| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
10. батамабхигкаад̣̇ааяигаавимаанаван̣н̣анаа
10. Paṭhamabhikkhādāyikāvimānavaṇṇanā
абхигганд̇зна ван̣н̣знаад̇и бхигкаад̣̇ааяигаавимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна жа самаязна уд̇д̇арамад̇хурааяам̣ ан̃н̃ад̇араа ид̇т̇ий кийн̣ааяугаа ход̇и абааяз уббаж̇ж̇анаарахаа. бхаг̇аваа бажжуусавзлааяам̣ махаагарун̣аасамаабад̇д̇ид̇о вудтааяа логам̣ вологзнд̇о д̇ам̣ ид̇т̇им̣ абааяз уббаж̇ж̇анаарахам̣ д̣̇исваа махаагарун̣ааяа сан̃жод̣̇ид̇амаанасо д̇ам̣ суг̇ад̇ияам̣ бад̇идтаабзд̇угаамо зго ад̣̇уд̇ияо мад̇хурам̣ аг̇амааси. г̇анд̇ваа буб̣б̣ан̣хасамаяам̣ ниваасзд̇ваа бад̇д̇ажийварам̣ аад̣̇ааяа б̣ахинаг̇арам̣ бин̣д̣ааяа баависи. д̇зна самаязна саа ид̇т̇ий г̇зхз аахаарам̣ самбаад̣̇зд̇ваа згаманд̇з бадисаамзд̇ваа гхадам̣ г̇ахзд̇ваа уд̣̇агад̇ид̇т̇ам̣ г̇анд̇ваа нхааяид̇ваа гхадзна уд̣̇агам̣ г̇ахзд̇ваа ад̇д̇ано г̇зхам̣ г̇ажчанд̇ий анд̇араамаг̇г̇з бхаг̇аванд̇ам̣ бассид̇ваа ‘‘аби, бханд̇з, бин̣д̣о лад̣̇д̇хо’’д̇и вад̇ваа ‘‘лабхиссаамий’’д̇и жа бхаг̇авад̇аа вуд̇д̇з алад̣̇д̇хабхаавам̣ н̃ад̇ваа гхадам̣ табзд̇ваа бхаг̇аванд̇ам̣ убасан̇гамид̇ваа ванд̣̇ид̇ваа ‘‘ахам̣, бханд̇з, бин̣д̣абаад̇ам̣ д̣̇ассаами, ад̇хиваасзт̇аа’’д̇и ааха. ад̇хиваасзси бхаг̇аваа д̇ун̣хийбхаавзна. саа бхаг̇авад̇о ад̇хиваасанам̣ вид̣̇ид̇ваа батамад̇арам̣ г̇анд̇ваа сид̇д̇асаммадтз бад̣̇зсз аасанам̣ бан̃н̃аабзд̇ваа бхаг̇авад̇о бавзсанам̣ уд̣̇игкамаанаа адтааси. бхаг̇аваа г̇зхам̣ бависид̇ваа бан̃н̃ад̇д̇з аасанз нисийд̣̇и. ат̇а саа бхаг̇аванд̇ам̣ бхож̇зси. бхаг̇аваа гад̇абхад̇д̇агижжо онийд̇абад̇д̇абаан̣ий д̇ассаа анумод̣̇анам̣ гад̇ваа баггаами. саа анумод̣̇анам̣ суд̇ваа анаббагам̣ бийд̇исоманассам̣ бадисам̣взд̣̇знд̇ий яаава жагкубат̇асамад̇иггамаа б̣уд̣̇д̇хаарамман̣ам̣ бийд̇им̣ авиж̇аханд̇ий намассамаанаа адтааси. саа гад̇ибаяад̣̇ивасаад̇иггамзнзва гаалам̣ гад̇ваа д̇аавад̇им̣сабхаванз ниб̣б̣ад̇д̇и, ажчараасахассан̃жассаа баривааро ахоси. д̇ам̣ ааяасмаа махаамог̇г̇аллаано –
Abhikkantena vaṇṇenāti bhikkhādāyikāvimānaṃ. Tassa kā uppatti? Bhagavā sāvatthiyaṃ viharati jetavane. Tena ca samayena uttaramadhurāyaṃ aññatarā itthī khīṇāyukā hoti apāye uppajjanārahā. Bhagavā paccūsavelāyaṃ mahākaruṇāsamāpattito vuṭṭhāya lokaṃ volokento taṃ itthiṃ apāye uppajjanārahaṃ disvā mahākaruṇāya sañcoditamānaso taṃ sugatiyaṃ patiṭṭhāpetukāmo eko adutiyo madhuraṃ agamāsi. Gantvā pubbaṇhasamayaṃ nivāsetvā