Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā

    1. б̣од̇хиваг̇г̇о

    1. Bodhivaggo

    1. батамаб̣од̇хисуд̇д̇аван̣н̣анаа

    1. Paṭhamabodhisuttavaṇṇanā

    1. яам̣ банзд̇т̇а ‘‘звам̣ мз суд̇а’’нд̇иаад̣̇игам̣ нид̣̇аанам̣, д̇ад̇т̇а званд̇и нибаад̇абад̣̇ам̣. мзд̇иаад̣̇ийни наамабад̣̇аани. урувзлааяам̣ вихарад̇ийд̇и зд̇т̇а вийд̇и убасаг̇г̇абад̣̇ам̣, харад̇ийд̇и аакяаад̇абад̣̇анд̇и иминаава наязна саб̣б̣ад̇т̇а бад̣̇авибхааг̇о взд̣̇ид̇аб̣б̣о.

    1. Yaṃ panettha ‘‘evaṃ me suta’’ntiādikaṃ nidānaṃ, tattha evanti nipātapadaṃ. Metiādīni nāmapadāni. Uruvelāyaṃ viharatīti ettha vīti upasaggapadaṃ, haratīti ākhyātapadanti imināva nayena sabbattha padavibhāgo veditabbo.

    ад̇т̇ад̇о бана звам̣сад̣̇д̣̇о д̇аава убамуубад̣̇зсасамбахам̣санаг̇арахан̣аважанасамбадиг̇г̇ахаагаара- нид̣̇ассанаавад̇хааран̣абужчааид̣̇амад̇т̇абаримаан̣аад̣̇и анзгад̇т̇аббабхзд̣̇о. д̇ат̇аа хзса ‘‘звам̣ ж̇аад̇зна мажжзна, гад̇д̇аб̣б̣ам̣ гусалам̣ б̣аху’’нд̇и звамаад̣̇ийсу (д̇ха. ба. 53) убамааяам̣ ааг̇ад̇о. ‘‘звам̣ д̇з абхиггамид̇аб̣б̣ам̣, звам̣ д̇з бадиггамид̇аб̣б̣а’’нд̇иаад̣̇ийсу (а. ни. 4.122) убад̣̇зсз. ‘‘звамзд̇ам̣ бхаг̇аваа, звамзд̇ам̣ суг̇ад̇аа’’д̇иаад̣̇ийсу (а. ни. 3.66) самбахам̣санз. ‘‘звамзвам̣ банааяам̣ васалий яасмим̣ ваа д̇асмим̣ ваа д̇асса мун̣д̣агасса саман̣агасса ван̣н̣ам̣ бхаасад̇ий’’д̇иаад̣̇ийсу (сам̣. ни. 1.187) г̇арахан̣з. ‘‘звам̣, бханд̇зд̇и ко д̇з бхигкуу бхаг̇авад̇о бажжассосу’’нд̇иаад̣̇ийсу (д̣̇ий. ни. 2.3; ма. ни. 1.1) важанасамбадиг̇г̇ахз. ‘‘звам̣ б̣яаа ко ахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаамий’’д̇иаад̣̇ийсу (ма. ни. 1.398) аагаарз. ‘‘зхи д̇вам̣, маан̣авага, язна саман̣о аананд̣̇о д̇знубасан̇гама, убасан̇гамид̇ваа мама важанзна саман̣ам̣ аананд̣̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча ‘субхо маан̣аво д̇од̣̇зяяабуд̇д̇о бхаванд̇ам̣ аананд̣̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’д̇и, зван̃жа вад̣̇зхи ‘саад̇ху гира бхавам̣ аананд̣̇о язна субхасса маан̣авасса д̇од̣̇зяяабуд̇д̇асса нивзсанам̣, д̇знубасан̇гамад̇у анугамбам̣ убаад̣̇ааяаа’д̇и’’аад̣̇ийсу (д̣̇ий. ни. 1.445) нид̣̇ассанз. ‘‘‘д̇ам̣ гим̣ ман̃н̃ат̇а, гаалаамаа, имз д̇хаммаа гусалаа ваа агусалаа ваа’д̇и? ‘агусалаа, бханд̇з’. ‘сааваж̇ж̇аа ваа анаваж̇ж̇аа ваа’д̇и? ‘сааваж̇ж̇аа, бханд̇з’. ‘вин̃н̃ууг̇арахид̇аа ваа вин̃н̃уббасад̇т̇аа ваа’д̇и? ‘вин̃н̃ууг̇арахид̇аа, бханд̇з’. ‘самад̇д̇аа самаад̣̇иннаа ахид̇ааяа д̣̇угкааяа сам̣вад̇д̇анд̇и, но’ваа? ‘гат̇ам̣ во зд̇т̇а ход̇ий’д̇и? ‘самад̇д̇аа, бханд̇з, самаад̣̇иннаа ахид̇ааяа д̣̇угкааяа сам̣вад̇д̇анд̇и, звам̣ но зд̇т̇а ход̇ийд̇и’’’аад̣̇ийсу (а. ни. 3.66) авад̇хааран̣з. ‘‘звамзд̇з сунхаад̇аа сувилид̇д̇аа габбид̇агзсамассуу аамуд̇д̇амаалаабхаран̣аа’’д̇иаад̣̇ийсу (д̣̇ий. ни. 1.286) бужчааяам̣. ‘‘звам̣г̇ад̇аани бут̇усиббааяад̇анаани (д̣̇ий. ни. 1.182), звам̣вид̇хо звамаагааро’’д̇иаад̣̇ийсу ид̣̇ам̣сад̣̇д̣̇асса ад̇т̇з. г̇ад̇асад̣̇д̣̇о хи багаарабарияааяо, д̇ат̇аа вид̇хаагаарасад̣̇д̣̇аа. д̇ат̇аа хи вид̇хаяуд̇д̇аг̇ад̇асад̣̇д̣̇з логияаа багаарад̇т̇з вад̣̇анд̇и. ‘‘звам̣ лахубаривад̇д̇ам̣ звамааяубарияанд̇о’’д̇иаад̣̇ийсу (а. ни. 1.48) баримаан̣з.

    Atthato pana evaṃsaddo tāva upamūpadesasampahaṃsanagarahaṇavacanasampaṭiggahākāra- nidassanāvadhāraṇapucchāidamatthaparimāṇādi anekatthappabhedo. Tathā hesa ‘‘evaṃ jātena maccena, kattabbaṃ kusalaṃ bahu’’nti evamādīsu (dha. pa. 53) upamāyaṃ āgato. ‘‘Evaṃ te abhikkamitabbaṃ, evaṃ te paṭikkamitabba’’ntiādīsu (a. ni. 4.122) upadese. ‘‘Evametaṃ bhagavā, evametaṃ sugatā’’tiādīsu (a. ni. 3.66) sampahaṃsane. ‘‘Evamevaṃ panāyaṃ vasalī yasmiṃ vā tasmiṃ vā tassa muṇḍakassa samaṇakassa vaṇṇaṃ bhāsatī’’tiādīsu (saṃ. ni. 1.187) garahaṇe. ‘‘Evaṃ, bhanteti kho te bhikkhū bhagavato paccassosu’’ntiādīsu (dī. ni. 2.3; ma. ni. 1.1) vacanasampaṭiggahe. ‘‘Evaṃ byā kho ahaṃ, bhante, bhagavatā dhammaṃ desitaṃ ājānāmī’’tiādīsu (ma. ni. 1.398) ākāre. ‘‘Ehi tvaṃ, māṇavaka, yena samaṇo ānando tenupasaṅkama, upasaṅkamitvā mama vacanena samaṇaṃ ānandaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha ‘subho māṇavo todeyyaputto bhavantaṃ ānandaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti, evañca vadehi ‘sādhu kira bhavaṃ ānando yena subhassa māṇavassa todeyyaputtassa nivesanaṃ, tenupasaṅkamatu anukampaṃ upādāyā’ti’’ādīsu (dī. ni. 1.445) nidassane. ‘‘‘Taṃ kiṃ maññatha, kālāmā, ime dhammā kusalā vā akusalā vā’ti? ‘Akusalā, bhante’. ‘Sāvajjā vā anavajjā vā’ti? ‘Sāvajjā, bhante’. ‘Viññūgarahitā vā viññuppasatthā vā’ti? ‘Viññūgarahitā, bhante’. ‘Samattā samādinnā ahitāya dukkhāya saṃvattanti, no’vā? ‘Kathaṃ vo ettha hotī’ti? ‘Samattā, bhante, samādinnā ahitāya dukkhāya saṃvattanti, evaṃ no ettha hotīti’’’ādīsu (a. ni. 3.66) avadhāraṇe. ‘‘Evamete sunhātā suvilittā kappitakesamassū āmuttamālābharaṇā’’tiādīsu (dī. ni. 1.286) pucchāyaṃ. ‘‘Evaṃgatāni puthusippāyatanāni (dī. ni. 1.182), evaṃvidho evamākāro’’tiādīsu idaṃsaddassa atthe. Gatasaddo hi pakārapariyāyo, tathā vidhākārasaddā. Tathā hi vidhayuttagatasadde lokiyā pakāratthe vadanti. ‘‘Evaṃ lahuparivattaṃ evamāyupariyanto’’tiādīsu (a. ni. 1.48) parimāṇe.

    нану жа ‘‘звам̣ вид̇аггид̇ам̣ но д̇умхзхи, звамааяубарияанд̇о’’д̇и жзд̇т̇а звам̣сад̣̇д̣̇зна бужчанаагаарабаримаан̣аагаараанам̣ вуд̇д̇ад̇д̇аа аагаарад̇т̇о зва звам̣сад̣̇д̣̇од̇и. на, висзсасаб̣бхаавад̇о. аагаарамад̇д̇аваажаго хзд̇т̇а звам̣сад̣̇д̣̇о аагаарад̇т̇од̇и ад̇хиббзд̇о. ‘‘звам̣ б̣яаа ко’’д̇иаад̣̇ийсу бана аагаарависзсаважано. аагаарависзсаваажино жзд̇з звам̣сад̣̇д̣̇аа бужчанаагаарабаримаан̣аагаараанам̣ ваажагад̇д̇аа. зван̃жа гад̇ваа ‘‘звам̣ ж̇аад̇зна мажжзнаа’’д̇иаад̣̇ийни убамаанауд̣̇аахаран̣аани яуж̇ж̇анд̇и. д̇ад̇т̇а хи –

    Nanu ca ‘‘evaṃ vitakkitaṃ no tumhehi, evamāyupariyanto’’ti cettha evaṃsaddena pucchanākāraparimāṇākārānaṃ vuttattā ākārattho eva evaṃsaddoti. Na, visesasabbhāvato. Ākāramattavācako hettha evaṃsaddo ākāratthoti adhippeto. ‘‘Evaṃ byā kho’’tiādīsu pana ākāravisesavacano. Ākāravisesavācino cete evaṃsaddā pucchanākāraparimāṇākārānaṃ vācakattā. Evañca katvā ‘‘evaṃ jātena maccenā’’tiādīni upamānaudāharaṇāni yujjanti. Tattha hi –

    ‘‘яат̇ааби бубпараасимхаа, гаяираа маалааг̇ун̣з б̣ахуу;

    ‘‘Yathāpi puppharāsimhā, kayirā mālāguṇe bahū;

    звам̣ ж̇аад̇зна мажжзна, гад̇д̇аб̣б̣ам̣ гусалам̣ б̣аху’’нд̇и. –

    Evaṃ jātena maccena, kattabbaṃ kusalaṃ bahu’’nti. –

    зд̇т̇а бубпараасидтаанийяад̇о мануссуббад̇д̇и саббурисуубаниссаяасад̣̇д̇хаммассаванаяонисоманасигаарабхог̇асамбад̇д̇иаад̣̇ид̇о д̣̇аанаад̣̇ибун̃н̃агирияаахзд̇усамуд̣̇ааяад̇о собхаасуг̇анд̇хад̇аад̣̇иг̇ун̣ависзсаяог̇ад̇о маалааг̇ун̣асад̣̇исияо б̣ахугаа бун̃н̃агирияаа марид̇аб̣б̣асабхаавад̇ааяа мажжзна гад̇д̇аб̣б̣аад̇и абхзд̣̇ад̇ааяа бубпарааси маалааг̇ун̣аа жа убамаа, д̇зсам̣ убамаанаагааро яат̇аасад̣̇д̣̇зна анияамад̇о вуд̇д̇о. буна звам̣сад̣̇д̣̇зна нияаманавасзна вуд̇д̇о. со бана убамаагааро нияамияамаано ад̇т̇ад̇о убамаа зва ход̇ийд̇и вуд̇д̇ам̣ ‘‘убамааяам̣ ааг̇ад̇о’’д̇и.

    Ettha puppharāsiṭṭhānīyato manussuppatti sappurisūpanissayasaddhammassavanayonisomanasikārabhogasampattiādito dānādipuññakiriyāhetusamudāyato sobhāsugandhatādiguṇavisesayogato mālāguṇasadisiyo bahukā puññakiriyā maritabbasabhāvatāya maccena kattabbāti abhedatāya puppharāsi mālāguṇā ca upamā, tesaṃ upamānākāro yathāsaddena aniyamato vutto. Puna evaṃsaddena niyamanavasena vutto. So pana upamākāro niyamiyamāno atthato upamā eva hotīti vuttaṃ ‘‘upamāyaṃ āgato’’ti.

    д̇ат̇аа ‘‘звам̣ иминаа аагаарзна абхиггамид̇аб̣б̣а’’нд̇иаад̣̇инаа убад̣̇исияамаанааяа саман̣асааруббааяа аагаббасамбад̇д̇ияаа яо д̇ад̇т̇а убад̣̇зсаагааро, со ад̇т̇ад̇о убад̣̇зсоязваад̇и вуд̇д̇ам̣ – ‘‘звам̣ д̇з абхиггамид̇аб̣б̣ам̣, звам̣ д̇з бадиггамид̇аб̣б̣анд̇иаад̣̇ийсу убад̣̇зсз’’д̇и.

    Tathā ‘‘evaṃ iminā ākārena abhikkamitabba’’ntiādinā upadisiyamānāya samaṇasāruppāya ākappasampattiyā yo tattha upadesākāro, so atthato upadesoyevāti vuttaṃ – ‘‘evaṃ te abhikkamitabbaṃ, evaṃ te paṭikkamitabbantiādīsu upadese’’ti.

    ‘‘звамзд̇ам̣ бхаг̇аваа, звамзд̇ам̣ суг̇ад̇аа’’д̇и зд̇т̇а бхаг̇авад̇аа яат̇аавуд̇д̇амад̇т̇ам̣ авибарийд̇ад̇о ж̇аананд̇зхи гад̇ам̣ яам̣ д̇ад̇т̇а виж̇ж̇амаанаг̇ун̣аанам̣ багаарзхи хам̣санам̣ уд̣̇аг̇г̇ад̇аагаран̣ам̣ самбахам̣санам̣, со д̇ад̇т̇а бахам̣санаагаарод̇и вуд̇д̇анаязна яож̇зд̇аб̣б̣ам̣.

    ‘‘Evametaṃ bhagavā, evametaṃ sugatā’’ti ettha bhagavatā yathāvuttamatthaṃ aviparītato jānantehi kataṃ yaṃ tattha vijjamānaguṇānaṃ pakārehi haṃsanaṃ udaggatākaraṇaṃ sampahaṃsanaṃ, so tattha pahaṃsanākāroti vuttanayena yojetabbaṃ.

    ‘‘звамзвам̣ банааяа’’нд̇и зд̇т̇а г̇арахан̣аагаарод̇и вуд̇д̇анаязна яож̇зд̇аб̣б̣ам̣. со жа г̇арахан̣аагааро ‘‘васалий’’д̇иаад̣̇икум̣санасад̣̇д̣̇асаннид̇хаанад̇о ид̇ха звам̣сад̣̇д̣̇зна багаасид̇од̇и вин̃н̃ааяад̇и. яат̇аа жзд̇т̇а, звам̣ убамаагаараад̣̇аяоби убамаад̣̇ивасзна вуд̇д̇аанам̣ бубпараасиаад̣̇исад̣̇д̣̇аанам̣ саннид̇хаанад̇о вуд̇д̇аад̇и взд̣̇ид̇аб̣б̣ам̣.

    ‘‘Evamevaṃ panāya’’nti ettha garahaṇākāroti vuttanayena yojetabbaṃ. So ca garahaṇākāro ‘‘vasalī’’tiādikhuṃsanasaddasannidhānato idha evaṃsaddena pakāsitoti viññāyati. Yathā cettha, evaṃ upamākārādayopi upamādivasena vuttānaṃ puppharāsiādisaddānaṃ sannidhānato vuttāti veditabbaṃ.

    ‘‘звам̣ но’’д̇и зд̇т̇ааби д̇зсам̣ яат̇аавуд̇д̇ад̇хаммаанам̣ ахид̇ад̣̇угкаавахабхаавзна саннидтаанаж̇ананад̇т̇ам̣ анумад̇иг̇г̇ахан̣авасзна ‘‘но ваа гат̇ам̣ во зд̇т̇а ход̇ий’’д̇и бужчааяа гад̇ааяа ‘‘звам̣ но зд̇т̇а ход̇ий’’д̇и вуд̇д̇ад̇д̇аа д̇ад̣̇аагаарасаннидтаанам̣ звам̣сад̣̇д̣̇зна аавигад̇ам̣. со бана д̇зсам̣ д̇хаммаанам̣ ахид̇ааяа д̣̇угкааяа сам̣вад̇д̇анаагааро нияамияамаано авад̇хааран̣ад̇т̇о ход̇ийд̇и вуд̇д̇ам̣ – ‘‘звам̣ но зд̇т̇а ход̇ийд̇иаад̣̇ийсу авад̇хааран̣з’’д̇и.

    ‘‘Evaṃ no’’ti etthāpi tesaṃ yathāvuttadhammānaṃ ahitadukkhāvahabhāvena sanniṭṭhānajananatthaṃ anumatiggahaṇavasena ‘‘no vā kathaṃ vo ettha hotī’’ti pucchāya katāya ‘‘evaṃ no ettha hotī’’ti vuttattā tadākārasanniṭṭhānaṃ evaṃsaddena āvikataṃ. So pana tesaṃ dhammānaṃ ahitāya dukkhāya saṃvattanākāro niyamiyamāno avadhāraṇattho hotīti vuttaṃ – ‘‘evaṃ no ettha hotītiādīsu avadhāraṇe’’ti.

    ‘‘зван̃жа вад̣̇зхий’’д̇и яат̇аахам̣ вад̣̇аами звам̣ саман̣ам̣ аананд̣̇ам̣ вад̣̇зхийд̇и вад̣̇анаагааро ид̣̇аани вад̇д̇аб̣б̣о звам̣сад̣̇д̣̇зна нид̣̇ассийяад̇ийд̇и ‘‘нид̣̇ассанад̇т̇о’’д̇и вуд̇д̇ам̣.

    ‘‘Evañca vadehī’’ti yathāhaṃ vadāmi evaṃ samaṇaṃ ānandaṃ vadehīti vadanākāro idāni vattabbo evaṃsaddena nidassīyatīti ‘‘nidassanattho’’ti vuttaṃ.

    звамаагаарависзсаваажийнамби зд̇зсам̣ звам̣сад̣̇д̣̇аанам̣ убамаад̣̇ивисзсад̇т̇авуд̇д̇ид̇ааяа убамаад̣̇иад̇т̇ад̇аа вуд̇д̇аа. ‘‘звам̣, бханд̇з’’д̇и бана д̇хаммасса саад̇хугам̣ саванаманасигаарз нияож̇ид̇зхи бхигкуухи д̇ад̇т̇а бад̇идтид̇абхаавасса бадиж̇аананавасзна вуд̇д̇ад̇д̇аа д̇ад̇т̇а звам̣сад̣̇д̣̇о важанасамбадиг̇г̇ахад̇т̇о. д̇зна звам̣, бханд̇зд̇и саад̇ху, бханд̇з, судту, бханд̇зд̇и вуд̇д̇ам̣ ход̇и. свааяамид̇ха аагааранид̣̇ассанаавад̇хааран̣зсу д̣̇адтаб̣б̣о.

    Evamākāravisesavācīnampi etesaṃ evaṃsaddānaṃ upamādivisesatthavuttitāya upamādiatthatā vuttā. ‘‘Evaṃ, bhante’’ti pana dhammassa sādhukaṃ savanamanasikāre niyojitehi bhikkhūhi tattha patiṭṭhitabhāvassa paṭijānanavasena vuttattā tattha evaṃsaddo vacanasampaṭiggahattho. Tena evaṃ, bhanteti sādhu, bhante, suṭṭhu, bhanteti vuttaṃ hoti. Svāyamidha ākāranidassanāvadhāraṇesu daṭṭhabbo.

    д̇ад̇т̇а аагаарад̇т̇зна звам̣сад̣̇д̣̇зна зд̇амад̇т̇ам̣ д̣̇ийбзд̇и – наанаанаяанибун̣аманзгаж̇жхаасаяасамудтаанам̣ ад̇т̇аб̣яан̃ж̇анасамбаннам̣ вивид̇хабаадихаарияам̣ д̇хаммад̇т̇ад̣̇зсанаабадивзд̇хаг̇амбхийрам̣ саб̣б̣асад̇д̇аанам̣ сагасагабхаасаануруубад̇о сод̇абат̇амааг̇ажчанд̇ам̣ д̇асса бхаг̇авад̇о важанам̣ саб̣б̣аббагаарзна го самад̇т̇о вин̃н̃аад̇ум̣, саб̣б̣ат̇аамзна бана сод̇угаамад̇ам̣ ж̇анзд̇вааби звам̣ мз суд̇ам̣, маяааби згзнаагаарзна суд̇анд̇и.

    Tattha ākāratthena evaṃsaddena etamatthaṃ dīpeti – nānānayanipuṇamanekajjhāsayasamuṭṭhānaṃ atthabyañjanasampannaṃ vividhapāṭihāriyaṃ dhammatthadesanāpaṭivedhagambhīraṃ sabbasattānaṃ sakasakabhāsānurūpato sotapathamāgacchantaṃ tassa bhagavato vacanaṃ sabbappakārena ko samattho viññātuṃ, sabbathāmena pana sotukāmataṃ janetvāpi evaṃ me sutaṃ, mayāpi ekenākārena sutanti.

    зд̇т̇а жа згад̇д̇анаанад̇д̇ааб̣яаабааразвам̣д̇хаммад̇аасан̇каад̇аа нанд̣̇ияаавад̇д̇ад̇ибугкаласийхавиггийл̣ид̇ад̣̇исааложанаан̇гусасан̇каад̇аа жа ассаад̣̇аад̣̇ивисаяаад̣̇ибхзд̣̇зна наанаавид̇хаа наяаа наанаанаяаа. наяаа ваа баал̣иг̇ад̇ияо, д̇аа жа бан̃н̃ад̇д̇ианубан̃н̃ад̇д̇аад̣̇ивасзна сам̣гилзсабхааг̇ияаад̣̇илогияаад̣̇ид̇ад̣̇убхаяавомиссагаад̣̇ивасзна гусалаад̣̇ивасзна канд̇хаад̣̇ивасзна, сан̇г̇ахаад̣̇ивасзна, самаяавимуд̇д̇аад̣̇ивасзна, табанаад̣̇ивасзна , гусаламуулаад̣̇ивасзна, д̇игабадтаанаад̣̇ивасзна жа наанаббагаараад̇и наанаанаяаа, д̇зхи нибун̣ам̣ сан̣хам̣ сукуманд̇и наанаанаяанибун̣ам̣.

    Ettha ca ekattanānattaabyāpāraevaṃdhammatāsaṅkhātā nandiyāvattatipukkhalasīhavikkīḷitadisālocanaaṅkusasaṅkhātā ca assādādivisayādibhedena nānāvidhā nayā nānānayā. Nayā vā pāḷigatiyo, tā ca paññattianupaññattādivasena saṃkilesabhāgiyādilokiyāditadubhayavomissakādivasena kusalādivasena khandhādivasena, saṅgahādivasena, samayavimuttādivasena, ṭhapanādivasena , kusalamūlādivasena, tikapaṭṭhānādivasena ca nānappakārāti nānānayā, tehi nipuṇaṃ saṇhaṃ sukhumanti nānānayanipuṇaṃ.

    аасаяова аж̇жхаасаяо, со жа сассад̇аад̣̇ибхзд̣̇зна аббараж̇агкад̇аад̣̇ибхзд̣̇зна жа анзгавид̇хо. ад̇д̇аж̇жхаасаяаад̣̇иго зва ваа анзго аж̇жхаасаяо анзгаж̇жхаасаяо. со самудтаанам̣ уббад̇д̇ихзд̇у зд̇ассаад̇и анзгаж̇жхаасаяасамудтаанам̣.

    Āsayova ajjhāsayo, so ca sassatādibhedena apparajakkhatādibhedena ca anekavidho. Attajjhāsayādiko eva vā aneko ajjhāsayo anekajjhāsayo. So samuṭṭhānaṃ uppattihetu etassāti anekajjhāsayasamuṭṭhānaṃ.

    сийлаад̣̇иад̇т̇асамбад̇д̇ияаа д̇аб̣б̣ибхааванаб̣яан̃ж̇анасамбад̇д̇ияаа сан̇гаасанабагаасанавиваран̣авибхаж̇анауд̇д̇аанийгаран̣абан̃н̃ад̇д̇ивасзна чахи ад̇т̇абад̣̇зхи агкарабад̣̇аб̣яан̃ж̇анаагааранируд̇д̇инид̣̇д̣̇зсавасзна чахи б̣яан̃ж̇анабад̣̇зхи жа саманнааг̇ад̇ад̇д̇аа ад̇т̇аб̣яан̃ж̇анасамбаннам̣.

    Sīlādiatthasampattiyā tabbibhāvanabyañjanasampattiyā saṅkāsanapakāsanavivaraṇavibhajanauttānīkaraṇapaññattivasena chahi atthapadehi akkharapadabyañjanākāraniruttiniddesavasena chahi byañjanapadehi ca samannāgatattā atthabyañjanasampannaṃ.

    ид̣̇д̇хиаад̣̇зсанаанусаасанийбхзд̣̇зна д̇зсу жа згзгасса висаяаад̣̇ибхзд̣̇зна вивид̇хам̣ б̣ахувид̇хам̣ ваа баадихаарияам̣ зд̇ассаад̇и вивид̇хабаадихаарияам̣. д̇ад̇т̇а бадибагкахаран̣ад̇о рааг̇аад̣̇игилзсаабанаяанад̇о баадихаарияанд̇и ад̇т̇з сад̇и бхаг̇авад̇о на бадибагкаа рааг̇аад̣̇аяо санд̇и яз харид̇аб̣б̣аа, бут̇уж̇ж̇анаанамби виг̇ад̇уубаггилзсз адтаг̇ун̣асаманнааг̇ад̇з жид̇д̇з хад̇абадибагкз ид̣̇д̇хивид̇хам̣ бавад̇д̇ад̇и, д̇асмаа д̇ад̇т̇а бавад̇д̇авохаарзна жа на саггаа ид̇ха баадихаарияанд̇и вад̇д̇ум̣. сажз бана махаагаарун̣игасса бхаг̇авад̇о взнзяяаг̇ад̇аа жа гилзсаа бадибагкаа, д̇зсам̣ харан̣ад̇о баадихаарияанд̇и вуд̇д̇ам̣, звам̣ сад̇и яуд̇д̇амзд̇ам̣. ат̇а ваа бхаг̇авад̇о жзва саасанасса жа бадибагкаа д̇ид̇т̇ияаа, д̇зсам̣ харан̣ад̇о баадихаарияам̣. д̇з хи д̣̇идтихаран̣авасзна д̣̇идтиббагаасанз асамад̇т̇абхаавзна жа ид̣̇д̇хиаад̣̇зсанаанусаасанийхи харид̇аа абанийд̇аа хонд̇и. бадийд̇и ваа аяам̣ сад̣̇д̣̇о бажчаад̇и зд̇асса ад̇т̇ам̣ б̣од̇хзд̇и ‘‘д̇асмим̣ бадибавидтамхи, ан̃н̃о ааг̇ан̃чи б̣раахман̣о’’д̇иаад̣̇ийсу (жуул̣ани. баарааяанаваг̇г̇а, вад̇т̇уг̇аат̇аа 4) вияа. д̇асмаа самаахид̇з жид̇д̇з виг̇ад̇уубаггилзсз гад̇агижжзна бажчаа харид̇аб̣б̣ам̣ бавад̇д̇зд̇аб̣б̣анд̇и бадихаарияам̣. ад̇д̇ано ваа убаггилзсзсу жад̇уд̇т̇аж̇жхаанамаг̇г̇зхи харид̇зсу бажчаа харан̣ам̣ бадихаарияам̣. ид̣̇д̇хиаад̣̇зсанаанусаасанияо виг̇ад̇уубаггилзсзна гад̇агижжзна сад̇д̇ахид̇ад̇т̇ам̣ буна бавад̇д̇зд̇аб̣б̣аа, харид̇зсу жа ад̇д̇ано убаггилзсзсу барасад̇д̇аанам̣ убаггилзсахаран̣аани хонд̇ийд̇и бадихаарияаани бхаванд̇и. бадихаарияамзва баадихаарияам̣, бадихаарияз ваа ид̣̇д̇хиаад̣̇зсанаанусаасанийсамуд̣̇ааяз бхавам̣ згзгам̣ баадихаарияанд̇и вужжад̇и. бадихаарияам̣ ваа жад̇уд̇т̇аж̇жхаанам̣ маг̇г̇о жа бадибагкахаран̣ад̇о. д̇ад̇т̇а ж̇аад̇ам̣ нимид̇д̇абхууд̇ад̇о д̇ад̇о ваа ааг̇ад̇анд̇и баадихаарияанд̇и ад̇т̇о взд̣̇ид̇аб̣б̣о.

    Iddhiādesanānusāsanībhedena tesu ca ekekassa visayādibhedena vividhaṃ bahuvidhaṃ vā pāṭihāriyaṃ etassāti vividhapāṭihāriyaṃ. Tattha paṭipakkhaharaṇato rāgādikilesāpanayanato pāṭihāriyanti atthe sati bhagavato na paṭipakkhā rāgādayo santi ye haritabbā, puthujjanānampi vigatūpakkilese aṭṭhaguṇasamannāgate citte hatapaṭipakkhe iddhividhaṃ pavattati, tasmā tattha pavattavohārena ca na sakkā idha pāṭihāriyanti vattuṃ. Sace pana mahākāruṇikassa bhagavato veneyyagatā ca kilesā paṭipakkhā, tesaṃ haraṇato pāṭihāriyanti vuttaṃ, evaṃ sati yuttametaṃ. Atha vā bhagavato ceva sāsanassa ca paṭipakkhā titthiyā, tesaṃ haraṇato pāṭihāriyaṃ. Te hi diṭṭhiharaṇavasena diṭṭhippakāsane asamatthabhāvena ca iddhiādesanānusāsanīhi haritā apanītā honti. Paṭīti vā ayaṃ saddo pacchāti etassa atthaṃ bodheti ‘‘tasmiṃ paṭipaviṭṭhamhi, añño āgañchi brāhmaṇo’’tiādīsu (cūḷani. pārāyanavagga, vatthugāthā 4) viya. Tasmā samāhite citte vigatūpakkilese katakiccena pacchā haritabbaṃ pavattetabbanti paṭihāriyaṃ. Attano vā upakkilesesu catutthajjhānamaggehi haritesu pacchā haraṇaṃ paṭihāriyaṃ. Iddhiādesanānusāsaniyo vigatūpakkilesena katakiccena sattahitatthaṃ puna pavattetabbā, haritesu ca attano upakkilesesu parasattānaṃ upakkilesaharaṇāni hontīti paṭihāriyāni bhavanti. Paṭihāriyameva pāṭihāriyaṃ, paṭihāriye vā iddhiādesanānusāsanīsamudāye bhavaṃ ekekaṃ pāṭihāriyanti vuccati. Paṭihāriyaṃ vā catutthajjhānaṃ maggo ca paṭipakkhaharaṇato. Tattha jātaṃ nimittabhūtato tato vā āgatanti pāṭihāriyanti attho veditabbo.

