| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
3. анияад̇аган̣д̣ам̣
3. Aniyatakaṇḍaṃ
1. батамаанияад̇асигкаабад̣̇аван̣н̣анаа
1. Paṭhamaaniyatasikkhāpadavaṇṇanā
443. д̇зна самаязна б̣уд̣̇д̇хо бхаг̇аваад̇и батамаанияад̇асигкаабад̣̇ам̣. д̇ад̇т̇а гаалаяуд̇д̇ам̣ самуллабанд̇од̇и гаалам̣ саллагкзд̇ваа яад̣̇аа на ан̃н̃о гожи самийбзна г̇ажчад̇и ваа ааг̇ажчад̇и ваа д̇ад̣̇аа д̇ад̣̇ануруубам̣ ‘‘гажжи на угган̣таси, на гиламаси, на чаад̇аасий’’д̇иаад̣̇игам̣ г̇зхассид̇ам̣ гат̇ам̣ гат̇знд̇о. гаалаяуд̇д̇ам̣ д̇хаммам̣ бхан̣анд̇од̇и гаалам̣ саллагкзд̇ваа яад̣̇аа ан̃н̃о гожи самийбзна г̇ажчад̇и ваа ааг̇ажчад̇и ваа д̇ад̣̇аа д̇ад̣̇ануруубам̣ ‘‘убосат̇ам̣ гарзяяааси, салаагабхад̇д̇ам̣ д̣̇ад̣̇зяяаасий’’д̇иаад̣̇игам̣ д̇хаммагат̇ам̣ гат̇знд̇о.
443.Tenasamayena buddho bhagavāti paṭhamaaniyatasikkhāpadaṃ. Tattha kālayuttaṃ samullapantoti kālaṃ sallakkhetvā yadā na añño koci samīpena gacchati vā āgacchati vā tadā tadanurūpaṃ ‘‘kacci na ukkaṇṭhasi, na kilamasi, na chātāsī’’tiādikaṃ gehassitaṃ kathaṃ kathento. Kālayuttaṃ dhammaṃ bhaṇantoti kālaṃ sallakkhetvā yadā añño koci samīpena gacchati vā āgacchati vā tadā tadanurūpaṃ ‘‘uposathaṃ kareyyāsi, salākabhattaṃ dadeyyāsī’’tiādikaṃ dhammakathaṃ kathento.
б̣ахуу д̇хийд̇аро жа буд̇д̇аа жа ассаад̇и б̣ахубуд̇д̇аа. д̇ассаа гира д̣̇аса буд̇д̇аа д̣̇аса д̇хийд̇аро ахзсум̣, б̣ахуу над̇д̇ааро ассаад̇и б̣ахунад̇д̇аа. яат̇зва хи д̇ассаа звамассаа буд̇д̇ад̇хийд̇аанамби вийсад̇и вийсад̇и д̣̇аарагаа ахзсум̣, ид̇и саа вийсуд̇д̇аражад̇усад̇абуд̇д̇анад̇д̇абариваараа ахоси. абхиман̇г̇аласаммад̇аад̇и уд̇д̇амаман̇г̇аласаммад̇аа. яан̃н̃зсууд̇и д̣̇аанаббад̣̇аанзсу. чан̣зсууд̇и ааваахавиваахаман̇г̇алаад̣̇ийсу анд̇аруссавзсу. уссавзсууд̇и аасаал̣хийбавааран̣анагкад̇д̇аад̣̇ийсу махуссавзсу. батамам̣ бхож̇знд̇ийд̇и ‘‘имзби д̣̇аарагаа д̇аяаа самаанааяугаа нирог̇аа хонд̇уу’’д̇и ааяаажанд̇аа батамам̣язва бхож̇знд̇и, язби сад̣̇д̇хаа хонд̇и басаннаа, д̇зби бхигкуу бхож̇зд̇ваа д̇ад̣̇ананд̇арам̣ саб̣б̣абатамам̣ д̇ам̣язва бхож̇знд̇и. наад̣̇ияийд̇и д̇ассаа важанам̣ на аад̣̇ияи, на г̇ан̣хи, на ваа аад̣̇арамагаасийд̇и ад̇т̇о.
