| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৯. পঠমআযুসুত্তৰণ্ণনা
9. Paṭhamaāyusuttavaṇṇanā
১৪৫. পণ্ণাসং ৰা ৰস্সানি জীৰতি ৰস্সসততো উপরি সেয্যথাপি থেরো অনুরুদ্ধো। সট্ঠি ৰা ৰস্সানি সেয্যথাপি থেরো বাকুলো। পটিহরিত্ৰা পচ্চনীকভাৰে সাতং সুখং এতস্সাতি পচ্চনীকসাতো, তব্ভাৰো পচ্চনীকসাততা, তায। অভিভৰিত্ৰা অভাসি পটিৰচনং জানমানোৰ।
145.Paṇṇāsaṃvā vassāni jīvati vassasatato upari seyyathāpi thero anuruddho. Saṭṭhi vā vassāni seyyathāpi thero bākulo. Paṭiharitvā paccanīkabhāve sātaṃ sukhaṃ etassāti paccanīkasāto, tabbhāvo paccanīkasātatā, tāya. Abhibhavitvā abhāsi paṭivacanaṃ jānamānova.
ন হীল়েয্য ন জিগুচ্ছেয্য। এৰন্তি সো দারকো ৰিয কিঞ্চি অচিন্তেন্তো সপ্পুরিসো চরেয্য, এৰং হিস্স চিত্তদুক্খং ন হোতীতি অধিপ্পাযো। পজ্জলিতসীসো ৰিয চরেয্যাতি যথা পজ্জলিতসীসো পুরিসো অঞ্ঞং কিঞ্চি অকত্ৰা তস্সেৰ ৰূপসমায ৰাযমেয্য, এৰং সপ্পুরিসো আযুং পরিত্তন্তি ঞত্ৰা তেনেৰ নযেন সব্বসঙ্খারগতং অনিচ্চং, অনিচ্চত্তা এৰ দুক্খং, অনত্তাতি ৰিপস্সনম্পি ওতরিত্ৰা তং উস্সুক্কাপেন্তোপি সঙ্খারৰিগমায চরেয্য পটিপজ্জেয্য।
Na hīḷeyya na jiguccheyya. Evanti so dārako viya kiñci acintento sappuriso careyya, evaṃ hissa cittadukkhaṃ na hotīti adhippāyo. Pajjalitasīso viya careyyāti yathā pajjalitasīso puriso aññaṃ kiñci akatvā tasseva vūpasamāya vāyameyya, evaṃ sappuriso āyuṃ parittanti ñatvā teneva nayena sabbasaṅkhāragataṃ aniccaṃ, aniccattā eva dukkhaṃ, anattāti vipassanampi otaritvā taṃ ussukkāpentopi saṅkhāravigamāya careyya paṭipajjeyya.
পঠমআযুসুত্তৰণ্ণনা নিট্ঠিতা।
Paṭhamaāyusuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. পঠমআযুসুত্তং • 9. Paṭhamaāyusuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. পঠমআযুসুত্তৰণ্ণনা • 9. Paṭhamaāyusuttavaṇṇanā
