| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൯. പഠമആയുസുത്തവണ്ണനാ
9. Paṭhamaāyusuttavaṇṇanā
൧൪൫. പണ്ണാസം വാ വസ്സാനി ജീവതി വസ്സസതതോ ഉപരി സേയ്യഥാപി ഥേരോ അനുരുദ്ധോ. സട്ഠി വാ വസ്സാനി സേയ്യഥാപി ഥേരോ ബാകുലോ. പടിഹരിത്വാ പച്ചനീകഭാവേ സാതം സുഖം ഏതസ്സാതി പച്ചനീകസാതോ, തബ്ഭാവോ പച്ചനീകസാതതാ, തായ. അഭിഭവിത്വാ അഭാസി പടിവചനം ജാനമാനോവ.
145.Paṇṇāsaṃvā vassāni jīvati vassasatato upari seyyathāpi thero anuruddho. Saṭṭhi vā vassāni seyyathāpi thero bākulo. Paṭiharitvā paccanīkabhāve sātaṃ sukhaṃ etassāti paccanīkasāto, tabbhāvo paccanīkasātatā, tāya. Abhibhavitvā abhāsi paṭivacanaṃ jānamānova.
ന ഹീളേയ്യ ന ജിഗുച്ഛേയ്യ. ഏവന്തി സോ ദാരകോ വിയ കിഞ്ചി അചിന്തേന്തോ സപ്പുരിസോ ചരേയ്യ, ഏവം ഹിസ്സ ചിത്തദുക്ഖം ന ഹോതീതി അധിപ്പായോ. പജ്ജലിതസീസോ വിയ ചരേയ്യാതി യഥാ പജ്ജലിതസീസോ പുരിസോ അഞ്ഞം കിഞ്ചി അകത്വാ തസ്സേവ വൂപസമായ വായമേയ്യ, ഏവം സപ്പുരിസോ ആയും പരിത്തന്തി ഞത്വാ തേനേവ നയേന സബ്ബസങ്ഖാരഗതം അനിച്ചം, അനിച്ചത്താ ഏവ ദുക്ഖം, അനത്താതി വിപസ്സനമ്പി ഓതരിത്വാ തം ഉസ്സുക്കാപേന്തോപി സങ്ഖാരവിഗമായ ചരേയ്യ പടിപജ്ജേയ്യ.
Na hīḷeyya na jiguccheyya. Evanti so dārako viya kiñci acintento sappuriso careyya, evaṃ hissa cittadukkhaṃ na hotīti adhippāyo. Pajjalitasīso viya careyyāti yathā pajjalitasīso puriso aññaṃ kiñci akatvā tasseva vūpasamāya vāyameyya, evaṃ sappuriso āyuṃ parittanti ñatvā teneva nayena sabbasaṅkhāragataṃ aniccaṃ, aniccattā eva dukkhaṃ, anattāti vipassanampi otaritvā taṃ ussukkāpentopi saṅkhāravigamāya careyya paṭipajjeyya.
പഠമആയുസുത്തവണ്ണനാ നിട്ഠിതാ.
Paṭhamaāyusuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൯. പഠമആയുസുത്തം • 9. Paṭhamaāyusuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൯. പഠമആയുസുത്തവണ്ണനാ • 9. Paṭhamaāyusuttavaṇṇanā