Bahū dhītaro ca puttā ca assāti bahuputtā. Tassā kira dasa puttā dasa dhītaro ahesuṃ, bahū nattāro assāti bahunattā. Yatheva hi tassā evamassā puttadhītānampi vīsati vīsati dārakā ahesuṃ, iti sā vīsuttaracatusataputtanattaparivārā ahosi. Abhimaṅgalasammatāti uttamamaṅgalasammatā. Yaññesūti dānappadānesu. Chaṇesūti āvāhavivāhamaṅgalādīsu antarussavesu. Ussavesūti āsāḷhīpavāraṇanakkhattādīsu mahussavesu. Paṭhamaṃ bhojentīti ‘‘imepi dārakā tayā samānāyukā nirogā hontū’’ti āyācantā paṭhamaṃyeva bhojenti, yepi saddhā honti pasannā, tepi bhikkhū bhojetvā tadanantaraṃ sabbapaṭhamaṃ taṃyeva bhojenti. Nādiyīti tassā vacanaṃ na ādiyi, na gaṇhi, na vā ādaramakāsīti attho.
444-5. алам̣гамманиязд̇и гаммагкамам̣ гаммаяог̇г̇анд̇и гамманияам̣, алам̣ барияад̇д̇ам̣ гамманияабхаавааяаад̇и алам̣гамманияам̣, д̇асмим̣ алам̣гамманияз, яад̇т̇а аж̇жхаажаарам̣ гаронд̇аа саггонд̇и, д̇ам̣ гаммам̣ гаад̇ум̣ д̇аад̣̇исзд̇и ад̇т̇о. д̇знзвасса бад̣̇абхааж̇анз вуд̇д̇ам̣ – ‘‘саггаа ход̇и мзт̇унам̣ д̇хаммам̣ бадисзвид̇у’’нд̇и, яад̇т̇а мзт̇унам̣ д̇хаммам̣ саггаа ход̇и бадисзвид̇унд̇и вуд̇д̇ам̣ ход̇и. нисаж̇ж̇ам̣ габбзяяаад̇и нисаж̇ж̇ам̣ гарзяяа, нисийд̣̇зяяаад̇и ад̇т̇о. яасмаа бана нисийд̣̇ид̇ваава нибаж̇ж̇ад̇и, д̇знасса бад̣̇абхааж̇анз убхаяамби вуд̇д̇ам̣. д̇ад̇т̇а убанисиннод̇и убаг̇анд̇ваа нисинно. звам̣ убанибанноби взд̣̇ид̇аб̣б̣о. бхигку нисиннзд̇и бхигкумхи нисиннзд̇и ад̇т̇о. убхо ваа нисиннаад̇и д̣̇взби абажчаа абуримам̣ нисиннаа. зд̇т̇а жа гин̃жааби баал̣ияам̣ ‘‘сод̇асса рахо’’д̇и ааг̇ад̇ам̣, жагкусса рахзнзва бана барижчзд̣̇о взд̣̇ид̇аб̣б̣о. сажзби хи бихид̇агаваадасса г̇аб̣бхасса д̣̇ваарз нисинно вин̃н̃уу бурисо ход̇и, нзва анаабад̇д̇им̣ гарод̇и. абихид̇агаваадасса бана д̣̇ваарз нисинно анаабад̇д̇им̣ гарод̇и. на гзвалан̃жа д̣̇ваарз анд̇од̣̇ваад̣̇асахад̇т̇зби огаасз нисинно, сажз сажагкуго вигкид̇д̇оби нид̣̇д̣̇ааяанд̇оби анаабад̇д̇им̣ гарод̇и. самийбз тид̇оби анд̇хо на гарод̇и, жагкумааби нибаж̇ж̇ид̇ваа нид̣̇д̣̇ааяанд̇о на гарод̇и. ид̇т̇ийнам̣ бана сад̇амби анаабад̇д̇им̣ на гарод̇иязва.