    яасмаа бана д̇анд̇иад̇т̇ад̣̇зсанаа д̇аб̣б̣охаараабхисамаяасан̇каад̇аа хзд̇ухзд̇упалад̇ад̣̇убхаяабан̃н̃ад̇д̇ибадивзд̇хасан̇каад̇аа ваа д̇хаммад̇т̇ад̣̇зсанаабадивзд̇хаа г̇амбхийраа, сасаад̣̇ийхи вияа махаасамуд̣̇д̣̇о анубажид̇агусаласамбхаарзхи алаб̣бханзяяаббад̇идтаа д̣̇уббарияог̇аахаа жа, д̇асмаа д̇зхи жад̇уухи г̇амбхийрабхаавзхи яуд̇д̇анд̇и бхаг̇авад̇о важанам̣ д̇хаммад̇т̇ад̣̇зсанаабадивзд̇хаг̇амбхийрам̣.

    Yasmā pana tantiatthadesanā tabbohārābhisamayasaṅkhātā hetuhetuphalatadubhayapaññattipaṭivedhasaṅkhātā vā dhammatthadesanāpaṭivedhā gambhīrā, sasādīhi viya mahāsamuddo anupacitakusalasambhārehi alabbhaneyyappatiṭṭhā duppariyogāhā ca, tasmā tehi catūhi gambhīrabhāvehi yuttanti bhagavato vacanaṃ dhammatthadesanāpaṭivedhagambhīraṃ.

    зго зва бхаг̇авад̇о д̇хаммад̣̇зсанаагхосо, згасмим̣ кан̣з бавад̇д̇амаано наанаабхаасаанам̣ сад̇д̇аанам̣ ад̇д̇ано ад̇д̇ано бхаасаавасзна абуб̣б̣ам̣ ажаримам̣ г̇ахан̣уубаг̇о ход̇и. ажинд̇зяяо хи б̣уд̣̇д̇хаанам̣ б̣уд̣̇д̇хаанубхаавод̇и саб̣б̣асад̇д̇аанам̣ сагасагабхаасаануруубад̇о сод̇абат̇ам̣ ааг̇ажчад̇ийд̇и взд̣̇ид̇аб̣б̣ам̣.

    Eko eva bhagavato dhammadesanāghoso, ekasmiṃ khaṇe pavattamāno nānābhāsānaṃ sattānaṃ attano attano bhāsāvasena apubbaṃ acarimaṃ gahaṇūpago hoti. Acinteyyo hi buddhānaṃ buddhānubhāvoti sabbasattānaṃ sakasakabhāsānurūpato sotapathaṃ āgacchatīti veditabbaṃ.

    нид̣̇ассанад̇т̇зна ‘‘наахам̣ саяамбхуу, на маяаа ид̣̇ам̣ сажчигад̇а’’нд̇и ад̇д̇аанам̣ бариможзнд̇о ‘‘звам̣ мз суд̇ам̣, маяааби звам̣ суд̇а’’нд̇и ид̣̇аани вад̇д̇аб̣б̣ам̣ сагалам̣ суд̇д̇ам̣ нид̣̇ассзд̇и.

    Nidassanatthena ‘‘nāhaṃ sayambhū, na mayā idaṃ sacchikata’’nti attānaṃ parimocento ‘‘evaṃ me sutaṃ, mayāpi evaṃ suta’’nti idāni vattabbaṃ sakalaṃ suttaṃ nidasseti.

    авад̇хааран̣ад̇т̇зна ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ б̣ахуссуд̇аанам̣ яад̣̇ид̣̇ам̣ аананд̣̇о, г̇ад̇иманд̇аанам̣, сад̇иманд̇аанам̣, д̇хид̇иманд̇аанам̣, убадтаагаанам̣ яад̣̇ид̣̇ам̣ аананд̣̇о’’д̇и (а. ни. 1.219-223) звам̣ бхаг̇авад̇аа, ‘‘ааяасмаа аананд̣̇о ад̇т̇агусало, д̇хаммагусало, б̣яан̃ж̇анагусало, нируд̇д̇игусало, буб̣б̣аабарагусало’’д̇и (а. ни. 5.169) звам̣ д̇хаммасзнаабад̇инаа жа басад̇т̇абхааваануруубам̣ ад̇д̇ано д̇хааран̣аб̣алам̣ д̣̇ассзнд̇о сад̇д̇аанам̣ сод̇угаамад̇ам̣ ж̇анзд̇и. ‘‘звам̣ мз суд̇ам̣, д̇ан̃жа ко ад̇т̇ад̇о ваа б̣яан̃ж̇анад̇о ваа ануунаманад̇хигам̣, звамзва на ан̃н̃ат̇аа д̣̇адтаб̣б̣а’’нд̇и. ан̃н̃ат̇аад̇и бхаг̇авад̇о саммукаа суд̇аагаарад̇о ан̃н̃ат̇аа на бана бхаг̇авад̇аа д̣̇зсид̇аагаарад̇о. ажинд̇зяяаанубхааваа хи бхаг̇авад̇о д̣̇зсанаа, саа нзва саб̣б̣аагаарзна саггаа вин̃н̃аад̇унд̇и вуд̇д̇овааяамад̇т̇о. суд̇аагаараавируж̇жханамзва хи д̇хааран̣аб̣алам̣.

    Avadhāraṇatthena ‘‘etadaggaṃ, bhikkhave, mama sāvakānaṃ bhikkhūnaṃ bahussutānaṃ yadidaṃ ānando, gatimantānaṃ, satimantānaṃ, dhitimantānaṃ, upaṭṭhākānaṃ yadidaṃ ānando’’ti (a. ni. 1.219-223) evaṃ bhagavatā, ‘‘āyasmā ānando atthakusalo, dhammakusalo, byañjanakusalo, niruttikusalo, pubbāparakusalo’’ti (a. ni. 5.169) evaṃ dhammasenāpatinā ca pasatthabhāvānurūpaṃ attano dhāraṇabalaṃ dassento sattānaṃ sotukāmataṃ janeti. ‘‘Evaṃ me sutaṃ, tañca kho atthato vā byañjanato vā anūnamanadhikaṃ, evameva na aññathā daṭṭhabba’’nti. Aññathāti bhagavato sammukhā sutākārato aññathā na pana bhagavatā desitākārato. Acinteyyānubhāvā hi bhagavato desanā, sā neva sabbākārena sakkā viññātunti vuttovāyamattho. Sutākārāvirujjhanameva hi dhāraṇabalaṃ.

    мзсад̣̇д̣̇о д̇ийсу ад̇т̇зсу д̣̇иссад̇и. д̇ат̇аа хисса ‘‘г̇аат̇аабхиг̇ийд̇ам̣ мз абхож̇анзяяа’’нд̇иаад̣̇ийсу (сам̣. ни. 1.194; су. ни. 81) маяаад̇и ад̇т̇о. ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇уу’’д̇иаад̣̇ийсу (сам̣. ни. 4.88; 5.382; а. ни. 4.257) маяханд̇и ад̇т̇о. ‘‘д̇хаммад̣̇ааяаад̣̇аа мз, бхигкавз, бхават̇аа’’д̇иаад̣̇ийсу (ма. ни. 1.29) мамаад̇и ад̇т̇о. ид̇ха бана ‘‘маяаа суд̇ам̣, мама суд̇а’’нд̇и жа ад̇т̇ад̣̇ваяз яуж̇ж̇ад̇и.

    Mesaddo tīsu atthesu dissati. Tathā hissa ‘‘gāthābhigītaṃ me abhojaneyya’’ntiādīsu (saṃ. ni. 1.194; su. ni. 81) mayāti attho. ‘‘Sādhu me, bhante, bhagavā saṃkhittena dhammaṃ desetū’’tiādīsu (saṃ. ni. 4.88; 5.382; a. ni. 4.257) mayhanti attho. ‘‘Dhammadāyādā me, bhikkhave, bhavathā’’tiādīsu (ma. ni. 1.29) mamāti attho. Idha pana ‘‘mayā sutaṃ, mama suta’’nti ca atthadvaye yujjati.

    зд̇т̇а жа яо баро на ход̇и, со ад̇д̇аад̇и звам̣ вад̇д̇аб̣б̣з нияагаж̇жхад̇д̇асан̇каад̇з сасанд̇аанз вад̇д̇анад̇о д̇ивид̇хоби мзсад̣̇д̣̇о гин̃жааби згасмим̣язва ад̇т̇з д̣̇иссад̇и, гаран̣асамбад̣̇аанаад̣̇ивисзсасан̇каад̇о бана вин̃н̃ааяад̇звааяам̣ ад̇т̇абхзд̣̇од̇и ‘‘мз-сад̣̇д̣̇о д̇ийсу ад̇т̇зсу д̣̇иссад̇ий’’д̇и вуд̇д̇од̇и д̣̇адтаб̣б̣ам̣.

    Ettha ca yo paro na hoti, so attāti evaṃ vattabbe niyakajjhattasaṅkhāte sasantāne vattanato tividhopi mesaddo kiñcāpi ekasmiṃyeva atthe dissati, karaṇasampadānādivisesasaṅkhāto pana viññāyatevāyaṃ atthabhedoti ‘‘me-saddo tīsu atthesu dissatī’’ti vuttoti daṭṭhabbaṃ.

    суд̇анд̇и аяам̣ суд̇асад̣̇д̣̇о саубасаг̇г̇о анубасаг̇г̇о жа г̇аманависсуд̇агилиннуубажид̇аануяог̇асод̇авин̃н̃зяяа сод̇ад̣̇ваараанусаара вин̃н̃аад̇аад̣̇ианзгад̇т̇аббабхзд̣̇о. гин̃жааби хи убасаг̇г̇о гирияам̣ висзсзд̇и, ж̇од̇агабхаавад̇о бана сад̇иби д̇асмим̣ суд̇асад̣̇д̣̇о зва д̇ам̣ д̇амад̇т̇ам̣ вад̣̇ад̇ийд̇и анубасаг̇г̇асса суд̇асад̣̇д̣̇асса ад̇т̇уд̣̇д̇хаарз саубасаг̇г̇асса г̇ахан̣ам̣ на вируж̇жхад̇и.

    Sutanti ayaṃ sutasaddo saupasaggo anupasaggo ca gamanavissutakilinnūpacitānuyogasotaviññeyya sotadvārānusāra viññātādianekatthappabhedo. Kiñcāpi hi upasaggo kiriyaṃ viseseti, jotakabhāvato pana satipi tasmiṃ sutasaddo eva taṃ tamatthaṃ vadatīti anupasaggassa sutasaddassa atthuddhāre saupasaggassa gahaṇaṃ na virujjhati.

    д̇ад̇т̇а ‘‘сзнааяа басуд̇о’’д̇иаад̣̇ийсу г̇ажчанд̇од̇и ад̇т̇о. ‘‘суд̇ад̇хаммасса бассад̇о’’д̇иаад̣̇ийсу (уд̣̇аа. 11) виссуд̇ад̇хаммассаад̇и ад̇т̇о. ‘‘авассуд̇аа авассуд̇ассаа’’д̇иаад̣̇ийсу (баажи. 657) гилзсзна гилиннаа гилиннассаад̇и ад̇т̇о. ‘‘д̇умхзхи бун̃н̃ам̣ басуд̇ам̣ анаббага’’нд̇иаад̣̇ийсу (ку. баа. 7.12) убажид̇анд̇и ад̇т̇о. ‘‘яз жхаанаббасуд̇аа д̇хийраа’’д̇иаад̣̇ийсу (д̇ха. ба. 181) жхаанаануяуд̇д̇аад̇и ад̇т̇о. ‘‘д̣̇идтам̣ суд̇ам̣ муд̇а’’нд̇иаад̣̇ийсу (ма. ни. 1.241) сод̇авин̃н̃зяяанд̇и ад̇т̇о. ‘‘суд̇ад̇харо суд̇асаннижаяо’’д̇иаад̣̇ийсу (ма. ни. 1.339) сод̇ад̣̇ваараанусааравин̃н̃аад̇ад̇харод̇и ад̇т̇о. ид̇ха банасса ‘‘сод̇ад̣̇ваараанусаарзна убад̇хаарид̇а’’нд̇и ваа ‘‘убад̇хааран̣а’’нд̇и ваа ад̇т̇о. мз-сад̣̇д̣̇асса хи маяаад̇и ад̇т̇з сад̇и ‘‘звам̣ маяаа суд̇ам̣ сод̇ад̣̇ваараанусаарзна убад̇хаарид̇а’’нд̇и яуж̇ж̇ад̇и. мамаад̇и ад̇т̇з сад̇и ‘‘звам̣ мама суд̇ам̣ сод̇ад̣̇ваараанусаарзна убад̇хааран̣а’’нд̇и яуж̇ж̇ад̇и.

    Tattha ‘‘senāya pasuto’’tiādīsu gacchantoti attho. ‘‘Sutadhammassa passato’’tiādīsu (udā. 11) vissutadhammassāti attho. ‘‘Avassutā avassutassā’’tiādīsu (pāci. 657) kilesena kilinnā kilinnassāti attho. ‘‘Tumhehi puññaṃ pasutaṃ anappaka’’ntiādīsu (khu. pā. 7.12) upacitanti attho. ‘‘Ye jhānappasutā dhīrā’’tiādīsu (dha. pa. 181) jhānānuyuttāti attho. ‘‘Diṭṭhaṃ sutaṃ muta’’ntiādīsu (ma. ni. 1.241) sotaviññeyyanti attho. ‘‘Sutadharo sutasannicayo’’tiādīsu (ma. ni. 1.339) sotadvārānusāraviññātadharoti attho. Idha panassa ‘‘sotadvārānusārena upadhārita’’nti vā ‘‘upadhāraṇa’’nti vā attho. Me-saddassa hi mayāti atthe sati ‘‘evaṃ mayā sutaṃ sotadvārānusārena upadhārita’’nti yujjati. Mamāti atthe sati ‘‘evaṃ mama sutaṃ sotadvārānusārena upadhāraṇa’’nti yujjati.

    звамзд̇зсу д̇ийсу бад̣̇зсу яасмаа суд̇асад̣̇д̣̇асаннид̇хаанз баяуд̇д̇зна звам̣сад̣̇д̣̇зна саванагирияааж̇од̇агзна бхавид̇аб̣б̣ам̣, д̇асмаа званд̇и сод̇авин̃н̃аан̣асамбадижчанаад̣̇исод̇ад̣̇вааригавин̃н̃аан̣аананд̇арам̣ уббаннаманод̣̇вааригавин̃н̃аан̣агижжанид̣̇ассанам̣. мзд̇и вуд̇д̇авин̃н̃аан̣асаман̇г̇ийбуг̇г̇аланид̣̇ассанам̣. саб̣б̣аани хи ваагяаани звагаарад̇т̇асахид̇ааниязва авад̇хааран̣апалад̇д̇аа д̇зсам̣. суд̇анд̇и ассаванабхааваббадигкзбад̇о ануунаанад̇хигаавибарийд̇аг̇г̇ахан̣анид̣̇ассанам̣. яат̇аа хи суд̇ам̣ суд̇амзваад̇и вад̇д̇аб̣б̣ад̇ам̣ арахад̇и д̇ат̇аа д̇ам̣ саммаа суд̇ам̣ ануунаг̇г̇ахан̣ам̣ анад̇хигаг̇г̇ахан̣ам̣ авибарийд̇аг̇г̇ахан̣ан̃жа ход̇ийд̇и. ат̇а ваа сад̣̇д̣̇анд̇арад̇т̇аабоханавасзна сад̣̇д̣̇о ад̇т̇ам̣ вад̣̇ад̇ийд̇и зд̇асмим̣ багкз яасмаа суд̇анд̇и зд̇асса асуд̇ам̣ на ход̇ийд̇и аяамад̇т̇о вуд̇д̇о, д̇асмаа суд̇анд̇и ассаванабхааваббадигкзбад̇о ануунаанад̇хигаавибарийд̇аг̇г̇ахан̣анид̣̇ассанам̣. ид̣̇ам̣ вуд̇д̇ам̣ ход̇и – звам̣ мз суд̇ам̣, на маяаа ид̣̇ам̣ д̣̇идтам̣, на саяамбхуун̃аан̣зна сажчигад̇ам̣, на ан̃н̃ат̇аа ваа убалад̣̇д̇хам̣. аби жа суд̇ам̣ва, д̇ан̃жа ко саммад̣̇зваад̇и. авад̇хааран̣ад̇т̇з ваа звам̣сад̣̇д̣̇з аяамад̇т̇аяож̇анаа, д̇ад̣̇абзгкасса суд̇асад̣̇д̣̇асса нияамад̇т̇о самбхавад̇ийд̇и д̇ад̣̇абзгкасса суд̇асад̣̇д̣̇асса ассаванабхааваббадигкзбо ануунаанад̇хигаавибарийд̇аг̇г̇ахан̣анид̣̇ассанад̇аа жа взд̣̇ид̇аб̣б̣аа. ид̇и саванахзд̇усаванависзсавасзнаби суд̇асад̣̇д̣̇асса ад̇т̇аяож̇анаа гад̇аад̇и д̣̇адтаб̣б̣ам̣.

    Evametesu tīsu padesu yasmā sutasaddasannidhāne payuttena evaṃsaddena savanakiriyājotakena bhavitabbaṃ, tasmā evanti sotaviññāṇasampaṭicchanādisotadvārikaviññāṇānantaraṃ uppannamanodvārikaviññāṇakiccanidassanaṃ. Meti vuttaviññāṇasamaṅgīpuggalanidassanaṃ. Sabbāni hi vākyāni evakāratthasahitāniyeva avadhāraṇaphalattā tesaṃ. Sutanti assavanabhāvappaṭikkhepato anūnānadhikāviparītaggahaṇanidassanaṃ. Yathā hi sutaṃ sutamevāti vattabbataṃ arahati tathā taṃ sammā sutaṃ anūnaggahaṇaṃ anadhikaggahaṇaṃ aviparītaggahaṇañca hotīti. Atha vā saddantaratthāpohanavasena saddo atthaṃ vadatīti etasmiṃ pakkhe yasmā sutanti etassa asutaṃ na hotīti ayamattho vutto, tasmā sutanti assavanabhāvappaṭikkhepato anūnānadhikāviparītaggahaṇanidassanaṃ. Idaṃ vuttaṃ hoti – evaṃ me sutaṃ, na mayā idaṃ diṭṭhaṃ, na sayambhūñāṇena sacchikataṃ, na aññathā vā upaladdhaṃ. Api ca sutaṃva, tañca kho sammadevāti. Avadhāraṇatthe vā evaṃsadde ayamatthayojanā, tadapekkhassa sutasaddassa niyamattho sambhavatīti tadapekkhassa sutasaddassa assavanabhāvappaṭikkhepo anūnānadhikāviparītaggahaṇanidassanatā ca veditabbā. Iti savanahetusavanavisesavasenapi sutasaddassa atthayojanā katāti daṭṭhabbaṃ.

    д̇ат̇аа званд̇и д̇ассаа сод̇ад̣̇ваараанусаарзна бавад̇д̇ааяа вин̃н̃аан̣авийт̇ияаа наанад̇т̇аб̣яан̃ж̇анаг̇г̇ахан̣ад̇о наанаббагаарзна аарамман̣з бавад̇д̇ибхааваббагаасанам̣ аагаарад̇т̇о звам̣сад̣̇д̣̇од̇и гарид̇ваа. мзд̇и ад̇д̇аббагаасанам̣. суд̇анд̇и д̇хаммаббагаасанам̣ яат̇аавуд̇д̇ааяа вин̃н̃аан̣авийт̇ияаа барияад̇д̇ид̇хаммаарамман̣ад̇д̇аа. аяан̃хзд̇т̇а сан̇кзбо – наанаббагаарзна аарамман̣з бавад̇д̇ааяа вин̃н̃аан̣авийт̇ияаа гаран̣абхууд̇ааяа маяаа на ан̃н̃ам̣ гад̇ам̣, ид̣̇ам̣ бана гад̇ам̣, аяам̣ д̇хаммо суд̇од̇и.

    Tathā evanti tassā sotadvārānusārena pavattāya viññāṇavīthiyā nānatthabyañjanaggahaṇato nānappakārena ārammaṇe pavattibhāvappakāsanaṃ ākārattho evaṃsaddoti karitvā. Meti attappakāsanaṃ. Sutanti dhammappakāsanaṃ yathāvuttāya viññāṇavīthiyā pariyattidhammārammaṇattā. Ayañhettha saṅkhepo – nānappakārena ārammaṇe pavattāya viññāṇavīthiyā karaṇabhūtāya mayā na aññaṃ kataṃ, idaṃ pana kataṃ, ayaṃ dhammo sutoti.

    д̇ат̇аа званд̇и нид̣̇ассид̇аб̣б̣аббагаасанам̣ нид̣̇ассанад̇т̇о звам̣сад̣̇д̣̇од̇и гад̇ваа нид̣̇ассзд̇аб̣б̣асса нид̣̇д̣̇исид̇аб̣б̣абхаавад̇о. д̇асмаа звам̣сад̣̇д̣̇зна сагаламби суд̇д̇ам̣ бажжаамадтанд̇и взд̣̇ид̇аб̣б̣ам̣. мзд̇и буг̇г̇алаббагаасанам̣. суд̇анд̇и буг̇г̇алагижжаббагаасанам̣. суд̇асад̣̇д̣̇зна хи лаб̣бхамаанаа саванагирияаа саванавин̃н̃аан̣аббаб̣анд̇хаббадиб̣ад̣̇д̇хаа, д̇ад̇т̇а жа буг̇г̇алавохааро, на жа буг̇г̇алавохаарарахид̇з д̇хаммаббаб̣анд̇хз саванагирияаа лаб̣бхад̇и. д̇ассааяам̣ сан̇кзбад̇т̇о – яам̣ суд̇д̇ам̣ нид̣̇д̣̇исиссаами, д̇ам̣ маяаа звам̣ суд̇анд̇и.

    Tathā evanti nidassitabbappakāsanaṃ nidassanattho evaṃsaddoti katvā nidassetabbassa niddisitabbabhāvato. Tasmā evaṃsaddena sakalampi suttaṃ paccāmaṭṭhanti veditabbaṃ. Meti puggalappakāsanaṃ. Sutanti puggalakiccappakāsanaṃ. Sutasaddena hi labbhamānā savanakiriyā savanaviññāṇappabandhappaṭibaddhā, tattha ca puggalavohāro, na ca puggalavohārarahite dhammappabandhe savanakiriyā labbhati. Tassāyaṃ saṅkhepattho – yaṃ suttaṃ niddisissāmi, taṃ mayā evaṃ sutanti.

    д̇ат̇аа званд̇и яасса жид̇д̇асанд̇аанасса наанаарамман̣аббавад̇д̇ияаа наанад̇т̇аб̣яан̃ж̇анаг̇г̇ахан̣ам̣ ход̇и, д̇асса наанаагааранид̣̇д̣̇зсо аагаарад̇т̇о зва звам̣сад̣̇д̣̇од̇и гад̇ваа. званд̇и хи аяамаагаарабан̃н̃ад̇д̇и д̇хаммаанам̣ д̇ам̣ д̇ам̣ бавад̇д̇иаагаарам̣ убаад̣̇ааяа бан̃н̃абзд̇аб̣б̣асабхаавад̇д̇аа. мзд̇и гад̇д̇унид̣̇д̣̇зсо. суд̇анд̇и висаяанид̣̇д̣̇зсо, сод̇аб̣б̣о хи д̇хаммо саванагирияаагад̇д̇убуг̇г̇аласса саванагирияаавасзна бавад̇д̇идтаанам̣ ход̇и. зд̇д̇аавад̇аа наанаббагаарзна бавад̇д̇зна жид̇д̇асанд̇аанзна д̇ам̣саман̇г̇ино гад̇д̇у висаяз г̇ахан̣асаннидтаанам̣ д̣̇ассид̇ам̣ ход̇и.

    Tathā evanti yassa cittasantānassa nānārammaṇappavattiyā nānatthabyañjanaggahaṇaṃ hoti, tassa nānākāraniddeso ākārattho eva evaṃsaddoti katvā. Evanti hi ayamākārapaññatti dhammānaṃ taṃ taṃ pavattiākāraṃ upādāya paññapetabbasabhāvattā. Meti kattuniddeso. Sutanti visayaniddeso, sotabbo hi dhammo savanakiriyākattupuggalassa savanakiriyāvasena pavattiṭṭhānaṃ hoti. Ettāvatā nānappakārena pavattena cittasantānena taṃsamaṅgino kattu visaye gahaṇasanniṭṭhānaṃ dassitaṃ hoti.

    ат̇а ваа званд̇и буг̇г̇алагижжанид̣̇д̣̇зсо, суд̇аанан̃хи д̇хаммаанам̣ г̇ахид̇аагаарасса нид̣̇ассанасса авад̇хааран̣асса ваа багаасанасабхаавзна звам̣сад̣̇д̣̇зна д̇ад̣̇аагаараад̣̇ид̇хааран̣асса буг̇г̇алавохаарубаад̣̇аанад̇хаммаб̣яаабаарабхаавад̇о буг̇г̇алагижжам̣наама нид̣̇д̣̇идтам̣ ход̇ийд̇и. суд̇анд̇и вин̃н̃аан̣агижжанид̣̇д̣̇зсо, буг̇г̇алаваад̣̇иноби хи саванагирияаа вин̃н̃аан̣анирабзгкаа на ход̇ийд̇и. мзд̇и убхаяагижжаяуд̇д̇абуг̇г̇аланид̣̇д̣̇зсо. мзд̇и хи сад̣̇д̣̇аббавад̇д̇и зганд̇знзва сад̇д̇ависзсависаяаа вин̃н̃аан̣агижжан̃жа д̇ад̇т̇зва самод̣̇ахид̇аб̣б̣анд̇и. аяам̣ банзд̇т̇а сан̇кзбо – маяаа саванагижжавин̃н̃аан̣асаман̇г̇инаа буг̇г̇алзна вин̃н̃аан̣авасзна лад̣̇д̇хасаванагижжавохаарзна суд̇анд̇и.

    Atha vā evanti puggalakiccaniddeso, sutānañhi dhammānaṃ gahitākārassa nidassanassa avadhāraṇassa vā pakāsanasabhāvena evaṃsaddena tadākārādidhāraṇassa puggalavohārupādānadhammabyāpārabhāvato puggalakiccaṃnāma niddiṭṭhaṃ hotīti. Sutanti viññāṇakiccaniddeso, puggalavādinopi hi savanakiriyā viññāṇanirapekkhā na hotīti. Meti ubhayakiccayuttapuggalaniddeso. Meti hi saddappavatti ekanteneva sattavisesavisayā viññāṇakiccañca tattheva samodahitabbanti. Ayaṃ panettha saṅkhepo – mayā savanakiccaviññāṇasamaṅginā puggalena viññāṇavasena laddhasavanakiccavohārena sutanti.

    д̇ат̇аа званд̇и жа мзд̇и жа сажжигадтабарамад̇т̇авасзна авиж̇ж̇амаанабан̃н̃ад̇д̇и. саб̣б̣асса хи сад̣̇д̣̇аад̇хиг̇аманийяасса ад̇т̇асса бан̃н̃ад̇д̇имукзнзва бадибаж̇ж̇ид̇аб̣б̣ад̇д̇аа саб̣б̣абан̃н̃ад̇д̇ийнан̃жа виж̇ж̇амаанаад̣̇ийсу часу бан̃н̃ад̇д̇ийсу аварод̇хо, д̇асмаа яо мааяаамарийжиаад̣̇аяо вияа абхууд̇ад̇т̇о ануссаваад̣̇ийхи г̇ахзд̇аб̣б̣о вияа ануд̇д̇амад̇т̇оби на ход̇и. со руубасад̣̇д̣̇аад̣̇иго руббанаанубхаванаад̣̇иго жа барамад̇т̇асабхааво сажжигадтабарамад̇т̇авасзна виж̇ж̇ад̇и. яо бана званд̇и жа мзд̇и жа вужжамаано аагаарад̇т̇о, со абарамад̇т̇асабхааво сажжигадтабарамад̇т̇авасзна анубалаб̣бхамаано авиж̇ж̇амаанабан̃н̃ад̇д̇и наама. д̇асмаа гин̃хзд̇т̇а д̇ам̣ барамад̇т̇ад̇о ад̇т̇и, яам̣ званд̇и ваа мзд̇и ваа нид̣̇д̣̇зсам̣ лабхзт̇а? суд̇анд̇и виж̇ж̇амаанабан̃н̃ад̇д̇и, яан̃хи д̇ам̣ зд̇т̇а сод̇зна убалад̣̇д̇хам̣, д̇ам̣ барамад̇т̇ад̇о виж̇ж̇амаананд̇и.

    Tathā evanti ca meti ca saccikaṭṭhaparamatthavasena avijjamānapaññatti. Sabbassa hi saddādhigamanīyassa atthassa paññattimukheneva paṭipajjitabbattā sabbapaññattīnañca vijjamānādīsu chasu paññattīsu avarodho, tasmā yo māyāmarīciādayo viya abhūtattho anussavādīhi gahetabbo viya anuttamatthopi na hoti. So rūpasaddādiko ruppanānubhavanādiko ca paramatthasabhāvo saccikaṭṭhaparamatthavasena vijjati. Yo pana evanti ca meti ca vuccamāno ākārattho, so aparamatthasabhāvo saccikaṭṭhaparamatthavasena anupalabbhamāno avijjamānapaññatti nāma. Tasmā kiñhettha taṃ paramatthato atthi, yaṃ evanti vā meti vā niddesaṃ labhetha? Sutanti vijjamānapaññatti, yañhi taṃ ettha sotena upaladdhaṃ, taṃ paramatthato vijjamānanti.

    д̇ат̇аа званд̇и сод̇абат̇амааг̇ад̇з д̇хаммз убаад̣̇ааяа д̇зсам̣ убад̇хаарид̇аагаараад̣̇ийнам̣ бажжаамасанавасзна. мзд̇и сасанд̇ад̇ибарияаабаннз канд̇хз гаран̣аад̣̇ивисзсависидтз убаад̣̇ааяа вад̇д̇аб̣б̣ад̇о убаад̣̇аабан̃н̃ад̇д̇и. суд̇анд̇и д̣̇идтаад̣̇ийни убанид̇хааяа вад̇д̇аб̣б̣ад̇о убанид̇хаабан̃н̃ад̇д̇и. д̣̇идтаад̣̇исабхааварахид̇з сад̣̇д̣̇ааяад̇анз бавад̇д̇амааноби суд̇авохааро д̣̇уд̇ияам̣ д̇ад̇ияанд̇иаад̣̇иго вияа батамаад̣̇ийни, д̣̇идтамуд̇авин̃н̃аад̇з абзгкид̇ваа суд̇анд̇и вин̃н̃зяяад̇д̇аа д̣̇идтаад̣̇ийни убанид̇хааяа вад̇д̇аб̣б̣о ход̇и. асуд̇ам̣ на ход̇ийд̇и хи суд̇анд̇и багаасид̇ояамад̇т̇од̇и.

    Tathā evanti sotapathamāgate dhamme upādāya tesaṃ upadhāritākārādīnaṃ paccāmasanavasena. Meti sasantatipariyāpanne khandhe karaṇādivisesavisiṭṭhe upādāya vattabbato upādāpaññatti. Sutanti diṭṭhādīni upanidhāya vattabbato upanidhāpaññatti. Diṭṭhādisabhāvarahite saddāyatane pavattamānopi sutavohāro dutiyaṃ tatiyantiādiko viya paṭhamādīni, diṭṭhamutaviññāte apekkhitvā sutanti viññeyyattā diṭṭhādīni upanidhāya vattabbo hoti. Asutaṃ na hotīti hi sutanti pakāsitoyamatthoti.

