| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. பட²மபி⁴க்கு²ஸுத்தங்
5. Paṭhamabhikkhusuttaṃ
991. அத² கோ² ஸம்ப³ஹுலா பி⁴க்கூ² யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ப⁴க³வந்தங் ஏதத³வோசுங் – ‘‘அத்தி² நு கோ², ப⁴ந்தே, ஏகத⁴ம்மோ பா⁴விதோ ப³ஹுலீகதோ சத்தாரோ த⁴ம்மே பரிபூரேதி, சத்தாரோ த⁴ம்மா பா⁴விதா ப³ஹுலீகதா ஸத்த த⁴ம்மே பரிபூரெந்தி, ஸத்த த⁴ம்மா பா⁴விதா ப³ஹுலீகதா த்³வே த⁴ம்மே பரிபூரெந்தீ’’தி? ‘‘அத்தி² கோ², பி⁴க்க²வே, ஏகத⁴ம்மோ பா⁴விதோ ப³ஹுலீகதோ சத்தாரோ த⁴ம்மே பரிபூரேதி, சத்தாரோ த⁴ம்மா பா⁴விதா ப³ஹுலீகதா ஸத்த த⁴ம்மே பரிபூரெந்தி, ஸத்த த⁴ம்மா பா⁴விதா ப³ஹுலீகதா த்³வே த⁴ம்மே பரிபூரெந்தீ’’தி.
991. Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘atthi nu kho, bhante, ekadhammo bhāvito bahulīkato cattāro dhamme paripūreti, cattāro dhammā bhāvitā bahulīkatā satta dhamme paripūrenti, satta dhammā bhāvitā bahulīkatā dve dhamme paripūrentī’’ti? ‘‘Atthi kho, bhikkhave, ekadhammo bhāvito bahulīkato cattāro dhamme paripūreti, cattāro dhammā bhāvitā bahulīkatā satta dhamme paripūrenti, satta dhammā bhāvitā bahulīkatā dve dhamme paripūrentī’’ti.
‘‘கதமோ பன, ப⁴ந்தே, ஏகத⁴ம்மோ பா⁴விதோ ப³ஹுலீகதோ சத்தாரோ த⁴ம்மே பரிபூரேதி, சத்தாரோ த⁴ம்மா பா⁴விதா ப³ஹுலீகதா ஸத்த த⁴ம்மே பரிபூரெந்தி, ஸத்த த⁴ம்மா பா⁴விதா ப³ஹுலீகதா த்³வே த⁴ம்மே பரிபூரெந்தீ’’தி? ‘‘ஆனாபானஸ்ஸதிஸமாதி⁴ கோ², பி⁴க்க²வே, ஏகத⁴ம்மோ பா⁴விதோ ப³ஹுலீகதோ சத்தாரோ ஸதிபட்டா²னே பரிபூரேதி, சத்தாரோ ஸதிபட்டா²னா பா⁴விதா ப³ஹுலீகதா ஸத்த பொ³ஜ்ஜ²ங்கே³ பரிபூரெந்தி, ஸத்த பொ³ஜ்ஜ²ங்கா³ பா⁴விதா ப³ஹுலீகதா விஜ்ஜாவிமுத்திங் பரிபூரெந்தீ’’தி.
‘‘Katamo pana, bhante, ekadhammo bhāvito bahulīkato cattāro dhamme paripūreti, cattāro dhammā bhāvitā bahulīkatā satta dhamme paripūrenti, satta dhammā bhāvitā bahulīkatā dve dhamme paripūrentī’’ti? ‘‘Ānāpānassatisamādhi kho, bhikkhave, ekadhammo bhāvito bahulīkato cattāro satipaṭṭhāne paripūreti, cattāro satipaṭṭhānā bhāvitā bahulīkatā satta bojjhaṅge paripūrenti, satta bojjhaṅgā bhāvitā bahulīkatā vijjāvimuttiṃ paripūrentī’’ti.
‘‘கத²ங் பா⁴விதோ ச, பி⁴க்க²வே, ஆனாபானஸ்ஸதிஸமாதி⁴ கத²ங் ப³ஹுலீகதோ சத்தாரோ ஸதிபட்டா²னே பரிபூரேதி? இத⁴, பி⁴க்க²வே, பி⁴க்கு² அரஞ்ஞக³தோ வா…பே॰… ஏவங் பா⁴விதா கோ², பி⁴க்க²வே, ஸத்த பொ³ஜ்ஜ²ங்கா³ ஏவங் ப³ஹுலீகதா விஜ்ஜாவிமுத்திங் பரிபூரெந்தீ’’தி. பஞ்சமங்.
‘‘Kathaṃ bhāvito ca, bhikkhave, ānāpānassatisamādhi kathaṃ bahulīkato cattāro satipaṭṭhāne paripūreti? Idha, bhikkhave, bhikkhu araññagato vā…pe… evaṃ bhāvitā kho, bhikkhave, satta bojjhaṅgā evaṃ bahulīkatā vijjāvimuttiṃ paripūrentī’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3-10. பட²மஆனந்த³ஸுத்தாதி³வண்ணனா • 3-10. Paṭhamaānandasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3-10. பட²மஆனந்த³ஸுத்தாதி³வண்ணனா • 3-10. Paṭhamaānandasuttādivaṇṇanā