444-5.Alaṃkammaniyeti kammakkhamaṃ kammayogganti kammaniyaṃ, alaṃ pariyattaṃ kammaniyabhāvāyāti alaṃkammaniyaṃ, tasmiṃ alaṃkammaniye, yattha ajjhācāraṃ karontā sakkonti, taṃ kammaṃ kātuṃ tādiseti attho. Tenevassa padabhājane vuttaṃ – ‘‘sakkā hoti methunaṃ dhammaṃ paṭisevitu’’nti, yattha methunaṃ dhammaṃ sakkā hoti paṭisevitunti vuttaṃ hoti. Nisajjaṃkappeyyāti nisajjaṃ kareyya, nisīdeyyāti attho. Yasmā pana nisīditvāva nipajjati, tenassa padabhājane ubhayampi vuttaṃ. Tattha upanisinnoti upagantvā nisinno. Evaṃ upanipannopi veditabbo. Bhikkhu nisinneti bhikkhumhi nisinneti attho. Ubho vā nisinnāti dvepi apacchā apurimaṃ nisinnā. Ettha ca kiñcāpi pāḷiyaṃ ‘‘sotassa raho’’ti āgataṃ, cakkhussa raheneva pana paricchedo veditabbo. Sacepi hi pihitakavāṭassa gabbhassa dvāre nisinno viññū puriso hoti, neva anāpattiṃ karoti. Apihitakavāṭassa pana dvāre nisinno anāpattiṃ karoti. Na kevalañca dvāre antodvādasahatthepi okāse nisinno, sace sacakkhuko vikkhittopi niddāyantopi anāpattiṃ karoti. Samīpe ṭhitopi andho na karoti, cakkhumāpi nipajjitvā niddāyanto na karoti. Itthīnaṃ pana satampi anāpattiṃ na karotiyeva.
сад̣̇д̇хзяяаважасаад̇и сад̣̇д̇хаад̇аб̣б̣аважанаа. саа бана яасмаа арияасаавигаава ход̇и, д̇знасса бад̣̇абхааж̇анз ‘‘ааг̇ад̇апалаа’’д̇иаад̣̇и вуд̇д̇ам̣. д̇ад̇т̇а ааг̇ад̇ам̣ палам̣ ассаад̇и ааг̇ад̇апалаа бадилад̣̇д̇хасод̇аабад̇д̇ипалаад̇и ад̇т̇о. абхисамзд̇аавинийд̇и бадивид̣̇д̇хажад̇усажжаа. вин̃н̃аад̇ам̣ сигкад̇д̇аяасаасанам̣ зд̇ааяаад̇и вин̃н̃аад̇асаасанаа. нисаж̇ж̇ам̣ бхигку бадиж̇аанамаанод̇и гин̃жааби зваруубаа убаасигаа д̣̇исваа вад̣̇ад̇и, ат̇а ко бхигку нисаж̇ж̇ам̣ бадиж̇аанамааноязва д̇ин̣н̣ам̣ д̇хаммаанам̣ ан̃н̃ад̇арзна гаарзд̇аб̣б̣о, на аббадиж̇аанамаанод̇и ад̇т̇о.
Saddheyyavacasāti saddhātabbavacanā. Sā pana yasmā ariyasāvikāva hoti, tenassa padabhājane ‘‘āgataphalā’’tiādi vuttaṃ. Tattha āgataṃ phalaṃ assāti āgataphalā paṭiladdhasotāpattiphalāti attho. Abhisametāvinīti paṭividdhacatusaccā. Viññātaṃ sikkhattayasāsanaṃ etāyāti viññātasāsanā. Nisajjaṃ bhikkhu paṭijānamānoti kiñcāpi evarūpā upāsikā disvā vadati, atha kho bhikkhu nisajjaṃ paṭijānamānoyeva tiṇṇaṃ dhammānaṃ aññatarena kāretabbo, na appaṭijānamānoti attho.
язна ваа саа сад̣̇д̇хзяяаважасаа убаасигаа вад̣̇зяяа д̇зна со бхигку гаарзд̇аб̣б̣од̇и нисаж̇ж̇аад̣̇ийсу аагаарзсу язна ваа аагаарзна сад̣̇д̇хим̣ мзт̇унад̇хаммаад̣̇ийни ааробзд̇ваа саа убаасигаа вад̣̇зяяа, бадиж̇аанамаанова д̇зна со бхигку гаарзд̇аб̣б̣о. зваруубааяаби убаасигааяа важанамад̇д̇зна на гаарзд̇аб̣б̣од̇и ад̇т̇о. гасмаа? яасмаа д̣̇идтам̣ наама д̇ат̇ааби ход̇и, ан̃н̃ат̇ааби ход̇и.
Yena vā sā saddheyyavacasā upāsikā vadeyya tena so bhikkhu kāretabboti nisajjādīsu ākāresu yena vā ākārena saddhiṃ methunadhammādīni āropetvā sā upāsikā vadeyya, paṭijānamānova tena so bhikkhu kāretabbo. Evarūpāyapi upāsikāya vacanamattena na kāretabboti attho. Kasmā? Yasmā diṭṭhaṃ nāma tathāpi hoti, aññathāpi hoti.
д̇ад̣̇ад̇т̇аж̇од̇анад̇т̇ан̃жа ид̣̇ам̣ вад̇т̇ум̣ уд̣̇аахаранд̇и – маллаараамавихаарз гира зго кийн̣аасавад̇т̇зро згад̣̇ивасам̣ убадтаагагулам̣ г̇анд̇ваа анд̇ог̇зхз нисийд̣̇и, убаасигааби саяанабаллан̇гам̣ ниссааяа тид̇аа ход̇и. ат̇зго бин̣д̣ажаариго д̣̇ваарз тид̇о д̣̇исваа ‘‘т̇зро убаасигааяа сад̣̇д̇хим̣ згаасанз нисинно’’д̇и сан̃н̃ам̣ бадилабхид̇ваа бунаббунам̣ ологзси. т̇зроби ‘‘аяам̣ маяи асуд̣̇д̇халад̣̇д̇хиго ж̇аад̇о’’д̇и саллагкзд̇ваа гад̇абхад̇д̇агижжо вихаарам̣ г̇анд̇ваа ад̇д̇ано васанадтаанам̣ бависид̇ваа анд̇ова нисийд̣̇и. соби бхигку ‘‘т̇зрам̣ жод̣̇зссаамий’’д̇и ааг̇анд̇ваа уггаасид̇ваа д̣̇ваарам̣ вивари. т̇зро д̇асса жид̇д̇ам̣ н̃ад̇ваа аагаасз уббад̇ид̇ваа гуудааг̇аараган̣н̣игам̣ ниссааяа баллан̇гзна нисийд̣̇и. соби бхигку анд̇о бависид̇ваа ман̃жан̃жа хздтааман̃жан̃жа ологзд̇ваа т̇зрам̣ абассанд̇о уд̣̇д̇хам̣ уллогзси, ат̇а аагаасз нисиннам̣ т̇зрам̣ д̣̇исваа ‘‘бханд̇з, звам̣ махид̣̇д̇хигаа наама д̇умхз маад̇уг̇аамзна сад̣̇д̇хим̣ згаасанз нисиннабхаавам̣ вад̣̇аабзт̇а зваа’’д̇и ааха. т̇зро ‘‘анд̇арагхарассзвзсо аавусо д̣̇осо, ахам̣ бана д̇ам̣ сад̣̇д̇хаабзд̇ум̣ асаггонд̇о звамагаасим̣, рагкзяяааси ма’’нд̇и вад̇ваа од̇арийд̇и.
