| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៩. បឋមអាយុសុត្តវណ្ណនា
9. Paṭhamaāyusuttavaṇṇanā
១៤៥. នវមេ អប្បំ វា ភិយ្យោតិ ភិយ្យោ ជីវន្តោ អបរំ វស្សសតំ ជីវិតុំ ន សក្កោតិ, បណ្ណាសំ វា សដ្ឋិ វា វស្សានិ ជីវតិ។ អជ្ឈភាសីតិ សមណោ គោតមោ ‘‘មនុស្សានំ អប្បមាយូ’’តិ កថេតិ, ទីឃភាវមស្ស កថេស្សាមីតិ បច្ចនីកសាតតាយ អភិភវិត្វា អភាសិ។
145. Navame appaṃ vā bhiyyoti bhiyyo jīvanto aparaṃ vassasataṃ jīvituṃ na sakkoti, paṇṇāsaṃ vā saṭṭhi vā vassāni jīvati. Ajjhabhāsīti samaṇo gotamo ‘‘manussānaṃ appamāyū’’ti katheti, dīghabhāvamassa kathessāmīti paccanīkasātatāya abhibhavitvā abhāsi.
ន នំ ហីឡេតិ តំ អាយុំ ‘‘អប្បកមិទ’’ន្តិ ន ហីឡេយ្យ។ ខីរមត្តោ វាតិ យថា ទហរោ កុមារោ ឧត្តានសេយ្យកោ ខីរំ បិវិត្វា ទុកូលចុម្ពដកេ និបន្នោ អសញ្ញី វិយ និទ្ទាយតិ, កស្សចិ អាយុំ អប្បំ វា ទីឃំ វាតិ ន ចិន្តេតិ, ឯវំ សប្បុរិសោ។ ចរេយ្យាទិត្តសីសោ វាតិ អាយុំ បរិត្តន្តិ ញត្វា បជ្ជលិតសីសោ វិយ ចរេយ្យ។ នវមំ។
Nanaṃ hīḷeti taṃ āyuṃ ‘‘appakamida’’nti na hīḷeyya. Khīramatto vāti yathā daharo kumāro uttānaseyyako khīraṃ pivitvā dukūlacumbaṭake nipanno asaññī viya niddāyati, kassaci āyuṃ appaṃ vā dīghaṃ vāti na cinteti, evaṃ sappuriso. Careyyādittasīso vāti āyuṃ parittanti ñatvā pajjalitasīso viya careyya. Navamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៩. បឋមអាយុសុត្តំ • 9. Paṭhamaāyusuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៩. បឋមអាយុសុត្តវណ្ណនា • 9. Paṭhamaāyusuttavaṇṇanā
