| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
7. පඨමඅපාසාදිකසුත්‌තං
7. Paṭhamaapāsādikasuttaṃ
217. ‘‘පඤ්‌චිමෙ, භික්‌ඛවෙ, ආදීනවා අපාසාදිකෙ. කතමෙ පඤ්‌ච? අත්‌තාපි අත්‌තානං උපවදති, අනුවිච්‌ච විඤ්‌ඤූ ගරහන්‌ති, පාපකො කිත්‌තිසද්‌දො අබ්‌භුග්‌ගච්‌ඡති, සම්‌මූළ්‌හො කාලං කරොති, කායස්‌ස භෙදා පරං මරණා අපායං දුග්‌ගතිං විනිපාතං නිරයං උපපජ්‌ජති. ඉමෙ ඛො, භික්‌ඛවෙ, පඤ්‌ච ආදීනවා අපාසාදිකෙ.
217. ‘‘Pañcime, bhikkhave, ādīnavā apāsādike. Katame pañca? Attāpi attānaṃ upavadati, anuvicca viññū garahanti, pāpako kittisaddo abbhuggacchati, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā apāsādike.
‘‘පඤ්‌චිමෙ, භික්‌ඛවෙ, ආනිසංසා පාසාදිකෙ . කතමෙ පඤ්‌ච? අත්‌තාපි අත්‌තානං න උපවදති, අනුවිච්‌ච විඤ්‌ඤූ පසංසන්‌ති, කල්‍යාණො කිත්‌තිසද්‌දො අබ්‌භුග්‌ගච්‌ඡති, අසම්‌මූළ්‌හො කාලං කරොති, කායස්‌ස භෙදා පරං මරණා සුගතිං සග්‌ගං ලොකං උපපජ්‌ජති. ඉමෙ ඛො, භික්‌ඛවෙ, පඤ්‌ච ආනිසංසා පාසාදිකෙ’’ති. සත්‌තමං.
‘‘Pañcime, bhikkhave, ānisaṃsā pāsādike . Katame pañca? Attāpi attānaṃ na upavadati, anuvicca viññū pasaṃsanti, kalyāṇo kittisaddo abbhuggacchati, asammūḷho kālaṃ karoti, kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā pāsādike’’ti. Sattamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 7.පඨමඅපාසාදිකසුත්‌තවණ්‌ණනා • 7.Paṭhamaapāsādikasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 3-10. සීලසුත්‌තාදිවණ්‌ණනා • 3-10. Sīlasuttādivaṇṇanā
