| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. анияад̇аган̣д̣ам̣
3. Aniyatakaṇḍaṃ
1. батамаанияад̇асигкаабад̣̇аван̣н̣анаа
1. Paṭhamaaniyatasikkhāpadavaṇṇanā
443. буд̇д̇асад̣̇д̣̇зна сааман̃н̃анид̣̇д̣̇зсад̇о згасзсанаязна ваа буд̇д̇ийби г̇ахид̇аад̇и ааха ‘‘б̣ахуу д̇хийд̇аро жаа’’д̇и. д̣̇аанаббад̣̇аанзсууд̇и куд̣̇д̣̇агзсу жзва маханд̇зсу жа д̣̇аанзсу. чан̣ам̣ наама ад̇д̇ано г̇зхз гад̇д̇аб̣б̣аман̇г̇аланд̇и ааха ‘‘ааваахавиваахаман̇г̇алаад̣̇ийсуу’’д̇и. зд̇т̇а аад̣̇и-сад̣̇д̣̇зна паг̇г̇ун̣амаасаад̣̇ийсу уд̇д̇арапаг̇г̇ун̣аад̣̇иабхилагкид̇ад̣̇ивасзсу сабариж̇анаанам̣ мануссаанам̣ ман̇г̇алагаран̣амби сан̇г̇ан̣хаад̇и. анд̇аруссавзсууд̇и махуссавасса анд̇аранд̇араа бавад̇д̇ид̇ауссавзсу. аасаал̣хийбавааран̣анагкад̇д̇аад̣̇ийсууд̇и зд̇т̇а нагкад̇д̇асад̣̇д̣̇о бажжзгам̣ яож̇зд̇аб̣б̣о. д̇ад̇т̇а аасаал̣хийнагкад̇д̇анд̇и вассуубаг̇аманабууж̇аад̣̇ивасам̣ санд̇хааяа вуд̇д̇ам̣, бавааран̣анагкад̇д̇анд̇и бавааран̣абууж̇аад̣̇ивасам̣ санд̇хааяа. аад̣̇и-сад̣̇д̣̇зна яасмим̣ нагкад̇д̇з г̇ааманиг̇амаваасино д̇аяо сад̇д̇а ваа д̣̇ивасз нагкад̇д̇агхосанам̣ гад̇ваа яат̇аавибхавам̣ алан̇гад̇абадияад̇д̇аа бхог̇з барибхун̃ж̇анд̇аа нагкад̇д̇агийл̣ам̣ гийл̣анд̇и, д̇амби сан̇г̇ан̣хаад̇и. имзби д̣̇аарагаад̇и ад̇д̇ано д̣̇аарагз санд̇хааяа вад̣̇анд̇и. д̇ад̣̇ананд̇аранд̇и бхигкуунам̣ бхож̇анаананд̇арам̣.
443. Puttasaddena sāmaññaniddesato ekasesanayena vā puttīpi gahitāti āha ‘‘bahū dhītaro cā’’ti. Dānappadānesūti khuddakesu ceva mahantesu ca dānesu. Chaṇaṃ nāma attano gehe kattabbamaṅgalanti āha ‘‘āvāhavivāhamaṅgalādīsū’’ti. Ettha ādi-saddena phagguṇamāsādīsu uttaraphagguṇādiabhilakkhitadivasesu saparijanānaṃ manussānaṃ maṅgalakaraṇampi saṅgaṇhāti. Antarussavesūti mahussavassa antarantarā pavattitaussavesu. Āsāḷhīpavāraṇanakkhattādīsūti ettha nakkhattasaddo paccekaṃ yojetabbo. Tattha āsāḷhīnakkhattanti vassūpagamanapūjādivasaṃ sandhāya vuttaṃ, pavāraṇanakkhattanti pavāraṇapūjādivasaṃ sandhāya. Ādi-saddena yasmiṃ nakkhatte gāmanigamavāsino tayo satta vā divase nakkhattaghosanaṃ katvā yathāvibhavaṃ alaṅkatapaṭiyattā bhoge paribhuñjantā nakkhattakīḷaṃ kīḷanti, tampi saṅgaṇhāti. Imepi dārakāti attano dārake sandhāya vadanti. Tadanantaranti bhikkhūnaṃ bhojanānantaraṃ.
