| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৯. পঠমআযুসুত্তৰণ্ণনা
9. Paṭhamaāyusuttavaṇṇanā
১৪৫. নৰমে অপ্পং ৰা ভিয্যোতি ভিয্যো জীৰন্তো অপরং ৰস্সসতং জীৰিতুং ন সক্কোতি, পণ্ণাসং ৰা সট্ঠি ৰা ৰস্সানি জীৰতি। অজ্ঝভাসীতি সমণো গোতমো ‘‘মনুস্সানং অপ্পমাযূ’’তি কথেতি, দীঘভাৰমস্স কথেস্সামীতি পচ্চনীকসাততায অভিভৰিত্ৰা অভাসি।
145. Navame appaṃ vā bhiyyoti bhiyyo jīvanto aparaṃ vassasataṃ jīvituṃ na sakkoti, paṇṇāsaṃ vā saṭṭhi vā vassāni jīvati. Ajjhabhāsīti samaṇo gotamo ‘‘manussānaṃ appamāyū’’ti katheti, dīghabhāvamassa kathessāmīti paccanīkasātatāya abhibhavitvā abhāsi.
ন নং হীল়েতি তং আযুং ‘‘অপ্পকমিদ’’ন্তি ন হীল়েয্য। খীরমত্তো ৰাতি যথা দহরো কুমারো উত্তানসেয্যকো খীরং পিৰিত্ৰা দুকূলচুম্বটকে নিপন্নো অসঞ্ঞী ৰিয নিদ্দাযতি, কস্সচি আযুং অপ্পং ৰা দীঘং ৰাতি ন চিন্তেতি, এৰং সপ্পুরিসো। চরেয্যাদিত্তসীসো ৰাতি আযুং পরিত্তন্তি ঞত্ৰা পজ্জলিতসীসো ৰিয চরেয্য। নৰমং।
Nanaṃ hīḷeti taṃ āyuṃ ‘‘appakamida’’nti na hīḷeyya. Khīramatto vāti yathā daharo kumāro uttānaseyyako khīraṃ pivitvā dukūlacumbaṭake nipanno asaññī viya niddāyati, kassaci āyuṃ appaṃ vā dīghaṃ vāti na cinteti, evaṃ sappuriso. Careyyādittasīso vāti āyuṃ parittanti ñatvā pajjalitasīso viya careyya. Navamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. পঠমআযুসুত্তং • 9. Paṭhamaāyusuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৯. পঠমআযুসুত্তৰণ্ণনা • 9. Paṭhamaāyusuttavaṇṇanā
