| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
9. பட²மஅபுத்தகஸுத்தவண்ணனா
9. Paṭhamaaputtakasuttavaṇṇanā
130. நவமே தி³வா தி³வஸ்ஸாதி தி³வஸஸ்ஸ தி³வா, மஜ்ஜ²ன்ஹிகஸமயேதி அத்தோ². ஸாபதெய்யந்தி த⁴னங். கோ பன வாதோ³ ரூபியஸ்ஸாதி ஸுவண்ணரஜததம்ப³லோஹகாளலோஹபா²லகச்ச²பகாதி³பே⁴த³ஸ்ஸ க⁴னகதஸ்ஸ சேவ பரிபோ⁴க³பா⁴ஜனாதி³பே⁴த³ஸ்ஸ ச ரூபியப⁴ண்ட³ஸ்ஸ பன கோ வாதோ³? ‘‘எத்தகங் நாமா’’தி கா பரிச்சே²த³கதா²தி அத்தோ². கணாஜகந்தி ஸகுண்ட³கப⁴த்தங். பி³லங்க³து³தியந்தி கஞ்ஜிகது³தியங். ஸாணந்தி ஸாணவாகமயங் . திபக்க²வஸனந்தி தீணி க²ண்டா³னி த்³வீஸு டா²னேஸு ஸிப்³பி³த்வா கதனிவாஸனங்.
130. Navame divā divassāti divasassa divā, majjhanhikasamayeti attho. Sāpateyyanti dhanaṃ. Ko pana vādo rūpiyassāti suvaṇṇarajatatambalohakāḷalohaphālakacchapakādibhedassa ghanakatassa ceva paribhogabhājanādibhedassa ca rūpiyabhaṇḍassa pana ko vādo? ‘‘Ettakaṃ nāmā’’ti kā paricchedakathāti attho. Kaṇājakanti sakuṇḍakabhattaṃ. Bilaṅgadutiyanti kañjikadutiyaṃ. Sāṇanti sāṇavākamayaṃ . Tipakkhavasananti tīṇi khaṇḍāni dvīsu ṭhānesu sibbitvā katanivāsanaṃ.
அஸப்புரிஸோதி லாமகபுரிஸோ. உத்³த⁴க்³கி³கந்திஆதீ³ஸு உபரூபரிபூ⁴மீஸு ப²லதா³னவஸேன உத்³த⁴ங் அக்³க³மஸ்ஸாதி உத்³த⁴க்³கி³கா. ஸக்³க³ஸ்ஸ ஹிதா தத்ருபபத்திஜனநதோதி ஸோவக்³கி³கா. நிப்³ப³த்தட்டா²னேஸு ஸுகோ² விபாகோ அஸ்ஸாதி ஸுக²விபாகா. ஸுட்டு² அக்³கா³னங் தி³ப்³ப³வண்ணாதீ³னங் விஸேஸானங் நிப்³ப³த்தனதோ ஸக்³க³ஸங்வத்தனிகா. ஏவரூபங் த³க்கி²ணதா³னங் ந பதிட்டா²பேதீதி.
Asappurisoti lāmakapuriso. Uddhaggikantiādīsu uparūparibhūmīsu phaladānavasena uddhaṃ aggamassāti uddhaggikā. Saggassa hitā tatrupapattijananatoti sovaggikā. Nibbattaṭṭhānesu sukho vipāko assāti sukhavipākā. Suṭṭhu aggānaṃ dibbavaṇṇādīnaṃ visesānaṃ nibbattanato saggasaṃvattanikā. Evarūpaṃ dakkhiṇadānaṃ na patiṭṭhāpetīti.
ஸாதோத³காதி மது⁴ரோத³கா. ஸெத்தோத³காதி வீசீனங் பி⁴ன்னட்டா²னே உத³கஸ்ஸ ஸேததாய ஸேதோத³கா. ஸுபதித்தா²தி ஸுந்த³ரதித்தா². தங் ஜனோதி யேன உத³கேன ஸாதோத³கா, தங் உத³கங் ஜனோ பா⁴ஜனானி பூரெத்வா நேவ ஹரெய்ய. ந யதா²பச்சயங் வா கரெய்யாதி, யங் யங் உத³கேன உத³ககிச்சங் காதப்³ப³ங், தங் தங் ந கரெய்ய. தத³பெய்யமானந்தி தங் அபெய்யமானங். கிச்சகரோ ச ஹோதீதி அத்தனா கத்தப்³ப³கிச்சகரோ சேவ குஸலகிச்சகரோ ச, பு⁴ஞ்ஜதி ச, கம்மந்தே ச பயோஜேதி, தா³னஞ்ச தே³தீதி அத்தோ². நவமங்.
Sātodakāti madhurodakā. Settodakāti vīcīnaṃ bhinnaṭṭhāne udakassa setatāya setodakā. Supatitthāti sundaratitthā. Taṃ janoti yena udakena sātodakā, taṃ udakaṃ jano bhājanāni pūretvā neva hareyya. Na yathāpaccayaṃ vā kareyyāti, yaṃ yaṃ udakena udakakiccaṃ kātabbaṃ, taṃ taṃ na kareyya. Tadapeyyamānanti taṃ apeyyamānaṃ. Kiccakaro ca hotīti attanā kattabbakiccakaro ceva kusalakiccakaro ca, bhuñjati ca, kammante ca payojeti, dānañca detīti attho. Navamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. பட²மஅபுத்தகஸுத்தங் • 9. Paṭhamaaputtakasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. பட²மஅபுத்தகஸுத்தவண்ணனா • 9. Paṭhamaaputtakasuttavaṇṇanā
