| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๖. ปฐมภวสุตฺตวณฺณนา
6. Paṭhamabhavasuttavaṇṇanā
๗๗. ฉเฎฺฐ กามธาตุเวปกฺกนฺติ กามธาตุยา วิปจฺจนกํฯ กามภโวติ กามธาตุยํ อุปปตฺติภโวฯ กมฺมํ เขตฺตนฺติ กุสลากุสลกมฺมํ วิรุหนฎฺฐานเฎฺฐน เขตฺตํฯ วิญฺญาณํ พีชนฺติ สหชาตํ อภิสงฺขารวิญฺญาณํ วิรุหนเฎฺฐน พีชํฯ ตณฺหา เสฺนโหติ ปคฺคณฺหนานุพฺรูหนวเสน ตณฺหา อุทกํ นามฯ อวิชฺชานีวรณานนฺติ อวิชฺชาย อาวริตานํฯ ตณฺหาสํโยชนานนฺติ ตณฺหาพนฺธเนน พทฺธานํฯ หีนาย ธาตุยาติ กามธาตุยาฯ วิญฺญาณํ ปติฎฺฐิตนฺติ อภิสงฺขารวิญฺญาณํ ปติฎฺฐิตํฯ มชฺฌิมาย ธาตุยาติ รูปธาตุยาฯ ปณีตาย ธาตุยาติ อรูปธาตุยาฯ เสสเมตฺถ อุตฺตานตฺถเมวาติฯ
77. Chaṭṭhe kāmadhātuvepakkanti kāmadhātuyā vipaccanakaṃ. Kāmabhavoti kāmadhātuyaṃ upapattibhavo. Kammaṃ khettanti kusalākusalakammaṃ viruhanaṭṭhānaṭṭhena khettaṃ. Viññāṇaṃ bījanti sahajātaṃ abhisaṅkhāraviññāṇaṃ viruhanaṭṭhena bījaṃ. Taṇhā snehoti paggaṇhanānubrūhanavasena taṇhā udakaṃ nāma. Avijjānīvaraṇānanti avijjāya āvaritānaṃ. Taṇhāsaṃyojanānanti taṇhābandhanena baddhānaṃ. Hīnāya dhātuyāti kāmadhātuyā. Viññāṇaṃ patiṭṭhitanti abhisaṅkhāraviññāṇaṃ patiṭṭhitaṃ. Majjhimāya dhātuyāti rūpadhātuyā. Paṇītāya dhātuyāti arūpadhātuyā. Sesamettha uttānatthamevāti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๖. ปฐมภวสุตฺตํ • 6. Paṭhamabhavasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖-๗. ปฐมภวสุตฺตาทิวณฺณนา • 6-7. Paṭhamabhavasuttādivaṇṇanā
