| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౫. పఠమఅనాయుస్సాసుత్తం
5. Paṭhamaanāyussāsuttaṃ
౧౨౫. ‘‘పఞ్చిమే , భిక్ఖవే, ధమ్మా అనాయుస్సా. కతమే పఞ్చ? అసప్పాయకారీ హోతి, సప్పాయే మత్తం న జానాతి, అపరిణతభోజీ చ హోతి, అకాలచారీ చ హోతి, అబ్రహ్మచారీ చ. ఇమే ఖో, భిక్ఖవే, పఞ్చ ధమ్మా అనాయుస్సా.
125. ‘‘Pañcime , bhikkhave, dhammā anāyussā. Katame pañca? Asappāyakārī hoti, sappāye mattaṃ na jānāti, apariṇatabhojī ca hoti, akālacārī ca hoti, abrahmacārī ca. Ime kho, bhikkhave, pañca dhammā anāyussā.
‘‘పఞ్చిమే, భిక్ఖవే, ధమ్మా ఆయుస్సా. కతమే పఞ్చ? సప్పాయకారీ హోతి, సప్పాయే మత్తం జానాతి, పరిణతభోజీ చ హోతి, కాలచారీ చ హోతి, బ్రహ్మచారీ చ. ఇమే ఖో, భిక్ఖవే, పఞ్చ ధమ్మా ఆయుస్సా’’తి. పఞ్చమం.
‘‘Pañcime, bhikkhave, dhammā āyussā. Katame pañca? Sappāyakārī hoti, sappāye mattaṃ jānāti, pariṇatabhojī ca hoti, kālacārī ca hoti, brahmacārī ca. Ime kho, bhikkhave, pañca dhammā āyussā’’ti. Pañcamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౫-౬. అనాయుస్సాసుత్తద్వయవణ్ణనా • 5-6. Anāyussāsuttadvayavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / (౧౩) ౩. గిలానవగ్గో • (13) 3. Gilānavaggo