    зд̇т̇а жа званд̇иважанзна асаммохам̣ д̣̇ийбзд̇и. бадивид̣̇д̇хаа хи ад̇д̇анаа суд̇асса багаарависзсаа званд̇и ид̇ха ааяасмад̇аа аананд̣̇зна бажжаамадтаа, д̇знасса асаммохо д̣̇ийбид̇о ход̇и. на хи саммуул̣хо наанаббагаарабадивзд̇хасамад̇т̇о ход̇и, бажжаяаагааравасзна наанаббагаараа д̣̇уббадивид̣̇д̇хаа жа суд̇д̇анд̇аад̇и д̣̇ийбид̇анд̇и. суд̇анд̇иважанзна суд̇асса асаммосам̣ д̣̇ийбзд̇и, суд̇аагаарасса яаат̇аавад̇о д̣̇ассияамаанад̇д̇аа. яасса хи суд̇ам̣ саммудтам̣ ход̇и, на со гааланд̇арз маяаа суд̇анд̇и бадиж̇аанаад̇и. ижжасса асаммохзна бан̃н̃аасид̣̇д̇хи, саммохаабхаавзна бан̃н̃ааяа зва ваа саванагааласамбхууд̇ааяа д̇ад̣̇уд̇д̇аригаалабан̃н̃аасид̣̇д̇хи, д̇ат̇аа асаммосзна сад̇исид̣̇д̇хи. д̇ад̇т̇а бан̃н̃аабуб̣б̣ан̇г̇амааяа сад̇ияаа б̣яан̃ж̇анаавад̇хааран̣асамад̇т̇ад̇аа. б̣яан̃ж̇анаанан̃хи бадивиж̇жхид̇аб̣б̣о аагааро наад̇иг̇амбхийро, яат̇аасуд̇ам̣ д̇хааран̣амзва д̇ад̇т̇а гаран̣ийяанд̇и сад̇ияаа б̣яаабааро ад̇хиго, бан̃н̃аа д̇ад̇т̇а г̇ун̣ийбхууд̇аа ход̇и бан̃н̃ааяа буб̣б̣ан̇г̇амаад̇и гад̇ваа. сад̇ибуб̣б̣ан̇г̇амааяа бан̃н̃ааяа ад̇т̇аббадивзд̇хасамад̇т̇ад̇аа. ад̇т̇асса хи бадивиж̇жхид̇аб̣б̣о аагааро г̇амбхийрод̇и бан̃н̃ааяа б̣яаабааро ад̇хиго, сад̇и д̇ад̇т̇а г̇ун̣ийбхууд̇ааязваад̇и сад̇ияаа буб̣б̣ан̇г̇амааяаад̇и гад̇ваа. д̇ад̣̇убхаяасамад̇т̇ад̇ааяог̇зна ад̇т̇аб̣яан̃ж̇анасамбаннасса д̇хаммагосасса анубааланасамад̇т̇ад̇ааяа д̇хаммабхан̣д̣ааг̇ааригад̇д̇асид̣̇д̇хи.

    Ettha ca evantivacanena asammohaṃ dīpeti. Paṭividdhā hi attanā sutassa pakāravisesā evanti idha āyasmatā ānandena paccāmaṭṭhā, tenassa asammoho dīpito hoti. Na hi sammūḷho nānappakārapaṭivedhasamattho hoti, paccayākāravasena nānappakārā duppaṭividdhā ca suttantāti dīpitanti. Sutantivacanena sutassa asammosaṃ dīpeti, sutākārassa yāthāvato dassiyamānattā. Yassa hi sutaṃ sammuṭṭhaṃ hoti, na so kālantare mayā sutanti paṭijānāti. Iccassa asammohena paññāsiddhi, sammohābhāvena paññāya eva vā savanakālasambhūtāya taduttarikālapaññāsiddhi, tathā asammosena satisiddhi. Tattha paññāpubbaṅgamāya satiyā byañjanāvadhāraṇasamatthatā. Byañjanānañhi paṭivijjhitabbo ākāro nātigambhīro, yathāsutaṃ dhāraṇameva tattha karaṇīyanti satiyā byāpāro adhiko, paññā tattha guṇībhūtā hoti paññāya pubbaṅgamāti katvā. Satipubbaṅgamāya paññāya atthappaṭivedhasamatthatā. Atthassa hi paṭivijjhitabbo ākāro gambhīroti paññāya byāpāro adhiko, sati tattha guṇībhūtāyevāti satiyā pubbaṅgamāyāti katvā. Tadubhayasamatthatāyogena atthabyañjanasampannassa dhammakosassa anupālanasamatthatāya dhammabhaṇḍāgārikattasiddhi.

    абаро наяо – званд̇иважанзна яонисоманасигаарам̣ д̣̇ийбзд̇и, д̇зна жа вужжамаанаанам̣ аагааранид̣̇ассанаавад̇хааран̣ад̇т̇аанам̣ убари вагкамаанаанам̣ наанаббагаараббадивзд̇хаж̇од̇агаанам̣ авибарийд̇асид̣̇д̇хи д̇хаммависаяад̇д̇аа. на хи аяонисо манасигарод̇о наанаббагаараббадивзд̇хо самбхавад̇и. суд̇анд̇иважанзна авигкзбам̣ д̣̇ийбзд̇и, ‘‘батамаб̣од̇хисуд̇д̇ам̣ гад̇т̇а бхаасид̇а’’нд̇иаад̣̇ибужчаавасзна багаран̣абад̇д̇асса вагкамаанасса суд̇д̇асса саванам̣ самаад̇хаанаманд̇арзна на самбхавад̇и вигкид̇д̇ажид̇д̇асса саванаабхаавад̇о. д̇ат̇аа хи вигкид̇д̇ажид̇д̇о буг̇г̇ало саб̣б̣асамбад̇д̇ияаа вужжамааноби ‘‘на маяаа суд̇ам̣, буна бхан̣ат̇аа’’д̇и бхан̣ад̇и. яонисоманасигаарзна жзд̇т̇а ад̇д̇асаммаабан̣ид̇хим̣ буб̣б̣з жа гад̇абун̃н̃ад̇ам̣ саад̇хзд̇и саммаа аббан̣ихид̇ад̇д̇асса буб̣б̣з агад̇абун̃н̃асса ваа д̇ад̣̇абхаавад̇о. авигкзбзна сад̣̇д̇хаммассаванам̣ саббурисуубаниссаяан̃жа саад̇хзд̇и ассуд̇авад̇о саббурисуубаниссаяавирахид̇асса жа д̇ад̣̇абхаавад̇о. на хи вигкид̇д̇о сод̇ум̣ саггод̇и, на жа саббурисз анубаниссаяамаанасса саванам̣ ад̇т̇ийд̇и.

    Aparo nayo – evantivacanena yonisomanasikāraṃ dīpeti, tena ca vuccamānānaṃ ākāranidassanāvadhāraṇatthānaṃ upari vakkhamānānaṃ nānappakārappaṭivedhajotakānaṃ aviparītasiddhi dhammavisayattā. Na hi ayoniso manasikaroto nānappakārappaṭivedho sambhavati. Sutantivacanena avikkhepaṃ dīpeti, ‘‘paṭhamabodhisuttaṃ kattha bhāsita’’ntiādipucchāvasena pakaraṇapattassa vakkhamānassa suttassa savanaṃ samādhānamantarena na sambhavati vikkhittacittassa savanābhāvato. Tathā hi vikkhittacitto puggalo sabbasampattiyā vuccamānopi ‘‘na mayā sutaṃ, puna bhaṇathā’’ti bhaṇati. Yonisomanasikārena cettha attasammāpaṇidhiṃ pubbe ca katapuññataṃ sādheti sammā appaṇihitattassa pubbe akatapuññassa vā tadabhāvato. Avikkhepena saddhammassavanaṃ sappurisūpanissayañca sādheti assutavato sappurisūpanissayavirahitassa ca tadabhāvato. Na hi vikkhitto sotuṃ sakkoti, na ca sappurise anupanissayamānassa savanaṃ atthīti.

    абаро наяо – ‘‘яасса жид̇д̇асанд̇аанасса наанаббагаараббавад̇д̇ияаа наанад̇т̇аб̣яан̃ж̇анаг̇г̇ахан̣ам̣ ход̇и, д̇асса наанаагааранид̣̇д̣̇зсо’’д̇и вуд̇д̇ам̣. яасмаа жа со бхаг̇авад̇о важанасса ад̇т̇аб̣яан̃ж̇анаббабхзд̣̇абарижчзд̣̇авасзна сагаласаасанасамбад̇д̇иог̇ааханзна ниравасзсам̣ барахид̇абаарибуурийгаран̣абхууд̇о звам̣ бхад̣̇д̣̇аго аагааро на саммаа аббан̣ихид̇ад̇д̇асса буб̣б̣з агад̇абун̃н̃асса ваа ход̇и. д̇асмаа званд̇и иминаа бхад̣̇д̣̇агзна аагаарзна бажчимажаггад̣̇ваяасамбад̇д̇имад̇д̇ано д̣̇ийбзд̇и, суд̇анд̇и саванаяог̇зна буримажаггад̣̇ваяасамбад̇д̇им̣. на хи аббад̇ируубз д̣̇зсз васад̇о саббурисуубаниссаяавирахид̇асса жа саванам̣ ад̇т̇и. ижжасса бажчимажаггад̣̇ваяасид̣̇д̇хияаа аасаяасуд̣̇д̇хи сид̣̇д̇хаа ход̇и. саммаа бан̣ихид̇ажид̇д̇о буб̣б̣з жа гад̇абун̃н̃о висуд̣̇д̇хаасаяо ход̇и д̇ад̣̇асуд̣̇д̇хихзд̇уунам̣ гилзсаанам̣ д̣̇уурийбхаавад̇о. д̇ат̇аа хи вуд̇д̇ам̣ ‘‘саммаа бан̣ихид̇ам̣ жид̇д̇ам̣, сзяяасо нам̣ д̇ад̇о гарз’’д̇и (д̇ха. ба. 43) ‘‘гад̇абун̃н̃оси д̇вам̣, аананд̣̇а, бад̇хаанамануяун̃ж̇а, киббам̣ хохиси анаасаво’’д̇и (д̣̇ий. ни. 2.207) жа. буримажаггад̣̇ваяасид̣̇д̇хияаа баяог̇асуд̣̇д̇хи. бад̇ируубад̣̇зсаваасзна хи саббурисуубаниссаязна жа саад̇хуунам̣ д̣̇идтаануг̇ад̇иаабаж̇ж̇анзна барисуд̣̇д̇хаббаяог̇о ход̇и. д̇ааяа жа аасаяасуд̣̇д̇хияаа ад̇хиг̇амаб̣яад̇д̇исид̣̇д̇хи, буб̣б̣зязва д̇ан̣хаад̣̇идтисам̣гилзсаанам̣ висод̇хид̇ад̇д̇аа баяог̇асуд̣̇д̇хияаа ааг̇амаб̣яад̇д̇исид̣̇д̇хи. субарисуд̣̇д̇хагааяаважийбаяог̇о хи виббадисаараабхаавад̇о авигкид̇д̇ажид̇д̇о барияад̇д̇ияам̣ висаарад̣̇о ход̇и. ид̇и баяог̇аасаяасуд̣̇д̇хасса ааг̇амаад̇хиг̇амасамбаннасса важанам̣ арун̣уг̇г̇аманам̣ вияа суурияасса уд̣̇аяад̇о яонисоманасигааро вияа жа гусалагаммасса арахад̇и бхаг̇авад̇о важанасса буб̣б̣ан̇г̇амам̣ бхавид̇унд̇и таанз нид̣̇аанам̣ табзнд̇о звам̣ мз суд̇анд̇иаад̣̇имааха.

    Aparo nayo – ‘‘yassa cittasantānassa nānappakārappavattiyā nānatthabyañjanaggahaṇaṃ hoti, tassa nānākāraniddeso’’ti vuttaṃ. Yasmā ca so bhagavato vacanassa atthabyañjanappabhedaparicchedavasena sakalasāsanasampattiogāhanena niravasesaṃ parahitapāripūrīkaraṇabhūto evaṃ bhaddako ākāro na sammā appaṇihitattassa pubbe akatapuññassa vā hoti. Tasmā evanti iminā bhaddakena ākārena pacchimacakkadvayasampattimattano dīpeti, sutanti savanayogena purimacakkadvayasampattiṃ. Na hi appatirūpe dese vasato sappurisūpanissayavirahitassa ca savanaṃ atthi. Iccassa pacchimacakkadvayasiddhiyā āsayasuddhi siddhā hoti. Sammā paṇihitacitto pubbe ca katapuñño visuddhāsayo hoti tadasuddhihetūnaṃ kilesānaṃ dūrībhāvato. Tathā hi vuttaṃ ‘‘sammā paṇihitaṃ cittaṃ, seyyaso naṃ tato kare’’ti (dha. pa. 43) ‘‘katapuññosi tvaṃ, ānanda, padhānamanuyuñja, khippaṃ hohisi anāsavo’’ti (dī. ni. 2.207) ca. Purimacakkadvayasiddhiyā payogasuddhi. Patirūpadesavāsena hi sappurisūpanissayena ca sādhūnaṃ diṭṭhānugatiāpajjanena parisuddhappayogo hoti. Tāya ca āsayasuddhiyā adhigamabyattisiddhi, pubbeyeva taṇhādiṭṭhisaṃkilesānaṃ visodhitattā payogasuddhiyā āgamabyattisiddhi. Suparisuddhakāyavacīpayogo hi vippaṭisārābhāvato avikkhittacitto pariyattiyaṃ visārado hoti. Iti payogāsayasuddhassa āgamādhigamasampannassa vacanaṃ aruṇuggamanaṃ viya sūriyassa udayato yonisomanasikāro viya ca kusalakammassa arahati bhagavato vacanassa pubbaṅgamaṃ bhavitunti ṭhāne nidānaṃ ṭhapento evaṃ me sutantiādimāha.

    абаро наяо – званд̇и иминаа буб̣б̣з вуд̇д̇анаязнзва наанаббагаараббадивзд̇хад̣̇ийбагзна важанзна ад̇д̇ано ад̇т̇абадибхаанабадисамбхид̣̇аасамбад̇д̇исаб̣бхаавам̣ д̣̇ийбзд̇и. суд̇анд̇и иминаа звам̣сад̣̇д̣̇асаннид̇хаанад̇о вагкамаанаабзгкааяа ваа сод̇аб̣б̣абхзд̣̇аббадивзд̇хад̣̇ийбагзна д̇хамманируд̇д̇ибадисамбхид̣̇аасамбад̇д̇исаб̣бхаавам̣ д̣̇ийбзд̇и. званд̇и жа ид̣̇ам̣ вуд̇д̇анаязнзва яонисоманасигаарад̣̇ийбагаважанам̣ бхаасамаано ‘‘зд̇з д̇хаммаа маяаа манасаанубзгкид̇аа д̣̇идтияаа суббадивид̣̇д̇хаа’’д̇и д̣̇ийбзд̇и. барияад̇д̇ид̇хаммо хи ‘‘ид̇ха сийлам̣ гат̇ид̇ам̣, ид̇ха самаад̇хи, ид̇ха бан̃н̃аа, зд̇д̇агаа зд̇т̇а анусанд̇хияо’’д̇иаад̣̇инаа наязна манасаа анубзгкид̇о ануссаваагаарабаривид̇аггасахид̇ааяа д̇хамманиж̇жхаанагканд̇ибхууд̇ааяа н̃аад̇абарин̃н̃аасан̇каад̇ааяа ваа д̣̇идтияаа д̇ад̇т̇а д̇ад̇т̇а вуд̇д̇аруубааруубад̇хаммз ‘‘ид̇и руубам̣, зд̇д̇агам̣ рууба’’нд̇иаад̣̇инаа наязна судту вавад̇т̇абзд̇ваа бадивид̣̇д̇хо ад̇д̇ано жа барзсан̃жа хид̇асукаавахо ход̇ийд̇и. суд̇анд̇и ид̣̇ам̣ саванаяог̇ад̣̇ийбагаважанам̣ бхаасамаано ‘‘б̣ахуу маяаа д̇хаммаа суд̇аа д̇хаад̇аа важасаа барижид̇аа’’д̇и д̣̇ийбзд̇и. сод̇аавад̇хаанаббадиб̣ад̣̇д̇хаа хи барияад̇д̇ид̇хаммасса саванад̇хааран̣абарижаяаа. д̇ад̣̇убхаязнаби д̇хаммасса сваагкаад̇абхаавзна, ад̇т̇аб̣яан̃ж̇анабаарибуурим̣ д̣̇ийбзнд̇о саванз аад̣̇арам̣ ж̇анзд̇и. ад̇т̇аб̣яан̃ж̇анабарибун̣н̣ан̃хи д̇хаммам̣ аад̣̇арзна ассун̣анд̇о махад̇аа хид̇аа бариб̣аахиро ход̇ийд̇и аад̣̇арам̣ ж̇анзд̇ваа саггажжам̣ д̇хаммо сод̇аб̣б̣о.

    Aparo nayo – evanti iminā pubbe vuttanayeneva nānappakārappaṭivedhadīpakena vacanena attano atthapaṭibhānapaṭisambhidāsampattisabbhāvaṃ dīpeti. Sutanti iminā evaṃsaddasannidhānato vakkhamānāpekkhāya vā sotabbabhedappaṭivedhadīpakena dhammaniruttipaṭisambhidāsampattisabbhāvaṃ dīpeti. Evanti ca idaṃ vuttanayeneva yonisomanasikāradīpakavacanaṃ bhāsamāno ‘‘ete dhammā mayā manasānupekkhitā diṭṭhiyā suppaṭividdhā’’ti dīpeti. Pariyattidhammo hi ‘‘idha sīlaṃ kathitaṃ, idha samādhi, idha paññā, ettakā ettha anusandhiyo’’tiādinā nayena manasā anupekkhito anussavākāraparivitakkasahitāya dhammanijjhānakkhantibhūtāya ñātapariññāsaṅkhātāya vā diṭṭhiyā tattha tattha vuttarūpārūpadhamme ‘‘iti rūpaṃ, ettakaṃ rūpa’’ntiādinā nayena suṭṭhu vavatthapetvā paṭividdho attano ca paresañca hitasukhāvaho hotīti. Sutanti idaṃ savanayogadīpakavacanaṃ bhāsamāno ‘‘bahū mayā dhammā sutā dhātā vacasā paricitā’’ti dīpeti. Sotāvadhānappaṭibaddhā hi pariyattidhammassa savanadhāraṇaparicayā. Tadubhayenapi dhammassa svākkhātabhāvena, atthabyañjanapāripūriṃ dīpento savane ādaraṃ janeti. Atthabyañjanaparipuṇṇañhi dhammaṃ ādarena assuṇanto mahatā hitā paribāhiro hotīti ādaraṃ janetvā sakkaccaṃ dhammo sotabbo.

    ‘‘звам̣ мз суд̇а’’нд̇и иминаа бана сагалзна важанзна ааяасмаа аананд̣̇о д̇ат̇ааг̇ад̇аббавзд̣̇ид̇ам̣ д̇хаммам̣ ад̇д̇ано ад̣̇аханд̇о асаббурисабхуумим̣ ад̇иггамад̇и, саавагад̇д̇ам̣ бадиж̇аананд̇о саббурисабхуумим̣ оггамад̇и. д̇ат̇аа асад̣̇д̇хаммаа жид̇д̇ам̣ вудтаабзд̇и, сад̣̇д̇хаммз жид̇д̇ам̣ бад̇идтаабзд̇и. ‘‘гзвалам̣ суд̇амзвзд̇ам̣ маяаа, д̇ассзва бана бхаг̇авад̇о важана’’нд̇и д̣̇ийбзнд̇о ад̇д̇аанам̣ бариможзд̇и, сад̇т̇аарам̣ абад̣̇исад̇и, ж̇инаважанам̣ аббзд̇и, д̇хамманзд̇д̇им̣ бад̇идтаабзд̇и.

    ‘‘Evaṃme suta’’nti iminā pana sakalena vacanena āyasmā ānando tathāgatappaveditaṃ dhammaṃ attano adahanto asappurisabhūmiṃ atikkamati, sāvakattaṃ paṭijānanto sappurisabhūmiṃ okkamati. Tathā asaddhammā cittaṃ vuṭṭhāpeti, saddhamme cittaṃ patiṭṭhāpeti. ‘‘Kevalaṃ sutamevetaṃ mayā, tasseva pana bhagavato vacana’’nti dīpento attānaṃ parimoceti, satthāraṃ apadisati, jinavacanaṃ appeti, dhammanettiṃ patiṭṭhāpeti.

    абижа ‘‘звам̣ мз суд̇а’’нд̇и ад̇д̇анаа уббаад̣̇ид̇абхаавам̣ аббадиж̇аананд̇о буримассаванам̣ виваранд̇о ‘‘саммукаа бадиг̇г̇ахид̇амид̣̇ам̣ маяаа д̇асса бхаг̇авад̇о жад̇увзсаараж̇ж̇ависаарад̣̇асса д̣̇асаб̣алад̇харасса аасабхадтаанадтааяино сийханаад̣̇анаад̣̇ино саб̣б̣асад̇д̇уд̇д̇амасса д̇хаммиссарасса д̇хаммарааж̇асса д̇хаммаад̇хибад̇ино д̇хаммад̣̇ийбасса д̇хаммасаран̣асса сад̣̇д̇хаммаваражаггавад̇д̇ино саммаасамб̣уд̣̇д̇хасса, на зд̇т̇а ад̇т̇з ваа д̇хаммз ваа бад̣̇з ваа б̣яан̃ж̇анз ваа ган̇каа ваа вимад̇и ваа гад̇д̇аб̣б̣аа’’д̇и саб̣б̣ад̣̇звамануссаанам̣ имасмим̣ д̇хаммз ассад̣̇д̇хияам̣ винаасзд̇и, сад̣̇д̇хаасамбад̣̇ам̣ уббаад̣̇зд̇и. д̇знзд̇ам̣ вужжад̇и –

    Apica ‘‘evaṃ me suta’’nti attanā uppāditabhāvaṃ appaṭijānanto purimassavanaṃ vivaranto ‘‘sammukhā paṭiggahitamidaṃ mayā tassa bhagavato catuvesārajjavisāradassa dasabaladharassa āsabhaṭṭhānaṭṭhāyino sīhanādanādino sabbasattuttamassa dhammissarassa dhammarājassa dhammādhipatino dhammadīpassa dhammasaraṇassa saddhammavaracakkavattino sammāsambuddhassa, na ettha atthe vā dhamme vā pade vā byañjane vā kaṅkhā vā vimati vā kattabbā’’ti sabbadevamanussānaṃ imasmiṃ dhamme assaddhiyaṃ vināseti, saddhāsampadaṃ uppādeti. Tenetaṃ vuccati –

    ‘‘винаасаяад̇и ассад̣̇д̇хам̣, сад̣̇д̇хам̣ вад̣дхзд̇и саасанз;

    ‘‘Vināsayati assaddhaṃ, saddhaṃ vaḍḍheti sāsane;

    звам̣ мз суд̇амижжзвам̣, вад̣̇ам̣ г̇од̇амасааваго’’д̇и.

    Evaṃ me sutamiccevaṃ, vadaṃ gotamasāvako’’ti.

    зганд̇и г̇ан̣анабарижчзд̣̇анид̣̇д̣̇зсо. аяан̃хи згасад̣̇д̣̇о ан̃н̃асздтаасахааяасан̇кяаад̣̇ийсу д̣̇иссад̇и. д̇ат̇аа хи аяам̣ ‘‘сассад̇о ад̇д̇аа жа лого жа, ид̣̇амзва сажжам̣ могхаман̃н̃анд̇и ид̇т̇згз абхивад̣̇анд̇ий’’д̇иаад̣̇ийсу (ма. ни. 3.27; уд̣̇аа. 55) ан̃н̃з д̣̇иссад̇и. ‘‘жзд̇асо згод̣̇ибхаава’’нд̇иаад̣̇ийсу (баараа. 11; д̣̇ий. ни. 1.228) сздтз. ‘‘зго вуубагадто’’д̇иаад̣̇ийсу (жуул̣ава. 445; д̣̇ий. ни. 1.405) асахааяз. ‘‘згова ко, бхигкавз, кан̣о жа самаяо жа б̣рахмажарияаваасааяаа’’д̇иаад̣̇ийсу (а. ни. 8.29) сан̇кяааяам̣, ид̇хааби сан̇кяааяамзва д̣̇адтаб̣б̣о. д̇зна вуд̇д̇ам̣ – ‘‘зганд̇и г̇ан̣анабарижчзд̣̇анид̣̇д̣̇зсо’’д̇и.

    Ekanti gaṇanaparicchedaniddeso. Ayañhi ekasaddo aññaseṭṭhāsahāyasaṅkhyādīsu dissati. Tathā hi ayaṃ ‘‘sassato attā ca loko ca, idameva saccaṃ moghamaññanti ittheke abhivadantī’’tiādīsu (ma. ni. 3.27; udā. 55) aññe dissati. ‘‘Cetaso ekodibhāva’’ntiādīsu (pārā. 11; dī. ni. 1.228) seṭṭhe. ‘‘Eko vūpakaṭṭho’’tiādīsu (cūḷava. 445; dī. ni. 1.405) asahāye. ‘‘Ekova kho, bhikkhave, khaṇo ca samayo ca brahmacariyavāsāyā’’tiādīsu (a. ni. 8.29) saṅkhyāyaṃ, idhāpi saṅkhyāyameva daṭṭhabbo. Tena vuttaṃ – ‘‘ekanti gaṇanaparicchedaniddeso’’ti.

    самаяанд̇и барижчиннанид̣̇д̣̇зсо. згам̣ самаяанд̇и анияамид̇абарид̣̇ийбанам̣. д̇ад̇т̇а самаяасад̣̇д̣̇о –

    Samayanti paricchinnaniddeso. Ekaṃ samayanti aniyamitaparidīpanaṃ. Tattha samayasaddo –

    ‘‘самавааяз кан̣з гаалз, самуухз хзд̇уд̣̇идтису;

    ‘‘Samavāye khaṇe kāle, samūhe hetudiṭṭhisu;

    бадилаабхз бахаанз жа, бадивзд̇хз жа д̣̇иссад̇и’’.

    Paṭilābhe pahāne ca, paṭivedhe ca dissati’’.

    д̇ат̇аа хисса ‘‘аббзва наама свзби убасан̇гамзяяаама гаалан̃жа самаяан̃жа убаад̣̇ааяаа’’д̇и звамаад̣̇ийсу (д̣̇ий. ни. 1.447) самавааяо ад̇т̇о, яуд̇д̇агаалан̃жа бажжаяасаамаг̇г̇ин̃жа лабхид̇ваад̇и хи ад̇хиббааяо, д̇асмаа бажжаяасамавааяод̇и взд̣̇ид̇аб̣б̣о . ‘‘згова ко, бхигкавз, кан̣о жа самаяо жа б̣рахмажарияаваасааяаа’’д̇иаад̣̇ийсу (а. ни. 8.29) кан̣о, огаасод̇и ад̇т̇о. д̇ат̇ааг̇ад̇уббаад̣̇аад̣̇иго хи маг̇г̇аб̣рахмажарияасса огаасо д̇аббажжаяаббадилаабхахзд̇уд̇д̇аа, кан̣о зва жа самаяо, яо кан̣од̇и жа самаяод̇и жа вужжад̇и, со зго язваад̇и хи ад̇т̇о. ‘‘ун̣хасамаяо барил̣аахасамаяо’’д̇иаад̣̇ийсу (баажи. 358) гаало. ‘‘махаасамаяо баванасми’’нд̇иаад̣̇ийсу (д̣̇ий. ни. 2.332) самуухо. махаасамаяод̇и хи бхигкуунам̣ д̣̇звад̇аанан̃жа махаасаннибаад̇од̇и ад̇т̇о. ‘‘самаяоби ко д̇з, бхад̣̇д̣̇аали, аббадивид̣̇д̇хо ахоси, бхаг̇аваа ко саавад̇т̇ияам̣ вихарад̇и, бхаг̇авааби мам̣ ж̇ааниссад̇и ‘бхад̣̇д̣̇аали наама бхигку сад̇т̇усаасанз сигкааяа на барибуурагаарий’д̇и, аяамби ко д̇з, бхад̣̇д̣̇аали, самаяо аббадивид̣̇д̇хо ахосий’’д̇иаад̣̇ийсу (ма. ни. 2.135) хзд̇у. сигкаабад̣̇асса гааран̣ан̃хи ид̇ха самаяод̇и ад̇хиббзд̇ам̣. ‘‘д̇зна ко бана самаязна уг̇г̇аахамаано бариб̣б̣ааж̇аго саман̣амун̣д̣игаабуд̇д̇о самаяаббаваад̣̇агз д̇инд̣̇угаажийрз згасаалагз маллигааяа аараамз бадивасад̇ий’’д̇иаад̣̇ийсу (ма. ни. 2.260) д̣̇идти. д̇ад̇т̇а хи нисиннаа д̇ид̇т̇ияаа ад̇д̇ано ад̇д̇ано д̣̇идтисан̇каад̇ам̣ самаяам̣ бавад̣̇анд̇ийд̇и со бариб̣б̣ааж̇агаараамо ‘‘самаяаббаваад̣̇аго’’д̇и вужжад̇и.

    Tathā hissa ‘‘appeva nāma svepi upasaṅkameyyāma kālañca samayañca upādāyā’’ti evamādīsu (dī. ni. 1.447) samavāyo attho, yuttakālañca paccayasāmaggiñca labhitvāti hi adhippāyo, tasmā paccayasamavāyoti veditabbo . ‘‘Ekova kho, bhikkhave, khaṇo ca samayo ca brahmacariyavāsāyā’’tiādīsu (a. ni. 8.29) khaṇo, okāsoti attho. Tathāgatuppādādiko hi maggabrahmacariyassa okāso tappaccayappaṭilābhahetuttā, khaṇo eva ca samayo, yo khaṇoti ca samayoti ca vuccati, so eko yevāti hi attho. ‘‘Uṇhasamayo pariḷāhasamayo’’tiādīsu (pāci. 358) kālo. ‘‘Mahāsamayo pavanasmi’’ntiādīsu (dī. ni. 2.332) samūho. Mahāsamayoti hi bhikkhūnaṃ devatānañca mahāsannipātoti attho. ‘‘Samayopi kho te, bhaddāli, appaṭividdho ahosi, bhagavā kho sāvatthiyaṃ viharati, bhagavāpi maṃ jānissati ‘bhaddāli nāma bhikkhu satthusāsane sikkhāya na paripūrakārī’ti, ayampi kho te, bhaddāli, samayo appaṭividdho ahosī’’tiādīsu (ma. ni. 2.135) hetu. Sikkhāpadassa kāraṇañhi idha samayoti adhippetaṃ. ‘‘Tena kho pana samayena uggāhamāno paribbājako samaṇamuṇḍikāputto samayappavādake tindukācīre ekasālake mallikāya ārāme paṭivasatī’’tiādīsu (ma. ni. 2.260) diṭṭhi. Tattha hi nisinnā titthiyā attano attano diṭṭhisaṅkhātaṃ samayaṃ pavadantīti so paribbājakārāmo ‘‘samayappavādako’’ti vuccati.

