| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
9. பட²மஅரியாவாஸஸுத்தவண்ணனா
9. Paṭhamaariyāvāsasuttavaṇṇanā
19. நவமே அரியானங் ஏவ ஆவாஸாதி அரியாவாஸா அனரியானங் தாதி³ஸானங் அஸம்ப⁴வதோ. அரியாதி செத்த² உக்கட்ட²னித்³தே³ஸேன கீ²ணாஸவா க³ஹிதா. தே ச யஸ்மா தேஹி ஸப்³ப³காலங் அவிஜஹிதவாஸா ஏவ, தஸ்மா வுத்தங் ‘‘தே ஆவஸிங்ஸு ஆவஸந்தி ஆவஸிஸ்ஸந்தீ’’தி. தத்த² ஆவஸிங்ஸூதி நிஸ்ஸாய ஆவஸிங்ஸு. பஞ்சங்க³விப்பஹீனதாத³யோ ஹி அரியானங் அபஸ்ஸயா. தேஸு பஞ்சங்க³விப்பஹானபச்சேகஸச்சபனோத³னஏஸனாஓஸட்டா²னி, ‘‘ஸங்கா²யேகங் படிஸேவதி, அதி⁴வாஸேதி பரிவஜ்ஜேதி வினோதே³தீ’’தி (தீ³॰ நி॰ 3.308; ம॰ நி॰ 2.168; அ॰ நி॰ 10.20) வுத்தேஸு அபஸ்ஸேனேஸு வினோத³னஞ்ச மக்³க³கிச்சானேவ, இதரே மக்³கே³ன ச ஸமிஜ்ஜ²ந்தீதி.
19. Navame ariyānaṃ eva āvāsāti ariyāvāsā anariyānaṃ tādisānaṃ asambhavato. Ariyāti cettha ukkaṭṭhaniddesena khīṇāsavā gahitā. Te ca yasmā tehi sabbakālaṃ avijahitavāsā eva, tasmā vuttaṃ ‘‘te āvasiṃsu āvasanti āvasissantī’’ti. Tattha āvasiṃsūti nissāya āvasiṃsu. Pañcaṅgavippahīnatādayo hi ariyānaṃ apassayā. Tesu pañcaṅgavippahānapaccekasaccapanodanaesanāosaṭṭhāni, ‘‘saṅkhāyekaṃ paṭisevati, adhivāseti parivajjeti vinodetī’’ti (dī. ni. 3.308; ma. ni. 2.168; a. ni. 10.20) vuttesu apassenesu vinodanañca maggakiccāneva, itare maggena ca samijjhantīti.
பட²மஅரியாவாஸஸுத்தவண்ணனா நிட்டி²தா.
Paṭhamaariyāvāsasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. பட²மஅரியாவாஸஸுத்தங் • 9. Paṭhamaariyāvāsasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. பட²மஅரியாவாஸஸுத்தவண்ணனா • 9. Paṭhamaariyāvāsasuttavaṇṇanā
