| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. பட²மஅஸ்ஸாத³பரியேஸனஸுத்தங்
3. Paṭhamaassādapariyesanasuttaṃ
15. ‘‘சக்கு²ஸ்ஸாஹங், பி⁴க்க²வே, அஸ்ஸாத³பரியேஸனங் அசரிங். யோ சக்கு²ஸ்ஸ அஸ்ஸாதோ³ தத³ஜ்ஜ²க³மங். யாவதா சக்கு²ஸ்ஸ அஸ்ஸாதோ³ பஞ்ஞாய மே ஸோ ஸுதி³ட்டோ². சக்கு²ஸ்ஸாஹங், பி⁴க்க²வே , ஆதீ³னவபரியேஸனங் அசரிங். யோ சக்கு²ஸ்ஸ ஆதீ³னவோ தத³ஜ்ஜ²க³மங். யாவதா சக்கு²ஸ்ஸ ஆதீ³னவோ பஞ்ஞாய மே ஸோ ஸுதி³ட்டோ². சக்கு²ஸ்ஸாஹங், பி⁴க்க²வே, நிஸ்ஸரணபரியேஸனங் அசரிங். யங் சக்கு²ஸ்ஸ நிஸ்ஸரணங் தத³ஜ்ஜ²க³மங். யாவதா சக்கு²ஸ்ஸ நிஸ்ஸரணங் , பஞ்ஞாய மே தங் ஸுதி³ட்ட²ங். ஸோதஸ்ஸாஹங் , பி⁴க்க²வே… கா⁴னஸ்ஸாஹங், பி⁴க்க²வே… ஜிவ்ஹாயாஹங் பி⁴க்க²வே, அஸ்ஸாத³பரியேஸனங் அசரிங். யோ ஜிவ்ஹாய அஸ்ஸாதோ³ தத³ஜ்ஜ²க³மங். யாவதா ஜிவ்ஹாய அஸ்ஸாதோ³ பஞ்ஞாய மே ஸோ ஸுதி³ட்டோ². ஜிவ்ஹாயாஹங், பி⁴க்க²வே, ஆதீ³னவபரியேஸனங் அசரிங். யோ ஜிவ்ஹாய ஆதீ³னவோ தத³ஜ்ஜ²க³மங். யாவதா ஜிவ்ஹாய ஆதீ³னவோ பஞ்ஞாய மே ஸோ ஸுதி³ட்டோ². ஜிவ்ஹாயாஹங், பி⁴க்க²வே, நிஸ்ஸரணபரியேஸனங் அசரிங். யங் ஜிவ்ஹாய நிஸ்ஸரணங் தத³ஜ்ஜ²க³மங். யாவதா ஜிவ்ஹாய நிஸ்ஸரணங், பஞ்ஞாய மே தங் ஸுதி³ட்ட²ங். மனஸ்ஸாஹங், பி⁴க்க²வே, அஸ்ஸாத³பரியேஸனங் அசரிங். யோ மனஸ்ஸ அஸ்ஸாதோ³ தத³ஜ்ஜ²க³மங். யாவதா மனஸ்ஸ அஸ்ஸாதோ³ பஞ்ஞாய மே ஸோ ஸுதி³ட்டோ². மனஸ்ஸாஹங், பி⁴க்க²வே , ஆதீ³னவபரியேஸனங் அசரிங். யோ மனஸ்ஸ ஆதீ³னவோ தத³ஜ்ஜ²க³மங். யாவதா மனஸ்ஸ ஆதீ³னவோ பஞ்ஞாய மே ஸோ ஸுதி³ட்டோ². மனஸ்ஸாஹங், பி⁴க்க²வே, நிஸ்ஸரணபரியேஸனங் அசரிங். யங் மனஸ்ஸ நிஸ்ஸரணங் தத³ஜ்ஜ²க³மங். யாவதா மனஸ்ஸ நிஸ்ஸரணங், பஞ்ஞாய மே தங் ஸுதி³ட்ட²ங்.
