| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༩. པཋམཨཱཡུསུཏྟཝཎྞནཱ
9. Paṭhamaāyusuttavaṇṇanā
༡༤༥. པཎྞཱསཾ ཝཱ ཝསྶཱནི ཛཱིཝཏི ཝསྶསཏཏོ ཨུཔརི སེཡྻཐཱཔི ཐེརོ ཨནུརུདྡྷོ། སཊྛི ཝཱ ཝསྶཱནི སེཡྻཐཱཔི ཐེརོ བཱཀུལོ། པཊིཧརིཏྭཱ པཙྩནཱིཀབྷཱཝེ སཱཏཾ སུཁཾ ཨེཏསྶཱཏི པཙྩནཱིཀསཱཏོ, ཏབྦྷཱཝོ པཙྩནཱིཀསཱཏཏཱ, ཏཱཡ། ཨབྷིབྷཝིཏྭཱ ཨབྷཱསི པཊིཝཙནཾ ཛཱནམཱནོཝ།
145.Paṇṇāsaṃvā vassāni jīvati vassasatato upari seyyathāpi thero anuruddho. Saṭṭhi vā vassāni seyyathāpi thero bākulo. Paṭiharitvā paccanīkabhāve sātaṃ sukhaṃ etassāti paccanīkasāto, tabbhāvo paccanīkasātatā, tāya. Abhibhavitvā abhāsi paṭivacanaṃ jānamānova.
ན ཧཱིལེ༹ཡྻ ན ཛིགུཙྪེཡྻ། ཨེཝནྟི སོ དཱརཀོ ཝིཡ ཀིཉྩི ཨཙིནྟེནྟོ སཔྤུརིསོ ཙརེཡྻ, ཨེཝཾ ཧིསྶ ཙིཏྟདུཀྑཾ ན ཧོཏཱིཏི ཨདྷིཔྤཱཡོ། པཛྫལིཏསཱིསོ ཝིཡ ཙརེཡྻཱཏི ཡཐཱ པཛྫལིཏསཱིསོ པུརིསོ ཨཉྙཾ ཀིཉྩི ཨཀཏྭཱ ཏསྶེཝ ཝཱུཔསམཱཡ ཝཱཡམེཡྻ, ཨེཝཾ སཔྤུརིསོ ཨཱཡུཾ པརིཏྟནྟི ཉཏྭཱ ཏེནེཝ ནཡེན སབྦསངྑཱརགཏཾ ཨནིཙྩཾ, ཨནིཙྩཏྟཱ ཨེཝ དུཀྑཾ, ཨནཏྟཱཏི ཝིཔསྶནམྤི ཨོཏརིཏྭཱ ཏཾ ཨུསྶུཀྐཱཔེནྟོཔི སངྑཱརཝིགམཱཡ ཙརེཡྻ པཊིཔཛྫེཡྻ།
Na hīḷeyya na jiguccheyya. Evanti so dārako viya kiñci acintento sappuriso careyya, evaṃ hissa cittadukkhaṃ na hotīti adhippāyo. Pajjalitasīso viya careyyāti yathā pajjalitasīso puriso aññaṃ kiñci akatvā tasseva vūpasamāya vāyameyya, evaṃ sappuriso āyuṃ parittanti ñatvā teneva nayena sabbasaṅkhāragataṃ aniccaṃ, aniccattā eva dukkhaṃ, anattāti vipassanampi otaritvā taṃ ussukkāpentopi saṅkhāravigamāya careyya paṭipajjeyya.
པཋམཨཱཡུསུཏྟཝཎྞནཱ ནིཊྛིཏཱ།
Paṭhamaāyusuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༩. པཋམཨཱཡུསུཏྟཾ • 9. Paṭhamaāyusuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༩. པཋམཨཱཡུསུཏྟཝཎྞནཱ • 9. Paṭhamaāyusuttavaṇṇanā