pattacīvaraṃ ādāya bahinagaraṃ piṇḍāya pāvisi. Tena samayena sā itthī gehe āhāraṃ sampādetvā ekamante paṭisāmetvā ghaṭaṃ gahetvā udakatitthaṃ gantvā nhāyitvā ghaṭena udakaṃ gahetvā attano gehaṃ gacchantī antarāmagge bhagavantaṃ passitvā ‘‘api, bhante, piṇḍo laddho’’ti vatvā ‘‘labhissāmī’’ti ca bhagavatā vutte aladdhabhāvaṃ ñatvā ghaṭaṃ ṭhapetvā bhagavantaṃ upasaṅkamitvā vanditvā ‘‘ahaṃ, bhante, piṇḍapātaṃ dassāmi, adhivāsethā’’ti āha. Adhivāsesi bhagavā tuṇhībhāvena. Sā bhagavato adhivāsanaṃ viditvā paṭhamataraṃ gantvā sittasammaṭṭhe padese āsanaṃ paññāpetvā bhagavato pavesanaṃ udikkhamānā aṭṭhāsi. Bhagavā gehaṃ pavisitvā paññatte āsane nisīdi. Atha sā bhagavantaṃ bhojesi. Bhagavā katabhattakicco onītapattapāṇī tassā anumodanaṃ katvā pakkāmi. Sā anumodanaṃ sutvā anappakaṃ pītisomanassaṃ paṭisaṃvedentī yāva cakkhupathasamatikkamā buddhārammaṇaṃ pītiṃ avijahantī namassamānā aṭṭhāsi. Sā katipayadivasātikkameneva kālaṃ katvā tāvatiṃsabhavane nibbatti, accharāsahassañcassā parivāro ahosi. Taṃ āyasmā mahāmoggallāno –
270.
270.
‘‘абхигганд̇зна ван̣н̣зна…бз… осад̇хий вияа д̇аарагаа.
‘‘Abhikkantena vaṇṇena…pe… osadhī viya tārakā.
271.
271.
‘‘гзна д̇зд̇аад̣̇исо ван̣н̣о…бз…
‘‘Kena tetādiso vaṇṇo…pe…
ван̣н̣о жа д̇з саб̣б̣ад̣̇исаа бабхаасад̇ий’’д̇и. – г̇аат̇аахи бужчи;
Vaṇṇo ca te sabbadisā pabhāsatī’’ti. – gāthāhi pucchi;
273.
273.
‘‘саа д̣̇звад̇аа ад̇д̇аманаа…бз… яасса гаммассид̣̇ам̣ палам̣’’.
‘‘Sā devatā attamanā…pe… yassa kammassidaṃ phalaṃ’’.
274.
274.
‘‘ахам̣ мануссзсу мануссабхууд̇аа,
‘‘Ahaṃ manussesu manussabhūtā,
буримааяа ж̇аад̇ияаа мануссалогз.
Purimāya jātiyā manussaloke.
275.
275.
‘‘ад̣̇д̣̇асам̣ вираж̇ам̣ б̣уд̣̇д̇хам̣, виббасаннаманаавилам̣;
‘‘Addasaṃ virajaṃ buddhaṃ, vippasannamanāvilaṃ;
д̇асса ад̣̇аасахам̣ бхигкам̣, басаннаа сзхи баан̣ибхи.
Tassa adāsahaṃ bhikkhaṃ, pasannā sehi pāṇibhi.
276.
276.
‘‘д̇зна мзд̇аад̣̇исо ван̣н̣о…бз…
‘‘Tena metādiso vaṇṇo…pe…
ван̣н̣о жа мз саб̣б̣ад̣̇исаа бабхаасад̇ий’’д̇и. –
Vaṇṇo ca me sabbadisā pabhāsatī’’ti. –
д̣̇звад̇аа б̣яаагааси. сзсам̣ саб̣б̣ам̣ хздтаа вуд̇д̇анаяад̇д̇аа уд̇д̇аанад̇т̇амзва.
Devatā byākāsi. Sesaṃ sabbaṃ heṭṭhā vuttanayattā uttānatthameva.
батамабхигкаад̣̇ааяигаавимаанаван̣н̣анаа нидтид̇аа.
Paṭhamabhikkhādāyikāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 10. батамабхигкаад̣̇ааяигаавимаанавад̇т̇у • 10. Paṭhamabhikkhādāyikāvimānavatthu