444-445. д̇ам̣ гамманд̇и д̇ам̣ аж̇жхаажаарагаммам̣. бхигку нисиннзд̇и зд̇т̇а бхигкууд̇и бхуммад̇т̇з бажжад̇д̇аважанам̣, бхуммаважанасса ваа лобам̣ гад̇ваа нид̣̇д̣̇зсод̇и ааха ‘‘бхигкумхи нисиннз’’д̇и. баал̣ияам̣ ‘‘сод̇асса рахо’’д̇и ид̣̇ам̣ ад̇т̇уд̣̇д̇хааравасзна вуд̇д̇ам̣, ‘‘бадижчаннз аасанз’’д̇и бана важанад̇о ‘‘саггаа ход̇и мзт̇унам̣ д̇хаммам̣ бадисзвид̇у’’нд̇и жа вуд̇д̇ад̇д̇аа жагкусса рахо ид̇хаад̇хиббзд̇од̇и д̣̇ассзд̇ум̣ ‘‘гин̃жаабий’’д̇иаад̣̇и вуд̇д̇ам̣. барижчзд̣̇о взд̣̇ид̇аб̣б̣од̇и рахо нисаж̇ж̇аабад̇д̇ияаа барижчзд̣̇о вавад̇т̇аанам̣ взд̣̇ид̇аб̣б̣ам̣. ид̣̇аани жагкусса рахзнзва аабад̇д̇им̣ барижчинд̣̇ид̇ваа д̣̇ассзнд̇о ‘‘сажзби хий’’д̇иаад̣̇имааха. бихид̇агаваадассаад̇и иминаа бадижчаннабхаавад̇о жагкусса рахосаб̣бхаавам̣ д̣̇ассзд̇и. абихид̇агаваадассаад̇и иминаа аббадижчаннабхаавам̣ д̣̇ассзд̇и. аббадижчаннз жа д̣̇уд̇ияасигкаабад̣̇з ааг̇ад̇анаязна сод̇асса рахавасзнаби барижчзд̣̇о взд̣̇ид̇аб̣б̣од̇и ааха ‘‘анд̇од̣̇ваад̣̇асахад̇т̇зби огаасз’’д̇и . ‘‘анд̇од̣̇ваад̣̇асахад̇т̇з’’д̇и хи ид̣̇ам̣ сод̇асса рахаабхаавам̣ санд̇хааяа вуд̇д̇ам̣. яад̣̇и хи жагкуссзва рахаабхаавам̣ санд̇хааяа вад̣̇зяяа , ‘‘анд̇од̣̇ваад̣̇асахад̇т̇з’’д̇и на вад̣̇зяяа аббадижчаннз д̇ад̇о д̣̇уурад̇арз нисиннзби жагкусса рахаасамбхавад̇о. яасмаа нисийд̣̇ид̇ваа нид̣̇д̣̇ааяанд̇о габимид̣̇д̇хабарзд̇о ган̃жи гаалам̣ жагкууни уммийлзд̇и, ган̃жи гаалам̣ нимийлзд̇и, на жа махаанид̣̇д̣̇ам̣ оггамад̇и, д̇асмаа ‘‘нид̣̇д̣̇ааяанд̇оби анаабад̇д̇им̣ гарод̇ий’’д̇и вуд̇д̇ам̣. нибаж̇ж̇ид̇ваа нид̣̇д̣̇ааяанд̇о бана д̇аад̣̇исо на ход̇ийд̇и ааха ‘‘нибаж̇ж̇ид̇ваа нид̣̇д̣̇ааяанд̇о на гарод̇ий’’д̇и, анаабад̇д̇им̣ на гарод̇ийд̇и ад̇т̇о.
