| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
3. анияад̇аган̣д̣о
3. Aniyatakaṇḍo
1. батамаанияад̇асигкаабад̣̇аван̣н̣анаа
1. Paṭhamaaniyatasikkhāpadavaṇṇanā
444-5. уд̣̇д̣̇зсанд̇и уд̣̇д̣̇исанам̣, аасаал̣хинагкад̇д̇ам̣ наама вассуубаг̇амабууж̇аа. сод̇асса раход̇и зд̇т̇а рахо-важанасааман̃н̃ад̇о вуд̇д̇ам̣ д̣̇удтулласааман̃н̃ад̇о д̣̇удтуллаарожанаббадижчаад̣̇анасигкаабад̣̇зсу баарааж̇игаважанам̣ вияа. д̇асмаа ‘‘жагкусса рахзнзва бана барижчзд̣̇о гаад̇аб̣б̣о’’д̇и вуд̇д̇ам̣. гат̇ам̣ бан̃н̃ааяад̇ийд̇и жз? ‘‘маад̇уг̇аамо наама д̇ад̣̇ахуж̇аад̇ааби д̣̇ааригаа’’д̇и важанад̇о, ‘‘алам̣гамманиязд̇и саггаа ход̇и мзт̇унам̣ д̇хаммам̣ бадисзвид̇у’’нд̇и важанад̇о жа рахонисаж̇ж̇ассаад̣̇о жзд̇т̇а мзт̇унасанниссид̇агилзсо, на д̣̇уд̇ияз вияа д̣̇удтуллаваажассаад̣̇агилзсо, д̇асмаа жа бан̃н̃ааяад̇и ‘‘сод̇асса рахо наад̇хиббзд̇о’’д̇и. гзжи бана ‘‘д̇ан̃жа лаб̣бхад̇ийд̇и важанасса д̣̇ассанад̇т̇ам̣ вуд̇д̇ам̣, д̇зна д̣̇уд̇ияз вуд̇д̇аа вин̃н̃уу бадиб̣алаа г̇ахид̇аа ход̇ий’’д̇и вад̣̇анд̇и. язна ваа саад̇и зд̇т̇а ваа-сад̣̇д̣̇о ‘‘д̇зна со бхигку гаарзд̇аб̣б̣о ваа’’д̇и яож̇зд̇аб̣б̣о, со жа вигаббад̇т̇о, д̇асмаа гаарзд̇аб̣б̣о ваа бадиж̇аанамаано, на ваа гаарзд̇аб̣б̣о аббадиж̇аанамаанод̇и ад̇т̇о. д̇зна вуд̇д̇ам̣ адтагат̇ааяам̣ ‘‘бадиж̇аанамаанова д̇зна со бхигку гаарзд̇аб̣б̣о…бз… на гаарзд̇аб̣б̣о’’д̇и. д̇асмаа зва баал̣ияам̣ д̇ад̣̇ад̇т̇ад̣̇ваяад̣̇ассанад̇т̇ам̣ ‘‘саа жз звам̣ вад̣̇зяяаа’’д̇иаад̣̇и вуд̇д̇ам̣. ‘‘сад̣̇д̇хзяяаважасаа’’д̇и иминаа сод̇аабаннаа ад̇т̇абхан̃ж̇анагам̣ на бхан̣анд̇и, сзсам̣ бхан̣анд̇ийд̇и ваад̣̇ийнам̣ ваад̣̇о бадисзд̇хид̇о ход̇и. ‘‘д̣̇идта’’нд̇и вуд̇д̇ад̇д̇аа ‘‘ологзсий’’д̇и сунд̣̇арам̣. рагкзяяаасийд̇и мама висзсам̣ гассажи наарожзяяаасийд̇и ад̇хиббааяо.
