇д̇ияаа саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, д̇ат̇ааруубаа д̇з мижчаавимуд̇д̇и над̇т̇и. ад̇т̇и жа ко д̇з, г̇ахабад̇и, саммаавимуд̇д̇и. д̇ан̃жа бана д̇з саммаавимуд̇д̇им̣ ад̇д̇ани саманубассад̇о таанасо взд̣̇анаа бадиббассамбхзяяаа’’д̇и.
‘‘Yathārūpāya kho, gahapati, micchāvimuttiyā samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, tathārūpā te micchāvimutti natthi. Atthi ca kho te, gahapati, sammāvimutti. Tañca pana te sammāvimuttiṃ attani samanupassato ṭhānaso vedanā paṭippassambheyyā’’ti.
ат̇а ко анаат̇абин̣д̣игасса г̇ахабад̇исса таанасо взд̣̇анаа бадиббассамбхим̣су. ат̇а ко анаат̇абин̣д̣иго г̇ахабад̇и ааяасманд̇ан̃жа саарибуд̇д̇ам̣ ааяасманд̇ан̃жа аананд̣̇ам̣ сагзнзва т̇аалибаагзна баривиси. ат̇а ко анаат̇абин̣д̣иго г̇ахабад̇и ааяасманд̇ам̣ саарибуд̇д̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжаасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисиннам̣ ко анаат̇абин̣д̣игам̣ г̇ахабад̇им̣ ааяасмаа саарибуд̇д̇о имаахи г̇аат̇аахи анумод̣̇и –
Atha kho anāthapiṇḍikassa gahapatissa ṭhānaso vedanā paṭippassambhiṃsu. Atha kho anāthapiṇḍiko gahapati āyasmantañca sāriputtaṃ āyasmantañca ānandaṃ sakeneva thālipākena parivisi. Atha kho anāthapiṇḍiko gahapati āyasmantaṃ sāriputtaṃ bhuttāviṃ onītapattapāṇiṃ aññataraṃ nīcāsanaṃ gahetvā ekamantaṃ nisīdi. Ekamantaṃ nisinnaṃ kho anāthapiṇḍikaṃ gahapatiṃ āyasmā sāriputto imāhi gāthāhi anumodi –
‘‘яасса сад̣̇д̇хаа д̇ат̇ааг̇ад̇з, ажалаа суббад̇идтид̇аа;
‘‘Yassa saddhā tathāgate, acalā suppatiṭṭhitā;
сийлан̃жа яасса галяаан̣ам̣, арияаганд̇ам̣ басам̣сид̇ам̣.
Sīlañca yassa kalyāṇaṃ, ariyakantaṃ pasaṃsitaṃ.
‘‘сан̇гхз басаад̣̇о яассад̇т̇и, уж̇убхууд̇ан̃жа д̣̇ассанам̣;
‘‘Saṅghe pasādo yassatthi, ujubhūtañca dassanaṃ;
ад̣̇алид̣̇д̣̇од̇и 1 д̇ам̣ ааху, амогхам̣ д̇асса ж̇ийвид̇ам̣.
Adaliddoti 2 taṃ āhu, amoghaṃ tassa jīvitaṃ.
‘‘д̇асмаа сад̣̇д̇хан̃жа сийлан̃жа, басаад̣̇ам̣ д̇хаммад̣̇ассанам̣;
‘‘Tasmā saddhañca sīlañca, pasādaṃ dhammadassanaṃ;
ануяун̃ж̇зт̇а мзд̇хаавий, сарам̣ б̣уд̣̇д̇хаанасаасана’’нд̇и.
Anuyuñjetha medhāvī, saraṃ buddhānasāsana’’nti.
ат̇а ко ааяасмаа саарибуд̇д̇о анаат̇абин̣д̣игам̣ г̇ахабад̇им̣ имаахи г̇аат̇аахи анумод̣̇ид̇ваа удтааяаасанаа баггаами.
Atha kho āyasmā sāriputto anāthapiṇḍikaṃ gahapatiṃ imāhi gāthāhi anumoditvā uṭṭhāyāsanā pakkāmi.
ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ аананд̣̇ам̣ бхаг̇аваа зд̇ад̣̇авожа – ‘‘ханд̣̇а! гуд̇о ну д̇вам̣, аананд̣̇а, ааг̇ажчаси д̣̇иваад̣̇ивассаа’’д̇и? ‘‘ааяасмад̇аа, бханд̇з, саарибуд̇д̇зна анаат̇абин̣д̣иго г̇ахабад̇и иминаа жа иминаа жа оваад̣̇зна овад̣̇ид̇о’’д̇и. ‘‘бан̣д̣ид̇о, аананд̣̇а, саарибуд̇д̇о; махаабан̃н̃о, аананд̣̇а, саарибуд̇д̇о, яад̇ра хи наама жад̇д̇аари сод̇аабад̇д̇ияан̇г̇аани д̣̇асахаагаарзхи вибхаж̇иссад̇ий’’д̇и. чадтам̣.
Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ ānandaṃ bhagavā etadavoca – ‘‘handa! Kuto nu tvaṃ, ānanda, āgacchasi divādivassā’’ti? ‘‘Āyasmatā, bhante, sāriputtena anāthapiṇḍiko gahapati iminā ca iminā ca ovādena ovadito’’ti. ‘‘Paṇḍito, ānanda, sāriputto; mahāpañño, ānanda, sāriputto, yatra hi nāma cattāri sotāpattiyaṅgāni dasahākārehi vibhajissatī’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. батамаанаат̇абин̣д̣игасуд̇д̇аван̣н̣анаа • 6. Paṭhamaanāthapiṇḍikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. батамаанаат̇абин̣д̣игасуд̇д̇аван̣н̣анаа • 6. Paṭhamaanāthapiṇḍikasuttavaṇṇanā
