| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. батамаабуд̇д̇агасуд̇д̇аван̣н̣анаа
9. Paṭhamaaputtakasuttavaṇṇanā
130. д̣̇ива-сад̣̇д̣̇о д̣̇иваа-сад̣̇д̣̇о вияа д̣̇ивасабарияааяо, д̇асмаа висзсанабхаавзна вужжамаано д̣̇ивасад̣̇д̣̇о ад̇т̇ависзсам̣ д̣̇ийбзд̇ийд̇и ааха ‘‘д̣̇ивасасса д̣̇иваа’’д̇иаад̣̇и. сам̣ вужжад̇и д̇ханам̣, д̇асса бад̇ийд̇и самбад̇и, д̇ханасаамиго, д̇асса хид̇аавахад̇д̇аа саабад̇зяяанд̇и ааха ‘‘саабад̇зяяанд̇и д̇хана’’нд̇и. д̇асса г̇зхз гад̇аагад̇абхан̣д̣асса ад̇иб̣ахубхаавад̇о вимхаяаббад̇д̇о рааж̇аа ‘‘го бана ваад̣̇о’’д̇и ааха. гаал̣алохам̣ наама аяопалам̣. гажчабаад̣̇ируубзхиби сован̣н̣аад̣̇ийни табзнд̇и. сагун̣д̣агабхад̇д̇анд̇и сагун̣д̣зхи ваа сат̇усзхи ваа баггабхад̇д̇ам̣. б̣илан̇г̇ам̣ вужжад̇и д̇хан̃н̃аб̣илан̇г̇ам̣, ааранааланд̇иби вужжад̇и, д̇ам̣ д̣̇уд̇ияам̣ ассаад̇и б̣илан̇г̇ад̣̇уд̇ияам̣. д̇ан̃хи ган̃ж̇ид̇о ниб̣б̣ад̇д̇ад̇д̇аа ган̃ж̇игам̣ наама. д̇ийхи багкзхи вад̇т̇акан̣д̣зхи гад̇аниваасанам̣ д̇ибагкавасанам̣. д̇знааха ‘‘д̇ийн̣и…бз… ниваасана’’нд̇и.
130. Diva-saddo divā-saddo viya divasapariyāyo, tasmā visesanabhāvena vuccamāno divasaddo atthavisesaṃ dīpetīti āha ‘‘divasassa divā’’tiādi. Saṃ vuccati dhanaṃ, tassa patīti sampati, dhanasāmiko, tassa hitāvahattā sāpateyyanti āha ‘‘sāpateyyanti dhana’’nti. Tassa gehe katākatabhaṇḍassa atibahubhāvato vimhayappatto rājā ‘‘ko pana vādo’’ti āha. Kāḷalohaṃ nāma ayophalaṃ. Kacchapādirūpehipi sovaṇṇādīni ṭhapenti. Sakuṇḍakabhattanti sakuṇḍehi vā sathusehi vā pakkabhattaṃ. Bilaṅgaṃ vuccati dhaññabilaṅgaṃ, āranālantipi vuccati, taṃ dutiyaṃ assāti bilaṅgadutiyaṃ. Tañhi kañjito nibbattattā kañjikaṃ nāma. Tīhi pakkhehi vatthakhaṇḍehi katanivāsanaṃ tipakkhavasanaṃ. Tenāha ‘‘tīṇi…pe… nivāsana’’nti.
асанд̇о нийжо бурисод̇и асаббурисод̇и ааха ‘‘лаамагабурисо’’д̇и. гаммасса ниб̣б̣ад̇д̇абхаавзна од̇аран̣ад̇ааяа палам̣ аг̇г̇ам̣ наама, убарибхуумиг̇ад̇ад̇д̇аа уд̣̇д̇хам̣ аг̇г̇ам̣ ассаад̇и уд̣̇д̇хаг̇г̇игам̣. д̣̇агкин̣анд̇и д̣̇аанамааха. саг̇г̇о наама гаамабхавуубабад̇д̇ибхаво, д̇асса ниб̣б̣ад̇д̇анад̇о ‘‘саг̇г̇асса хид̇аа’’д̇и вуд̇д̇ам̣. д̇ад̇рубабад̇д̇иж̇ананад̇од̇и д̇ад̇ра убабад̇д̇ияаа ж̇ананад̇о, уббаад̣̇анад̇од̇и ад̇т̇о.
Asanto nīco purisoti asappurisoti āha ‘‘lāmakapuriso’’ti. Kammassa nibbattabhāvena otaraṇatāya phalaṃ aggaṃ nāma, uparibhūmigatattā uddhaṃ aggaṃ assāti uddhaggikaṃ. Dakkhiṇanti dānamāha. Saggo nāma kāmabhavūpapattibhavo, tassa nibbattanato ‘‘saggassa hitā’’ti vuttaṃ. Tatrupapattijananatoti tatra upapattiyā jananato, uppādanatoti attho.
сзд̇ам̣ уд̣̇агам̣ зд̇иссаад̇и сзд̇од̣̇агаа. со язна бхаавзна яад̇т̇а баагадад̇аро худ̇ваа д̣̇иссад̇и, д̇ам̣ д̣̇ассзд̇ум̣ ‘‘вийжийнам̣ бхиннадтаанз’’д̇и ааха. сукод̇аран̣адтаанад̇ааяа гад̣̇д̣̇амаад̣̇ид̣̇осавирахад̇о жа сунд̣̇арад̇ид̇т̇аа. д̇ам̣ абзяяамаананд̇и д̇ам̣ уд̣̇агам̣ гзнажи абарибхун̃ж̇ияамаанам̣. ад̇д̇анаа гад̇д̇аб̣б̣агижжагарод̇и ад̇д̇анаа гаад̇аб̣б̣агаммасан̇каад̇агижжагаро, барибхог̇авасзна жзва сан̇г̇ахзд̇аб̣б̣асан̇г̇ан̣ханавасзна жа нияож̇агод̇и ад̇т̇о. гусалагижжагарод̇и ад̇д̇анаа гаад̇аб̣б̣абун̃н̃агаро.
Setaṃ udakaṃ etissāti setodakā. So yena bhāvena yattha pākaṭataro hutvā dissati, taṃ dassetuṃ ‘‘vīcīnaṃ bhinnaṭṭhāne’’ti āha. Sukhotaraṇaṭṭhānatāya kaddamādidosavirahato ca sundaratitthā. Taṃ apeyyamānanti taṃ udakaṃ kenaci aparibhuñjiyamānaṃ. Attanā kattabbakiccakaroti attanā kātabbakammasaṅkhātakiccakaro, paribhogavasena ceva saṅgahetabbasaṅgaṇhanavasena ca niyojakoti attho. Kusalakiccakaroti attanā kātabbapuññakaro.
батамаабуд̇д̇агасуд̇д̇аван̣н̣анаа нидтид̇аа.
Paṭhamaaputtakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. батамаабуд̇д̇агасуд̇д̇ам̣ • 9. Paṭhamaaputtakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. батамаабуд̇д̇агасуд̇д̇аван̣н̣анаа • 9. Paṭhamaaputtakasuttavaṇṇanā