444-5.Uddesanti uddisanaṃ, āsāḷhinakkhattaṃ nāma vassūpagamapūjā. Sotassa rahoti ettha raho-vacanasāmaññato vuttaṃ duṭṭhullasāmaññato duṭṭhullārocanappaṭicchādanasikkhāpadesu pārājikavacanaṃ viya. Tasmā ‘‘cakkhussa raheneva pana paricchedo kātabbo’’ti vuttaṃ. Kathaṃ paññāyatīti ce? ‘‘Mātugāmo nāma tadahujātāpi dārikā’’ti vacanato, ‘‘alaṃkammaniyeti sakkā hoti methunaṃ dhammaṃ paṭisevitu’’nti vacanato ca rahonisajjassādo cettha methunasannissitakileso, na dutiye viya duṭṭhullavācassādakileso, tasmā ca paññāyati ‘‘sotassa raho nādhippeto’’ti. Keci pana ‘‘tañca labbhatīti vacanassa dassanatthaṃ vuttaṃ, tena dutiye vuttā viññū paṭibalā gahitā hotī’’ti vadanti. Yena vā sāti ettha vā-saddo ‘‘tena so bhikkhu kāretabbo vā’’ti yojetabbo, so ca vikappattho, tasmā kāretabbo vā paṭijānamāno, na vā kāretabbo appaṭijānamānoti attho. Tena vuttaṃ aṭṭhakathāyaṃ ‘‘paṭijānamānova tena so bhikkhu kāretabbo…pe… na kāretabbo’’ti. Tasmā eva pāḷiyaṃ tadatthadvayadassanatthaṃ ‘‘sā ce evaṃ vadeyyā’’tiādi vuttaṃ. ‘‘Saddheyyavacasā’’ti iminā sotāpannā atthabhañjanakaṃ na bhaṇanti, sesaṃ bhaṇantīti vādīnaṃ vādo paṭisedhito hoti. ‘‘Diṭṭha’’nti vuttattā ‘‘olokesī’’ti sundaraṃ. Rakkheyyāsīti mama visesaṃ kassaci nāroceyyāsīti adhippāyo.
446. ‘‘саа жз звам̣ вад̣̇зяяа ‘аяяасса маяаа суд̇ам̣ нисиннасса маад̇уг̇аамам̣ д̣̇удтуллаахи ваажаахи обхаасзнд̇ассаа’’’д̇и, ид̣̇ам̣ гимад̇т̇амзд̇т̇а вуд̇д̇ам̣, на ад̇хиббзд̇ан̃хзд̇ам̣ ид̇ха сод̇асса рахо наад̇хиббзд̇од̇и гад̇ваад̇и жз? алам̣гамманияадтаанз д̣̇удтуллаваажааби лаб̣бхад̇и, на бана наалам̣гамманияадтаанз мзт̇унанд̇и д̣̇ассанад̇т̇ам̣ вуд̇д̇анд̇и взд̣̇ид̇аб̣б̣анд̇и. яат̇аа зд̇ам̣, д̇ат̇аа ‘‘саа жз звам̣ вад̣̇зяяа ‘аяяасса маяаа суд̇ам̣ маад̇уг̇аамасса санд̇игз ад̇д̇агаамабаарижарияааяа ван̣н̣ам̣ бхаасанд̇ассаа’’’д̇и зд̇амби ид̇ха лаб̣бхад̇и, на д̣̇уд̇ияз наалам̣гамманияадтаанад̇д̇аад̇и згз. ган̇каавид̇аран̣ияам̣ (ган̇каа. адта. д̣̇уд̇ияаанияад̇асигкаабад̣̇аван̣н̣анаа) ид̇хааби д̣̇уд̇ияаанияад̇аад̇хигаарз баарааж̇игаабад̇д̇ин̃жа барихаабзд̇ваа д̣̇удтуллаваажаабад̇д̇ияаа вуд̇д̇ад̇д̇аа батамаанияад̇з д̣̇удтуллаваажаабад̇д̇и на вуд̇д̇аад̇и жз? ‘‘саа жз’’д̇и д̇ассаа баал̣ияаа бод̇т̇агаа сод̇хзд̇аб̣б̣аа. г̇ан̣тибад̣̇з