444-445.Taṃ kammanti taṃ ajjhācārakammaṃ. Bhikkhu nisinneti ettha bhikkhūti bhummatthe paccattavacanaṃ, bhummavacanassa vā lopaṃ katvā niddesoti āha ‘‘bhikkhumhi nisinne’’ti. Pāḷiyaṃ ‘‘sotassa raho’’ti idaṃ atthuddhāravasena vuttaṃ, ‘‘paṭicchanne āsane’’ti pana vacanato ‘‘sakkā hoti methunaṃ dhammaṃ paṭisevitu’’nti ca vuttattā cakkhussa raho idhādhippetoti dassetuṃ ‘‘kiñcāpī’’tiādi vuttaṃ. Paricchedo veditabboti raho nisajjāpattiyā paricchedo vavatthānaṃ veditabbaṃ. Idāni cakkhussa raheneva āpattiṃ paricchinditvā dassento ‘‘sacepi hī’’tiādimāha. Pihitakavāṭassāti iminā paṭicchannabhāvato cakkhussa rahosabbhāvaṃ dasseti. Apihitakavāṭassāti iminā appaṭicchannabhāvaṃ dasseti. Appaṭicchanne ca dutiyasikkhāpade āgatanayena sotassa rahavasenapi paricchedo veditabboti āha ‘‘antodvādasahatthepi okāse’’ti . ‘‘Antodvādasahatthe’’ti hi idaṃ sotassa rahābhāvaṃ sandhāya vuttaṃ. Yadi hi cakkhusseva rahābhāvaṃ sandhāya vadeyya , ‘‘antodvādasahatthe’’ti na vadeyya appaṭicchanne tato dūratare nisinnepi cakkhussa rahāsambhavato. Yasmā nisīditvā niddāyanto kapimiddhapareto kañci kālaṃ cakkhūni ummīleti, kañci kālaṃ nimīleti, na ca mahāniddaṃ okkamati, tasmā ‘‘niddāyantopi anāpattiṃ karotī’’ti vuttaṃ. Nipajjitvā niddāyanto pana tādiso na hotīti āha ‘‘nipajjitvā niddāyanto na karotī’’ti, anāpattiṃ na karotīti attho.
бадилад̣̇д̇хасод̇аабад̇д̇ипалаад̇и анд̇имабарижчзд̣̇ад̇о арияасаавигам̣ д̣̇ассзд̇и. бадивид̣̇д̇хажад̇усажжаад̇и сод̇аабад̇д̇имаг̇г̇зна бадивид̣̇д̇хажад̇усажжаа. д̇ин̣н̣ам̣ д̇хаммаанам̣ ан̃н̃ад̇арзна гаарзд̇аб̣б̣од̇и нисаж̇ж̇ам̣ бадиж̇аанамаанасса д̇ин̣н̣ам̣ д̇хаммаанам̣ ан̃н̃ад̇арасамааяог̇о ход̇иязваад̇и вуд̇д̇ам̣. баарааж̇игзна бана сан̇гхаад̣̇исзсзна жа баажид̇д̇иязна жа д̇знаагаарзна нисаж̇ж̇ам̣ бадиж̇аанамаанова гаарзд̇аб̣б̣о. на аббадиж̇аанамаанод̇и алаж̇ж̇ийби аббадиж̇аанамаано аабад̇д̇ияаа на гаарзд̇аб̣б̣од̇и ависзсзна вуд̇д̇ам̣. со хи яаава на бадиж̇аанаад̇и, д̇аава нзва суд̣̇д̇хо, на асуд̣̇д̇ход̇и ваа вад̇д̇аб̣б̣о, вад̇д̇аанусанд̇хинаа бана гаарзд̇аб̣б̣о. вуд̇д̇ан̃хзд̇ам̣ –
Paṭiladdhasotāpattiphalāti antimaparicchedato ariyasāvikaṃ dasseti. Paṭividdhacatusaccāti sotāpattimaggena paṭividdhacatusaccā. Tiṇṇaṃ dhammānaṃ aññatarena kāretabboti nisajjaṃ paṭijānamānassa tiṇṇaṃ dhammānaṃ aññatarasamāyogo hotiyevāti vuttaṃ. Pārājikena pana saṅghādisesena ca pācittiyena ca tenākārena nisajjaṃ paṭijānamānova kāretabbo. Na appaṭijānamānoti alajjīpi appaṭijānamāno āpattiyā na kāretabboti avisesena vuttaṃ. So hi yāva na paṭijānāti, tāva neva suddho, na asuddhoti vā vattabbo, vattānusandhinā pana kāretabbo. Vuttañhetaṃ –