Tadatthajotanatthañca idaṃ vatthuṃ udāharanti – mallārāmavihāre kira eko khīṇāsavatthero ekadivasaṃ upaṭṭhākakulaṃ gantvā antogehe nisīdi, upāsikāpi sayanapallaṅkaṃ nissāya ṭhitā hoti. Atheko piṇḍacāriko dvāre ṭhito disvā ‘‘thero upāsikāya saddhiṃ ekāsane nisinno’’ti saññaṃ paṭilabhitvā punappunaṃ olokesi. Theropi ‘‘ayaṃ mayi asuddhaladdhiko jāto’’ti sallakkhetvā katabhattakicco vihāraṃ gantvā attano vasanaṭṭhānaṃ pavisitvā antova nisīdi. Sopi bhikkhu ‘‘theraṃ codessāmī’’ti āgantvā ukkāsitvā dvāraṃ vivari. Thero tassa cittaṃ ñatvā ākāse uppatitvā kūṭāgārakaṇṇikaṃ nissāya pallaṅkena nisīdi. Sopi bhikkhu anto pavisitvā mañcañca heṭṭhāmañcañca oloketvā theraṃ apassanto uddhaṃ ullokesi, atha ākāse nisinnaṃ theraṃ disvā ‘‘bhante, evaṃ mahiddhikā nāma tumhe mātugāmena saddhiṃ ekāsane nisinnabhāvaṃ vadāpetha evā’’ti āha. Thero ‘‘antaragharasseveso āvuso doso, ahaṃ pana taṃ saddhāpetuṃ asakkonto evamakāsiṃ, rakkheyyāsi ma’’nti vatvā otarīti.
446. ид̇о барам̣ саа жз звам̣ вад̣̇зяяаад̇иаад̣̇и саб̣б̣ам̣ бадин̃н̃ааяа гааран̣аагаарад̣̇ассанад̇т̇ам̣ вуд̇д̇ам̣, д̇ад̇т̇а маад̇уг̇аамасса мзт̇унам̣ д̇хаммам̣ бадисзванд̇од̇и маад̇уг̇аамасса маг̇г̇з мзт̇унам̣ д̇хаммам̣ бадисзванд̇од̇и ад̇т̇о. нисаж̇ж̇ааяа гаарзд̇аб̣б̣од̇и нисаж̇ж̇ам̣ бадиж̇аанид̇ваа мзт̇унад̇хаммабадисзванам̣ аббадиж̇аананд̇о мзт̇унад̇хаммабаарааж̇игаабад̇д̇ияаа агаарзд̇ваа нисаж̇ж̇аамад̇д̇зна яам̣ аабад̇д̇им̣ аабаж̇ж̇ад̇и д̇ааяа гаарзд̇аб̣б̣о, баажид̇д̇ияаабад̇д̇ияаа гаарзд̇аб̣б̣од̇и ад̇т̇о. зд̇зна наязна саб̣б̣ажад̇уггзсу винижчаяо взд̣̇ид̇аб̣б̣о.
446. Ito paraṃ sā ce evaṃ vadeyyātiādi sabbaṃ paṭiññāya kāraṇākāradassanatthaṃ vuttaṃ, tattha mātugāmassa methunaṃ dhammaṃ paṭisevantoti mātugāmassa magge methunaṃ dhammaṃ paṭisevantoti attho. Nisajjāya kāretabboti nisajjaṃ paṭijānitvā methunadhammapaṭisevanaṃ appaṭijānanto methunadhammapārājikāpattiyā akāretvā nisajjāmattena yaṃ āpattiṃ āpajjati tāya kāretabbo, pācittiyāpattiyā kāretabboti attho. Etena nayena sabbacatukkesu vinicchayo veditabbo.