жа ‘‘ид̇ха сигкаабад̣̇з мзт̇унагааяасам̣саг̇г̇арахонисаж̇ж̇аанамзвааг̇ад̇ад̇д̇аа жагкуссарахова бамаан̣а’’нд̇и ликид̇ам̣, д̣̇уд̇ияаанияад̇аад̇хигаарз жа ‘‘ананд̇хо гааяасам̣саг̇г̇ам̣ бассад̇и, аб̣ад̇хиро д̣̇удтуллам̣ сун̣аад̇и, гааяажид̇д̇ад̇о гааяасам̣саг̇г̇о, ваажаажид̇д̇ад̇о д̣̇удтуллам̣, убхаязхи убхаяа’’нд̇и жа ликид̇ам̣. адтагат̇ааяам̣ ‘‘самудтаанаад̣̇ийни батамабаарааж̇игасад̣̇исаанзваа’’д̇и вуд̇д̇ад̇д̇ааби д̣̇удтуллаваад̣̇о на сунд̣̇аро ‘‘д̇ад̣̇ахуж̇аад̇аа’’д̇и вуд̇д̇ад̇д̇аад̇и.
446. ‘‘Sā ce evaṃ vadeyya ‘ayyassa mayā sutaṃ nisinnassa mātugāmaṃ duṭṭhullāhi vācāhi obhāsentassā’’’ti, idaṃ kimatthamettha vuttaṃ, na adhippetañhetaṃ idha sotassa raho nādhippetoti katvāti ce? Alaṃkammaniyaṭṭhāne duṭṭhullavācāpi labbhati, na pana nālaṃkammaniyaṭṭhāne methunanti dassanatthaṃ vuttanti veditabbanti. Yathā etaṃ, tathā ‘‘sā ce evaṃ vadeyya ‘ayyassa mayā sutaṃ mātugāmassa santike attakāmapāricariyāya vaṇṇaṃ bhāsantassā’’’ti etampi idha labbhati, na dutiye nālaṃkammaniyaṭṭhānattāti eke. Kaṅkhāvitaraṇiyaṃ (kaṅkhā. aṭṭha. dutiyāniyatasikkhāpadavaṇṇanā) idhāpi dutiyāniyatādhikāre pārājikāpattiñca parihāpetvā duṭṭhullavācāpattiyā vuttattā paṭhamāniyate duṭṭhullavācāpatti na vuttāti ce? ‘‘Sā ce’’ti tassā pāḷiyā potthakā sodhetabbā. Gaṇṭhipade ca ‘‘idha sikkhāpade methunakāyasaṃsaggarahonisajjānamevāgatattā cakkhussarahova pamāṇa’’nti likhitaṃ, dutiyāniyatādhikāre ca ‘‘anandho kāyasaṃsaggaṃ passati, abadhiro duṭṭhullaṃ suṇāti, kāyacittato kāyasaṃsaggo, vācācittato duṭṭhullaṃ, ubhayehi ubhaya’’nti ca likhitaṃ. Aṭṭhakathāyaṃ ‘‘samuṭṭhānādīni paṭhamapārājikasadisānevā’’ti vuttattāpi duṭṭhullavādo na sundaro ‘‘tadahujātā’’ti vuttattāti.
батамаанияад̇асигкаабад̣̇аван̣н̣анаа нидтид̇аа.
Paṭhamaaniyatasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамаанияад̇асигкаабад̣̇ам̣ • 1. Paṭhamaaniyatasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамаанияад̇асигкаабад̣̇аван̣н̣анаа • 1. Paṭhamaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. батамаанияад̇асигкаабад̣̇аван̣н̣анаа • 1. Paṭhamaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаанияад̇асигкаабад̣̇аван̣н̣анаа • 1. Paṭhamaaniyatasikkhāpadavaṇṇanā