    ‘‘д̣̇идтз д̇хаммз жа яо ад̇т̇о, яо жад̇т̇о самбарааяиго;

    ‘‘Diṭṭhe dhamme ca yo attho, yo cattho samparāyiko;

    ад̇т̇аабхисамаяаа д̇хийро, бан̣д̣ид̇од̇и бавужжад̇ий’’д̇и. (сам̣. ни. 1.129) –

    Atthābhisamayā dhīro, paṇḍitoti pavuccatī’’ti. (saṃ. ni. 1.129) –

    аад̣̇ийсу бадилаабхо. ад̇т̇аабхисамаяаад̇и хи ад̇т̇асса ад̇хиг̇амаад̇и ад̇т̇о. ‘‘саммаа маанаабхисамаяаа анд̇амагааси д̣̇угкассаа’’д̇иаад̣̇ийсу (ма. ни. 1.28) бахаанам̣. ад̇хигаран̣ам̣ самаяам̣ вуубасаманам̣ абаг̇амод̇и абхисамаяо бахаанам̣. ‘‘д̣̇угкасса бийл̣анадто сан̇кад̇адто санд̇аабадто вибарин̣аамадто абхисамаяадто’’д̇иаад̣̇ийсу (бади. ма. 2.8) бадивзд̇хо . бадивзд̇ход̇и хи абхисамзд̇аб̣б̣ад̇о абхисамаяо, абхисамаяова ад̇т̇о абхисамаяадтод̇и бийл̣анаад̣̇ийни абхисамзд̇аб̣б̣абхаавзна згийбхаавам̣ убанзд̇ваа вуд̇д̇аани, абхисамаяасса ваа бадивзд̇хасса висаяабхууд̇о ад̇т̇о абхисамаяадтод̇и д̇аанзва д̇ат̇аа зганд̇зна вуд̇д̇аани. д̇ад̇т̇а бийл̣анам̣ д̣̇угкасажжасса д̇ам̣саман̇г̇ино хим̣санам̣ авибпааригад̇аагаран̣ам̣. санд̇аабо д̣̇угкад̣̇угкад̇аад̣̇ивасзна санд̇аббанам̣ барид̣̇аханам̣.

    Ādīsu paṭilābho. Atthābhisamayāti hi atthassa adhigamāti attho. ‘‘Sammā mānābhisamayā antamakāsi dukkhassā’’tiādīsu (ma. ni. 1.28) pahānaṃ. Adhikaraṇaṃ samayaṃ vūpasamanaṃ apagamoti abhisamayo pahānaṃ. ‘‘Dukkhassa pīḷanaṭṭho saṅkhataṭṭho santāpaṭṭho vipariṇāmaṭṭho abhisamayaṭṭho’’tiādīsu (paṭi. ma. 2.8) paṭivedho . Paṭivedhoti hi abhisametabbato abhisamayo, abhisamayova attho abhisamayaṭṭhoti pīḷanādīni abhisametabbabhāvena ekībhāvaṃ upanetvā vuttāni, abhisamayassa vā paṭivedhassa visayabhūto attho abhisamayaṭṭhoti tāneva tathā ekantena vuttāni. Tattha pīḷanaṃ dukkhasaccassa taṃsamaṅgino hiṃsanaṃ avipphārikatākaraṇaṃ. Santāpo dukkhadukkhatādivasena santappanaṃ paridahanaṃ.

    зд̇т̇а жа сахагаарийгааран̣асанниж̇жхам̣ самзд̇и самавзд̇ийд̇и самавааяо самаяо. самзд̇и самааг̇ажчад̇и зд̇т̇а маг̇г̇аб̣рахмажарияам̣ д̇ад̣̇аад̇хаарабуг̇г̇алзхийд̇и кан̣о самаяо. самзд̇и зд̇т̇а зд̇зна ваа сам̣г̇ажчад̇и сад̇д̇о сабхаавад̇хаммо ваа уббаад̣̇аад̣̇ийхи сахаж̇аад̇аад̣̇ийхи ваад̇и гаало самаяо. д̇хаммаббавад̇д̇имад̇д̇ад̇ааяа ад̇т̇ад̇о абхууд̇оби хи гаало д̇хаммаббавад̇д̇ияаа ад̇хигаран̣ам̣ гаран̣ам̣ вияа жа габбанаамад̇д̇асид̣̇д̇хзнаануруубзна вохарийяад̇ийд̇и. самам̣, саха ваа аваяаваанам̣ аяанам̣ бавад̇д̇и авадтаананд̇и самуухо самаяо яат̇аа самуд̣̇ааяод̇и. аваяавасахаавадтаанамзва хи самуухо. авасзсабажжаяаанам̣ самааг̇амз сад̇и зд̇и паламзд̇асмаа уббаж̇ж̇ад̇и бавад̇д̇ад̇ийд̇и самаяо хзд̇у яат̇аа самуд̣̇аяод̇и. самзд̇и сам̣яож̇анабхаавад̇о самб̣анд̇хо зд̇и ад̇д̇ано висаяз бавад̇д̇ад̇и, д̣̇ал̣хаг̇г̇ахан̣абхаавад̇о ваа сам̣яуд̇д̇аа аяанд̇и бавад̇д̇анд̇и сад̇д̇аа яат̇аабхинивзсам̣ зд̇знаад̇и самаяо д̣̇идти. д̣̇идтисам̣яож̇анзна хи сад̇д̇аа ад̇ивияа б̣аж̇жханд̇ийд̇и. самид̇и сан̇г̇ад̇и самод̇хаананд̇и самаяо бадилаабхо. самаяанам̣ убасамаяанам̣ абаг̇амод̇и самаяо бахаанам̣. самужчзд̣̇аббахаанабхаавад̇о бана ад̇хиго самаяод̇и абхисамаяо яат̇аа абхид̇хаммод̇и. абхимукам̣ н̃аан̣зна саммаа зд̇аб̣б̣о абхисамзд̇аб̣б̣од̇и абхисамаяо, д̇хаммаанам̣ авибарийд̇асабхааво. абхимукабхаавзна саммаа зд̇и г̇ажчад̇и б̣уж̇жхад̇ийд̇и абхисамаяо, д̇хаммаанам̣ яат̇аабхууд̇асабхаавааваб̣од̇хо. звам̣ д̇асмим̣ д̇асмим̣ ад̇т̇з самаяасад̣̇д̣̇асса бавад̇д̇и взд̣̇ид̇аб̣б̣аа.

    Ettha ca sahakārīkāraṇasannijjhaṃ sameti samavetīti samavāyo samayo. Sameti samāgacchati ettha maggabrahmacariyaṃ tadādhārapuggalehīti khaṇo samayo. Sameti ettha etena vā saṃgacchati satto sabhāvadhammo vā uppādādīhi sahajātādīhi vāti kālo samayo. Dhammappavattimattatāya atthato abhūtopi hi kālo dhammappavattiyā adhikaraṇaṃ karaṇaṃ viya ca kappanāmattasiddhenānurūpena voharīyatīti. Samaṃ, saha vā avayavānaṃ ayanaṃ pavatti avaṭṭhānanti samūho samayo yathā samudāyoti. Avayavasahāvaṭṭhānameva hi samūho. Avasesapaccayānaṃ samāgame sati eti phalametasmā uppajjati pavattatīti samayo hetu yathā samudayoti. Sameti saṃyojanabhāvato sambandho eti attano visaye pavattati, daḷhaggahaṇabhāvato vā saṃyuttā ayanti pavattanti sattā yathābhinivesaṃ etenāti samayo diṭṭhi. Diṭṭhisaṃyojanena hi sattā ativiya bajjhantīti. Samiti saṅgati samodhānanti samayo paṭilābho. Samayanaṃ upasamayanaṃ apagamoti samayo pahānaṃ. Samucchedappahānabhāvato pana adhiko samayoti abhisamayo yathā abhidhammoti. Abhimukhaṃ ñāṇena sammā etabbo abhisametabboti abhisamayo, dhammānaṃ aviparītasabhāvo. Abhimukhabhāvena sammā eti gacchati bujjhatīti abhisamayo, dhammānaṃ yathābhūtasabhāvāvabodho. Evaṃ tasmiṃ tasmiṃ atthe samayasaddassa pavatti veditabbā.

    самаяасад̣̇д̣̇асса ад̇т̇уд̣̇д̇хаарз абхисамаяасад̣̇д̣̇асса г̇ахан̣з гааран̣ам̣ вуд̇д̇анаязнзва взд̣̇ид̇аб̣б̣ам̣. ид̇ха банасса гаало ад̇т̇о самавааяаад̣̇ийнам̣ асамбхавад̇о. д̣̇зсад̣̇зсагабарисаа вияа хи д̣̇зсанааяа нид̣̇аанабхаавз гаало зва ижчид̇аб̣б̣од̇и. яасмаа банзд̇т̇а самаяод̇и гаало ад̇хиббзд̇о, д̇асмаа сам̣важчарауд̇умаасад̣̇д̇хамаасарад̇д̇ид̣̇ивасабуб̣б̣ан̣хамаж̇жханхигасааяанхабатамаяаама- маж̇жхимаяаамабажчимаяаамамухуд̇д̇аад̣̇ийсу гаалабхзд̣̇абхууд̇зсу самаязсу згам̣ самаяанд̇и д̣̇ийбзд̇и.

    Samayasaddassa atthuddhāre abhisamayasaddassa gahaṇe kāraṇaṃ vuttanayeneva veditabbaṃ. Idha panassa kālo attho samavāyādīnaṃ asambhavato. Desadesakaparisā viya hi desanāya nidānabhāve kālo eva icchitabboti. Yasmā panettha samayoti kālo adhippeto, tasmā saṃvaccharautumāsaddhamāsarattidivasapubbaṇhamajjhanhikasāyanhapaṭhamayāma- majjhimayāmapacchimayāmamuhuttādīsu kālabhedabhūtesu samayesu ekaṃ samayanti dīpeti.

    гасмаа банзд̇т̇а анияамид̇авасзнзва гаало нид̣̇д̣̇идто, на уд̇усам̣важчараад̣̇ивасзна нияамзд̇ваа нид̣̇д̣̇идтод̇и жз? гин̃жааби зд̇зсу сам̣важчараад̣̇ийсу самаязсу яам̣ яам̣ суд̇д̇ам̣ яасмим̣ яасмим̣ сам̣важчарз уд̇умхи маасз багкз рад̇д̇ибхааг̇з д̣̇ивасабхааг̇з ваа вуд̇д̇ам̣, саб̣б̣амби д̇ам̣ т̇зрасса сувид̣̇ид̇ам̣ сувавад̇т̇аабид̇ам̣ бан̃н̃ааяа. яасмаа бана ‘‘звам̣ мз суд̇ам̣ асугасам̣важчарз асугауд̇умхи асугамаасз асугабагкз асугарад̇д̇ибхааг̇з асугад̣̇ивасабхааг̇з ваа’’д̇и звам̣ вуд̇д̇з на саггаа сукзна д̇хаарзд̇ум̣ ваа уд̣̇д̣̇исид̇ум̣ ваа уд̣̇д̣̇исаабзд̇ум̣ ваа, б̣аху жа вад̇д̇аб̣б̣ам̣ ход̇и, д̇асмаа згзнзва бад̣̇зна д̇амад̇т̇ам̣ самод̇хаанзд̇ваа ‘‘згам̣ самаяа’’нд̇и ааха.

    Kasmā panettha aniyamitavaseneva kālo niddiṭṭho, na utusaṃvaccharādivasena niyametvā niddiṭṭhoti ce? Kiñcāpi etesu saṃvaccharādīsu samayesu yaṃ yaṃ suttaṃ yasmiṃ yasmiṃ saṃvacchare utumhi māse pakkhe rattibhāge divasabhāge vā vuttaṃ, sabbampi taṃ therassa suviditaṃ suvavatthāpitaṃ paññāya. Yasmā pana ‘‘evaṃ me sutaṃ asukasaṃvacchare asukautumhi asukamāse asukapakkhe asukarattibhāge asukadivasabhāge vā’’ti evaṃ vutte na sakkā sukhena dhāretuṃ vā uddisituṃ vā uddisāpetuṃ vā, bahu ca vattabbaṃ hoti, tasmā ekeneva padena tamatthaṃ samodhānetvā ‘‘ekaṃ samaya’’nti āha.

    яз ваа имз г̇аб̣бхогганд̇исамаяо ж̇аад̇исамаяо сам̣взг̇асамаяо абхинигкаманасамаяо д̣̇уггарагааригасамаяо мааравиж̇аяасамаяо абхисамб̣од̇хисамаяо д̣̇идтад̇хаммасукавихаарасамаяо д̣̇зсанаасамаяо бариниб̣б̣аанасамаяод̇и звамаад̣̇аяо бхаг̇авад̇о д̣̇звамануссзсу ад̇ивияа багаасаа анзгагаалаббабхзд̣̇аа зва самаяаа, д̇зсу самаязсу д̣̇зсанаасамаяасан̇каад̇ам̣ згам̣ самаяанд̇и д̣̇ийбзд̇и. яо вааяам̣ н̃аан̣агарун̣аагижжасамаязсу гарун̣аагижжасамаяо, ад̇д̇ахид̇абарахид̇аббадибад̇д̇исамаязсу барахид̇аббадибад̇д̇исамаяо, саннибад̇ид̇аанам̣ гаран̣ийяад̣̇ваяасамаязсу д̇хаммагат̇аасамаяо, д̣̇зсанаабадибад̇д̇исамаязсу д̣̇зсанаасамаяо, д̇зсу самаязсу ан̃н̃ад̇арасамаяам̣ санд̇хааяа ‘‘згам̣ самаяа’’нд̇и ааха.

    Ye vā ime gabbhokkantisamayo jātisamayo saṃvegasamayo abhinikkhamanasamayo dukkarakārikasamayo māravijayasamayo abhisambodhisamayo diṭṭhadhammasukhavihārasamayo desanāsamayo parinibbānasamayoti evamādayo bhagavato devamanussesu ativiya pakāsā anekakālappabhedā eva samayā, tesu samayesu desanāsamayasaṅkhātaṃ ekaṃ samayanti dīpeti. Yo vāyaṃ ñāṇakaruṇākiccasamayesu karuṇākiccasamayo, attahitaparahitappaṭipattisamayesu parahitappaṭipattisamayo, sannipatitānaṃ karaṇīyadvayasamayesu dhammakathāsamayo, desanāpaṭipattisamayesu desanāsamayo, tesu samayesu aññatarasamayaṃ sandhāya ‘‘ekaṃ samaya’’nti āha.

    гасмаа банзд̇т̇а яат̇аа абхид̇хаммз ‘‘яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇ий’’д̇и (д̇ха. са. 1) жа ид̇о ан̃н̃зсу суд̇д̇абад̣̇зсу ‘‘яасмим̣ самаяз, бхигкавз, бхигку вивижжзва гаамзхи вивижжа агусалзхи д̇хаммзхий’’д̇и (а. ни. 4.200) жа бхуммаважанзна нид̣̇д̣̇зсо гад̇о, винаяз жа ‘‘д̇зна самаязна б̣уд̣̇д̇хо бхаг̇аваа’’д̇и (баараа. 1) гаран̣аважанзна нид̣̇д̣̇зсо гад̇о, д̇ат̇аа агад̇ваа ‘‘згам̣ самаяа’’нд̇и ажжанд̇асам̣яог̇ад̇т̇з убаяог̇аважанзна нид̣̇д̣̇зсо гад̇од̇и? д̇ад̇т̇а д̇ат̇аа, ид̇ха жа ан̃н̃ат̇аа ад̇т̇асамбхавад̇о. д̇ад̇т̇а хи абхид̇хаммз ид̇о ан̃н̃зсу жа суд̇д̇анд̇зсу аад̇хаарависаяасан̇каад̇о ад̇хигаран̣ад̇т̇о гирияааяа гирияанд̇аралагкан̣асан̇каад̇о бхаавзнабхаавалагкан̣ад̇т̇о жа самбхавад̇ийд̇и. ад̇хигаран̣ан̃хи гаалад̇т̇о самуухад̇т̇о жа самаяо д̇ад̇т̇а вуд̇д̇аанам̣ пассаад̣̇ид̇хаммаанам̣, д̇ат̇аа гаало сабхаавад̇хаммаббавад̇д̇имад̇д̇ад̇ааяа барамад̇т̇ад̇о авиж̇ж̇амааноби аад̇хаарабхаавзна бан̃н̃аад̇о д̇ан̇кан̣аббавад̇д̇аанам̣ д̇ад̇о буб̣б̣з барад̇о жа абхаавад̇о яат̇аа ‘‘буб̣б̣ан̣хз ж̇аад̇о сааяанхз ж̇аад̇о’’д̇иаад̣̇ийсу. самууход̇иби аваяававинимуд̇д̇о барамад̇т̇ад̇о авиж̇ж̇амааноби габбанаамад̇д̇асид̣̇д̇хзна руубзна аваяаваанам̣ аад̇хаарабхаавзна бан̃н̃аабийяад̇и, яат̇аа ‘‘ругкз саакаа, яаво яавараасимхи самудтид̇о’’д̇иаад̣̇ийсу. яасмим̣ гаалз д̇хаммабун̃ж̇з жа гаамааважарам̣ гусалам̣ жид̇д̇ам̣ уббаннам̣ ход̇и, д̇асмим̣язва гаалз д̇хаммабун̃ж̇з жа пассаад̣̇аяоби хонд̇ийд̇и аяан̃хи д̇ад̇т̇а ад̇т̇о. д̇ат̇аа кан̣асамавааяахзд̇усан̇каад̇асса самаяасса бхаавзна д̇ад̇т̇а вуд̇д̇аанам̣ пассаад̣̇ид̇хаммаанам̣ бхааво лагкийяад̇и. яат̇аа хи ‘‘г̇аавийсу д̣̇уяхамаанаасу г̇ад̇о, д̣̇уд̣̇д̇хаасу ааг̇ад̇о’’д̇и зд̇т̇а г̇аавийнам̣ д̣̇оханагирияааяа г̇аманагирияаа лагкийяад̇и, звам̣ ид̇хааби яасмим̣ самаязд̇и вуд̇д̇з жа бад̣̇ад̇т̇асса сад̇д̇аавирахаабхаавад̇о сад̇ийд̇и аяамад̇т̇о вин̃н̃ааяамаано зва ход̇ийд̇и самаяасса сад̇д̇аагирияааяа жид̇д̇асса уббаад̣̇агирияаа пассаад̣̇ийнам̣ бхаванагирияаа жа лагкийяад̇и. д̇ат̇аа яасмим̣ самаяз яасмим̣ навамз кан̣з яасмим̣ яонисоманасигаараад̣̇ихзд̇умхи бажжаяасамавааяз ваа сад̇и гаамааважарам̣ гусалам̣ жид̇д̇ам̣ уббаннам̣ ход̇и, д̇асмим̣ самаяз кан̣з хзд̇умхи бажжаяасамавааяз жа пассаад̣̇аяоби хонд̇ийд̇и. д̇асмаа д̇ад̣̇ад̇т̇аж̇од̇анад̇т̇ам̣ бхуммаважанзна нид̣̇д̣̇зсо гад̇о.

    Kasmā panettha yathā abhidhamme ‘‘yasmiṃ samaye kāmāvacaraṃ kusalaṃ cittaṃ uppannaṃ hotī’’ti (dha. sa. 1) ca ito aññesu suttapadesu ‘‘yasmiṃ samaye, bhikkhave, bhikkhu vivicceva kāmehi vivicca akusalehi dhammehī’’ti (a. ni. 4.200) ca bhummavacanena niddeso kato, vinaye ca ‘‘tena samayena buddho bhagavā’’ti (pārā. 1) karaṇavacanena niddeso kato, tathā akatvā ‘‘ekaṃ samaya’’nti accantasaṃyogatthe upayogavacanena niddeso katoti? Tattha tathā, idha ca aññathā atthasambhavato. Tattha hi abhidhamme ito aññesu ca suttantesu ādhāravisayasaṅkhāto adhikaraṇattho kiriyāya kiriyantaralakkhaṇasaṅkhāto bhāvenabhāvalakkhaṇattho ca sambhavatīti. Adhikaraṇañhi kālattho samūhattho ca samayo tattha vuttānaṃ phassādidhammānaṃ, tathā kālo sabhāvadhammappavattimattatāya paramatthato avijjamānopi ādhārabhāvena paññāto taṅkhaṇappavattānaṃ tato pubbe parato ca abhāvato yathā ‘‘pubbaṇhe jāto sāyanhe jāto’’tiādīsu. Samūhotipi avayavavinimutto paramatthato avijjamānopi kappanāmattasiddhena rūpena avayavānaṃ ādhārabhāvena paññāpīyati, yathā ‘‘rukkhe sākhā, yavo yavarāsimhi samuṭṭhito’’tiādīsu. Yasmiṃ kāle dhammapuñje ca kāmāvacaraṃ kusalaṃ cittaṃ uppannaṃ hoti, tasmiṃyeva kāle dhammapuñje ca phassādayopi hontīti ayañhi tattha attho. Tathā khaṇasamavāyahetusaṅkhātassa samayassa bhāvena tattha vuttānaṃ phassādidhammānaṃ bhāvo lakkhīyati. Yathā hi ‘‘gāvīsu duyhamānāsu gato, duddhāsu āgato’’ti ettha gāvīnaṃ dohanakiriyāya gamanakiriyā lakkhīyati, evaṃ idhāpi yasmiṃ samayeti vutte ca padatthassa sattāvirahābhāvato satīti ayamattho viññāyamāno eva hotīti samayassa sattākiriyāya cittassa uppādakiriyā phassādīnaṃ bhavanakiriyā ca lakkhīyati. Tathā yasmiṃ samaye yasmiṃ navame khaṇe yasmiṃ yonisomanasikārādihetumhi paccayasamavāye vā sati kāmāvacaraṃ kusalaṃ cittaṃ uppannaṃ hoti, tasmiṃ samaye khaṇe hetumhi paccayasamavāye ca phassādayopi hontīti. Tasmā tadatthajotanatthaṃ bhummavacanena niddeso kato.

    винаяз жа ‘‘аннзна васад̇и, аж̇жхзнзна васад̇ий’’д̇иаад̣̇ийсу вияа хзд̇уад̇т̇о, ‘‘парасунаа чинд̣̇ад̇и, гуд̣̇аалзна кан̣ад̇ий’’д̇иаад̣̇ийсу вияа гаран̣ад̇т̇о жа самбхавад̇и. яо хи сигкаабад̣̇абан̃н̃ад̇д̇исамаяо д̇хаммасзнаабад̇иаад̣̇ийхиби д̣̇уб̣б̣ин̃н̃зяяо, д̇зна самаязна гаран̣абхууд̇зна хзд̇убхууд̇зна жа вийд̇иггамам̣ суд̇ваа бхигкусан̇гхам̣ саннибаад̇аабзд̇ваа од̇ин̣н̣авад̇т̇угам̣ буг̇г̇алам̣ бадибужчид̇ваа виг̇арахид̇ваа жа д̇ам̣ д̇ам̣ вад̇т̇ум̣ од̇ин̣н̣асамаяасан̇каад̇ам̣ гаалам̣ анад̇иггамид̇ваа сигкаабад̣̇аани бан̃н̃аабзнд̇о д̇ад̇ияабаарааж̇игаад̣̇ийнам̣ вияа сигкаабад̣̇абан̃н̃ад̇д̇ияаа хзд̇ум̣ абзгкамаано д̇ад̇т̇а д̇ад̇т̇а вихааси, д̇асмаа д̇ад̣̇ад̇т̇аж̇од̇анад̇т̇ам̣ винаяз гаран̣аважанзна нид̣̇д̣̇зсо гад̇о.

    Vinaye ca ‘‘annena vasati, ajjhenena vasatī’’tiādīsu viya hetuattho, ‘‘pharasunā chindati, kudālena khaṇatī’’tiādīsu viya karaṇattho ca sambhavati. Yo hi sikkhāpadapaññattisamayo dhammasenāpatiādīhipi dubbiññeyyo, tena samayena karaṇabhūtena hetubhūtena ca vītikkamaṃ sutvā bhikkhusaṅghaṃ sannipātāpetvā otiṇṇavatthukaṃ puggalaṃ paṭipucchitvā vigarahitvā ca taṃ taṃ vatthuṃ otiṇṇasamayasaṅkhātaṃ kālaṃ anatikkamitvā sikkhāpadāni paññāpento tatiyapārājikādīnaṃ viya sikkhāpadapaññattiyā hetuṃ apekkhamāno tattha tattha vihāsi, tasmā tadatthajotanatthaṃ vinaye karaṇavacanena niddeso kato.

    ид̇ха бана ан̃н̃асмин̃жа звам̣ж̇аад̇игз ажжанд̇асам̣яог̇ад̇т̇о самбхавад̇и. яасмин̃хи самаяз саха самудтаанахзд̇унаа ид̣̇ам̣ уд̣̇аанам̣ уббаннам̣, ажжанд̇амзва д̇ам̣ самаяам̣ арияавихаарабуб̣б̣ан̇г̇амааяа д̇хаммабажжавзгкан̣ааяа бхаг̇аваа вихааси, д̇асмаа ‘‘маасам̣ аж̇жхзд̇ий’’д̇иаад̣̇ийсу вияа убаяог̇ад̇т̇аж̇од̇анад̇т̇ам̣ ид̇ха убаяог̇аважанзна нид̣̇д̣̇зсо гад̇о. д̇знзд̇ам̣ вужжад̇и –

    Idha pana aññasmiñca evaṃjātike accantasaṃyogattho sambhavati. Yasmiñhi samaye saha samuṭṭhānahetunā idaṃ udānaṃ uppannaṃ, accantameva taṃ samayaṃ ariyavihārapubbaṅgamāya dhammapaccavekkhaṇāya bhagavā vihāsi, tasmā ‘‘māsaṃ ajjhetī’’tiādīsu viya upayogatthajotanatthaṃ idha upayogavacanena niddeso kato. Tenetaṃ vuccati –

    ‘‘д̇ам̣ д̇ам̣ ад̇т̇амабзгкид̇ваа, бхуммзна гаран̣зна жа;

    ‘‘Taṃ taṃ atthamapekkhitvā, bhummena karaṇena ca;

    ан̃н̃ад̇ра самаяо вуд̇д̇о, убаяог̇зна со ид̇хаа’’д̇и.

    Aññatra samayo vutto, upayogena so idhā’’ti.

    бораан̣аа бана ван̣н̣аяанд̇и – ‘‘яасмим̣ самаяз’’д̇и ваа ‘‘д̇зна самаязнаа’’д̇и ваа ‘‘згам̣ самаяа’’нд̇и ваа абхилаабамад̇д̇абхзд̣̇о зса нид̣̇д̣̇зсо, саб̣б̣ад̇т̇а бхуммамзва ад̇т̇од̇и. д̇асмаа ‘‘згам̣ самаяа’’нд̇и вуд̇д̇зби згасмим̣ самаязд̇и ад̇т̇о взд̣̇ид̇аб̣б̣о.

    Porāṇā pana vaṇṇayanti – ‘‘yasmiṃ samaye’’ti vā ‘‘tena samayenā’’ti vā ‘‘ekaṃ samaya’’nti vā abhilāpamattabhedo esa niddeso, sabbattha bhummameva atthoti. Tasmā ‘‘ekaṃ samaya’’nti vuttepi ekasmiṃ samayeti attho veditabbo.

    бхаг̇аваад̇и г̇ару. г̇арун̃хи логз ‘‘бхаг̇аваа’’д̇и вад̣̇анд̇и. аяан̃жа саб̣б̣аг̇ун̣ависидтад̇ааяа саб̣б̣асад̇д̇аанам̣ г̇ару, д̇асмаа бхаг̇аваад̇и взд̣̇ид̇аб̣б̣о. бораан̣зхиби вуд̇д̇ам̣ –

    Bhagavāti garu. Garuñhi loke ‘‘bhagavā’’ti vadanti. Ayañca sabbaguṇavisiṭṭhatāya sabbasattānaṃ garu, tasmā bhagavāti veditabbo. Porāṇehipi vuttaṃ –

    ‘‘бхаг̇аваад̇и важанам̣ сздтам̣, бхаг̇аваад̇и важанамуд̇д̇амам̣;

    ‘‘Bhagavāti vacanaṃ seṭṭhaṃ, bhagavāti vacanamuttamaṃ;

    г̇ару г̇аараваяуд̇д̇о со, бхаг̇аваа д̇зна вужжад̇ий’’д̇и.

    Garu gāravayutto so, bhagavā tena vuccatī’’ti.

    д̇ад̇т̇а сздтаваажагаважанам̣ сздтанд̇и вуд̇д̇ам̣ сздтаг̇ун̣асахажаран̣ад̇о. ат̇а ваа вужжад̇ийд̇и важанам̣, ад̇т̇о. бхаг̇аваад̇и важанам̣ сздтанд̇и бхаг̇аваад̇и иминаа важанзна важанийяо яо ад̇т̇о, со сздтод̇и ад̇т̇о. бхаг̇аваад̇и важанамуд̇д̇аманд̇и зд̇т̇ааби вуд̇д̇анаязнзва ад̇т̇о взд̣̇ид̇аб̣б̣о. г̇аараваяуд̇д̇од̇и г̇арубхааваяуд̇д̇о г̇аруг̇ун̣аяог̇ад̇о висзсаг̇аругаран̣аарахад̇ааяа ваа г̇аараваяуд̇д̇о. звам̣ г̇ун̣ависидтасад̇д̇уд̇д̇амаг̇аруг̇аараваад̇хиважанам̣ бхаг̇аваад̇и ид̣̇ам̣ важананд̇и взд̣̇ид̇аб̣б̣ам̣. абижа –

    Tattha seṭṭhavācakavacanaṃ seṭṭhanti vuttaṃ seṭṭhaguṇasahacaraṇato. Atha vā vuccatīti vacanaṃ, attho. Bhagavāti vacanaṃ seṭṭhanti bhagavāti iminā vacanena vacanīyo yo attho, so seṭṭhoti attho. Bhagavāti vacanamuttamanti etthāpi vuttanayeneva attho veditabbo. Gāravayuttoti garubhāvayutto garuguṇayogato visesagarukaraṇārahatāya vā gāravayutto. Evaṃ guṇavisiṭṭhasattuttamagarugāravādhivacanaṃ bhagavāti idaṃ vacananti veditabbaṃ. Apica –

    ‘‘бхаг̇ий бхаж̇ий бхааг̇ий вибхад̇д̇аваа ид̇и,

    ‘‘Bhagī bhajī bhāgī vibhattavā iti,

    агааси бхаг̇г̇анд̇и г̇арууд̇и бхааг̇яаваа;

    Akāsi bhagganti garūti bhāgyavā;

    б̣ахуухи н̃ааязхи субхаавид̇ад̇д̇ано,

    Bahūhi ñāyehi subhāvitattano,

    бхаванд̇аг̇о со бхаг̇аваад̇и вужжад̇ий’’д̇и. –

    Bhavantago so bhagavāti vuccatī’’ti. –

    нид̣̇д̣̇зсз (махаани. 84) ааг̇ад̇анаязна –

    Niddese (mahāni. 84) āgatanayena –

    ‘‘бхааг̇яаваа бхаг̇г̇аваа яуд̇д̇о, бхаг̇зхи жа вибхад̇д̇аваа;

    ‘‘Bhāgyavā bhaggavā yutto, bhagehi ca vibhattavā;

    бхад̇д̇аваа ванд̇аг̇амано, бхавзсу бхаг̇аваа д̇ад̇о’’д̇и. –

    Bhattavā vantagamano, bhavesu bhagavā tato’’ti. –

    имааяа г̇аат̇ааяа жа васзна бхаг̇аваад̇и бад̣̇асса ад̇т̇о взд̣̇ид̇аб̣б̣о. со банааяам̣ ад̇т̇о саб̣б̣аагаарзна висуд̣̇д̇химаг̇г̇з (висуд̣̇д̇хи. 1.142) вуд̇д̇о, д̇асмаа д̇ад̇т̇а вуд̇д̇анаязнзва виварид̇аб̣б̣о.

    Imāya gāthāya ca vasena bhagavāti padassa attho veditabbo. So panāyaṃ attho sabbākārena visuddhimagge (visuddhi. 1.142) vutto, tasmā tattha vuttanayeneva vivaritabbo.

