| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
5. පඨමඅසප්‌පුරිසසුත්‌තං
5. Paṭhamaasappurisasuttaṃ
25. සාවත්‌ථිනිදානං . ‘‘අසප්‌පුරිසඤ්‌ච වො, භික්‌ඛවෙ, දෙසෙස්‌සාමි, සප්‌පුරිසඤ්‌ච . තං සුණාථ. කතමො ච, භික්‌ඛවෙ, අසප්‌පුරිසො? ඉධ, භික්‌ඛවෙ, එකච්‌චො මිච්‌ඡාදිට්‌ඨිකො හොති, මිච්‌ඡාසඞ්‌කප්‌පො, මිච්‌ඡාවාචො, මිච්‌ඡාකම්‌මන්‌තො, මිච්‌ඡාආජීවො, මිච්‌ඡාවායාමො, මිච්‌ඡාසති, මිච්‌ඡාසමාධි – අයං වුච්‌චති, භික්‌ඛවෙ, අසප්‌පුරිසො’’.
25. Sāvatthinidānaṃ . ‘‘Asappurisañca vo, bhikkhave, desessāmi, sappurisañca . Taṃ suṇātha. Katamo ca, bhikkhave, asappuriso? Idha, bhikkhave, ekacco micchādiṭṭhiko hoti, micchāsaṅkappo, micchāvāco, micchākammanto, micchāājīvo, micchāvāyāmo, micchāsati, micchāsamādhi – ayaṃ vuccati, bhikkhave, asappuriso’’.
‘‘කතමො ච, භික්‌ඛවෙ, සප්‌පුරිසො? ඉධ, භික්‌ඛවෙ, එකච්‌චො සම්‌මාදිට්‌ඨිකො හොති, සම්‌මාසඞ්‌කප්‌පො, සම්‌මාවාචො, සම්‌මාකම්‌මන්‌තො , සම්‌මාආජීවො, සම්‌මාවායාමො, සම්‌මාසති, සම්‌මාසමාධි – අයං වුච්‌චති, භික්‌ඛවෙ, සප්‌පුරිසො’’ති. පඤ්‌චමං.
‘‘Katamo ca, bhikkhave, sappuriso? Idha, bhikkhave, ekacco sammādiṭṭhiko hoti, sammāsaṅkappo, sammāvāco, sammākammanto , sammāājīvo, sammāvāyāmo, sammāsati, sammāsamādhi – ayaṃ vuccati, bhikkhave, sappuriso’’ti. Pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. මිච්‌ඡත්‌තවග්‌ගවණ්‌ණනා • 3. Micchattavaggavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3. මිච්‌ඡත්‌තවග්‌ගවණ්‌ණනා • 3. Micchattavaggavaṇṇanā
