| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৬. পঠমঅঞ্ঞতরভিক্খুসুত্তং
6. Paṭhamaaññatarabhikkhusuttaṃ
৬. সাৰত্থিনিদানং । অথ খো অঞ্ঞতরো ভিক্খু যেন ভগৰা তেনুপসঙ্কমি…পে॰… একমন্তং নিসিন্নো খো সো ভিক্খু ভগৰন্তং এতদৰোচ – ‘‘‘ব্রহ্মচরিযং, ব্রহ্মচরিয’ন্তি, ভন্তে, ৰুচ্চতি। কতমং নু খো, ভন্তে, ব্রহ্মচরিযং, কতমং ব্রহ্মচরিযপরিযোসান’’ন্তি?
6. Sāvatthinidānaṃ . Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘brahmacariyaṃ, brahmacariya’nti, bhante, vuccati. Katamaṃ nu kho, bhante, brahmacariyaṃ, katamaṃ brahmacariyapariyosāna’’nti?
‘‘অযমেৰ খো, ভিক্খু, অরিযো অট্ঠঙ্গিকো মগ্গো ব্রহ্মচরিযং, সেয্যথিদং – সম্মাদিট্ঠি…পে॰… সম্মাসমাধি । যো খো, ভিক্খু, রাগক্খযো দোসক্খযো মোহক্খযো – ইদং ব্রহ্মচরিযপরিযোসান’’ন্তি। ছট্ঠং।
‘‘Ayameva kho, bhikkhu, ariyo aṭṭhaṅgiko maggo brahmacariyaṃ, seyyathidaṃ – sammādiṭṭhi…pe… sammāsamādhi . Yo kho, bhikkhu, rāgakkhayo dosakkhayo mohakkhayo – idaṃ brahmacariyapariyosāna’’nti. Chaṭṭhaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫-৬. কিমত্থিযসুত্তাদিৰণ্ণনা • 5-6. Kimatthiyasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫-৬. কিমত্থিযসুত্তাদিৰণ্ণনা • 5-6. Kimatthiyasuttādivaṇṇanā