451. сигкаабад̣̇абарияосаанз бана аабад̇д̇аанаабад̇д̇ибарижчзд̣̇ад̣̇ассанад̇т̇ам̣ вуд̇д̇зсу г̇аманам̣ бадиж̇аанаад̇ийд̇иаад̣̇ийсу г̇аманам̣ бадиж̇аанаад̇ийд̇и ‘‘рахонисаж̇ж̇ассаад̣̇ад̇т̇ам̣ г̇ад̇омхий’’д̇и звам̣ г̇аманам̣ бадиж̇аанаад̇и, нисаж̇ж̇анд̇и нисаж̇ж̇ассаад̣̇знзва нисаж̇ж̇ам̣ бадиж̇аанаад̇и. аабад̇д̇инд̇и д̇ийсу ан̃н̃ад̇арам̣ аабад̇д̇им̣. аабад̇д̇ияаа гаарзд̇аб̣б̣од̇и д̇ийсу яам̣ бадиж̇аанаад̇и, д̇ааяа гаарзд̇аб̣б̣о. сзсамзд̇т̇а жад̇уггз уд̇д̇аанаад̇хиббааяамзва. д̣̇уд̇ияажад̇уггз бана г̇аманам̣ на бадиж̇аанаад̇ийд̇и рахо нисаж̇ж̇ассаад̣̇авасзна на бадиж̇аанаад̇и , ‘‘салаагабхад̇д̇аад̣̇инаа ад̇д̇ано гаммзна г̇ад̇омхи, саа бана маяхам̣ нисиннадтаанам̣ ааг̇ад̇аа’’д̇и вад̣̇ад̇и. сзсамзд̇т̇ааби уд̇д̇аанаад̇хиббааяамзва.
451. Sikkhāpadapariyosāne pana āpattānāpattiparicchedadassanatthaṃ vuttesu gamanaṃ paṭijānātītiādīsu gamanaṃ paṭijānātīti ‘‘rahonisajjassādatthaṃ gatomhī’’ti evaṃ gamanaṃ paṭijānāti, nisajjanti nisajjassādeneva nisajjaṃ paṭijānāti. Āpattinti tīsu aññataraṃ āpattiṃ. Āpattiyā kāretabboti tīsu yaṃ paṭijānāti, tāya kāretabbo. Sesamettha catukke uttānādhippāyameva. Dutiyacatukke pana gamanaṃ na paṭijānātīti raho nisajjassādavasena na paṭijānāti , ‘‘salākabhattādinā attano kammena gatomhi, sā pana mayhaṃ nisinnaṭṭhānaṃ āgatā’’ti vadati. Sesametthāpi uttānādhippāyameva.
аяам̣ бана саб̣б̣ад̇т̇а винижчаяо – рахо нисаж̇ж̇ассаад̣̇од̇и мзт̇унад̇хаммасанниссид̇агилзсо вужжад̇и. яо бхигку д̇знассаад̣̇зна маад̇уг̇аамасса санд̇игам̣ г̇анд̇угаамо агким̣ ан̃ж̇зд̇и, д̣̇уггадам̣. ниваасанам̣ ниваасзд̇и, гааяаб̣анд̇ханам̣ б̣анд̇хад̇и, жийварам̣ баарубад̇и, саб̣б̣ад̇т̇а баяог̇з баяог̇з д̣̇уггадам̣. г̇ажчад̇и, бад̣̇аваарз бад̣̇аваарз д̣̇уггадам̣. г̇анд̇ваа нисийд̣̇ад̇и, д̣̇уггадамзва. маад̇уг̇аамз ааг̇анд̇ваа нисиннамад̇д̇з баажид̇д̇ияам̣. сажз саа ид̇т̇ий гзнажи гаран̣ийязна удтааяудтааяа бунаббунам̣ нисийд̣̇ад̇и, нисаж̇ж̇ааяа нисаж̇ж̇ааяа баажид̇д̇ияам̣. яам̣ санд̇хааяа г̇ад̇о, саа на д̣̇идтаа, ан̃н̃аа ааг̇анд̇ваа нисийд̣̇ад̇и, ассаад̣̇з уббаннз баажид̇д̇ияам̣. махаабажжарияам̣ бана ‘‘г̇аманагаалад̇о бадтааяа асуд̣̇д̇хажид̇д̇ад̇д̇аа аабад̇д̇иязваа’’д̇и вуд̇д̇ам̣. сажз