| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. பட²மஅஸப்புரிஸஸுத்தங்
5. Paṭhamaasappurisasuttaṃ
25. ஸாவத்தி²னிதா³னங் . ‘‘அஸப்புரிஸஞ்ச வோ, பி⁴க்க²வே, தே³ஸெஸ்ஸாமி, ஸப்புரிஸஞ்ச . தங் ஸுணாத². கதமோ ச, பி⁴க்க²வே, அஸப்புரிஸோ? இத⁴, பி⁴க்க²வே, ஏகச்சோ மிச்சா²தி³ட்டி²கோ ஹோதி, மிச்சா²ஸங்கப்போ, மிச்சா²வாசோ, மிச்சா²கம்மந்தோ, மிச்சா²ஆஜீவோ, மிச்சா²வாயாமோ, மிச்சா²ஸதி, மிச்சா²ஸமாதி⁴ – அயங் வுச்சதி, பி⁴க்க²வே, அஸப்புரிஸோ’’.
25. Sāvatthinidānaṃ . ‘‘Asappurisañca vo, bhikkhave, desessāmi, sappurisañca . Taṃ suṇātha. Katamo ca, bhikkhave, asappuriso? Idha, bhikkhave, ekacco micchādiṭṭhiko hoti, micchāsaṅkappo, micchāvāco, micchākammanto, micchāājīvo, micchāvāyāmo, micchāsati, micchāsamādhi – ayaṃ vuccati, bhikkhave, asappuriso’’.
‘‘கதமோ ச, பி⁴க்க²வே, ஸப்புரிஸோ? இத⁴, பி⁴க்க²வே, ஏகச்சோ ஸம்மாதி³ட்டி²கோ ஹோதி, ஸம்மாஸங்கப்போ, ஸம்மாவாசோ, ஸம்மாகம்மந்தோ , ஸம்மாஆஜீவோ, ஸம்மாவாயாமோ, ஸம்மாஸதி, ஸம்மாஸமாதி⁴ – அயங் வுச்சதி, பி⁴க்க²வே, ஸப்புரிஸோ’’தி. பஞ்சமங்.
‘‘Katamo ca, bhikkhave, sappuriso? Idha, bhikkhave, ekacco sammādiṭṭhiko hoti, sammāsaṅkappo, sammāvāco, sammākammanto , sammāājīvo, sammāvāyāmo, sammāsati, sammāsamādhi – ayaṃ vuccati, bhikkhave, sappuriso’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. மிச்ச²த்தவக்³க³வண்ணனா • 3. Micchattavaggavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. மிச்ச²த்தவக்³க³வண்ணனா • 3. Micchattavaggavaṇṇanā
