| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਪਠਮਆਯੁਸੁਤ੍ਤવਣ੍ਣਨਾ
9. Paṭhamaāyusuttavaṇṇanā
੧੪੫. ਪਣ੍ਣਾਸਂ વਾ વਸ੍ਸਾਨਿ ਜੀવਤਿ વਸ੍ਸਸਤਤੋ ਉਪਰਿ ਸੇਯ੍ਯਥਾਪਿ ਥੇਰੋ ਅਨੁਰੁਦ੍ਧੋ। ਸਟ੍ਠਿ વਾ વਸ੍ਸਾਨਿ ਸੇਯ੍ਯਥਾਪਿ ਥੇਰੋ ਬਾਕੁਲੋ। ਪਟਿਹਰਿਤ੍વਾ ਪਚ੍ਚਨੀਕਭਾવੇ ਸਾਤਂ ਸੁਖਂ ਏਤਸ੍ਸਾਤਿ ਪਚ੍ਚਨੀਕਸਾਤੋ, ਤਬ੍ਭਾવੋ ਪਚ੍ਚਨੀਕਸਾਤਤਾ, ਤਾਯ। ਅਭਿਭવਿਤ੍વਾ ਅਭਾਸਿ ਪਟਿવਚਨਂ ਜਾਨਮਾਨੋવ।
145.Paṇṇāsaṃvā vassāni jīvati vassasatato upari seyyathāpi thero anuruddho. Saṭṭhi vā vassāni seyyathāpi thero bākulo. Paṭiharitvā paccanīkabhāve sātaṃ sukhaṃ etassāti paccanīkasāto, tabbhāvo paccanīkasātatā, tāya. Abhibhavitvā abhāsi paṭivacanaṃ jānamānova.
ਨ ਹੀਲ਼ੇਯ੍ਯ ਨ ਜਿਗੁਚ੍ਛੇਯ੍ਯ। ਏવਨ੍ਤਿ ਸੋ ਦਾਰਕੋ વਿਯ ਕਿਞ੍ਚਿ ਅਚਿਨ੍ਤੇਨ੍ਤੋ ਸਪ੍ਪੁਰਿਸੋ ਚਰੇਯ੍ਯ, ਏવਂ ਹਿਸ੍ਸ ਚਿਤ੍ਤਦੁਕ੍ਖਂ ਨ ਹੋਤੀਤਿ ਅਧਿਪ੍ਪਾਯੋ। ਪਜ੍ਜਲਿਤਸੀਸੋ વਿਯ ਚਰੇਯ੍ਯਾਤਿ ਯਥਾ ਪਜ੍ਜਲਿਤਸੀਸੋ ਪੁਰਿਸੋ ਅਞ੍ਞਂ ਕਿਞ੍ਚਿ ਅਕਤ੍વਾ ਤਸ੍ਸੇવ વੂਪਸਮਾਯ વਾਯਮੇਯ੍ਯ, ਏવਂ ਸਪ੍ਪੁਰਿਸੋ ਆਯੁਂ ਪਰਿਤ੍ਤਨ੍ਤਿ ਞਤ੍વਾ ਤੇਨੇવ ਨਯੇਨ ਸਬ੍ਬਸਙ੍ਖਾਰਗਤਂ ਅਨਿਚ੍ਚਂ, ਅਨਿਚ੍ਚਤ੍ਤਾ ਏવ ਦੁਕ੍ਖਂ, ਅਨਤ੍ਤਾਤਿ વਿਪਸ੍ਸਨਮ੍ਪਿ ਓਤਰਿਤ੍વਾ ਤਂ ਉਸ੍ਸੁਕ੍ਕਾਪੇਨ੍ਤੋਪਿ ਸਙ੍ਖਾਰવਿਗਮਾਯ ਚਰੇਯ੍ਯ ਪਟਿਪਜ੍ਜੇਯ੍ਯ।
Na hīḷeyya na jiguccheyya. Evanti so dārako viya kiñci acintento sappuriso careyya, evaṃ hissa cittadukkhaṃ na hotīti adhippāyo. Pajjalitasīso viya careyyāti yathā pajjalitasīso puriso aññaṃ kiñci akatvā tasseva vūpasamāya vāyameyya, evaṃ sappuriso āyuṃ parittanti ñatvā teneva nayena sabbasaṅkhāragataṃ aniccaṃ, aniccattā eva dukkhaṃ, anattāti vipassanampi otaritvā taṃ ussukkāpentopi saṅkhāravigamāya careyya paṭipajjeyya.
ਪਠਮਆਯੁਸੁਤ੍ਤવਣ੍ਣਨਾ ਨਿਟ੍ਠਿਤਾ।
Paṭhamaāyusuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਪਠਮਆਯੁਸੁਤ੍ਤਂ • 9. Paṭhamaāyusuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਪਠਮਆਯੁਸੁਤ੍ਤવਣ੍ਣਨਾ • 9. Paṭhamaāyusuttavaṇṇanā
