| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൯. പഠമഅരിയാവാസസുത്തവണ്ണനാ
9. Paṭhamaariyāvāsasuttavaṇṇanā
൧൯. നവമേ അരിയാനം ഏവ ആവാസാതി അരിയാവാസാ അനരിയാനം താദിസാനം അസമ്ഭവതോ. അരിയാതി ചേത്ഥ ഉക്കട്ഠനിദ്ദേസേന ഖീണാസവാ ഗഹിതാ. തേ ച യസ്മാ തേഹി സബ്ബകാലം അവിജഹിതവാസാ ഏവ, തസ്മാ വുത്തം ‘‘തേ ആവസിംസു ആവസന്തി ആവസിസ്സന്തീ’’തി. തത്ഥ ആവസിംസൂതി നിസ്സായ ആവസിംസു. പഞ്ചങ്ഗവിപ്പഹീനതാദയോ ഹി അരിയാനം അപസ്സയാ. തേസു പഞ്ചങ്ഗവിപ്പഹാനപച്ചേകസച്ചപനോദനഏസനാഓസട്ഠാനി, ‘‘സങ്ഖായേകം പടിസേവതി, അധിവാസേതി പരിവജ്ജേതി വിനോദേതീ’’തി (ദീ॰ നി॰ ൩.൩൦൮; മ॰ നി॰ ൨.൧൬൮; അ॰ നി॰ ൧൦.൨൦) വുത്തേസു അപസ്സേനേസു വിനോദനഞ്ച മഗ്ഗകിച്ചാനേവ, ഇതരേ മഗ്ഗേന ച സമിജ്ഝന്തീതി.
19. Navame ariyānaṃ eva āvāsāti ariyāvāsā anariyānaṃ tādisānaṃ asambhavato. Ariyāti cettha ukkaṭṭhaniddesena khīṇāsavā gahitā. Te ca yasmā tehi sabbakālaṃ avijahitavāsā eva, tasmā vuttaṃ ‘‘te āvasiṃsu āvasanti āvasissantī’’ti. Tattha āvasiṃsūti nissāya āvasiṃsu. Pañcaṅgavippahīnatādayo hi ariyānaṃ apassayā. Tesu pañcaṅgavippahānapaccekasaccapanodanaesanāosaṭṭhāni, ‘‘saṅkhāyekaṃ paṭisevati, adhivāseti parivajjeti vinodetī’’ti (dī. ni. 3.308; ma. ni. 2.168; a. ni. 10.20) vuttesu apassenesu vinodanañca maggakiccāneva, itare maggena ca samijjhantīti.
പഠമഅരിയാവാസസുത്തവണ്ണനാ നിട്ഠിതാ.
Paṭhamaariyāvāsasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൯. പഠമഅരിയാവാസസുത്തം • 9. Paṭhamaariyāvāsasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൯. പഠമഅരിയാവാസസുത്തവണ്ണനാ • 9. Paṭhamaariyāvāsasuttavaṇṇanā