    абижа бхааг̇з вани, бхаг̇з ваа вамийд̇и бхаг̇аваа. д̇ат̇ааг̇ад̇о хи д̣̇аанасийлаад̣̇ибаарамид̇хаммз жхаанавимогкаад̣̇иуд̇д̇аримануссад̇хаммз вани бхаж̇и сзви б̣ахуламагааси, д̇асмаа бхаг̇аваа. ат̇а ваа д̇зязва ‘‘взнзяяасад̇д̇асанд̇аанзсу гат̇ам̣ ну ко уббаж̇ж̇зяяу’’нд̇и вани абхибад̇т̇аяийд̇и бхаг̇аваа. ат̇а ваа бхаг̇асан̇каад̇ам̣ иссарияам̣ яасан̃жа вами уг̇г̇ири кзл̣абин̣д̣ам̣ вияа анабзгко чад̣д̣аяийд̇и бхаг̇аваа. д̇ат̇аа хи д̇ат̇ааг̇ад̇о хад̇т̇аг̇ад̇ам̣ жаггавад̇д̇исирим̣ д̣̇звалогаад̇хибажжасад̣̇исам̣ жаад̇уд̣̇д̣̇ийбиссарияам̣, жаггавад̇д̇исамбад̇д̇исанниссаяан̃жа сад̇д̇арад̇анасамуж̇ж̇алам̣ яасам̣ д̇ин̣ааяаби аман̃н̃амаано нирабзгко бахааяа абхинигкамид̇ваа саммаасамб̣од̇хим̣ абхисамб̣уд̣̇д̇хо, д̇асмаа имз сириаад̣̇игз бхаг̇з вамийд̇и бхаг̇аваа. ат̇а ваа бхаани наама нагкад̇д̇аани, д̇зхи самам̣ г̇ажчанд̇и бавад̇д̇анд̇ийд̇и бхаг̇аа. синзруяуг̇анд̇харауд̇д̇арагурухимаванд̇аад̣̇ибхааж̇аналогависзсасанниссаяасобхаа габбадтид̇ибхаавад̇о, д̇зби бхаг̇з вами, д̇анниваасисад̇д̇ааваасасамад̇иггаманад̇о д̇аббадиб̣ад̣̇д̇хачанд̣̇арааг̇аббахаанзна баж̇ахийд̇и. звамби бхаг̇з вамийд̇и бхаг̇аваад̇и звамаад̣̇инаа наязна бхаг̇аваад̇и бад̣̇асса ад̇т̇о взд̣̇ид̇аб̣б̣о.

    Apica bhāge vani, bhage vā vamīti bhagavā. Tathāgato hi dānasīlādipāramidhamme jhānavimokkhādiuttarimanussadhamme vani bhaji sevi bahulamakāsi, tasmā bhagavā. Atha vā teyeva ‘‘veneyyasattasantānesu kathaṃ nu kho uppajjeyyu’’nti vani abhipatthayīti bhagavā. Atha vā bhagasaṅkhātaṃ issariyaṃ yasañca vami uggiri kheḷapiṇḍaṃ viya anapekkho chaḍḍayīti bhagavā. Tathā hi tathāgato hatthagataṃ cakkavattisiriṃ devalokādhipaccasadisaṃ cātuddīpissariyaṃ, cakkavattisampattisannissayañca sattaratanasamujjalaṃ yasaṃ tiṇāyapi amaññamāno nirapekkho pahāya abhinikkhamitvā sammāsambodhiṃ abhisambuddho, tasmā ime siriādike bhage vamīti bhagavā. Atha vā bhāni nāma nakkhattāni, tehi samaṃ gacchanti pavattantīti bhagā. Sineruyugandharauttarakuruhimavantādibhājanalokavisesasannissayasobhā kappaṭṭhitibhāvato, tepi bhage vami, tannivāsisattāvāsasamatikkamanato tappaṭibaddhachandarāgappahānena pajahīti. Evampi bhage vamīti bhagavāti evamādinā nayena bhagavāti padassa attho veditabbo.

    зд̇д̇аавад̇аа жзд̇т̇а звам̣ мз суд̇анд̇и важанзна яат̇аасуд̇ам̣ д̇хаммам̣ саванавасзна бхаасанд̇о бхаг̇авад̇о д̇хаммасарийрам̣ бажжагкам̣ гарод̇и, д̇зна ‘‘наяид̣̇ам̣ ад̇игганд̇асад̇т̇угам̣ бааважанам̣, аяам̣ во сад̇т̇аа’’д̇и сад̇т̇у ад̣̇ассанзна угган̣тид̇ам̣ ж̇анам̣ самассаасзд̇и. вуд̇д̇ан̃хзд̇ам̣ бхаг̇авад̇аа ‘‘яо ко, аананд̣̇а, маяаа д̇хаммо жа винаяо жа д̣̇зсид̇о бан̃н̃ад̇д̇о, со во мамажжаязна сад̇т̇аа’’д̇и (д̣̇ий. ни. 2.216; ми. ба. 4.1.1). згам̣ самаяам̣ бхаг̇аваад̇и важанзна д̇асмим̣ самаяз бхаг̇авад̇о авиж̇ж̇амаанабхаавам̣ д̣̇ассзнд̇о руубагааяабариниб̣б̣аанам̣ саад̇хзд̇и, д̇зна ‘‘звам̣вид̇хасса наама д̇хаммасса д̣̇зсзд̇аа д̣̇асаб̣алад̇харо важ̇ирасан̇гхаад̇асамаанагааяо соби бхаг̇аваа бариниб̣б̣уд̇о, гзнан̃н̃зна ж̇ийвид̇з аасаа ж̇анзд̇аб̣б̣аа’’д̇и ж̇ийвид̇амад̣̇амад̇д̇ам̣ ж̇анам̣ сам̣взж̇зд̇и, сад̣̇д̇хаммз жасса уссаахам̣ ж̇анзд̇и.

    Ettāvatā cettha evaṃ me sutanti vacanena yathāsutaṃ dhammaṃ savanavasena bhāsanto bhagavato dhammasarīraṃ paccakkhaṃ karoti, tena ‘‘nayidaṃ atikkantasatthukaṃ pāvacanaṃ, ayaṃ vo satthā’’ti satthu adassanena ukkaṇṭhitaṃ janaṃ samassāseti. Vuttañhetaṃ bhagavatā ‘‘yo kho, ānanda, mayā dhammo ca vinayo ca desito paññatto, so vo mamaccayena satthā’’ti (dī. ni. 2.216; mi. pa. 4.1.1). Ekaṃ samayaṃ bhagavāti vacanena tasmiṃ samaye bhagavato avijjamānabhāvaṃ dassento rūpakāyaparinibbānaṃ sādheti, tena ‘‘evaṃvidhassa nāma dhammassa desetā dasabaladharo vajirasaṅghātasamānakāyo sopi bhagavā parinibbuto, kenaññena jīvite āsā janetabbā’’ti jīvitamadamattaṃ janaṃ saṃvejeti, saddhamme cassa ussāhaṃ janeti.

    званд̇и жа бхан̣анд̇о д̣̇зсанаасамбад̇д̇им̣ нид̣̇д̣̇исад̇и, вагкамаанасса сагаласуд̇д̇асса званд̇и нид̣̇ассанад̇о. мз суд̇анд̇и саавагасамбад̇д̇им̣ саванасамбад̇д̇ин̃жа нид̣̇д̣̇исад̇и, бадисамбхид̣̇аабад̇д̇зна бан̃жасу таанзсу бхаг̇авад̇аа зд̇ад̣̇аг̇г̇з табид̇зна д̇хаммабхан̣д̣ааг̇ааригзна суд̇абхаавад̣̇ийбанад̇о ‘‘д̇ан̃жа ко маяаава суд̇ам̣, на ануссуд̇игам̣, на барамбараабхад̇а’’нд̇и имасса жад̇т̇асса д̣̇ийбанад̇о. згам̣ самаяанд̇и гааласамбад̇д̇им̣ нид̣̇д̣̇исад̇и бхаг̇авад̇о урувзлааяам̣ вихаран̣асамаяабхаавзна б̣уд̣̇д̇хуббаад̣̇аббадиман̣д̣ид̇абхаавад̣̇ийбанад̇о. б̣уд̣̇д̇хуббаад̣̇абарамаа хи гааласамбад̣̇аа. бхаг̇аваад̇и д̣̇зсагасамбад̇д̇им̣ нид̣̇д̣̇исад̇и г̇ун̣ависидтасад̇д̇уд̇д̇амаг̇арубхаавад̣̇ийбанад̇о.

    Evanti ca bhaṇanto desanāsampattiṃ niddisati, vakkhamānassa sakalasuttassa evanti nidassanato. Me sutanti sāvakasampattiṃ savanasampattiñca niddisati, paṭisambhidāpattena pañcasu ṭhānesu bhagavatā etadagge ṭhapitena dhammabhaṇḍāgārikena sutabhāvadīpanato ‘‘tañca kho mayāva sutaṃ, na anussutikaṃ, na paramparābhata’’nti imassa catthassa dīpanato. Ekaṃ samayanti kālasampattiṃ niddisati bhagavato uruvelāyaṃ viharaṇasamayabhāvena buddhuppādappaṭimaṇḍitabhāvadīpanato. Buddhuppādaparamā hi kālasampadā. Bhagavāti desakasampattiṃ niddisati guṇavisiṭṭhasattuttamagarubhāvadīpanato.

    урувзлааяанд̇и махаавзлааяам̣, маханд̇з ваалугаараасимхийд̇и ад̇т̇о. ат̇а ваа урууд̇и ваалугаа вужжад̇и, взлаад̇и марияаад̣̇аа. взлаад̇иггаманахзд̇у аабхад̇аа уру урувзлаад̇и звамбзд̇т̇а ад̇т̇о д̣̇адтаб̣б̣о.

    Uruvelāyanti mahāvelāyaṃ, mahante vālukārāsimhīti attho. Atha vā urūti vālukā vuccati, velāti mariyādā. Velātikkamanahetu ābhatā uru uruvelāti evampettha attho daṭṭhabbo.

    ад̇ийд̇з гира ануббаннз б̣уд̣̇д̇хз д̣̇асасахассад̇аабасаа д̇асмим̣ бад̣̇зсз вихаранд̇аа ‘‘гааяагаммаважийгаммаани барзсамби баагадаани хонд̇и, маногаммам̣ бана абаагадам̣. д̇асмаа яо мижчаавид̇аггам̣ вид̇аггзд̇и, со ад̇д̇анаава ад̇д̇аанам̣ жод̣̇зд̇ваа бад̇д̇абудзна ваалугам̣ аахарид̇ваа имасмим̣ таанз аагирад̇у, ид̣̇амасса д̣̇ан̣д̣агамма’’нд̇и гад̇игавад̇д̇ам̣ гад̇ваа д̇ад̇о бадтааяа яо д̇аад̣̇исам̣ вид̇аггам̣ вид̇аггзд̇и, со д̇ад̇т̇а бад̇д̇абудзна ваалугам̣ аахарид̇ваа аагирад̇и. звам̣ д̇ад̇т̇а ануггамзна махааваалугаарааси ж̇аад̇о, д̇ад̇о нам̣ бажчимаа ж̇анад̇аа баригкибид̇ваа жзд̇ияадтаанамагааси. д̇ам̣ санд̇хааяа вуд̇д̇ам̣ – ‘‘урувзлааяанд̇и махаавзлааяам̣, маханд̇з ваалугаараасимхийд̇и ад̇т̇о д̣̇адтаб̣б̣о’’д̇и.

    Atīte kira anuppanne buddhe dasasahassatāpasā tasmiṃ padese viharantā ‘‘kāyakammavacīkammāni paresampi pākaṭāni honti, manokammaṃ pana apākaṭaṃ. Tasmā yo micchāvitakkaṃ vitakketi, so attanāva attānaṃ codetvā pattapuṭena vālukaṃ āharitvā imasmiṃ ṭhāne ākiratu, idamassa daṇḍakamma’’nti katikavattaṃ katvā tato paṭṭhāya yo tādisaṃ vitakkaṃ vitakketi, so tattha pattapuṭena vālukaṃ āharitvā ākirati. Evaṃ tattha anukkamena mahāvālukārāsi jāto, tato naṃ pacchimā janatā parikkhipitvā cetiyaṭṭhānamakāsi. Taṃ sandhāya vuttaṃ – ‘‘uruvelāyanti mahāvelāyaṃ, mahante vālukārāsimhīti attho daṭṭhabbo’’ti.

    вихарад̇ийд̇и ависзсзна ирияаабат̇ад̣̇иб̣б̣аб̣рахмаарияавихаарзсу ан̃н̃ад̇аравихаарасаман̇г̇ид̇аабарид̣̇ийбанам̣. ид̇ха бана таананисаж̇ж̇ааг̇аманасаяанаббабхзд̣̇зсу ирияаабат̇зсу аасанасан̇каад̇аирияаабат̇асамааяог̇абарид̣̇ийбанам̣ арияавихаарасаман̇г̇ид̇аабарид̣̇ийбанан̃жаад̇и взд̣̇ид̇аб̣б̣ам̣. д̇ад̇т̇а яасмаа згам̣ ирияаабат̇аб̣аад̇ханам̣ ан̃н̃зна ирияаабат̇зна вижчинд̣̇ид̇ваа абарибад̇анд̇ам̣ ад̇д̇абхаавам̣ харад̇и бавад̇д̇зд̇и, д̇асмаа вихарад̇ийд̇и бад̣̇асса ирияаабат̇авихааравасзнзд̇т̇а ад̇т̇о взд̣̇ид̇аб̣б̣о. яасмаа бана бхаг̇аваа д̣̇иб̣б̣авихаараад̣̇ийхи сад̇д̇аанам̣ вивид̇хам̣ хид̇ам̣ харад̇и убахарад̇и убанзд̇и уббаад̣̇зд̇и, д̇асмаа д̇зсамби васзна вивид̇хам̣ харад̇ийд̇и звамад̇т̇о взд̣̇ид̇аб̣б̣о.

    Viharatīti avisesena iriyāpathadibbabrahmaariyavihāresu aññataravihārasamaṅgitāparidīpanaṃ. Idha pana ṭhānanisajjāgamanasayanappabhedesu iriyāpathesu āsanasaṅkhātairiyāpathasamāyogaparidīpanaṃ ariyavihārasamaṅgitāparidīpanañcāti veditabbaṃ. Tattha yasmā ekaṃ iriyāpathabādhanaṃ aññena iriyāpathena vicchinditvā aparipatantaṃ attabhāvaṃ harati pavatteti, tasmā viharatīti padassa iriyāpathavihāravasenettha attho veditabbo. Yasmā pana bhagavā dibbavihārādīhi sattānaṃ vividhaṃ hitaṃ harati upaharati upaneti uppādeti, tasmā tesampi vasena vividhaṃ haratīti evamattho veditabbo.

    наж̇ж̇аад̇и над̣̇ад̇и санд̣̇ад̇ийд̇и над̣̇ий, д̇ассаа наж̇ж̇аа, над̣̇ияаа ниннаг̇ааяаад̇и ад̇т̇о. нзран̃ж̇арааяаад̇и нзлам̣ ж̇аламассаад̇и ‘‘нзлан̃ж̇алааяаа’’д̇и вад̇д̇аб̣б̣з лагаарасса рагаарам̣ гад̇ваа ‘‘нзран̃ж̇арааяаа’’д̇и вуд̇д̇ам̣, гад̣̇д̣̇амасзваалабан̣агаад̣̇ид̣̇осарахид̇асалилааяаад̇и ад̇т̇о. гзжи ‘‘нийлаж̇алааяаад̇и вад̇д̇аб̣б̣з нзран̃ж̇арааяаад̇и вуд̇д̇а’’нд̇и вад̣̇анд̇и. наамамзва ваа зд̇ам̣ зд̇иссаа над̣̇ияаад̇и взд̣̇ид̇аб̣б̣ам̣. д̇ассаа над̣̇ияаа д̇ийрз яад̇т̇а бхаг̇аваа вихааси, д̇ам̣ д̣̇ассзд̇ум̣ ‘‘б̣од̇хиругкамуулз’’д̇и вуд̇д̇ам̣. д̇ад̇т̇а ‘‘б̣од̇хи вужжад̇и жад̇уусу маг̇г̇зсу н̃аан̣а’’нд̇и зд̇т̇а (жуул̣ани. каг̇г̇ависаан̣асуд̇д̇анид̣̇д̣̇зса 121) маг̇г̇ан̃аан̣ам̣ б̣од̇хийд̇и вуд̇д̇ам̣. ‘‘баббод̇и б̣од̇хим̣ варабхууримзд̇хасо’’д̇и зд̇т̇а (д̣̇ий. ни. 3.217) саб̣б̣ан̃н̃уд̇ан̃н̃аан̣ам̣. д̇ад̣̇убхаяамби б̣од̇хим̣ бхаг̇аваа зд̇т̇а бад̇д̇од̇и ругкоби б̣од̇хиругкод̇взва наамам̣ лабхи. ат̇а ваа сад̇д̇а б̣ож̇жхан̇г̇з б̣уж̇жхийд̇и бхаг̇аваа б̣од̇хи, д̇зна б̣уж̇жханд̇зна санниссид̇ад̇д̇аа со ругкоби б̣од̇хиругкод̇и наамам̣ лабхи, д̇асса б̣од̇хиругкасса. муулзд̇и самийбз. аяан̃хи мууласад̣̇д̣̇о ‘‘муулаани уд̣̇д̇харзяяа анд̇амасо усийранаал̣амад̇д̇аанибий’’д̇иаад̣̇ийсу (а. ни. 4.195) мууламуулз д̣̇иссад̇и. ‘‘лобхо агусаламуула’’нд̇иаад̣̇ийсу (д̣̇ий. ни. 3.305) асаад̇хааран̣ахзд̇умхи. ‘‘яаавад̇аа маж̇жханхигз гаалз чааяаа парад̇и, ниваад̇з бан̣н̣аани бад̇анд̇и, зд̇д̇аавад̇аа ругкамуула’’нд̇иаад̣̇ийсу самийбз. ид̇хааби самийбз ад̇хиббзд̇о, д̇асмаа б̣од̇хиругкасса муулз самийбзд̇и звамзд̇т̇а ад̇т̇о д̣̇адтаб̣б̣о.

    Najjāti nadati sandatīti nadī, tassā najjā, nadiyā ninnagāyāti attho. Nerañjarāyāti nelaṃ jalamassāti ‘‘nelañjalāyā’’ti vattabbe lakārassa rakāraṃ katvā ‘‘nerañjarāyā’’ti vuttaṃ, kaddamasevālapaṇakādidosarahitasalilāyāti attho. Keci ‘‘nīlajalāyāti vattabbe nerañjarāyāti vutta’’nti vadanti. Nāmameva vā etaṃ etissā nadiyāti veditabbaṃ. Tassā nadiyā tīre yattha bhagavā vihāsi, taṃ dassetuṃ ‘‘bodhirukkhamūle’’ti vuttaṃ. Tattha ‘‘bodhi vuccati catūsu maggesu ñāṇa’’nti ettha (cūḷani. khaggavisāṇasuttaniddesa 121) maggañāṇaṃ bodhīti vuttaṃ. ‘‘Pappoti bodhiṃ varabhūrimedhaso’’ti ettha (dī. ni. 3.217) sabbaññutaññāṇaṃ. Tadubhayampi bodhiṃ bhagavā ettha pattoti rukkhopi bodhirukkhotveva nāmaṃ labhi. Atha vā satta bojjhaṅge bujjhīti bhagavā bodhi, tena bujjhantena sannissitattā so rukkhopi bodhirukkhoti nāmaṃ labhi, tassa bodhirukkhassa. Mūleti samīpe. Ayañhi mūlasaddo ‘‘mūlāni uddhareyya antamaso usīranāḷamattānipī’’tiādīsu (a. ni. 4.195) mūlamūle dissati. ‘‘Lobho akusalamūla’’ntiādīsu (dī. ni. 3.305) asādhāraṇahetumhi. ‘‘Yāvatā majjhanhike kāle chāyā pharati, nivāte paṇṇāni patanti, ettāvatā rukkhamūla’’ntiādīsu samīpe. Idhāpi samīpe adhippeto, tasmā bodhirukkhassa mūle samīpeti evamettha attho daṭṭhabbo.

    батамаабхисамб̣уд̣̇д̇ход̇и батамам̣ абхисамб̣уд̣̇д̇хо худ̇ваа, саб̣б̣абатамам̣язваад̇и ад̇т̇о. зд̇д̇аавад̇аа д̇хаммабхан̣д̣ааг̇ааригзна уд̣̇аанад̣̇зсанааяа нид̣̇аанам̣ табзнд̇зна гаалад̣̇зсад̣̇зсагаабад̣̇зсаа саха висзсзна багаасид̇аа хонд̇и.

    Paṭhamābhisambuddhoti paṭhamaṃ abhisambuddho hutvā, sabbapaṭhamaṃyevāti attho. Ettāvatā dhammabhaṇḍāgārikena udānadesanāya nidānaṃ ṭhapentena kāladesadesakāpadesā saha visesena pakāsitā honti.

    зд̇т̇ааха ‘‘гасмаа д̇хаммавинаяасан̇г̇ахз гаяирамаанз нид̣̇аанаважанам̣ вуд̇д̇ам̣, нану бхаг̇авад̇аа бхаасид̇аважанассзва сан̇г̇ахо гаад̇аб̣б̣о’’д̇и? вужжад̇з – д̣̇зсанааяа жирадтид̇иасаммосасад̣̇д̇хзяяабхаавасамбаад̣̇анад̇т̇ам̣. гаалад̣̇зсад̣̇зсагавад̇т̇уаад̣̇ийхи убаниб̣анд̇хид̇ваа табид̇аа хи д̣̇зсанаа жирадтид̇игаа ход̇и асаммосаа сад̣̇д̇хзяяаа жа д̣̇зсагаалагад̇д̇ухзд̇унимид̇д̇зхи убаниб̣ад̣̇д̇хо вияа вохааравинижчаяо. д̇знзва жа ааяасмад̇аа махаагассабзна ‘‘батамам̣, аавусо аананд̣̇а, уд̣̇аанам̣ гад̇т̇а бхаасид̇а’’нд̇иаад̣̇инаа д̣̇зсаад̣̇ийсу бужчааяа гад̇ааяа виссаж̇ж̇анам̣ гаронд̇зна д̇хаммабхан̣д̣ааг̇ааригзна ‘‘звам̣ мз суд̇а’’нд̇иаад̣̇инаа уд̣̇аанасса нид̣̇аанам̣ бхаасид̇анд̇и.

    Etthāha ‘‘kasmā dhammavinayasaṅgahe kayiramāne nidānavacanaṃ vuttaṃ, nanu bhagavatā bhāsitavacanasseva saṅgaho kātabbo’’ti? Vuccate – desanāya ciraṭṭhitiasammosasaddheyyabhāvasampādanatthaṃ. Kāladesadesakavatthuādīhi upanibandhitvā ṭhapitā hi desanā ciraṭṭhitikā hoti asammosā saddheyyā ca desakālakattuhetunimittehi upanibaddho viya vohāravinicchayo. Teneva ca āyasmatā mahākassapena ‘‘paṭhamaṃ, āvuso ānanda, udānaṃ kattha bhāsita’’ntiādinā desādīsu pucchāya katāya vissajjanaṃ karontena dhammabhaṇḍāgārikena ‘‘evaṃ me suta’’ntiādinā udānassa nidānaṃ bhāsitanti.

    абижа сад̇т̇у самбад̇д̇ибагаасанад̇т̇ам̣ нид̣̇аанаважанам̣. д̇ат̇ааг̇ад̇асса хи бхаг̇авад̇о буб̣б̣аражанаанумаанааг̇амад̇аггаабхаавад̇о самб̣уд̣̇д̇хад̇д̇асид̣̇д̇хи. на хи саммаасамб̣уд̣̇д̇хасса буб̣б̣аражанаад̣̇ийхи ад̇т̇о ад̇т̇и саб̣б̣ад̇т̇а аббадихад̇ан̃аан̣ажаарад̇ааяа згаббамаан̣ад̇д̇аа н̃зяяад̇хаммзсу. д̇ат̇аа аажарияамудтид̇хаммамажчарияасаасанасаавагаанурааг̇аабхаавад̇о кийн̣аасавад̇д̇асид̣̇д̇хи. на хи саб̣б̣асо баригкийн̣аасавасса гад̇т̇ажиби аажарияамудтиаад̣̇ийнам̣ самбхавод̇и сувисуд̣̇д̇хасса бараануг̇г̇ахаббавад̇д̇и. ид̇и д̣̇зсагад̣̇осабхууд̇аанам̣ д̣̇идтисийласамбад̇д̇ид̣̇уусагаанам̣ ажжанд̇ам̣ авиж̇ж̇аад̇ан̣хаанам̣ абхаавасам̣суужагзхи н̃аан̣асамбад̣̇аабахаанасамбад̣̇аабхиб̣яан̃ж̇агзхи жа самб̣уд̣̇д̇хависуд̣̇д̇хабхаавзхи буримавзсаараж̇ж̇ад̣̇ваяасид̣̇д̇хи, д̇ад̇о жа анд̇арааяиганияяаанигад̇хаммзсу саммохаабхаавасид̣̇д̇хид̇о бажчимавзсаараж̇ж̇ад̣̇ваяасид̣̇д̇хийд̇и бхаг̇авад̇о жад̇увзсаараж̇ж̇асаманнааг̇амо ад̇д̇ахид̇абарахид̇аббадибад̇д̇и жа нид̣̇аанаважанзна багаасид̇аа хонд̇и, д̇ад̇т̇а д̇ад̇т̇а самбад̇д̇абарисааяа аж̇жхаасаяаануруубам̣ таануббад̇д̇игаббадибхаанзна д̇хаммад̣̇зсанаад̣̇ийбанад̇о. ид̇ха бана вимуд̇д̇исукаббадисам̣взд̣̇анабадижжасамуббаад̣̇аманасигаарабагаасанзнаад̇и яож̇зд̇аб̣б̣ам̣. д̇зна вуд̇д̇ам̣ – ‘‘сад̇т̇у самбад̇д̇ибагаасанад̇т̇ам̣ нид̣̇аанаважана’’нд̇и.

    Apica satthu sampattipakāsanatthaṃ nidānavacanaṃ. Tathāgatassa hi bhagavato pubbaracanānumānāgamatakkābhāvato sambuddhattasiddhi. Na hi sammāsambuddhassa pubbaracanādīhi attho atthi sabbattha appaṭihatañāṇacāratāya ekappamāṇattā ñeyyadhammesu. Tathā ācariyamuṭṭhidhammamacchariyasāsanasāvakānurāgābhāvato khīṇāsavattasiddhi. Na hi sabbaso parikkhīṇāsavassa katthacipi ācariyamuṭṭhiādīnaṃ sambhavoti suvisuddhassa parānuggahappavatti. Iti desakadosabhūtānaṃ diṭṭhisīlasampattidūsakānaṃ accantaṃ avijjātaṇhānaṃ abhāvasaṃsūcakehi ñāṇasampadāpahānasampadābhibyañjakehi ca sambuddhavisuddhabhāvehi purimavesārajjadvayasiddhi, tato ca antarāyikaniyyānikadhammesu sammohābhāvasiddhito pacchimavesārajjadvayasiddhīti bhagavato catuvesārajjasamannāgamo attahitaparahitappaṭipatti ca nidānavacanena pakāsitā honti, tattha tattha sampattaparisāya ajjhāsayānurūpaṃ ṭhānuppattikappaṭibhānena dhammadesanādīpanato. Idha pana vimuttisukhappaṭisaṃvedanapaṭiccasamuppādamanasikārapakāsanenāti yojetabbaṃ. Tena vuttaṃ – ‘‘satthu sampattipakāsanatthaṃ nidānavacana’’nti.

    д̇ат̇аа саасанасамбад̇д̇ибагаасанад̇т̇ам̣ нид̣̇аанаважанам̣. н̃аан̣агарун̣аабариг̇г̇ахид̇асаб̣б̣агирияасса хи бхаг̇авад̇о над̇т̇и нирад̇т̇агаа бадибад̇д̇и ад̇д̇ахид̇аа ваа. д̇асмаа барзсам̣язва ад̇т̇ааяа бавад̇д̇асаб̣б̣агирияасса саммаасамб̣уд̣̇д̇хасса сагаламби гааяаважийманогаммам̣ яат̇аабавад̇д̇ам̣ вужжамаанам̣ д̣̇идтад̇хаммигасамбарааяигабарамад̇т̇зхи яат̇аарахам̣ сад̇д̇аанам̣ анусаасанадтзна саасанам̣, на габ̣б̣аражанаа. д̇аяид̣̇ам̣ сад̇т̇у жарид̇ам̣ гаалад̣̇зсад̣̇зсагабарисаабад̣̇зсаад̣̇ийхи сад̣̇д̇хим̣ д̇ад̇т̇а д̇ад̇т̇а нид̣̇аанаважанзна яат̇аарахам̣ багаасийяад̇и, ид̇ха бана абхисамб̣од̇хивимуд̇д̇исукаббадисам̣взд̣̇анабадижжасамуббаад̣̇аманасигаарзнаад̇и яож̇зд̇аб̣б̣ам̣. д̇зна вуд̇д̇ам̣ – ‘‘саасанасамбад̇д̇ибагаасанад̇т̇ам̣ нид̣̇аанаважана’’нд̇и.

    Tathā sāsanasampattipakāsanatthaṃ nidānavacanaṃ. Ñāṇakaruṇāpariggahitasabbakiriyassa hi bhagavato natthi niratthakā paṭipatti attahitā vā. Tasmā paresaṃyeva atthāya pavattasabbakiriyassa sammāsambuddhassa sakalampi kāyavacīmanokammaṃ yathāpavattaṃ vuccamānaṃ diṭṭhadhammikasamparāyikaparamatthehi yathārahaṃ sattānaṃ anusāsanaṭṭhena sāsanaṃ, na kabbaracanā. Tayidaṃ satthu caritaṃ kāladesadesakaparisāpadesādīhi saddhiṃ tattha tattha nidānavacanena yathārahaṃ pakāsīyati, idha pana abhisambodhivimuttisukhappaṭisaṃvedanapaṭiccasamuppādamanasikārenāti yojetabbaṃ. Tena vuttaṃ – ‘‘sāsanasampattipakāsanatthaṃ nidānavacana’’nti.

    абижа сад̇т̇уно бамаан̣абхааваббагаасанзна саасанасса бамаан̣абхаавад̣̇ассанад̇т̇ам̣ нид̣̇аанаважанам̣. саа жасса бамаан̣абхаавад̣̇ассанад̇аа хздтаа вуд̇д̇анаяаанусаарзна взд̣̇ид̇аб̣б̣аа. бхаг̇аваад̇и хи иминаа д̇ат̇ааг̇ад̇асса рааг̇ад̣̇осамохаад̣̇исаб̣б̣агилзсамалад̣̇ужжарид̇аад̣̇ид̣̇осаббахаанад̣̇ийбанзна , саб̣б̣асад̇д̇уд̇д̇амабхаавад̣̇ийбанзна жа анан̃н̃асаад̇хааран̣ан̃аан̣агарун̣аад̣̇иг̇ун̣ависзсаяог̇абарид̣̇ийбанзна, аяамад̇т̇о саб̣б̣ат̇аа багаасид̇о ход̇ийд̇и ид̣̇амзд̇т̇а нид̣̇аанаважанаббаяож̇анасса мукамад̇д̇ад̣̇ассанам̣.

    Apica satthuno pamāṇabhāvappakāsanena sāsanassa pamāṇabhāvadassanatthaṃ nidānavacanaṃ. Sā cassa pamāṇabhāvadassanatā heṭṭhā vuttanayānusārena veditabbā. Bhagavāti hi iminā tathāgatassa rāgadosamohādisabbakilesamaladuccaritādidosappahānadīpanena , sabbasattuttamabhāvadīpanena ca anaññasādhāraṇañāṇakaruṇādiguṇavisesayogaparidīpanena, ayamattho sabbathā pakāsito hotīti idamettha nidānavacanappayojanassa mukhamattadassanaṃ.

