| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
9. பட²மஆயுஸுத்தவண்ணனா
9. Paṭhamaāyusuttavaṇṇanā
145. நவமே அப்பங் வா பி⁴ய்யோதி பி⁴ய்யோ ஜீவந்தோ அபரங் வஸ்ஸஸதங் ஜீவிதுங் ந ஸக்கோதி, பண்ணாஸங் வா ஸட்டி² வா வஸ்ஸானி ஜீவதி. அஜ்ஜ²பா⁴ஸீதி ஸமணோ கோ³தமோ ‘‘மனுஸ்ஸானங் அப்பமாயூ’’தி கதே²தி, தீ³க⁴பா⁴வமஸ்ஸ கதெ²ஸ்ஸாமீதி பச்சனீகஸாததாய அபி⁴ப⁴வித்வா அபா⁴ஸி.
145. Navame appaṃ vā bhiyyoti bhiyyo jīvanto aparaṃ vassasataṃ jīvituṃ na sakkoti, paṇṇāsaṃ vā saṭṭhi vā vassāni jīvati. Ajjhabhāsīti samaṇo gotamo ‘‘manussānaṃ appamāyū’’ti katheti, dīghabhāvamassa kathessāmīti paccanīkasātatāya abhibhavitvā abhāsi.
ந நங் ஹீளேதி தங் ஆயுங் ‘‘அப்பகமித³’’ந்தி ந ஹீளெய்ய. கீ²ரமத்தோ வாதி யதா² த³ஹரோ குமாரோ உத்தானஸெய்யகோ கீ²ரங் பிவித்வா து³கூலசும்ப³டகே நிபன்னோ அஸஞ்ஞீ விய நித்³தா³யதி, கஸ்ஸசி ஆயுங் அப்பங் வா தீ³க⁴ங் வாதி ந சிந்தேதி, ஏவங் ஸப்புரிஸோ. சரெய்யாதி³த்தஸீஸோ வாதி ஆயுங் பரித்தந்தி ஞத்வா பஜ்ஜலிதஸீஸோ விய சரெய்ய. நவமங்.
Nanaṃ hīḷeti taṃ āyuṃ ‘‘appakamida’’nti na hīḷeyya. Khīramatto vāti yathā daharo kumāro uttānaseyyako khīraṃ pivitvā dukūlacumbaṭake nipanno asaññī viya niddāyati, kassaci āyuṃ appaṃ vā dīghaṃ vāti na cinteti, evaṃ sappuriso. Careyyādittasīso vāti āyuṃ parittanti ñatvā pajjalitasīso viya careyya. Navamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. பட²மஆயுஸுத்தங் • 9. Paṭhamaāyusuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. பட²மஆயுஸுத்தவண்ணனா • 9. Paṭhamaāyusuttavaṇṇanā