15. ‘‘Cakkhussāhaṃ, bhikkhave, assādapariyesanaṃ acariṃ. Yo cakkhussa assādo tadajjhagamaṃ. Yāvatā cakkhussa assādo paññāya me so sudiṭṭho. Cakkhussāhaṃ, bhikkhave , ādīnavapariyesanaṃ acariṃ. Yo cakkhussa ādīnavo tadajjhagamaṃ. Yāvatā cakkhussa ādīnavo paññāya me so sudiṭṭho. Cakkhussāhaṃ, bhikkhave, nissaraṇapariyesanaṃ acariṃ. Yaṃ cakkhussa nissaraṇaṃ tadajjhagamaṃ. Yāvatā cakkhussa nissaraṇaṃ , paññāya me taṃ sudiṭṭhaṃ. Sotassāhaṃ , bhikkhave… ghānassāhaṃ, bhikkhave… jivhāyāhaṃ bhikkhave, assādapariyesanaṃ acariṃ. Yo jivhāya assādo tadajjhagamaṃ. Yāvatā jivhāya assādo paññāya me so sudiṭṭho. Jivhāyāhaṃ, bhikkhave, ādīnavapariyesanaṃ acariṃ. Yo jivhāya ādīnavo tadajjhagamaṃ. Yāvatā jivhāya ādīnavo paññāya me so sudiṭṭho. Jivhāyāhaṃ, bhikkhave, nissaraṇapariyesanaṃ acariṃ. Yaṃ jivhāya nissaraṇaṃ tadajjhagamaṃ. Yāvatā jivhāya nissaraṇaṃ, paññāya me taṃ sudiṭṭhaṃ. Manassāhaṃ, bhikkhave, assādapariyesanaṃ acariṃ. Yo manassa assādo tadajjhagamaṃ. Yāvatā manassa assādo paññāya me so sudiṭṭho. Manassāhaṃ, bhikkhave , ādīnavapariyesanaṃ acariṃ. Yo manassa ādīnavo tadajjhagamaṃ. Yāvatā manassa ādīnavo paññāya me so sudiṭṭho. Manassāhaṃ, bhikkhave, nissaraṇapariyesanaṃ acariṃ. Yaṃ manassa nissaraṇaṃ tadajjhagamaṃ. Yāvatā manassa nissaraṇaṃ, paññāya me taṃ sudiṭṭhaṃ.
‘‘யாவகீவஞ்சாஹங், பி⁴க்க²வே, இமேஸங் ச²ன்னங் அஜ்ஜ²த்திகானங் ஆயதனானங் அஸ்ஸாத³ஞ்ச அஸ்ஸாத³தோ, ஆதீ³னவஞ்ச ஆதீ³னவதோ, நிஸ்ஸரணஞ்ச நிஸ்ஸரணதோ யதா²பூ⁴தங் நாப்³ப⁴ஞ்ஞாஸிங்…பே॰… பச்சஞ்ஞாஸிங். ஞாணஞ்ச பன மே த³ஸ்ஸனங் உத³பாதி³ – ‘அகுப்பா மே விமுத்தி, அயமந்திமா ஜாதி, நத்தி² தா³னி புனப்³ப⁴வோ’’’தி. ததியங்.
‘‘Yāvakīvañcāhaṃ, bhikkhave, imesaṃ channaṃ ajjhattikānaṃ āyatanānaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ nābbhaññāsiṃ…pe… paccaññāsiṃ. Ñāṇañca pana me dassanaṃ udapādi – ‘akuppā me vimutti, ayamantimā jāti, natthi dāni punabbhavo’’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-4. பட²மபுப்³பே³ஸம்போ³த⁴ஸுத்தாதி³வண்ணனா • 1-4. Paṭhamapubbesambodhasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-4. பட²மபுப்³பே³ஸம்போ³த⁴ஸுத்தாதி³வண்ணனா • 1-4. Paṭhamapubbesambodhasuttādivaṇṇanā