    д̇ам̣ банзд̇ам̣ ‘‘звам̣ мз суд̇а’’нд̇и аарабхид̇ваа яаава ‘‘имам̣ уд̣̇аанам̣ уд̣̇аанзсий’’д̇и бад̣̇ам̣, д̇аава имасса уд̣̇аанасса нид̣̇аананд̇и взд̣̇ид̇аб̣б̣ам̣. д̇ат̇аа хи д̇ам̣ яат̇аа бадибанно бхаг̇аваа имам̣ уд̣̇аанам̣ уд̣̇аанзси, аад̣̇ид̇о бадтааяа д̇асса гааяигажзд̇асигаббадибад̇д̇ияаа багаасанад̇т̇ам̣ сан̇г̇ийд̇игаарзхи сан̇г̇ийд̇игаалз бхаасид̇аважанам̣.

    Taṃ panetaṃ ‘‘evaṃ me suta’’nti ārabhitvā yāva ‘‘imaṃ udānaṃ udānesī’’ti padaṃ, tāva imassa udānassa nidānanti veditabbaṃ. Tathā hi taṃ yathā paṭipanno bhagavā imaṃ udānaṃ udānesi, ādito paṭṭhāya tassa kāyikacetasikappaṭipattiyā pakāsanatthaṃ saṅgītikārehi saṅgītikāle bhāsitavacanaṃ.

    нану жа ‘‘имасмим̣ сад̇и ид̣̇ам̣ ход̇ий’’д̇иаад̣̇и бхаг̇авад̇о зва важанам̣ бхавид̇ум̣ арахад̇и, на хи сад̇т̇аарам̣ мун̃жид̇ваа ан̃н̃о бадижжасамуббаад̣̇ам̣ д̣̇зсзд̇ум̣ самад̇т̇о ход̇ийд̇и? сажжамзд̇ам̣, яат̇аа бана бхаг̇аваа б̣од̇хиругкамуулз д̇хаммасабхаавабажжавзгкан̣авасзна бадижжасамуббаад̣̇ам̣ манасаагааси, д̇ат̇зва нам̣ б̣од̇ханзяяаб̣анд̇хаваанам̣ б̣од̇ханад̇т̇ам̣ бадижжасамуббаад̣̇асийханаад̣̇асуд̇д̇аад̣̇ийсу д̣̇зсид̇асса жа важанаанам̣ д̣̇зсид̇аагаарасса анугаран̣авасзна бадижжасамуббаад̣̇асса манасигаарам̣ адтуббад̇д̇им̣ гад̇ваа бхаг̇авад̇аа бхаасид̇асса имасса уд̣̇аанасса д̇хаммасан̇г̇аахагаа махаат̇зраа нид̣̇аанам̣ сан̇г̇ааяим̣сууд̇и яат̇аавуд̇д̇аважанам̣ сан̇г̇ийд̇игаараанамзва важананд̇и нидтамзд̇т̇а г̇анд̇аб̣б̣ам̣. ид̇о барзсуби суд̇д̇анд̇зсу зсзва наяо.

    Nanu ca ‘‘imasmiṃ sati idaṃ hotī’’tiādi bhagavato eva vacanaṃ bhavituṃ arahati, na hi satthāraṃ muñcitvā añño paṭiccasamuppādaṃ desetuṃ samattho hotīti? Saccametaṃ, yathā pana bhagavā bodhirukkhamūle dhammasabhāvapaccavekkhaṇavasena paṭiccasamuppādaṃ manasākāsi, tatheva naṃ bodhaneyyabandhavānaṃ bodhanatthaṃ paṭiccasamuppādasīhanādasuttādīsu desitassa ca vacanānaṃ desitākārassa anukaraṇavasena paṭiccasamuppādassa manasikāraṃ aṭṭhuppattiṃ katvā bhagavatā bhāsitassa imassa udānassa dhammasaṅgāhakā mahātherā nidānaṃ saṅgāyiṃsūti yathāvuttavacanaṃ saṅgītikārānameva vacananti niṭṭhamettha gantabbaṃ. Ito paresupi suttantesu eseva nayo.

    зд̇т̇а жа ад̇д̇аж̇жхаасаяо бараж̇жхаасаяо бужчаавасиго адтуббад̇д̇игод̇и жад̇д̇ааро суд̇д̇анигкзбаа взд̣̇ид̇аб̣б̣аа. яат̇аа хи анзгасад̇аанзгасахассабхзд̣̇ааниби суд̇д̇аани сам̣гилзсабхааг̇ияаад̣̇ибадтаананаязна сол̣асавид̇хад̇ам̣ наад̇ивад̇д̇анд̇и, звам̣ д̇аани саб̣б̣ааниби ад̇д̇аж̇жхаасаяаад̣̇исуд̇д̇анигкзбавасзна жад̇уб̣б̣ид̇хабхаавам̣ наад̇ивад̇д̇анд̇и. гааман̃жзд̇т̇а ад̇д̇аж̇жхаасаяасса адтуббад̇д̇ияаа жа бараж̇жхаасаяабужчаавасигзхи сад̣̇д̇хим̣ сам̣саг̇г̇абхзд̣̇о самбхавад̇и аж̇жхаасаяаанусанд̇хибужчаанусанд̇хисамбхавад̇о, ад̇д̇аж̇жхаасаяаадтуббад̇д̇ийнам̣ ан̃н̃аман̃н̃ам̣ сам̣саг̇г̇о над̇т̇ийд̇и ниравасзсо бадтаананаяо на самбхавад̇и. д̇ад̣̇анд̇ог̇ад̇хад̇д̇аа ваа самбхаванд̇аанам̣ сзсанигкзбаанам̣ мууланигкзбавасзна жад̇д̇ааро суд̇д̇анигкзбаад̇и вуд̇д̇ам̣.

    Ettha ca attajjhāsayo parajjhāsayo pucchāvasiko aṭṭhuppattikoti cattāro suttanikkhepā veditabbā. Yathā hi anekasataanekasahassabhedānipi suttāni saṃkilesabhāgiyādipaṭṭhānanayena soḷasavidhataṃ nātivattanti, evaṃ tāni sabbānipi attajjhāsayādisuttanikkhepavasena catubbidhabhāvaṃ nātivattanti. Kāmañcettha attajjhāsayassa aṭṭhuppattiyā ca parajjhāsayapucchāvasikehi saddhiṃ saṃsaggabhedo sambhavati ajjhāsayānusandhipucchānusandhisambhavato, attajjhāsayaaṭṭhuppattīnaṃ aññamaññaṃ saṃsaggo natthīti niravaseso paṭṭhānanayo na sambhavati. Tadantogadhattā vā sambhavantānaṃ sesanikkhepānaṃ mūlanikkhepavasena cattāro suttanikkhepāti vuttaṃ.

    д̇ад̇рааяам̣ важанад̇т̇о – нигкибанам̣ нигкзбо, суд̇д̇асса нигкзбо суд̇д̇анигкзбо, суд̇д̇ад̣̇зсанаад̇и ад̇т̇о. нигкибийяад̇ийд̇и ваа нигкзбо, суд̇д̇ам̣ зва нигкзбо суд̇д̇анигкзбо. ад̇д̇ано аж̇жхаасаяо ад̇д̇аж̇жхаасаяо, со асса ад̇т̇и гааран̣абхууд̇од̇и ад̇д̇аж̇жхаасаяо, ад̇д̇ано аж̇жхаасаяо зд̇ассаад̇и ваа ад̇д̇аж̇жхаасаяо. бараж̇жхаасаязби зсзва наяо. бужчааяа васо бужчаавасо, со зд̇асса ад̇т̇ийд̇и бужчаавасиго. суд̇д̇ад̣̇зсанааяа вад̇т̇убхууд̇асса ад̇т̇асса уббад̇д̇и ад̇т̇уббад̇д̇и, ад̇т̇уббад̇д̇и зва адтуббад̇д̇и, саа зд̇асса ад̇т̇ийд̇и адтуббад̇д̇иго. ат̇а ваа нигкибийяад̇и суд̇д̇ам̣ зд̇знаад̇и нигкзбо, ад̇д̇аж̇жхаасаяаад̣̇и зва. зд̇асмим̣ бана ад̇т̇авигаббз ад̇д̇ано аж̇жхаасаяо ад̇д̇аж̇жхаасаяо. барзсам̣ аж̇жхаасаяо бараж̇жхаасаяо. бужчийяад̇ийд̇и бужчаа, бужчид̇аб̣б̣о ад̇т̇о. бужчанавасзна бавад̇д̇ам̣ д̇хаммаббадиг̇г̇аахагаанам̣ важанам̣ бужчаавасам̣, д̇ад̣̇зва нигкзбасад̣̇д̣̇аабзгкааяа бужчаавасигод̇и буллин̇г̇авасзна вуд̇д̇ам̣. д̇ат̇аа ад̇т̇уббад̇д̇иязва адтуббад̇д̇игод̇и звамзд̇т̇а ад̇т̇о взд̣̇ид̇аб̣б̣о.

    Tatrāyaṃ vacanattho – nikkhipanaṃ nikkhepo, suttassa nikkhepo suttanikkhepo, suttadesanāti attho. Nikkhipīyatīti vā nikkhepo, suttaṃ eva nikkhepo suttanikkhepo. Attano ajjhāsayo attajjhāsayo, so assa atthi kāraṇabhūtoti attajjhāsayo, attano ajjhāsayo etassāti vā attajjhāsayo. Parajjhāsayepi eseva nayo. Pucchāya vaso pucchāvaso, so etassa atthīti pucchāvasiko. Suttadesanāya vatthubhūtassa atthassa uppatti atthuppatti, atthuppatti eva aṭṭhuppatti, sā etassa atthīti aṭṭhuppattiko. Atha vā nikkhipīyati suttaṃ etenāti nikkhepo, attajjhāsayādi eva. Etasmiṃ pana atthavikappe attano ajjhāsayo attajjhāsayo. Paresaṃ ajjhāsayo parajjhāsayo. Pucchīyatīti pucchā, pucchitabbo attho. Pucchanavasena pavattaṃ dhammappaṭiggāhakānaṃ vacanaṃ pucchāvasaṃ, tadeva nikkhepasaddāpekkhāya pucchāvasikoti pulliṅgavasena vuttaṃ. Tathā atthuppattiyeva aṭṭhuppattikoti evamettha attho veditabbo.

    зд̇т̇а жа барзсам̣ инд̣̇рияабарибаагаад̣̇игааран̣анирабзгкад̇д̇аа ад̇д̇аж̇жхаасаяасса висум̣ суд̇д̇анигкзбабхааво яуд̇д̇о гзвалам̣ ад̇д̇ано аж̇жхаасаязнзва д̇хаммад̇анд̇итабанад̇т̇ам̣ бавад̇д̇ид̇ад̣̇зсанад̇д̇аа, бараж̇жхаасаяабужчаавасигаанам̣ бана барзсам̣ аж̇жхаасаяабужчаанам̣ д̣̇зсанаабавад̇д̇ихзд̇убхууд̇аанам̣ уббад̇д̇ияам̣ бавад̇д̇ид̇аанам̣ гат̇амадтуббад̇д̇ияаа анаварод̇хо, бужчаавасигаадтуббад̇д̇ибуб̣б̣агаанам̣ ваа бараж̇жхаасаяаанурод̇хзна бавад̇д̇ид̇аанам̣ гат̇ам̣ бараж̇жхаасаяз анаварод̇ход̇и? на жод̣̇зд̇аб̣б̣амзд̇ам̣. барзсан̃хи абхинийхаарабарибужчаад̣̇ивинижчаяаад̣̇ивинимуд̇д̇ассзва суд̇д̇анд̇ад̣̇зсанаагааран̣уббаад̣̇асса адтуббад̇д̇ибхаавзна г̇ахид̇ад̇д̇аа бараж̇жхаасаяабужчаавасигаанам̣ висум̣ г̇ахан̣ам̣. д̇ат̇аа хи б̣рахмаж̇аалад̇хаммад̣̇ааяаад̣̇асуд̇д̇аад̣̇ийнам̣ ван̣н̣ааван̣н̣ааамисуббаад̣̇аад̣̇ид̣̇зсанаанимид̇д̇ам̣ адтуббад̇д̇и вужжад̇и, барзсам̣ бужчааяа винаа аж̇жхаасаяамзва нимид̇д̇ам̣ гад̇ваа д̣̇зсид̇о бараж̇жхаасаяо, бужчаавасзна д̣̇зсид̇о бужчаавасигод̇и баагадояамад̇т̇од̇и.

    Ettha ca paresaṃ indriyaparipākādikāraṇanirapekkhattā attajjhāsayassa visuṃ suttanikkhepabhāvo yutto kevalaṃ attano ajjhāsayeneva dhammatantiṭhapanatthaṃ pavattitadesanattā, parajjhāsayapucchāvasikānaṃ pana paresaṃ ajjhāsayapucchānaṃ desanāpavattihetubhūtānaṃ uppattiyaṃ pavattitānaṃ kathamaṭṭhuppattiyā anavarodho, pucchāvasikaaṭṭhuppattipubbakānaṃ vā parajjhāsayānurodhena pavattitānaṃ kathaṃ parajjhāsaye anavarodhoti? Na codetabbametaṃ. Paresañhi abhinīhāraparipucchādivinicchayādivinimuttasseva suttantadesanākāraṇuppādassa aṭṭhuppattibhāvena gahitattā parajjhāsayapucchāvasikānaṃ visuṃ gahaṇaṃ. Tathā hi brahmajāladhammadāyādasuttādīnaṃ vaṇṇāvaṇṇaāmisuppādādidesanānimittaṃ aṭṭhuppatti vuccati, paresaṃ pucchāya vinā ajjhāsayameva nimittaṃ katvā desito parajjhāsayo, pucchāvasena desito pucchāvasikoti pākaṭoyamatthoti.

    д̇ад̇т̇а батамаад̣̇ийни д̇ийн̣и б̣од̇хисуд̇д̇аани мужалинд̣̇асуд̇д̇ам̣, ааяусан̇каароссаж̇ж̇анасуд̇д̇ам̣, бажжавзгкан̣асуд̇д̇ам̣, бабан̃жасан̃н̃аасуд̇д̇анд̇и имзсам̣ уд̣̇аанаанам̣ ад̇д̇аж̇жхаасаяо нигкзбо. хухун̇гасуд̇д̇ам̣, б̣раахман̣аж̇аад̇игасуд̇д̇ам̣, б̣аахияасуд̇д̇анд̇и имзсам̣ уд̣̇аанаанам̣ бужчаавасиго нигкзбо. рааж̇асуд̇д̇ам̣, саггаарасуд̇д̇ам̣, ужчаад̣̇анасуд̇д̇ам̣, бин̣д̣абаад̇игасуд̇д̇ам̣, сиббасуд̇д̇ам̣, г̇обааласуд̇д̇ам̣, сунд̣̇аригасуд̇д̇ам̣ , маад̇усуд̇д̇ам̣, сан̇гхабхзд̣̇агасуд̇д̇ам̣, уд̣̇абаанасуд̇д̇ам̣, д̇ат̇ааг̇ад̇уббаад̣̇асуд̇д̇ам̣, монзяяасуд̇д̇ам̣, баадалиг̇аамияасуд̇д̇ам̣, д̣̇взби д̣̇аб̣б̣асуд̇д̇аанийд̇и зд̇зсам̣ уд̣̇аанаанам̣ адтуббад̇д̇иго нигкзбо. баалилзяяасуд̇д̇ам̣, бияасуд̇д̇ам̣, нааг̇асамааласуд̇д̇ам̣, висаакаасуд̇д̇ан̃жаад̇и имзсам̣ уд̣̇аанаанам̣ ад̇д̇аж̇жхаасаяо бараж̇жхаасаяо жа нигкзбо. сзсаанам̣ згабан̃н̃аасааяа суд̇д̇аанам̣ бараж̇жхаасаяо нигкзбо. звамзд̇зсам̣ уд̣̇аанаанам̣ ад̇д̇аж̇жхаасаяаад̣̇ивасзна нигкзбависзсо взд̣̇ид̇аб̣б̣о.

    Tattha paṭhamādīni tīṇi bodhisuttāni mucalindasuttaṃ, āyusaṅkhārossajjanasuttaṃ, paccavekkhaṇasuttaṃ, papañcasaññāsuttanti imesaṃ udānānaṃ attajjhāsayo nikkhepo. Huhuṅkasuttaṃ, brāhmaṇajātikasuttaṃ, bāhiyasuttanti imesaṃ udānānaṃ pucchāvasiko nikkhepo. Rājasuttaṃ, sakkārasuttaṃ, ucchādanasuttaṃ, piṇḍapātikasuttaṃ, sippasuttaṃ, gopālasuttaṃ, sundarikasuttaṃ , mātusuttaṃ, saṅghabhedakasuttaṃ, udapānasuttaṃ, tathāgatuppādasuttaṃ, moneyyasuttaṃ, pāṭaligāmiyasuttaṃ, dvepi dabbasuttānīti etesaṃ udānānaṃ aṭṭhuppattiko nikkhepo. Pālileyyasuttaṃ, piyasuttaṃ, nāgasamālasuttaṃ, visākhāsuttañcāti imesaṃ udānānaṃ attajjhāsayo parajjhāsayo ca nikkhepo. Sesānaṃ ekapaññāsāya suttānaṃ parajjhāsayo nikkhepo. Evametesaṃ udānānaṃ attajjhāsayādivasena nikkhepaviseso veditabbo.

    зд̇т̇а жа яаани уд̣̇аанаани бхаг̇авад̇аа бхигкуунам̣ саммукаа бхаасид̇аани, д̇аани д̇зхи яат̇аабхаасид̇асуд̇д̇аани важасаа барижид̇аани манасаанубзгкид̇аани д̇хаммабхан̣д̣ааг̇ааригасса гат̇ид̇аани. яаани бана бхаг̇авад̇аа бхигкуунам̣ асаммукаа бхаасид̇аани, д̇ааниби абарабхааг̇з бхаг̇авад̇аа д̇хаммабхан̣д̣ааг̇ааригасса буна бхаасид̇аани. звам̣ саб̣б̣ааниби д̇аани ааяасмаа аананд̣̇о згаж̇жхам̣ гад̇ваа д̇хаарзнд̇о бхигкуунан̃жа ваажзнд̇о абарабхааг̇з батамамахаасан̇г̇ийд̇игаалз уд̣̇аананд̇взва сан̇г̇ахам̣ ааробзсийд̇и взд̣̇ид̇аб̣б̣ам̣.

    Ettha ca yāni udānāni bhagavatā bhikkhūnaṃ sammukhā bhāsitāni, tāni tehi yathābhāsitasuttāni vacasā paricitāni manasānupekkhitāni dhammabhaṇḍāgārikassa kathitāni. Yāni pana bhagavatā bhikkhūnaṃ asammukhā bhāsitāni, tānipi aparabhāge bhagavatā dhammabhaṇḍāgārikassa puna bhāsitāni. Evaṃ sabbānipi tāni āyasmā ānando ekajjhaṃ katvā dhārento bhikkhūnañca vācento aparabhāge paṭhamamahāsaṅgītikāle udānantveva saṅgahaṃ āropesīti veditabbaṃ.

    д̇зна ко бана самаязнаад̇иаад̣̇ийсу д̇зна самаязнаад̇и жа бхуммад̇т̇з гаран̣аважанам̣, ко банаад̇и нибаад̇о, д̇асмим̣ самаязд̇и ад̇т̇о. гасмим̣ бана самаяз? яам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз б̣од̇хиругкамуулз батамаабхисамб̣уд̣̇д̇хо. д̇асмим̣ самаяз. сад̇д̇ааханд̇и сад̇д̇а ахаани сад̇д̇аахам̣, ажжанд̇асам̣яог̇ад̇т̇з зд̇ам̣ убаяог̇аважанам̣. яасмаа бхаг̇аваа д̇ам̣ сад̇д̇аахам̣ ниранд̇арад̇ааяа ажжанд̇амзва паласамаабад̇д̇исукзна вихааси, д̇асмаа сад̇д̇ааханд̇и ажжанд̇асам̣яог̇авасзна убаяог̇аважанам̣ вуд̇д̇ам̣. згабаллан̇гзнаад̇и висаакаабун̣н̣амааяа анад̇т̇ан̇г̇ад̇зязва суурияз абарааж̇ид̇абаллан̇гаварз важ̇ираасанз нисиннагаалад̇о бадтааяа сагимби анудтахид̇ваа яат̇аааабхуж̇ид̇зна згзнзва баллан̇гзна .

    Tena kho pana samayenātiādīsu tena samayenāti ca bhummatthe karaṇavacanaṃ, kho panāti nipāto, tasmiṃ samayeti attho. Kasmiṃ pana samaye? Yaṃ samayaṃ bhagavā uruvelāyaṃ viharati najjā nerañjarāya tīre bodhirukkhamūle paṭhamābhisambuddho. Tasmiṃ samaye. Sattāhanti satta ahāni sattāhaṃ, accantasaṃyogatthe etaṃ upayogavacanaṃ. Yasmā bhagavā taṃ sattāhaṃ nirantaratāya accantameva phalasamāpattisukhena vihāsi, tasmā sattāhanti accantasaṃyogavasena upayogavacanaṃ vuttaṃ. Ekapallaṅkenāti visākhāpuṇṇamāya anatthaṅgateyeva sūriye aparājitapallaṅkavare vajirāsane nisinnakālato paṭṭhāya sakimpi anuṭṭhahitvā yathāābhujitena ekeneva pallaṅkena .

    вимуд̇д̇исукабадисам̣взд̣̇ийд̇и вимуд̇д̇исукам̣ паласамаабад̇д̇исукам̣ бадисам̣взд̣̇ияамаано нисинно ход̇ийд̇и ад̇т̇о. д̇ад̇т̇а вимуд̇д̇ийд̇и д̇ад̣̇ан̇г̇авимуд̇д̇и, вигкамбханавимуд̇д̇и, самужчзд̣̇авимуд̇д̇и, бадиббассад̣̇д̇хивимуд̇д̇и, ниссаран̣авимуд̇д̇ийд̇и бан̃жа вимуд̇д̇ияо. д̇аасу яам̣ д̣̇зяяад̇хаммабарижжааг̇аад̣̇ийхи д̇зхи д̇зхи г̇ун̣ан̇г̇зхи наамаруубабарижчзд̣̇аад̣̇ийхи вибассанан̇г̇зхи жа яаава д̇асса д̇асса ан̇г̇асса абарихаанивасзна бавад̇д̇и, д̇аава д̇ам̣д̇ам̣бадибагкад̇о вимужжанад̇о вимужжанам̣ бахаанам̣. сзяяат̇ид̣̇ам̣ ? д̣̇аанзна мажчарияалобхаад̣̇ид̇о, сийлзна баан̣аад̇ибаад̇аад̣̇ид̇о, наамаруубававад̇т̇аанзна саггааяад̣̇идтид̇о, бажжаяабариг̇г̇ахзна ахзд̇увисамахзд̇уд̣̇идтийхи, д̇ассзва абарабхааг̇зна ган̇каавид̇аран̣зна гат̇ам̣гат̇ийбхаавад̇о, галаабасаммасанзна ‘‘ахам̣ мамаа’’д̇и г̇аахад̇о, маг̇г̇аамаг̇г̇ававад̇т̇аанзна амаг̇г̇з маг̇г̇асан̃н̃ааяа, уд̣̇аяад̣̇ассанзна ужчзд̣̇ад̣̇идтияаа, ваяад̣̇ассанзна сассад̇ад̣̇идтияаа, бхаяад̣̇ассанзна сабхаяз абхаяасан̃н̃ааяа, аад̣̇ийнавад̣̇ассанзна ассаад̣̇асан̃н̃ааяа, ниб̣б̣ид̣̇аанубассанзна абхирад̇исан̃н̃ааяа, мужжид̇угамяад̇аан̃аан̣зна амужжид̇угамяад̇ааяа, убзгкаан̃аан̣зна анубзгкааяа, ануломзна д̇хаммадтид̇ияам̣ ниб̣б̣аанз жа бадиломабхаавад̇о, г̇од̇рабхунаа сан̇кааранимид̇д̇абхаавад̇о вимужжанам̣, аяам̣ д̇ад̣̇ан̇г̇авимуд̇д̇и наама. яам̣ бана убажаараббанаабхзд̣̇зна самаад̇хинаа яаавасса абарихаанивасзна бавад̇д̇и, д̇аава гаамажчанд̣̇аад̣̇ийнам̣ нийваран̣аанан̃жзва, вид̇аггаад̣̇ийнан̃жа бажжанийгад̇хаммаанам̣, ануббад̇д̇исан̃н̃ид̇ам̣ вимужжанам̣, аяам̣ вигкамбханавимуд̇д̇и наама. яам̣ жад̇уннам̣ арияамаг̇г̇аанам̣ бхаавид̇ад̇д̇аа д̇ам̣д̇ам̣маг̇г̇авад̇о арияасса санд̇аанз яат̇аарахам̣ ‘‘д̣̇идтиг̇ад̇аанам̣ бахаанааяаа’’д̇иаад̣̇инаа (д̇ха. са. 277; вибха. 628) наязна вуд̇д̇асса самуд̣̇аяабагкияасса гилзсаг̇ан̣асса буна ажжанд̇ам̣ аббавад̇д̇ибхаавзна самужчзд̣̇аббахаанавасзна вимужжанам̣, аяам̣ самужчзд̣̇авимуд̇д̇и наама. яам̣ бана палагкан̣з бадиббассад̣̇д̇хад̇д̇ам̣ гилзсаанам̣, аяам̣ бадиббассад̣̇д̇хивимуд̇д̇и наама. саб̣б̣асан̇кад̇аниссадад̇д̇аа бана саб̣б̣асан̇кааравимуд̇д̇ам̣ ниб̣б̣аанам̣, аяам̣ ниссаран̣авимуд̇д̇и наама. ид̇ха бана бхаг̇авад̇о ниб̣б̣аанаарамман̣аа палавимуд̇д̇и ад̇хиббзд̇аа. д̇зна вуд̇д̇ам̣ – ‘‘вимуд̇д̇исукабадисам̣взд̣̇ийд̇и вимуд̇д̇исукам̣ паласамаабад̇д̇исукам̣ бадисам̣взд̣̇ияамаано нисинно ход̇ийд̇и ад̇т̇о’’д̇и.

    Vimuttisukhapaṭisaṃvedīti vimuttisukhaṃ phalasamāpattisukhaṃ paṭisaṃvediyamāno nisinno hotīti attho. Tattha vimuttīti tadaṅgavimutti, vikkhambhanavimutti, samucchedavimutti, paṭippassaddhivimutti, nissaraṇavimuttīti pañca vimuttiyo. Tāsu yaṃ deyyadhammapariccāgādīhi tehi tehi guṇaṅgehi nāmarūpaparicchedādīhi vipassanaṅgehi ca yāva tassa tassa aṅgassa aparihānivasena pavatti, tāva taṃtaṃpaṭipakkhato vimuccanato vimuccanaṃ pahānaṃ. Seyyathidaṃ ? Dānena macchariyalobhādito, sīlena pāṇātipātādito, nāmarūpavavatthānena sakkāyadiṭṭhito, paccayapariggahena ahetuvisamahetudiṭṭhīhi, tasseva aparabhāgena kaṅkhāvitaraṇena kathaṃkathībhāvato, kalāpasammasanena ‘‘ahaṃ mamā’’ti gāhato, maggāmaggavavatthānena amagge maggasaññāya, udayadassanena ucchedadiṭṭhiyā, vayadassanena sassatadiṭṭhiyā, bhayadassanena sabhaye abhayasaññāya, ādīnavadassanena assādasaññāya, nibbidānupassanena abhiratisaññāya, muccitukamyatāñāṇena amuccitukamyatāya, upekkhāñāṇena anupekkhāya, anulomena dhammaṭṭhitiyaṃ nibbāne ca paṭilomabhāvato, gotrabhunā saṅkhāranimittabhāvato vimuccanaṃ, ayaṃ tadaṅgavimutti nāma. Yaṃ pana upacārappanābhedena samādhinā yāvassa aparihānivasena pavatti, tāva kāmacchandādīnaṃ nīvaraṇānañceva, vitakkādīnañca paccanīkadhammānaṃ, anuppattisaññitaṃ vimuccanaṃ, ayaṃ vikkhambhanavimutti nāma. Yaṃ catunnaṃ ariyamaggānaṃ bhāvitattā taṃtaṃmaggavato ariyassa santāne yathārahaṃ ‘‘diṭṭhigatānaṃ pahānāyā’’tiādinā (dha. sa. 277; vibha. 628) nayena vuttassa samudayapakkhiyassa kilesagaṇassa puna accantaṃ appavattibhāvena samucchedappahānavasena vimuccanaṃ, ayaṃ samucchedavimutti nāma. Yaṃ pana phalakkhaṇe paṭippassaddhattaṃ kilesānaṃ, ayaṃ paṭippassaddhivimutti nāma. Sabbasaṅkhatanissaṭattā pana sabbasaṅkhāravimuttaṃ nibbānaṃ, ayaṃ nissaraṇavimutti nāma. Idha pana bhagavato nibbānārammaṇā phalavimutti adhippetā. Tena vuttaṃ – ‘‘vimuttisukhapaṭisaṃvedīti vimuttisukhaṃ phalasamāpattisukhaṃ paṭisaṃvediyamāno nisinno hotīti attho’’ti.

    вимуд̇д̇ийд̇и жа убаггилзсзхи бадиббассад̣̇д̇хивасзна жид̇д̇асса вимуд̇д̇абхааво, жид̇д̇амзва ваа д̇ат̇аа вимуд̇д̇ам̣ взд̣̇ид̇аб̣б̣ам̣, д̇ааяа вимуд̇д̇ияаа ж̇аад̇ам̣ самбаяуд̇д̇ам̣ ваа сукам̣ вимуд̇д̇исукам̣. ‘‘яааяам̣, бханд̇з, убзгкаа санд̇з сукз вуд̇д̇аа бхаг̇авад̇аа’’д̇и (ма. ни. 2.88) важанад̇о убзгкааби жзд̇т̇а сукамижжзва взд̣̇ид̇аб̣б̣аа. д̇ат̇аа жа вуд̇д̇ам̣ саммохавинод̣̇анияам̣ ‘‘убзгкаа бана санд̇ад̇д̇аа, сукамижжзва бхаасид̇аа’’д̇и (вибха. адта. 232). бхаг̇аваа хи жад̇уд̇т̇аж̇жхаанигам̣ арахад̇д̇асамаабад̇д̇им̣ самаабаж̇ж̇ад̇и, на ид̇арам̣. ат̇а ваа ‘‘д̇зсам̣ вуубасамо суко’’д̇иаад̣̇ийсу яат̇аа сан̇каарад̣̇угкуубасамо сукод̇и вужжад̇и, звам̣ сагалагилзсад̣̇угкуубасамабхаавад̇о аг̇г̇апалз лаб̣бхамаанаа бадиббассад̣̇д̇хивимуд̇д̇и зва ид̇ха суканд̇и взд̣̇ид̇аб̣б̣аа. д̇аяид̣̇ам̣ вимуд̇д̇исукам̣ маг̇г̇авийт̇ияам̣ гааланд̇арзд̇и палажид̇д̇асса бавад̇д̇ивибхааг̇зна д̣̇увид̇хам̣ ход̇и. згзгасса хи арияамаг̇г̇асса ананд̇араа д̇асса д̇ассзва вибаагабхууд̇аани ниб̣б̣аанаарамман̣аани д̇ийн̣и д̣̇вз ваа палажид̇д̇аани уббаж̇ж̇анд̇и ананд̇аравибаагад̇д̇аа логуд̇д̇арагусалаанам̣. яасмин̃хи ж̇аванаваарз арияамаг̇г̇о уббаж̇ж̇ад̇и, д̇ад̇т̇а яад̣̇аа д̣̇вз ануломаани, д̇ад̣̇аа д̇ад̇ияам̣ г̇од̇рабху, жад̇уд̇т̇ам̣ маг̇г̇ажид̇д̇ам̣, д̇ад̇о барам̣ д̇ийн̣и палажид̇д̇аани хонд̇и. яад̣̇аа бана д̇ийн̣и ануломаани, д̇ад̣̇аа жад̇уд̇т̇ам̣ г̇од̇рабху, бан̃жамам̣ маг̇г̇ажид̇д̇ам̣, д̇ад̇о барам̣ д̣̇вз палажид̇д̇аани хонд̇и. звам̣ жад̇уд̇т̇ам̣ бан̃жамам̣ аббанаавасзна бавад̇д̇ад̇и, на д̇ад̇о барам̣ бхаван̇г̇асса аасаннад̇д̇аа. гзжи бана ‘‘чадтамби жид̇д̇ам̣ аббзд̇ий’’д̇и вад̣̇анд̇и, д̇ам̣ адтагат̇аасу (висуд̣̇д̇хи. 2.811) бадигкид̇д̇ам̣. звам̣ маг̇г̇авийт̇ияам̣ палам̣ взд̣̇ид̇аб̣б̣ам̣. гааланд̇арз палам̣ бана паласамаабад̇д̇ивасзна бавад̇д̇ам̣, нирод̇хаа вудтаханд̇асса уббаж̇ж̇амаанан̃жа зд̇знзва сан̇г̇ахид̇ам̣. саа банааяам̣ паласамаабад̇д̇и ад̇т̇ад̇о логуд̇д̇арагусалаанам̣ вибаагабхууд̇аа ниб̣б̣аанаарамман̣аа аббанаад̇и д̣̇адтаб̣б̣аа.