‘‘бадин̃н̃аа лаж̇ж̇ийсу гад̇аа, алаж̇ж̇ийсу звам̣ на виж̇ж̇ад̇и;
‘‘Paṭiññā lajjīsu katā, alajjīsu evaṃ na vijjati;
б̣ахумби алаж̇ж̇ий бхаасзяяа, вад̇д̇аанусанд̇хид̇зна гаараяз’’д̇и. (бари. 359);
Bahumpi alajjī bhāseyya, vattānusandhitena kāraye’’ti. (pari. 359);
язна ваа саа сад̣̇д̇хзяяаважасаа убаасигаа вад̣̇зяяа, д̇зна со бхигку гаарзд̇аб̣б̣од̇и зд̇т̇а ‘‘бадиж̇аанамаано’’д̇и авуд̇д̇зби ад̇хигаарад̇д̇аа ‘‘бадиж̇аанамаанова д̇зна со бхигку гаарзд̇аб̣б̣о’’д̇и вуд̇д̇ам̣. д̇ат̇ааруубааяа убаасигааяа важанзна ан̃н̃ат̇ад̇д̇аабхаавад̇о д̣̇идтам̣ наама д̇ат̇ааби ход̇и, ан̃н̃ат̇ааби ход̇ийд̇и д̣̇ассанзна ан̃н̃ат̇ад̇д̇асамбхавам̣ д̣̇ассзд̇и. звам̣ махид̣̇д̇хигаа наама…бз… вад̣̇аабзт̇аад̇и ид̣̇ам̣ ‘‘звам̣ махид̣̇д̇хигааби д̇умхз зваруубз аасан̇ганийяз таанз гасмаа анубабаригкид̇ваа нисиннад̇т̇а, д̇умхаад̣̇исзхи наама анд̇арагхарз нисийд̣̇анд̇зхи убабаригкид̇ваа бад̇ируубз таанз нисийд̣̇ид̇аб̣б̣а’’нд̇и т̇зрам̣ овад̣̇анд̇о ааха, на бана асад̣̇д̣̇аханд̇о. т̇зро ад̇д̇ано анубабаригкид̇ваа анисиннабхаавам̣ д̣̇ассзнд̇о ‘‘анд̇арагхарассзвзсо аавусо д̣̇осо’’д̇и ааха. звамагаасинд̇и ад̇д̇ано ниг̇уухид̇аб̣б̣амби г̇ун̣ам̣ багаасзнд̇о звам̣ вияа ид̣̇д̇хибаадихаарияам̣ агаасим̣. рагкзяяааси манд̇и ‘‘маа мам̣ ан̃н̃зби звам̣ ж̇аананд̇уу’’д̇и ад̇д̇ано г̇ун̣ам̣ аж̇аанаабзд̇угаамо вад̣̇ад̇и.
Yena vā sā saddheyyavacasā upāsikā vadeyya, tena so bhikkhu kāretabboti ettha ‘‘paṭijānamāno’’ti avuttepi adhikārattā ‘‘paṭijānamānova tena so bhikkhu kāretabbo’’ti vuttaṃ. Tathārūpāya upāsikāya vacanena aññathattābhāvato diṭṭhaṃ nāma tathāpi hoti, aññathāpi hotīti dassanena aññathattasambhavaṃ dasseti. Evaṃ mahiddhikā nāma…pe… vadāpethāti idaṃ ‘‘evaṃ mahiddhikāpi tumhe evarūpe āsaṅkanīye ṭhāne kasmā anupaparikkhitvā nisinnattha, tumhādisehi nāma antaraghare nisīdantehi upaparikkhitvā patirūpe ṭhāne nisīditabba’’nti theraṃ ovadanto āha, na pana asaddahanto. Thero attano anupaparikkhitvā anisinnabhāvaṃ dassento ‘‘antaragharasseveso āvuso doso’’ti āha. Evamakāsinti attano nigūhitabbampi guṇaṃ pakāsento evaṃ viya iddhipāṭihāriyaṃ akāsiṃ. Rakkheyyāsi manti ‘‘mā maṃ aññepi evaṃ jānantū’’ti attano guṇaṃ ajānāpetukāmo vadati.