самб̣ахулаа ааг̇ажчанд̇и, маад̇уг̇аамаг̇ан̣анааяа баажид̇д̇ияаани. сажз удтааяудтааяа бунаббунам̣ нисийд̣̇анд̇и, нисаж̇ж̇ааг̇ан̣анааяа баажид̇д̇ияаани. анияамзд̇ваа д̣̇идтад̣̇идтааяа сад̣̇д̇хим̣ рахассаад̣̇ам̣ габбзссаамийд̇и г̇анд̇ваа нисиннассааби ааг̇ад̇ааг̇ад̇аанам̣ васзна бунаббунам̣ нисаж̇ж̇аавасзна жа вуд̇д̇анаязнзва аабад̇д̇ияо взд̣̇ид̇аб̣б̣аа. сажз суд̣̇д̇хажид̇д̇зна г̇анд̇ваа нисиннасса санд̇игам̣ ааг̇анд̇ваа нисиннааяа ид̇т̇ияаа рахассаад̣̇о уббаж̇ж̇ад̇и анаабад̇д̇и.
Ayaṃ pana sabbattha vinicchayo – raho nisajjassādoti methunadhammasannissitakileso vuccati. Yo bhikkhu tenassādena mātugāmassa santikaṃ gantukāmo akkhiṃ añjeti, dukkaṭaṃ. Nivāsanaṃ nivāseti, kāyabandhanaṃ bandhati, cīvaraṃ pārupati, sabbattha payoge payoge dukkaṭaṃ. Gacchati, padavāre padavāre dukkaṭaṃ. Gantvā nisīdati, dukkaṭameva. Mātugāme āgantvā nisinnamatte pācittiyaṃ. Sace sā itthī kenaci karaṇīyena uṭṭhāyuṭṭhāya punappunaṃ nisīdati, nisajjāya nisajjāya pācittiyaṃ. Yaṃ sandhāya gato, sā na diṭṭhā, aññā āgantvā nisīdati, assāde uppanne pācittiyaṃ. Mahāpaccariyaṃ pana ‘‘gamanakālato paṭṭhāya asuddhacittattā āpattiyevā’’ti vuttaṃ. Sace sambahulā āgacchanti, mātugāmagaṇanāya pācittiyāni. Sace uṭṭhāyuṭṭhāya punappunaṃ nisīdanti, nisajjāgaṇanāya pācittiyāni. Aniyametvā diṭṭhadiṭṭhāya saddhiṃ rahassādaṃ kappessāmīti gantvā nisinnassāpi āgatāgatānaṃ vasena punappunaṃ nisajjāvasena ca vuttanayeneva āpattiyo veditabbā. Sace suddhacittena gantvā nisinnassa santikaṃ āgantvā nisinnāya itthiyā rahassādo uppajjati anāpatti.
самудтаанаад̣̇ийни батамабаарааж̇игасад̣̇исаанзваад̇и.
Samuṭṭhānādīni paṭhamapārājikasadisānevāti.
батамаанияад̇асигкаабад̣̇аван̣н̣анаа нидтид̇аа.
Paṭhamaaniyatasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамаанияад̇асигкаабад̣̇ам̣ • 1. Paṭhamaaniyatasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. батамаанияад̇асигкаабад̣̇аван̣н̣анаа • 1. Paṭhamaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамаанияад̇асигкаабад̣̇аван̣н̣анаа • 1. Paṭhamaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаанияад̇асигкаабад̣̇аван̣н̣анаа • 1. Paṭhamaaniyatasikkhāpadavaṇṇanā
