| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༣. པཋམཨཔྤིཡསུཏྟཾ
3. Paṭhamaappiyasuttaṃ
༣. ‘‘ཨཊྛཧི , བྷིཀྑཝེ, དྷམྨེཧི སམནྣཱགཏོ བྷིཀྑུ སབྲཧྨཙཱརཱིནཾ ཨཔྤིཡོ ཙ ཧོཏི ཨམནཱཔོ ཙ ཨགརུ ཙ ཨབྷཱཝནཱིཡོ ཙ། ཀཏམེཧི ཨཊྛཧི? ཨིདྷ, བྷིཀྑཝེ, བྷིཀྑུ ཨཔྤིཡཔསཾསཱི ཙ ཧོཏི, པིཡགརཧཱི ཙ, ལཱབྷཀཱམོ ཙ, སཀྐཱརཀཱམོ ཙ, ཨཧིརིཀོ ཙ, ཨནོཏྟཔྤཱི ཙ, པཱཔིཙྪོ ཙ, མིཙྪཱདིཊྛི ཙ། ཨིམེཧི ཁོ, བྷིཀྑཝེ, ཨཊྛཧི དྷམྨེཧི སམནྣཱགཏོ བྷིཀྑུ སབྲཧྨཙཱརཱིནཾ ཨཔྤིཡོ ཙ ཧོཏི ཨམནཱཔོ ཙ ཨགརུ ཙ ཨབྷཱཝནཱིཡོ ཙ།
3. ‘‘Aṭṭhahi , bhikkhave, dhammehi samannāgato bhikkhu sabrahmacārīnaṃ appiyo ca hoti amanāpo ca agaru ca abhāvanīyo ca. Katamehi aṭṭhahi? Idha, bhikkhave, bhikkhu appiyapasaṃsī ca hoti, piyagarahī ca, lābhakāmo ca, sakkārakāmo ca, ahiriko ca, anottappī ca, pāpiccho ca, micchādiṭṭhi ca. Imehi kho, bhikkhave, aṭṭhahi dhammehi samannāgato bhikkhu sabrahmacārīnaṃ appiyo ca hoti amanāpo ca agaru ca abhāvanīyo ca.
‘‘ཨཊྛཧི, བྷིཀྑཝེ, དྷམྨེཧི སམནྣཱགཏོ བྷིཀྑུ སབྲཧྨཙཱརཱིནཾ པིཡོ ཙ ཧོཏི མནཱཔོ ཙ གརུ ཙ བྷཱཝནཱིཡོ ཙ། ཀཏམེཧི ཨཊྛཧི? ཨིདྷ , བྷིཀྑཝེ, བྷིཀྑུ ན ཨཔྤིཡཔསཾསཱི ཙ ཧོཏི, ན པིཡགརཧཱི ཙ, ན ལཱབྷཀཱམོ ཙ, ན སཀྐཱརཀཱམོ ཙ, ཧིརཱིམཱ ཙ ཧོཏི, ཨོཏྟཔྤཱི ཙ, ཨཔྤིཙྪོ ཙ, སམྨཱདིཊྛི ཙ། ཨིམེཧི ཁོ, བྷིཀྑཝེ, ཨཊྛཧི དྷམྨེཧི སམནྣཱགཏོ བྷིཀྑུ སབྲཧྨཙཱརཱིནཾ པིཡོ ཙ ཧོཏི མནཱཔོ ཙ གརུ ཙ བྷཱཝནཱིཡོ ཙཱ’’ཏི། ཏཏིཡཾ།
‘‘Aṭṭhahi, bhikkhave, dhammehi samannāgato bhikkhu sabrahmacārīnaṃ piyo ca hoti manāpo ca garu ca bhāvanīyo ca. Katamehi aṭṭhahi? Idha , bhikkhave, bhikkhu na appiyapasaṃsī ca hoti, na piyagarahī ca, na lābhakāmo ca, na sakkārakāmo ca, hirīmā ca hoti, ottappī ca, appiccho ca, sammādiṭṭhi ca. Imehi kho, bhikkhave, aṭṭhahi dhammehi samannāgato bhikkhu sabrahmacārīnaṃ piyo ca hoti manāpo ca garu ca bhāvanīyo cā’’ti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༣-༤. ཨཔྤིཡསུཏྟདྭཡཝཎྞནཱ • 3-4. Appiyasuttadvayavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༢-༤. པཉྙཱསུཏྟཱདིཝཎྞནཱ • 2-4. Paññāsuttādivaṇṇanā