    Vimuttīti ca upakkilesehi paṭippassaddhivasena cittassa vimuttabhāvo, cittameva vā tathā vimuttaṃ veditabbaṃ, tāya vimuttiyā jātaṃ sampayuttaṃ vā sukhaṃ vimuttisukhaṃ. ‘‘Yāyaṃ, bhante, upekkhā sante sukhe vuttā bhagavatā’’ti (ma. ni. 2.88) vacanato upekkhāpi cettha sukhamicceva veditabbā. Tathā ca vuttaṃ sammohavinodaniyaṃ ‘‘upekkhā pana santattā, sukhamicceva bhāsitā’’ti (vibha. aṭṭha. 232). Bhagavā hi catutthajjhānikaṃ arahattasamāpattiṃ samāpajjati, na itaraṃ. Atha vā ‘‘tesaṃ vūpasamo sukho’’tiādīsu yathā saṅkhāradukkhūpasamo sukhoti vuccati, evaṃ sakalakilesadukkhūpasamabhāvato aggaphale labbhamānā paṭippassaddhivimutti eva idha sukhanti veditabbā. Tayidaṃ vimuttisukhaṃ maggavīthiyaṃ kālantareti phalacittassa pavattivibhāgena duvidhaṃ hoti. Ekekassa hi ariyamaggassa anantarā tassa tasseva vipākabhūtāni nibbānārammaṇāni tīṇi dve vā phalacittāni uppajjanti anantaravipākattā lokuttarakusalānaṃ. Yasmiñhi javanavāre ariyamaggo uppajjati, tattha yadā dve anulomāni, tadā tatiyaṃ gotrabhu, catutthaṃ maggacittaṃ, tato paraṃ tīṇi phalacittāni honti. Yadā pana tīṇi anulomāni, tadā catutthaṃ gotrabhu, pañcamaṃ maggacittaṃ, tato paraṃ dve phalacittāni honti. Evaṃ catutthaṃ pañcamaṃ appanāvasena pavattati, na tato paraṃ bhavaṅgassa āsannattā. Keci pana ‘‘chaṭṭhampi cittaṃ appetī’’ti vadanti, taṃ aṭṭhakathāsu (visuddhi. 2.811) paṭikkhittaṃ. Evaṃ maggavīthiyaṃ phalaṃ veditabbaṃ. Kālantare phalaṃ pana phalasamāpattivasena pavattaṃ, nirodhā vuṭṭhahantassa uppajjamānañca eteneva saṅgahitaṃ. Sā panāyaṃ phalasamāpatti atthato lokuttarakusalānaṃ vipākabhūtā nibbānārammaṇā appanāti daṭṭhabbā.

    гз д̇ам̣ самаабаж̇ж̇анд̇и, гз на самаабаж̇ж̇анд̇ийд̇и? саб̣б̣зби бут̇уж̇ж̇анаа на самаабаж̇ж̇анд̇и анад̇хиг̇ад̇ад̇д̇аа. д̇ат̇аа хздтимаа арияаа убаримам̣, убаримааби арияаа хздтимам̣ на самаабаж̇ж̇анд̇иязва буг̇г̇аланд̇арабхаавуубаг̇аманзна бадиббассад̣̇д̇хабхаавад̇о. ад̇д̇ано зва палам̣ д̇з д̇з арияаа самаабаж̇ж̇анд̇и. гзжи бана ‘‘сод̇аабаннасагад̣̇ааг̇аамино паласамаабад̇д̇им̣ на самаабаж̇ж̇анд̇и, убаримаа д̣̇взязва самаабаж̇ж̇анд̇и самаад̇хисмим̣ барибуурагаарибхаавад̇о’’д̇и вад̣̇анд̇и. д̇ам̣ агааран̣ам̣ бут̇уж̇ж̇анассааби ад̇д̇анаа бадилад̣̇д̇халогияасамаад̇хисамаабаж̇ж̇анад̇о. гим̣ ваа зд̇т̇а гааран̣ажинд̇ааяа? вуд̇д̇ан̃хзд̇ам̣ бадисамбхид̣̇ааяам̣ ‘‘гад̇амаа д̣̇аса сан̇каарубзгкаа вибассанаавасзна уббаж̇ж̇анд̇и (бади. ма. 1.57), гад̇амз д̣̇аса г̇од̇рабхуд̇хаммаа вибассанаавасзна уббаж̇ж̇анд̇ий’’д̇и (бади. ма. 1.60) имзсам̣ бан̃хаанам̣ виссаж̇ж̇анз сод̇аабад̇д̇ипаласамаабад̇д̇ад̇т̇ааяа сагад̣̇ааг̇аамипаласамаабад̇д̇ад̇т̇ааяаад̇и д̇зсамби арияаанам̣ паласамаабад̇д̇исамаабаж̇ж̇анам̣ вуд̇д̇ам̣. д̇асмаа саб̣б̣зби арияаа яат̇аасагам̣ палам̣ самаабаж̇ж̇анд̇ийд̇и нидтамзд̇т̇а г̇анд̇аб̣б̣ам̣.

    Ke taṃ samāpajjanti, ke na samāpajjantīti? Sabbepi puthujjanā na samāpajjanti anadhigatattā. Tathā heṭṭhimā ariyā uparimaṃ, uparimāpi ariyā heṭṭhimaṃ na samāpajjantiyeva puggalantarabhāvūpagamanena paṭippassaddhabhāvato. Attano eva phalaṃ te te ariyā samāpajjanti. Keci pana ‘‘sotāpannasakadāgāmino phalasamāpattiṃ na samāpajjanti, uparimā dveyeva samāpajjanti samādhismiṃ paripūrakāribhāvato’’ti vadanti. Taṃ akāraṇaṃ puthujjanassāpi attanā paṭiladdhalokiyasamādhisamāpajjanato. Kiṃ vā ettha kāraṇacintāya? Vuttañhetaṃ paṭisambhidāyaṃ ‘‘katamā dasa saṅkhārupekkhā vipassanāvasena uppajjanti (paṭi. ma. 1.57), katame dasa gotrabhudhammā vipassanāvasena uppajjantī’’ti (paṭi. ma. 1.60) imesaṃ pañhānaṃ vissajjane sotāpattiphalasamāpattatthāya sakadāgāmiphalasamāpattatthāyāti tesampi ariyānaṃ phalasamāpattisamāpajjanaṃ vuttaṃ. Tasmā sabbepi ariyā yathāsakaṃ phalaṃ samāpajjantīti niṭṭhamettha gantabbaṃ.

    гасмаа бана д̇з самаабаж̇ж̇анд̇ийд̇и? д̣̇идтад̇хаммасукавихаарад̇т̇ам̣. яат̇аа хи рааж̇аано раж̇ж̇асукам̣, д̣̇звад̇аа д̣̇иб̣б̣асукам̣ анубхаванд̇и, звам̣ арияаа ‘‘логуд̇д̇арасукам̣ анубхависсаамаа’’д̇и ад̣̇д̇хаанабарижчзд̣̇ам̣ гад̇ваа ижчид̇агкан̣з паласамаабад̇д̇им̣ самаабаж̇ж̇анд̇и.

    Kasmā pana te samāpajjantīti? Diṭṭhadhammasukhavihāratthaṃ. Yathā hi rājāno rajjasukhaṃ, devatā dibbasukhaṃ anubhavanti, evaṃ ariyā ‘‘lokuttarasukhaṃ anubhavissāmā’’ti addhānaparicchedaṃ katvā icchitakkhaṇe phalasamāpattiṃ samāpajjanti.

    гат̇ан̃жассаа самаабаж̇ж̇анам̣, гат̇ам̣ таанам̣, гат̇ам̣ вудтаананд̇и? д̣̇вийхи д̇аава аагаарзхи ассаа самаабаж̇ж̇анам̣ ход̇и ниб̣б̣аанад̇о ан̃н̃асса аарамман̣асса аманасигаараа, ниб̣б̣аанасса жа манасигаараа. яат̇ааха –

    Kathañcassā samāpajjanaṃ, kathaṃ ṭhānaṃ, kathaṃ vuṭṭhānanti? Dvīhi tāva ākārehi assā samāpajjanaṃ hoti nibbānato aññassa ārammaṇassa amanasikārā, nibbānassa ca manasikārā. Yathāha –

    ‘‘д̣̇вз ко, аавусо, бажжаяаа анимид̇д̇ааяа жзд̇овимуд̇д̇ияаа самаабад̇д̇ияаа, саб̣б̣анимид̇д̇аанан̃жа аманасигааро, анимид̇д̇ааяа жа д̇хаад̇уяаа манасигааро’’д̇и (ма. ни. 1.458).

    ‘‘Dve kho, āvuso, paccayā animittāya cetovimuttiyā samāpattiyā, sabbanimittānañca amanasikāro, animittāya ca dhātuyā manasikāro’’ti (ma. ni. 1.458).

    аяам̣ банзд̇т̇а самаабаж̇ж̇анаггамо – паласамаабад̇д̇ид̇т̇игзна арияасаавагзна рахог̇ад̇зна бадисаллийнзна уд̣̇аяаб̣б̣аяаад̣̇ивасзна сан̇каараа вибассид̇аб̣б̣аа. д̇ассзвам̣ бавад̇д̇аанубуб̣б̣авибассанассзва сан̇каараарамман̣аг̇од̇рабхун̃аан̣аананд̇арам̣ паласамаабад̇д̇ивасзна нирод̇хз жид̇д̇амаббзд̇и, паласамаабад̇д̇ининнабхаавзна жа сзгкассааби паламзва уббаж̇ж̇ад̇и, на маг̇г̇о. яз бана вад̣̇анд̇и ‘‘сод̇аабанно ад̇д̇ано паласамаабад̇д̇им̣ самаабаж̇ж̇иссаамийд̇и вибассанам̣ вад̣дхзд̇ваа сагад̣̇ааг̇аамий ход̇и, сагад̣̇ааг̇аамий жа анааг̇аамий’’д̇и. д̇з вад̇д̇аб̣б̣аа – звам̣ санд̇з анааг̇аамий арахаа бхависсад̇и, арахаа жа бажжзгаб̣уд̣̇д̇хо, бажжзгаб̣уд̣̇д̇хо жа самб̣уд̣̇д̇ход̇и аабаж̇ж̇зяяа, д̇асмаа яат̇аабхинивзсам̣ яат̇ааж̇жхаасаяам̣ вибассанаа ад̇т̇ам̣ саад̇хзд̇ийд̇и сзгкассааби паламзва уббаж̇ж̇ад̇и, на маг̇г̇о. паламби д̇асса сажз анзна батамаж̇жхааниго маг̇г̇о ад̇хиг̇ад̇о, батамаж̇жхаанигамзва уббаж̇ж̇ад̇и. сажз д̣̇уд̇ияаад̣̇ийсу ан̃н̃ад̇араж̇жхааниго, д̣̇уд̇ияаад̣̇ийсу ан̃н̃ад̇араж̇жхаанигамзваад̇и.

    Ayaṃ panettha samāpajjanakkamo – phalasamāpattitthikena ariyasāvakena rahogatena paṭisallīnena udayabbayādivasena saṅkhārā vipassitabbā. Tassevaṃ pavattānupubbavipassanasseva saṅkhārārammaṇagotrabhuñāṇānantaraṃ phalasamāpattivasena nirodhe cittamappeti, phalasamāpattininnabhāvena ca sekkhassāpi phalameva uppajjati, na maggo. Ye pana vadanti ‘‘sotāpanno attano phalasamāpattiṃ samāpajjissāmīti vipassanaṃ vaḍḍhetvā sakadāgāmī hoti, sakadāgāmī ca anāgāmī’’ti. Te vattabbā – evaṃ sante anāgāmī arahā bhavissati, arahā ca paccekabuddho, paccekabuddho ca sambuddhoti āpajjeyya, tasmā yathābhinivesaṃ yathājjhāsayaṃ vipassanā atthaṃ sādhetīti sekkhassāpi phalameva uppajjati, na maggo. Phalampi tassa sace anena paṭhamajjhāniko maggo adhigato, paṭhamajjhānikameva uppajjati. Sace dutiyādīsu aññatarajjhāniko, dutiyādīsu aññatarajjhānikamevāti.

    гасмаа банзд̇т̇а г̇од̇рабхун̃аан̣ам̣ маг̇г̇ан̃аан̣абурзжааригам̣ вияа ниб̣б̣аанаарамман̣ам̣ на ход̇ийд̇и? палан̃аан̣аанам̣ анияяаанигабхаавад̇о. арияамаг̇г̇ад̇хаммааязва хи нияяаанигаа. вуд̇д̇ан̃хзд̇ам̣ ‘‘гад̇амз д̇хаммаа нияяаанигаа? жад̇д̇ааро арияамаг̇г̇аа абарияаабаннаа’’д̇и (д̇ха. са. 1295). д̇асмаа зганд̇знзва нияяаанигабхаавасса убхад̇о вудтаанабхаавзна бавад̇д̇амаанасса ананд̇арабажжаяабхууд̇зна н̃аан̣зна нимид̇д̇ад̇о вудтид̇знзва бхавид̇аб̣б̣анд̇и д̇асса ниб̣б̣аанаарамман̣ад̇аа яуд̇д̇аа, на бана арияамаг̇г̇асса бхаавид̇ад̇д̇аа д̇асса вибаагабхаавзна бавад̇д̇амаанаанам̣ гилзсаанам̣ асамужчинд̣̇анад̇о анияяаанигад̇д̇аа авудтаанасабхааваанам̣ палан̃аан̣аанам̣ бурзжаариган̃аан̣асса гад̣̇аажиби ниб̣б̣аанаарамман̣ад̇аа убхаяад̇т̇а ануломан̃аан̣аанам̣ ад̇уляаагаарад̇о. арияамаг̇г̇авийт̇ияан̃хи ануломан̃аан̣аани аниб̣б̣ид̣̇д̇хабуб̣б̣аанам̣ т̇уулат̇уулаанам̣ лобхагканд̇хаад̣̇ийнам̣ саад̇исаяам̣ бад̣̇ааланзна логияан̃аан̣зна уггам̣сабаарамиббад̇д̇аани маг̇г̇ан̃аан̣аанугуулаани уббаж̇ж̇анд̇и, паласамаабад̇д̇ивийт̇ияам̣ бана д̇аани д̇аани д̇зна д̇зна маг̇г̇зна д̇зсам̣ д̇зсам̣ гилзсаанам̣ самужчиннад̇д̇аа д̇ад̇т̇а нируссуггаани гзвалам̣ арияаанам̣ паласамаабад̇д̇исукасаман̇г̇ибхаавасса баригаммамад̇д̇аани худ̇ваа уббаж̇ж̇анд̇ийд̇и на д̇зсам̣ гуд̇ожи вудтаанасамбхаво, яад̇о д̇зсам̣ барияосаанз н̃аан̣ам̣ сан̇кааранимид̇д̇ам̣ вудтаанад̇о ниб̣б̣аанаарамман̣ам̣ сияаа. зван̃жа гад̇ваа сзгкасса ад̇д̇ано паласамаабад̇д̇ивал̣ан̃ж̇анад̇т̇ааяа уд̣̇аяаб̣б̣аяаад̣̇ивасзна сан̇каарз саммасанд̇асса вибассанаан̃аан̣аанубуб̣б̣ааяа паламзва уббаж̇ж̇ад̇и, на маг̇г̇од̇и аяан̃жа ад̇т̇о самад̇т̇ид̇о ход̇и. звам̣ д̇аава паласамаабад̇д̇ияаа самаабаж̇ж̇анам̣ взд̣̇ид̇аб̣б̣ам̣.

    Kasmā panettha gotrabhuñāṇaṃ maggañāṇapurecārikaṃ viya nibbānārammaṇaṃ na hotīti? Phalañāṇānaṃ aniyyānikabhāvato. Ariyamaggadhammāyeva hi niyyānikā. Vuttañhetaṃ ‘‘katame dhammā niyyānikā? Cattāro ariyamaggā apariyāpannā’’ti (dha. sa. 1295). Tasmā ekanteneva niyyānikabhāvassa ubhato vuṭṭhānabhāvena pavattamānassa anantarapaccayabhūtena ñāṇena nimittato vuṭṭhiteneva bhavitabbanti tassa nibbānārammaṇatā yuttā, na pana ariyamaggassa bhāvitattā tassa vipākabhāvena pavattamānānaṃ kilesānaṃ asamucchindanato aniyyānikattā avuṭṭhānasabhāvānaṃ phalañāṇānaṃ purecārikañāṇassa kadācipi nibbānārammaṇatā ubhayattha anulomañāṇānaṃ atulyākārato. Ariyamaggavīthiyañhi anulomañāṇāni anibbiddhapubbānaṃ thūlathūlānaṃ lobhakkhandhādīnaṃ sātisayaṃ padālanena lokiyañāṇena ukkaṃsapāramippattāni maggañāṇānukūlāni uppajjanti, phalasamāpattivīthiyaṃ pana tāni tāni tena tena maggena tesaṃ tesaṃ kilesānaṃ samucchinnattā tattha nirussukkāni kevalaṃ ariyānaṃ phalasamāpattisukhasamaṅgibhāvassa parikammamattāni hutvā uppajjantīti na tesaṃ kutoci vuṭṭhānasambhavo, yato tesaṃ pariyosāne ñāṇaṃ saṅkhāranimittaṃ vuṭṭhānato nibbānārammaṇaṃ siyā. Evañca katvā sekkhassa attano phalasamāpattivaḷañjanatthāya udayabbayādivasena saṅkhāre sammasantassa vipassanāñāṇānupubbāya phalameva uppajjati, na maggoti ayañca attho samatthito hoti. Evaṃ tāva phalasamāpattiyā samāpajjanaṃ veditabbaṃ.

    ‘‘д̇аяо ко, аавусо, бажжаяаа анимид̇д̇ааяа жзд̇овимуд̇д̇ияаа тид̇ияаа, саб̣б̣анимид̇д̇аанам̣ аманасигааро, анимид̇д̇ааяа жа д̇хаад̇уяаа манасигааро, буб̣б̣з жа абхисан̇кааро’’д̇и (ма. ни. 1.458) –

    ‘‘Tayo kho, āvuso, paccayā animittāya cetovimuttiyā ṭhitiyā, sabbanimittānaṃ amanasikāro, animittāya ca dhātuyā manasikāro, pubbe ca abhisaṅkhāro’’ti (ma. ni. 1.458) –

    важанад̇о банассаа д̇ийхаагаарзхи таанам̣ ход̇и. д̇ад̇т̇а буб̣б̣з жа абхисан̇каарод̇и самаабад̇д̇ид̇о буб̣б̣з гаалабарижчзд̣̇о. ‘‘асугасмим̣ наама гаалз вудтахиссаамий’’д̇и барижчиннад̇д̇аа хиссаа яаава со гаало нааг̇ажчад̇и, д̇аава вудтаанам̣ на ход̇и.

    Vacanato panassā tīhākārehi ṭhānaṃ hoti. Tattha pubbe ca abhisaṅkhāroti samāpattito pubbe kālaparicchedo. ‘‘Asukasmiṃ nāma kāle vuṭṭhahissāmī’’ti paricchinnattā hissā yāva so kālo nāgacchati, tāva vuṭṭhānaṃ na hoti.

    ‘‘д̣̇вз ко, аавусо, бажжаяаа анимид̇д̇ааяа жзд̇овимуд̇д̇ияаа вудтаанасса, саб̣б̣анимид̇д̇аанан̃жа манасигааро, анимид̇д̇ааяа жа д̇хаад̇уяаа аманасигааро’’д̇и (ма. ни. 1.458) –

    ‘‘Dve kho, āvuso, paccayā animittāya cetovimuttiyā vuṭṭhānassa, sabbanimittānañca manasikāro, animittāya ca dhātuyā amanasikāro’’ti (ma. ni. 1.458) –

    важанад̇о банассаа д̣̇вийхаагаарзхи вудтаанам̣ ход̇и. д̇ад̇т̇а саб̣б̣анимид̇д̇аананд̇и руубанимид̇д̇авзд̣̇анаасан̃н̃аасан̇кааравин̃н̃аан̣анимид̇д̇аанам̣. гааман̃жа на саб̣б̣аанзвзд̇аани згад̇о манаси гарод̇и, саб̣б̣асан̇г̇аахигавасзна банзвам̣ вуд̇д̇ам̣. д̇асмаа яам̣ бхаван̇г̇асса аарамман̣ам̣, д̇асса манасигаран̣зна паласамаабад̇д̇ид̇о вудтаанам̣ ход̇ийд̇и звам̣ ассаа вудтаанам̣ взд̣̇ид̇аб̣б̣ам̣. д̇аяид̣̇ам̣ звамид̇ха самаабаж̇ж̇анавудтаанам̣ арахад̇д̇апалабхууд̇ам̣ –

    Vacanato panassā dvīhākārehi vuṭṭhānaṃ hoti. Tattha sabbanimittānanti rūpanimittavedanāsaññāsaṅkhāraviññāṇanimittānaṃ. Kāmañca na sabbānevetāni ekato manasi karoti, sabbasaṅgāhikavasena panevaṃ vuttaṃ. Tasmā yaṃ bhavaṅgassa ārammaṇaṃ, tassa manasikaraṇena phalasamāpattito vuṭṭhānaṃ hotīti evaṃ assā vuṭṭhānaṃ veditabbaṃ. Tayidaṃ evamidha samāpajjanavuṭṭhānaṃ arahattaphalabhūtaṃ –

    ‘‘бадиббассад̣̇д̇хад̣̇арат̇ам̣, амад̇аарамман̣ам̣ субхам̣;

    ‘‘Paṭippassaddhadarathaṃ, amatārammaṇaṃ subhaṃ;

    ванд̇алогаамисам̣ санд̇ам̣, сааман̃н̃апаламуд̇д̇амам̣’’.

    Vantalokāmisaṃ santaṃ, sāmaññaphalamuttamaṃ’’.

    ид̇и вуд̇д̇ам̣ саад̇аад̇исаад̇ам̣ вимуд̇д̇исукам̣ бадисам̣взд̣̇зси. д̇зна вуд̇д̇ам̣ – ‘‘вимуд̇д̇исукабадисам̣взд̣̇ийд̇и вимуд̇д̇исукам̣ паласамаабад̇д̇исукам̣ бадисам̣взд̣̇ияамаано нисинно ход̇ийд̇и ад̇т̇о’’д̇и.

    Iti vuttaṃ sātātisātaṃ vimuttisukhaṃ paṭisaṃvedesi. Tena vuttaṃ – ‘‘vimuttisukhapaṭisaṃvedīti vimuttisukhaṃ phalasamāpattisukhaṃ paṭisaṃvediyamāno nisinno hotīti attho’’ti.

    ат̇аад̇и ад̇хигаарад̇т̇з нибаад̇о. код̇и бад̣̇абууран̣з. д̇зсу ад̇хигаарад̇т̇зна ат̇аад̇и иминаа вимуд̇д̇исукабадисам̣взд̣̇анад̇о ан̃н̃ам̣ ад̇хигаарам̣ д̣̇ассзд̇и. го банзсод̇и? бадижжасамуббаад̣̇аманасигааро. ат̇аад̇и ваа бажчаад̇и зд̇асмим̣ ад̇т̇з нибаад̇о, д̇зна ‘‘д̇асса сад̇д̇аахасса ажжаязнаа’’д̇и вагкамаанамзва ад̇т̇ам̣ ж̇од̇зд̇и. д̇асса сад̇д̇аахассаад̇и баллан̇гасад̇д̇аахасса. ажжаязнаад̇и абаг̇амзна. д̇амхаа самаад̇химхаад̇и арахад̇д̇апаласамаад̇хид̇о. ид̇ха бана тад̇ваа бадибаадияаа сад̇д̇а сад̇д̇аахаани д̣̇ассзд̇аб̣б̣аанийд̇и гзжи д̇аани вид̇т̇аараяим̣су. маяам̣ бана д̇аани канд̇хагабаатзна имиссаа уд̣̇аанабаал̣ияаа авирод̇хад̣̇ассанамукзна барад̇о ван̣н̣аяиссаама. рад̇д̇ияаад̇и аваяавасамб̣анд̇хз саамиважанам̣. батаманд̇и ажжанд̇асам̣яог̇ад̇т̇з убаяог̇аважанам̣. бхаг̇аваа хи д̇ассаа рад̇д̇ияаа сагаламби батамам̣ яаамам̣ д̇знзва манасигаарзна яуд̇д̇о ахосийд̇и.

    Athāti adhikāratthe nipāto. Khoti padapūraṇe. Tesu adhikāratthena athāti iminā vimuttisukhapaṭisaṃvedanato aññaṃ adhikāraṃ dasseti. Ko panesoti? Paṭiccasamuppādamanasikāro. Athāti vā pacchāti etasmiṃ atthe nipāto, tena ‘‘tassa sattāhassa accayenā’’ti vakkhamānameva atthaṃ joteti. Tassa sattāhassāti pallaṅkasattāhassa. Accayenāti apagamena. Tamhā samādhimhāti arahattaphalasamādhito. Idha pana ṭhatvā paṭipāṭiyā satta sattāhāni dassetabbānīti keci tāni vitthārayiṃsu. Mayaṃ pana tāni khandhakapāṭhena imissā udānapāḷiyā avirodhadassanamukhena parato vaṇṇayissāma. Rattiyāti avayavasambandhe sāmivacanaṃ. Paṭhamanti accantasaṃyogatthe upayogavacanaṃ. Bhagavā hi tassā rattiyā sakalampi paṭhamaṃ yāmaṃ teneva manasikārena yutto ahosīti.

    бадижжасамуббаад̣̇анд̇и бажжаяад̇хаммам̣. авиж̇ж̇аад̣̇аяо хи бажжаяад̇хаммаа бадижжасамуббаад̣̇о. гат̇амид̣̇ам̣ ж̇аанид̇аб̣б̣анд̇и жз? бхаг̇авад̇о важанзна. бхаг̇авад̇аа хи ‘‘д̇асмаад̇ихаананд̣̇а, зсзва хзд̇у, зд̇ам̣ нид̣̇аанам̣, зса самуд̣̇аяо, зса бажжаяо ж̇араамаран̣асса, яад̣̇ид̣̇ам̣ ж̇аад̇и…бз… сан̇каараанам̣, яад̣̇ид̣̇ам̣ авиж̇ж̇аа’’д̇и (д̣̇ий. ни. 2.105 аад̣̇аяо) звам̣ авиж̇ж̇аад̣̇аяо хзд̇ууд̇и вуд̇д̇аа. яат̇аа д̣̇ваад̣̇аса бажжаяаа д̣̇ваад̣̇аса бадижжасамуббаад̣̇аад̇и.

    Paṭiccasamuppādanti paccayadhammaṃ. Avijjādayo hi paccayadhammā paṭiccasamuppādo. Kathamidaṃ jānitabbanti ce? Bhagavato vacanena. Bhagavatā hi ‘‘tasmātihānanda, eseva hetu, etaṃ nidānaṃ, esa samudayo, esa paccayo jarāmaraṇassa, yadidaṃ jāti…pe… saṅkhārānaṃ, yadidaṃ avijjā’’ti (dī. ni. 2.105 ādayo) evaṃ avijjādayo hetūti vuttā. Yathā dvādasa paccayā dvādasa paṭiccasamuppādāti.

    д̇ад̇рааяам̣ важанад̇т̇о – ан̃н̃аман̃н̃ам̣ бадижжа бадимукам̣ гад̇ваа гааран̣асамавааяам̣ аббадигкибид̇ваа сахид̇з уббаад̣̇зд̇ийд̇и бадижжасамуббаад̣̇о. ат̇а ваа бадижжа бажжзд̇аб̣б̣ам̣ бажжаяаарахад̇ам̣ бажжаяам̣ бадиг̇анд̇ваа на винаа д̇зна самб̣анд̇хасса уббаад̣̇о бадижжасамуббаад̣̇о . бадижжасамуббаад̣̇од̇и жзд̇т̇а самуббаад̣̇абад̣̇адтаанаважанавин̃н̃зяяо паласса уббаад̣̇анасамад̇т̇ад̇ааяуд̇д̇о хзд̇у, на бадижжасамуббад̇д̇имад̇д̇ам̣ взд̣̇ид̇аб̣б̣ам̣. ат̇а ваа бажжзд̇ум̣ араханд̇и нам̣ бан̣д̣ид̇аад̇и бадижжо, саммаа саяамзва ваа уббаад̣̇зд̇ийд̇и самуббаад̣̇о, бадижжо жа со самуббаад̣̇о жаад̇и бадижжасамуббаад̣̇од̇и звамзд̇т̇а ад̇т̇о д̣̇адтаб̣б̣о.

    Tatrāyaṃ vacanattho – aññamaññaṃ paṭicca paṭimukhaṃ katvā kāraṇasamavāyaṃ appaṭikkhipitvā sahite uppādetīti paṭiccasamuppādo. Atha vā paṭicca paccetabbaṃ paccayārahataṃ paccayaṃ paṭigantvā na vinā tena sambandhassa uppādo paṭiccasamuppādo . Paṭiccasamuppādoti cettha samuppādapadaṭṭhānavacanaviññeyyo phalassa uppādanasamatthatāyutto hetu, na paṭiccasamuppattimattaṃ veditabbaṃ. Atha vā paccetuṃ arahanti naṃ paṇḍitāti paṭicco, sammā sayameva vā uppādetīti samuppādo, paṭicco ca so samuppādo cāti paṭiccasamuppādoti evamettha attho daṭṭhabbo.

    ануломанд̇и ‘‘авиж̇ж̇аабажжаяаа сан̇каараа’’д̇иаад̣̇инаа наязна вуд̇д̇о авиж̇ж̇аад̣̇иго бажжаяаагааро ад̇д̇анаа гад̇д̇аб̣б̣агижжагаран̣ад̇о ануломод̇и вужжад̇и. ат̇а ваа аад̣̇ид̇о бадтааяа анд̇ам̣ баабзд̇ваа вуд̇д̇ад̇д̇аа бавад̇д̇ияаа ваа ануломад̇о ануломо, д̇ам̣ ануломам̣. саад̇хугам̣ манасаагаасийд̇и саггажжам̣ манаси агааси. яо яо бажжаяад̇хаммо яасса яасса бажжаяуббаннад̇хаммасса яат̇аа яат̇аа хзд̇убажжаяаад̣̇инаа бажжаяабхаавзна бажжаяо ход̇и, д̇ам̣ саб̣б̣ам̣ авибарийд̇ам̣ абарихаабзд̇ваа анавасзсад̇о бажжавзгкан̣авасзна жид̇д̇з агаасийд̇и ад̇т̇о. яат̇аа бана бхаг̇аваа бадижжасамуббаад̣̇аануломам̣ манасаагааси, д̇ам̣ сан̇кзбзна д̇аава д̣̇ассзд̇ум̣ ‘‘ид̇и имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇ий’’д̇и вуд̇д̇ам̣.