446-451. маад̇уг̇аамасса мзт̇унам̣ д̇хаммам̣ бадисзванд̇од̇и зд̇т̇а ‘‘маг̇г̇з’’д̇и баатасзсо д̣̇адтаб̣б̣од̇и ааха ‘‘маад̇уг̇аамасса маг̇г̇з’’д̇и. рахо нисаж̇ж̇ассаад̣̇асса асад̇иби мзт̇унарааг̇абхаавз д̇аббадиб̣ад̣̇д̇хагилзсад̇д̇аа вуд̇д̇ам̣ ‘‘мзт̇унад̇хаммасанниссид̇агилзсо вужжад̇ий’’д̇и, д̇знзва санниссид̇аг̇г̇ахан̣ам̣ гад̇ам̣. д̇ам̣ санд̇хааяа аг̇ад̇зби асуд̣̇д̇хажид̇д̇зна г̇ад̇ад̇д̇аа ‘‘ассаад̣̇з уббаннз баажид̇д̇ияа’’нд̇и вуд̇д̇ам̣. рахассаад̣̇о уббаж̇ж̇ад̇и анаабад̇д̇ийд̇и суд̣̇д̇хажид̇д̇зна г̇анд̇ваа нисиннад̇д̇аа жид̇д̇уббаад̣̇амад̇д̇знзд̇т̇а аабад̇д̇и на ход̇ийд̇и вуд̇д̇ам̣. аяам̣ д̇хаммо анияад̇од̇и зд̇т̇а д̇ин̣н̣ам̣ аабад̇д̇ийнам̣ яам̣ аабад̇д̇им̣ ваа вад̇т̇ум̣ ваа бадиж̇аанаад̇и, д̇асса васзна гаарзд̇аб̣б̣ад̇ааяа анияад̇од̇и аяамад̇т̇о баагадоязваад̇и на вуд̇д̇о. яам̣ аабад̇д̇им̣ бадиж̇аанаад̇и, д̇ассаа васзнзд̇т̇а ан̇г̇абхзд̣̇о взд̣̇ид̇аб̣б̣о.
446-451.Mātugāmassa methunaṃ dhammaṃ paṭisevantoti ettha ‘‘magge’’ti pāṭhaseso daṭṭhabboti āha ‘‘mātugāmassa magge’’ti. Raho nisajjassādassa asatipi methunarāgabhāve tappaṭibaddhakilesattā vuttaṃ ‘‘methunadhammasannissitakileso vuccatī’’ti, teneva sannissitaggahaṇaṃ kataṃ. Taṃ sandhāya agatepi asuddhacittena gatattā ‘‘assāde uppanne pācittiya’’nti vuttaṃ. Rahassādo uppajjati anāpattīti suddhacittena gantvā nisinnattā cittuppādamattenettha āpatti na hotīti vuttaṃ. Ayaṃ dhammo aniyatoti ettha tiṇṇaṃ āpattīnaṃ yaṃ āpattiṃ vā vatthuṃ vā paṭijānāti, tassa vasena kāretabbatāya aniyatoti ayamattho pākaṭoyevāti na vutto. Yaṃ āpattiṃ paṭijānāti, tassā vasenettha aṅgabhedo veditabbo.
батамаанияад̇асигкаабад̣̇аван̣н̣анаа нидтид̇аа.
Paṭhamaaniyatasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамаанияад̇асигкаабад̣̇ам̣ • 1. Paṭhamaaniyatasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамаанияад̇асигкаабад̣̇аван̣н̣анаа • 1. Paṭhamaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамаанияад̇асигкаабад̣̇аван̣н̣анаа • 1. Paṭhamaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаанияад̇асигкаабад̣̇аван̣н̣анаа • 1. Paṭhamaaniyatasikkhāpadavaṇṇanā
