Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    6. батамабхавасуд̇д̇ам̣

    6. Paṭhamabhavasuttaṃ

    77. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘бхаво, бхавод̇и, бханд̇з, вужжад̇и. гид̇д̇аавад̇аа ну ко, бханд̇з, бхаво ход̇ий’’д̇и?

    77. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘bhavo, bhavoti, bhante, vuccati. Kittāvatā nu kho, bhante, bhavo hotī’’ti?

    ‘‘гаамад̇хаад̇увзбагган̃жа, аананд̣̇а, гаммам̣ наабхависса, аби ну ко гаамабхаво бан̃н̃ааязт̇аа’’д̇и? ‘‘но хзд̇ам̣, бханд̇з’’. ‘‘ид̇и ко, аананд̣̇а, гаммам̣ кзд̇д̇ам̣, вин̃н̃аан̣ам̣ б̣ийж̇ам̣, д̇ан̣хаа снзхо 1. авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ хийнааяа д̇хаад̇уяаа вин̃н̃аан̣ам̣ бад̇идтид̇ам̣ звам̣ ааяад̇им̣ 2 бунаб̣бхаваабхиниб̣б̣ад̇д̇и ход̇и. ( ) 3

    ‘‘Kāmadhātuvepakkañca, ānanda, kammaṃ nābhavissa, api nu kho kāmabhavo paññāyethā’’ti? ‘‘No hetaṃ, bhante’’. ‘‘Iti kho, ānanda, kammaṃ khettaṃ, viññāṇaṃ bījaṃ, taṇhā sneho 4. Avijjānīvaraṇānaṃ sattānaṃ taṇhāsaṃyojanānaṃ hīnāya dhātuyā viññāṇaṃ patiṭṭhitaṃ evaṃ āyatiṃ 5 punabbhavābhinibbatti hoti. ( ) 6

    ‘‘руубад̇хаад̇увзбагган̃жа, аананд̣̇а, гаммам̣ наабхависса, аби ну ко руубабхаво бан̃н̃ааязт̇аа’’д̇и? ‘‘но хзд̇ам̣, бханд̇з’’. ‘‘ид̇и ко аананд̣̇а, гаммам̣ кзд̇д̇ам̣, вин̃н̃аан̣ам̣ б̣ийж̇ам̣, д̇ан̣хаа снзхо. авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ маж̇жхимааяа д̇хаад̇уяаа вин̃н̃аан̣ам̣ бад̇идтид̇ам̣ звам̣ ааяад̇им̣ бунаб̣бхаваабхиниб̣б̣ад̇д̇и ход̇и. ( ) 7

    ‘‘Rūpadhātuvepakkañca, ānanda, kammaṃ nābhavissa, api nu kho rūpabhavo paññāyethā’’ti? ‘‘No hetaṃ, bhante’’. ‘‘Iti kho ānanda, kammaṃ khettaṃ, viññāṇaṃ bījaṃ, taṇhā sneho. Avijjānīvaraṇānaṃ sattānaṃ taṇhāsaṃyojanānaṃ majjhimāya dhātuyā viññāṇaṃ patiṭṭhitaṃ evaṃ āyatiṃ punabbhavābhinibbatti hoti. ( ) 8

    ‘‘аруубад̇хаад̇увзбагган̃жа, аананд̣̇а, гаммам̣ наабхависса, аби ну ко аруубабхаво бан̃н̃ааязт̇аа’’д̇и? ‘‘но хзд̇ам̣, бханд̇з’’. ‘‘ид̇и ко, аананд̣̇а, гаммам̣ кзд̇д̇ам̣, вин̃н̃аан̣ам̣ б̣ийж̇ам̣, д̇ан̣хаа снзхо. авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ бан̣ийд̇ааяа д̇хаад̇уяаа вин̃н̃аан̣ам̣ бад̇идтид̇ам̣ звам̣ ааяад̇им̣ бунаб̣бхаваабхиниб̣б̣ад̇д̇и ход̇и. звам̣ ко, аананд̣̇а, бхаво ход̇ий’’д̇и. чадтам̣.

    ‘‘Arūpadhātuvepakkañca, ānanda, kammaṃ nābhavissa, api nu kho arūpabhavo paññāyethā’’ti? ‘‘No hetaṃ, bhante’’. ‘‘Iti kho, ānanda, kammaṃ khettaṃ, viññāṇaṃ bījaṃ, taṇhā sneho. Avijjānīvaraṇānaṃ sattānaṃ taṇhāsaṃyojanānaṃ paṇītāya dhātuyā viññāṇaṃ patiṭṭhitaṃ evaṃ āyatiṃ punabbhavābhinibbatti hoti. Evaṃ kho, ānanda, bhavo hotī’’ti. Chaṭṭhaṃ.




    Next: 7. д̣̇уд̇ияабхавасуд̇д̇ам̣ • 7. Dutiyabhavasuttaṃ




    Footnotes:
    1. синзхо (сий. сяаа. гам̣. бий.)
    2. ааяад̇и (сий.)
    3. (звам̣ ко аананд̣̇а бхаво ход̇ийд̇и) (га.) д̣̇уд̇ияасуд̇д̇з бана ид̣̇ам̣ баатанаанад̇д̇ам̣ над̇т̇и
    4. sineho (sī. syā. kaṃ. pī.)
    5. āyati (sī.)
    6. (evaṃ kho ānanda bhavo hotīti) (ka.) dutiyasutte pana idaṃ pāṭhanānattaṃ natthi
    7. (звам̣ ко аананд̣̇а бхаво ход̇ийд̇и) (га.) д̣̇уд̇ияасуд̇д̇з бана ид̣̇ам̣ баатанаанад̇д̇ам̣ над̇т̇и
    8. (evaṃ kho ānanda bhavo hotīti) (ka.) dutiyasutte pana idaṃ pāṭhanānattaṃ natthi



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. батамабхавасуд̇д̇аван̣н̣анаа • 6. Paṭhamabhavasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-7. батамабхавасуд̇д̇аад̣̇иван̣н̣анаа • 6-7. Paṭhamabhavasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact