| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. පඨමඅනායුස්‌සාසුත්‌තං
5. Paṭhamaanāyussāsuttaṃ
125. ‘‘පඤ්‌චිමෙ , භික්‌ඛවෙ, ධම්‌මා අනායුස්‌සා. කතමෙ පඤ්‌ච? අසප්‌පායකාරී හොති, සප්‌පායෙ මත්‌තං න ජානාති, අපරිණතභොජී ච හොති, අකාලචාරී ච හොති, අබ්‍රහ්‌මචාරී ච. ඉමෙ ඛො, භික්‌ඛවෙ, පඤ්‌ච ධම්‌මා අනායුස්‌සා.
125. ‘‘Pañcime , bhikkhave, dhammā anāyussā. Katame pañca? Asappāyakārī hoti, sappāye mattaṃ na jānāti, apariṇatabhojī ca hoti, akālacārī ca hoti, abrahmacārī ca. Ime kho, bhikkhave, pañca dhammā anāyussā.
‘‘පඤ්‌චිමෙ, භික්‌ඛවෙ, ධම්‌මා ආයුස්‌සා. කතමෙ පඤ්‌ච? සප්‌පායකාරී හොති, සප්‌පායෙ මත්‌තං ජානාති, පරිණතභොජී ච හොති, කාලචාරී ච හොති, බ්‍රහ්‌මචාරී ච. ඉමෙ ඛො, භික්‌ඛවෙ, පඤ්‌ච ධම්‌මා ආයුස්‌සා’’ති. පඤ්‌චමං.
‘‘Pañcime, bhikkhave, dhammā āyussā. Katame pañca? Sappāyakārī hoti, sappāye mattaṃ jānāti, pariṇatabhojī ca hoti, kālacārī ca hoti, brahmacārī ca. Ime kho, bhikkhave, pañca dhammā āyussā’’ti. Pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5-6. අනායුස්‌සාසුත්‌තද්‌වයවණ්‌ණනා • 5-6. Anāyussāsuttadvayavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / (13) 3. ගිලානවග්‌ගො • (13) 3. Gilānavaggo