    Anulomanti ‘‘avijjāpaccayā saṅkhārā’’tiādinā nayena vutto avijjādiko paccayākāro attanā kattabbakiccakaraṇato anulomoti vuccati. Atha vā ādito paṭṭhāya antaṃ pāpetvā vuttattā pavattiyā vā anulomato anulomo, taṃ anulomaṃ. Sādhukaṃ manasākāsīti sakkaccaṃ manasi akāsi. Yo yo paccayadhammo yassa yassa paccayuppannadhammassa yathā yathā hetupaccayādinā paccayabhāvena paccayo hoti, taṃ sabbaṃ aviparītaṃ aparihāpetvā anavasesato paccavekkhaṇavasena citte akāsīti attho. Yathā pana bhagavā paṭiccasamuppādānulomaṃ manasākāsi, taṃ saṅkhepena tāva dassetuṃ ‘‘iti imasmiṃ sati idaṃ hoti, imassuppādā idaṃ uppajjatī’’ti vuttaṃ.

    д̇ад̇т̇а ид̇ийд̇и звам̣, анзна багаарзнаад̇и ад̇т̇о. имасмим̣ сад̇и ид̣̇ам̣ ход̇ийд̇и имасмим̣ авиж̇ж̇аад̣̇игз бажжаяз сад̇и ид̣̇ам̣ сан̇каараад̣̇игам̣ палам̣ ход̇и. имассуббаад̣̇аа ид̣̇ам̣ уббаж̇ж̇ад̇ийд̇и имасса авиж̇ж̇аад̣̇игасса бажжаяасса уббаад̣̇аа ид̣̇ам̣ сан̇каараад̣̇игам̣ палам̣ уббаж̇ж̇ад̇ийд̇и ад̇т̇о. имасмим̣ асад̇и ид̣̇ам̣ на ход̇и, имасса нирод̇хаа ид̣̇ам̣ нируж̇жхад̇ийд̇и авиж̇ж̇аад̣̇ийнам̣ абхаавз сан̇каараад̣̇ийнам̣ абхаавасса авиж̇ж̇аад̣̇ийнам̣ нирод̇хз сан̇каараад̣̇ийнам̣ нирод̇хасса жа д̣̇уд̇ияад̇ад̇ияасуд̇д̇аважанзна зд̇асмим̣ бажжаяалагкан̣з нияамо д̣̇ассид̇о ход̇и – имасмим̣ сад̇и зва, наасад̇и. имассуббаад̣̇аа зва, наануббаад̣̇аа. анирод̇хаа зва, на нирод̇хаад̇и. д̇знзд̇ам̣ лагкан̣ам̣ анд̇ог̇ад̇ханияамам̣ ид̇ха бадижжасамуббаад̣̇асса вуд̇д̇анд̇и д̣̇адтаб̣б̣ам̣. нирод̇ход̇и жа авиж̇ж̇аад̣̇ийнам̣ вирааг̇аад̇хиг̇амзна ааяад̇им̣ ануббаад̣̇о аббавад̇д̇и. д̇ат̇аа хи вуд̇д̇ам̣ – ‘‘авиж̇ж̇ааяа д̇взва асзсавирааг̇анирод̇хаа сан̇кааранирод̇хо’’д̇иаад̣̇и. нирод̇ханирод̇хий жа уббаад̣̇анирод̇хийбхаавзна вуд̇д̇о ‘‘имасса нирод̇хаа ид̣̇ам̣ нируж̇жхад̇ий’’д̇и.

    Tattha itīti evaṃ, anena pakārenāti attho. Imasmiṃ sati idaṃ hotīti imasmiṃ avijjādike paccaye sati idaṃ saṅkhārādikaṃ phalaṃ hoti. Imassuppādā idaṃ uppajjatīti imassa avijjādikassa paccayassa uppādā idaṃ saṅkhārādikaṃ phalaṃ uppajjatīti attho. Imasmiṃ asati idaṃ na hoti, imassa nirodhā idaṃ nirujjhatīti avijjādīnaṃ abhāve saṅkhārādīnaṃ abhāvassa avijjādīnaṃ nirodhe saṅkhārādīnaṃ nirodhassa ca dutiyatatiyasuttavacanena etasmiṃ paccayalakkhaṇe niyamo dassito hoti – imasmiṃ sati eva, nāsati. Imassuppādā eva, nānuppādā. Anirodhā eva, na nirodhāti. Tenetaṃ lakkhaṇaṃ antogadhaniyamaṃ idha paṭiccasamuppādassa vuttanti daṭṭhabbaṃ. Nirodhoti ca avijjādīnaṃ virāgādhigamena āyatiṃ anuppādo appavatti. Tathā hi vuttaṃ – ‘‘avijjāya tveva asesavirāganirodhā saṅkhāranirodho’’tiādi. Nirodhanirodhī ca uppādanirodhībhāvena vutto ‘‘imassa nirodhā idaṃ nirujjhatī’’ti.

    д̇знзд̇ам̣ д̣̇ассзд̇и – анирод̇хо уббаад̣̇о наама, со жзд̇т̇а ад̇т̇ибхаавод̇иби вужжад̇ийд̇и. ‘‘имасмим̣ сад̇и ид̣̇ам̣ ход̇ий’’д̇и ид̣̇амзва хи лагкан̣ам̣ барияааяанд̇арзна ‘‘имасса уббаад̣̇аа ид̣̇ам̣ уббаж̇ж̇ад̇ий’’д̇и вад̣̇анд̇зна барзна буримам̣ висзсид̇ам̣ ход̇и. д̇асмаа на д̇харамаанад̇ам̣язва санд̇хааяа ‘‘имасмим̣ сад̇ий’’д̇и вуд̇д̇ам̣, ат̇а ко маг̇г̇зна анируд̣̇д̇хабхааван̃жаад̇и вин̃н̃ааяад̇и. яасмаа жа ‘‘имасмим̣ асад̇и ид̣̇ам̣ на ход̇и, имасса нирод̇хаа ид̣̇ам̣ нируж̇жхад̇ий’’д̇и д̣̇вид̇хааби уд̣̇д̣̇идтасса лагкан̣асса нид̣̇д̣̇зсам̣ вад̣̇анд̇зна ‘‘авиж̇ж̇ааяа д̇взва асзсавирааг̇анирод̇хаа сан̇кааранирод̇хо’’д̇иаад̣̇инаа нирод̇хо зва вуд̇д̇о, д̇асмаа над̇т̇ибхаавоби нирод̇хо зваад̇и над̇т̇ибхаававируд̣̇д̇хо ад̇т̇ибхааво анирод̇ход̇и д̣̇ассид̇ам̣ ход̇и. д̇зна анирод̇хасан̇каад̇зна ад̇т̇ибхаавзна уббаад̣̇ам̣ висзсзд̇и. д̇ад̇о на ид̇ха ад̇т̇ибхаавамад̇д̇ам̣ уббаад̣̇од̇и ад̇т̇о ад̇хиббзд̇о, ат̇а ко анирод̇хасан̇каад̇о ад̇т̇ибхааво жаад̇и аяамад̇т̇о вибхаавид̇од̇и. звамзд̇ам̣ лагкан̣ад̣̇ваяаважанам̣ ан̃н̃аман̃н̃ависзсанависзсид̇аб̣б̣абхаавзна саад̇т̇аганд̇и взд̣̇ид̇аб̣б̣ам̣.

    Tenetaṃ dasseti – anirodho uppādo nāma, so cettha atthibhāvotipi vuccatīti. ‘‘Imasmiṃ sati idaṃ hotī’’ti idameva hi lakkhaṇaṃ pariyāyantarena ‘‘imassa uppādā idaṃ uppajjatī’’ti vadantena parena purimaṃ visesitaṃ hoti. Tasmā na dharamānataṃyeva sandhāya ‘‘imasmiṃ satī’’ti vuttaṃ, atha kho maggena aniruddhabhāvañcāti viññāyati. Yasmā ca ‘‘imasmiṃ asati idaṃ na hoti, imassa nirodhā idaṃ nirujjhatī’’ti dvidhāpi uddiṭṭhassa lakkhaṇassa niddesaṃ vadantena ‘‘avijjāya tveva asesavirāganirodhā saṅkhāranirodho’’tiādinā nirodho eva vutto, tasmā natthibhāvopi nirodho evāti natthibhāvaviruddho atthibhāvo anirodhoti dassitaṃ hoti. Tena anirodhasaṅkhātena atthibhāvena uppādaṃ viseseti. Tato na idha atthibhāvamattaṃ uppādoti attho adhippeto, atha kho anirodhasaṅkhāto atthibhāvo cāti ayamattho vibhāvitoti. Evametaṃ lakkhaṇadvayavacanaṃ aññamaññavisesanavisesitabbabhāvena sātthakanti veditabbaṃ.

    го банааяам̣ анирод̇хо наама, яо ‘‘ад̇т̇ибхааво, уббаад̣̇о’’д̇и жа вужжад̇ийд̇и? аббахийнабхааво жа, аниб̣б̣ад̇д̇ид̇апалаарахад̇аабахаанзхи палаануббаад̣̇анаарахад̇аа жа. яз хи бахаад̇аб̣б̣аа агусалаа д̇хаммаа, д̇зсам̣ арияамаг̇г̇зна асамуг̇гхаадид̇абхааво жа. яз бана на бахаад̇аб̣б̣аа гусалааб̣яаагад̇аа д̇хаммаа, яаани д̇зсу сам̣яож̇анаани акийн̣аасаваанам̣ д̇зсам̣ абаригкийн̣ад̇аа жа. асамуг̇гхаадид̇аанусаяад̇ааяа хи сасам̣яож̇анаа канд̇хаббавад̇д̇и бадижжасамуббаад̣̇о. д̇ат̇аа жа вуд̇д̇ам̣ –

    Ko panāyaṃ anirodho nāma, yo ‘‘atthibhāvo, uppādo’’ti ca vuccatīti? Appahīnabhāvo ca, anibbattitaphalārahatāpahānehi phalānuppādanārahatā ca. Ye hi pahātabbā akusalā dhammā, tesaṃ ariyamaggena asamugghāṭitabhāvo ca. Ye pana na pahātabbā kusalābyākatā dhammā, yāni tesu saṃyojanāni akhīṇāsavānaṃ tesaṃ aparikkhīṇatā ca. Asamugghāṭitānusayatāya hi sasaṃyojanā khandhappavatti paṭiccasamuppādo. Tathā ca vuttaṃ –

    ‘‘яааяа жа, бхигкавз, авиж̇ж̇ааяа нивуд̇асса б̣ааласса яааяа жа д̇ан̣хааяа самбаяуд̇д̇асса аяам̣ гааяо самуд̣̇ааг̇ад̇о, саа жзва авиж̇ж̇аа б̣ааласса аббахийнаа, саа жа д̇ан̣хаа абаригкийн̣аа. д̇ам̣ гисса хзд̇у? на, бхигкавз, б̣аало ажари б̣рахмажарияам̣ саммаа д̣̇угкагкаяааяа, д̇асмаа б̣аало гааяасса бхзд̣̇аа гааяуубаг̇о ход̇и, со гааяуубаг̇о самаано на баримужжад̇и ж̇аад̇ияаа ж̇араамаран̣знаа’’д̇иаад̣̇и (сам̣. ни. 2.19).

    ‘‘Yāya ca, bhikkhave, avijjāya nivutassa bālassa yāya ca taṇhāya sampayuttassa ayaṃ kāyo samudāgato, sā ceva avijjā bālassa appahīnā, sā ca taṇhā aparikkhīṇā. Taṃ kissa hetu? Na, bhikkhave, bālo acari brahmacariyaṃ sammā dukkhakkhayāya, tasmā bālo kāyassa bhedā kāyūpago hoti, so kāyūpago samāno na parimuccati jātiyā jarāmaraṇenā’’tiādi (saṃ. ni. 2.19).

    кийн̣асам̣яож̇анаанам̣ бана авиж̇ж̇ааяа абхаавад̇о сан̇каараанам̣, д̇ан̣хубаад̣̇аанаанам̣ абхаавад̇о убаад̣̇аанабхаваанам̣ асамбхавод̇и ваддасса убажчзд̣̇о бан̃н̃ааяиссад̇ийд̇и. д̇знзвааха –

    Khīṇasaṃyojanānaṃ pana avijjāya abhāvato saṅkhārānaṃ, taṇhupādānānaṃ abhāvato upādānabhavānaṃ asambhavoti vaṭṭassa upacchedo paññāyissatīti. Tenevāha –

    ‘‘чаннам̣ д̇взва, паг̇г̇ун̣а, пассааяад̇анаанам̣ асзсавирааг̇анирод̇хаа пассанирод̇хо, пассанирод̇хаа взд̣̇анаанирод̇хо’’д̇иаад̣̇и (сам̣. ни. 2.12).

    ‘‘Channaṃ tveva, phagguṇa, phassāyatanānaṃ asesavirāganirodhā phassanirodho, phassanirodhā vedanānirodho’’tiādi (saṃ. ni. 2.12).

    на хи аг̇г̇амаг̇г̇аад̇хиг̇амад̇о уд̣̇д̇хам̣ яаава бариниб̣б̣аанаа сал̣ааяад̇анаад̣̇ийнам̣ аббавад̇д̇и. ат̇а ко над̇т̇ид̇аа нирод̇хасад̣̇д̣̇аважанийяад̇аа кийн̣асам̣яож̇анад̇аад̇и нирод̇хо вуд̇д̇о. абижа жирагад̇амби гаммам̣ аниб̣б̣ад̇д̇ид̇апалад̇ааяа аббахийнаахаарад̇ааяа жа палаарахам̣ санд̇ам̣ зва наама ход̇и, на ниб̣б̣ад̇д̇ид̇апалам̣ , нааби бахийнаахааранд̇и. палуббад̇д̇ибажжаяаанам̣ авиж̇ж̇аасан̇каараад̣̇ийнам̣ вуд̇д̇анаязнзва палаарахабхааво анирод̇ход̇и взд̣̇ид̇аб̣б̣о. звам̣ анируд̣̇д̇хабхаавзнзва хи язна винаа палам̣ на самбхавад̇и, д̇ам̣ гааран̣ам̣ ад̇ийд̇анд̇иби имасмим̣ сад̇ийд̇и иминаа важанзна вуд̇д̇ам̣. д̇ад̇оязва жа авусид̇аб̣рахмажарияасса аббавад̇д̇ид̇хаммад̇ам̣ анаабанно бажжаяуббаад̣̇о гаалабхзд̣̇ам̣ анаамасид̇ваа анивад̇д̇анааяа зва имасса уббаад̣̇аад̇и вуд̇д̇о. ат̇а ваа авасзсабажжаяасамавааяз авиж̇ж̇амаанассаби виж̇ж̇амаанасса вияа баг̇зва виж̇ж̇амаанасса яаа палуббад̇д̇иабхимукад̇аа, саа имасса уббаад̣̇аад̇и вуд̇д̇аа. д̇ат̇аа хи д̇ад̇о палам̣ уббаж̇ж̇ад̇ийд̇и д̇ад̣̇авад̇т̇ам̣ гааран̣ам̣ паласса уббаад̣̇анабхаавзна удтид̇ам̣ уббад̇ид̇ам̣ наама ход̇и, на виж̇ж̇амаанамби ад̇ад̣̇авад̇т̇анд̇и д̇ад̣̇авад̇т̇ад̇аа уббаад̣̇од̇и взд̣̇ид̇аб̣б̣о.

    Na hi aggamaggādhigamato uddhaṃ yāva parinibbānā saḷāyatanādīnaṃ appavatti. Atha kho natthitā nirodhasaddavacanīyatā khīṇasaṃyojanatāti nirodho vutto. Apica cirakatampi kammaṃ anibbattitaphalatāya appahīnāhāratāya ca phalārahaṃ santaṃ eva nāma hoti, na nibbattitaphalaṃ , nāpi pahīnāhāranti. Phaluppattipaccayānaṃ avijjāsaṅkhārādīnaṃ vuttanayeneva phalārahabhāvo anirodhoti veditabbo. Evaṃ aniruddhabhāveneva hi yena vinā phalaṃ na sambhavati, taṃ kāraṇaṃ atītantipi imasmiṃ satīti iminā vacanena vuttaṃ. Tatoyeva ca avusitabrahmacariyassa appavattidhammataṃ anāpanno paccayuppādo kālabhedaṃ anāmasitvā anivattanāya eva imassa uppādāti vutto. Atha vā avasesapaccayasamavāye avijjamānassapi vijjamānassa viya pageva vijjamānassa yā phaluppattiabhimukhatā, sā imassa uppādāti vuttā. Tathā hi tato phalaṃ uppajjatīti tadavatthaṃ kāraṇaṃ phalassa uppādanabhāvena uṭṭhitaṃ uppatitaṃ nāma hoti, na vijjamānampi atadavatthanti tadavatthatā uppādoti veditabbo.

    д̇ад̇т̇а сад̇ийд̇и иминаа виж̇ж̇амаанад̇аамад̇д̇зна бажжаяабхаавам̣ вад̣̇анд̇о аб̣яаабаарад̇ам̣ бадижжасамуббаад̣̇асса д̣̇ассзд̇и. уббаад̣̇аад̇и уббад̇д̇ид̇хаммад̇ам̣ асаб̣б̣агаалабхаавид̇ам̣ палуббад̇д̇иабхимукад̇ан̃жа д̣̇ийбзнд̇о анижжад̇ам̣ бадижжасамуббаад̣̇асса д̣̇ассзд̇и. ‘‘сад̇и, наасад̇и, уббаад̣̇аа, на нирод̇хаа’’д̇и бана хзд̇уад̇т̇зхи бхумманиссаггаважанзхи самад̇т̇ид̇ам̣ нид̣̇аанасамуд̣̇аяаж̇аад̇ибабхавабхаавам̣ бадижжасамуббаад̣̇асса д̣̇ассзд̇и. хзд̇уад̇т̇ад̇аа жзд̇т̇а бхуммаважанз яасса бхаавз д̇ад̣̇авинаабхаавипаласса бхааво лагкийяад̇и, д̇ад̇т̇а бавад̇д̇ияаа взд̣̇ид̇аб̣б̣аа яат̇аа ‘‘ад̇ханаанам̣ д̇ханз анануббад̣̇ийяамаанз д̣̇аалид̣̇д̣̇ияам̣ взбуллам̣ аг̇амаасий’’д̇и (д̣̇ий. ни. 3.91) жа ‘‘нибпаннзсу сассзсу субхигкам̣ ж̇ааяад̇ий’’д̇и жа. ниссаггаважанассааби хзд̇уад̇т̇ад̇аа паласса бабхавз багад̇ияан̃жа бавад̇д̇ид̇о яат̇аа ‘‘галалаа ход̇и аб̣б̣уд̣̇ам̣, аб̣б̣уд̣̇аа ж̇ааяад̇ий бзсий’’д̇и (сам̣. ни. 1.235) жа ‘‘химавад̇аа г̇ан̇г̇аа бабхаванд̇и, син̇г̇ад̇о саро ж̇ааяад̇ий’’д̇и жа. авиж̇ж̇аад̣̇ибхаавз жа д̇ад̣̇авинаабхаавзна сан̇каараад̣̇ибхааво лагкийяад̇и, авиж̇ж̇аад̣̇ийхи жа сан̇каараад̣̇аяо бабхаванд̇и багарияанд̇и жаад̇и д̇з д̇зсам̣ бабхаво багад̇и жа, д̇асмаа д̇ад̣̇ад̇т̇ад̣̇ийбанад̇т̇ам̣ ‘‘имасмим̣ сад̇и имасса уббаад̣̇аа’’д̇и хзд̇уад̇т̇з бхумманиссагганид̣̇д̣̇зсаа гад̇аад̇и.

    Tattha satīti iminā vijjamānatāmattena paccayabhāvaṃ vadanto abyāpārataṃ paṭiccasamuppādassa dasseti. Uppādāti uppattidhammataṃ asabbakālabhāvitaṃ phaluppattiabhimukhatañca dīpento aniccataṃ paṭiccasamuppādassa dasseti. ‘‘Sati, nāsati, uppādā, na nirodhā’’ti pana hetuatthehi bhummanissakkavacanehi samatthitaṃ nidānasamudayajātipabhavabhāvaṃ paṭiccasamuppādassa dasseti. Hetuatthatā cettha bhummavacane yassa bhāve tadavinābhāviphalassa bhāvo lakkhīyati, tattha pavattiyā veditabbā yathā ‘‘adhanānaṃ dhane ananuppadīyamāne dāliddiyaṃ vepullaṃ agamāsī’’ti (dī. ni. 3.91) ca ‘‘nipphannesu sassesu subhikkhaṃ jāyatī’’ti ca. Nissakkavacanassāpi hetuatthatā phalassa pabhave pakatiyañca pavattito yathā ‘‘kalalā hoti abbudaṃ, abbudā jāyatī pesī’’ti (saṃ. ni. 1.235) ca ‘‘himavatā gaṅgā pabhavanti, siṅgato saro jāyatī’’ti ca. Avijjādibhāve ca tadavinābhāvena saṅkhārādibhāvo lakkhīyati, avijjādīhi ca saṅkhārādayo pabhavanti pakariyanti cāti te tesaṃ pabhavo pakati ca, tasmā tadatthadīpanatthaṃ ‘‘imasmiṃ sati imassa uppādā’’ti hetuatthe bhummanissakkaniddesā katāti.

    яасмаа жзд̇т̇а ‘‘имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇ий’’д̇и сан̇кзбзна уд̣̇д̣̇идтасса бадижжасамуббаад̣̇асса ‘‘авиж̇ж̇аабажжаяаа сан̇каараа’’д̇иаад̣̇иго нид̣̇д̣̇зсо, д̇асмаа яат̇аавуд̇д̇о ад̇т̇ибхааво уббаад̣̇о жа д̇зсам̣ д̇зсам̣ бажжаяуббаннад̇хаммаанам̣ бажжаяабхаавод̇и вин̃н̃ааяад̇и. на хи анируд̣̇д̇хад̇аасан̇каад̇ам̣ ад̇т̇ибхаавам̣ уббаад̣̇ан̃жа анивад̇д̇асабхаавад̇аасан̇каад̇ам̣ уд̣̇аяаавад̇т̇ад̇аасан̇каад̇ам̣ ваа ‘‘сад̇и зва, наасад̇и, уббаад̣̇аа зва, на нирод̇хаа’’д̇и анд̇ог̇ад̇ханияамзхи важанзхи абхихид̇ам̣ мун̃жид̇ваа ан̃н̃о бажжаяабхааво наама ад̇т̇и, д̇асмаа яат̇аавуд̇д̇о ад̇т̇ибхааво уббаад̣̇о жа бажжаяабхаавод̇и взд̣̇ид̇аб̣б̣ам̣. язби бадтаанз ааг̇ад̇аа хзд̇уаад̣̇аяо жад̇увийсад̇и бажжаяаа, д̇зби зд̇ассзва бажжаяабхаавасса висзсаад̇и взд̣̇ид̇аб̣б̣аа. ид̇и яат̇аа вид̇т̇аарзна ануломам̣ бадижжасамуббаад̣̇ам̣ манаси агааси, д̇ам̣ д̣̇ассзд̇ум̣, ‘‘яад̣̇ид̣̇ам̣ авиж̇ж̇аабажжаяаа сан̇каараа’’д̇иаад̣̇и вуд̇д̇ам̣.

    Yasmā cettha ‘‘imasmiṃ sati idaṃ hoti, imassuppādā idaṃ uppajjatī’’ti saṅkhepena uddiṭṭhassa paṭiccasamuppādassa ‘‘avijjāpaccayā saṅkhārā’’tiādiko niddeso, tasmā yathāvutto atthibhāvo uppādo ca tesaṃ tesaṃ paccayuppannadhammānaṃ paccayabhāvoti viññāyati. Na hi aniruddhatāsaṅkhātaṃ atthibhāvaṃ uppādañca anivattasabhāvatāsaṅkhātaṃ udayāvatthatāsaṅkhātaṃ vā ‘‘sati eva, nāsati, uppādā eva, na nirodhā’’ti antogadhaniyamehi vacanehi abhihitaṃ muñcitvā añño paccayabhāvo nāma atthi, tasmā yathāvutto atthibhāvo uppādo ca paccayabhāvoti veditabbaṃ. Yepi paṭṭhāne āgatā hetuādayo catuvīsati paccayā, tepi etasseva paccayabhāvassa visesāti veditabbā. Iti yathā vitthārena anulomaṃ paṭiccasamuppādaṃ manasi akāsi, taṃ dassetuṃ, ‘‘yadidaṃ avijjāpaccayā saṅkhārā’’tiādi vuttaṃ.

    д̇ад̇т̇а яад̣̇ид̣̇анд̇и нибаад̇о, д̇асса яо аяанд̇и ад̇т̇о. авиж̇ж̇аабажжаяаад̇иаад̣̇ийсу авинд̣̇ияам̣ гааяад̣̇ужжарид̇аад̣̇им̣ винд̣̇ад̇ийд̇и авиж̇ж̇аа, винд̣̇ияам̣ гааяасужарид̇аад̣̇им̣ на винд̣̇ад̇ийд̇и авиж̇ж̇аа, д̇хаммаанам̣ авибарийд̇асабхаавам̣ авид̣̇ид̇ам̣ гарод̇ийд̇и авиж̇ж̇аа, анд̇авирахид̇з сам̣саарз бхаваад̣̇ийсу сад̇д̇з ж̇аваабзд̇ийд̇и авиж̇ж̇аа, авиж̇ж̇амаанзсу ж̇авад̇и виж̇ж̇амаанзсу на ж̇авад̇ийд̇и авиж̇ж̇аа, виж̇ж̇ааяа бадибагкаад̇и авиж̇ж̇аа, саа ‘‘д̣̇угкз ан̃н̃аан̣а’’нд̇иаад̣̇инаа жад̇уб̣б̣ид̇хаа взд̣̇ид̇аб̣б̣аа. бадижжа на винаа палам̣ зд̇и уббаж̇ж̇ад̇и жзва бавад̇д̇ад̇и жаад̇и бажжаяо, убагаарагад̇т̇о ваа бажжаяо. авиж̇ж̇аа жа саа бажжаяо жаад̇и авиж̇ж̇аабажжаяо, д̇асмаа авиж̇ж̇аабажжаяаа. сан̇каронд̇ийд̇и сан̇каараа, логияагусалаагусалажзд̇анаа, саа бун̃н̃аабун̃н̃аанзн̃ж̇аабхисан̇кааравасзна д̇ивид̇хаа взд̣̇ид̇аб̣б̣аа. виж̇аанаад̇ийд̇и вин̃н̃аан̣ам̣, д̇ам̣ логияавибаагавин̃н̃аан̣авасзна д̣̇вад̇д̇им̣савид̇хам̣. намад̇ийд̇и наамам̣, взд̣̇анаад̣̇игканд̇хад̇д̇аяам̣. руббад̇ийд̇и руубам̣, бхууд̇аруубам̣ жагкаад̣̇иубаад̣̇ааруубан̃жа. ааяад̇ад̇и ааяад̇ан̃жа сам̣саарад̣̇угкам̣ наяад̇ийд̇и ааяад̇анам̣ . пусад̇ийд̇и пассо. взд̣̇аяад̇ийд̇и взд̣̇анаа. ид̣̇амби д̣̇ваяам̣ д̣̇вааравасзна чаб̣б̣ид̇хам̣, вибаагавасзна г̇ахан̣з чад̇д̇им̣савид̇хам̣. барид̇ассад̇ийд̇и д̇ан̣хаа, саа гаамад̇ан̣хаад̣̇ивасзна сан̇кзбад̇о д̇ивид̇хаа, вид̇т̇аарад̇о адтуд̇д̇арасад̇авид̇хаа жа. убаад̣̇ийяад̇ийд̇и убаад̣̇аанам̣, д̇ам̣ гаамубаад̣̇аанаад̣̇ивасзна жад̇уб̣б̣ид̇хам̣. бхавад̇и бхааваяад̇и жаад̇и бхаво, со гаммуубабад̇д̇ибхзд̣̇ад̇о д̣̇увид̇хо. ж̇ананам̣ ж̇аад̇и. ж̇ийран̣ам̣ ж̇араа. маранд̇и д̇знаад̇и маран̣ам̣. сожанам̣ сого. барид̣̇званам̣ барид̣̇зво. д̣̇угкаяад̇ийд̇и д̣̇угкам̣, уббаад̣̇адтид̇ивасзна д̣̇взд̇хаа кан̣ад̇ийд̇и д̣̇угкам̣. д̣̇уманасса бхааво д̣̇оманассам̣. бхусо ааяаасо убааяаасо . самбхаванд̇ийд̇и ниб̣б̣ад̇д̇анд̇и. на гзвалан̃жа согаад̣̇ийхиязва, ат̇а ко саб̣б̣абад̣̇зхи ‘‘самбхаванд̇ий’’д̇и бад̣̇асса яож̇анаа гаад̇аб̣б̣аа. зван̃хи ‘‘авиж̇ж̇аабажжаяаа сан̇каараа самбхаванд̇ий’’д̇и бажжаяабажжаяуббаннававад̇т̇аанам̣ д̣̇ассид̇ам̣ ход̇и. зса наяо саб̣б̣ад̇т̇а.

    Tattha yadidanti nipāto, tassa yo ayanti attho. Avijjāpaccayātiādīsu avindiyaṃ kāyaduccaritādiṃ vindatīti avijjā, vindiyaṃ kāyasucaritādiṃ na vindatīti avijjā, dhammānaṃ aviparītasabhāvaṃ aviditaṃ karotīti avijjā, antavirahite saṃsāre bhavādīsu satte javāpetīti avijjā, avijjamānesu javati vijjamānesu na javatīti avijjā, vijjāya paṭipakkhāti avijjā, sā ‘‘dukkhe aññāṇa’’ntiādinā catubbidhā veditabbā. Paṭicca na vinā phalaṃ eti uppajjati ceva pavattati cāti paccayo, upakārakattho vā paccayo. Avijjā ca sā paccayo cāti avijjāpaccayo, tasmā avijjāpaccayā. Saṅkharontīti saṅkhārā, lokiyakusalākusalacetanā, sā puññāpuññāneñjābhisaṅkhāravasena tividhā veditabbā. Vijānātīti viññāṇaṃ, taṃ lokiyavipākaviññāṇavasena dvattiṃsavidhaṃ. Namatīti nāmaṃ, vedanādikkhandhattayaṃ. Ruppatīti rūpaṃ, bhūtarūpaṃ cakkhādiupādārūpañca. Āyatati āyatañca saṃsāradukkhaṃ nayatīti āyatanaṃ. Phusatīti phasso. Vedayatīti vedanā. Idampi dvayaṃ dvāravasena chabbidhaṃ, vipākavasena gahaṇe chattiṃsavidhaṃ. Paritassatīti taṇhā, sā kāmataṇhādivasena saṅkhepato tividhā, vitthārato aṭṭhuttarasatavidhā ca. Upādīyatīti upādānaṃ, taṃ kāmupādānādivasena catubbidhaṃ. Bhavati bhāvayati cāti bhavo, so kammūpapattibhedato duvidho. Jananaṃ jāti. Jīraṇaṃ jarā. Maranti tenāti maraṇaṃ. Socanaṃ soko. Paridevanaṃ paridevo. Dukkhayatīti dukkhaṃ, uppādaṭṭhitivasena dvedhā khaṇatīti dukkhaṃ. Dumanassa bhāvo domanassaṃ. Bhuso āyāso upāyāso. Sambhavantīti nibbattanti. Na kevalañca sokādīhiyeva, atha kho sabbapadehi ‘‘sambhavantī’’ti padassa yojanā kātabbā. Evañhi ‘‘avijjāpaccayā saṅkhārā sambhavantī’’ti paccayapaccayuppannavavatthānaṃ dassitaṃ hoti. Esa nayo sabbattha.

    д̇ад̇т̇а ан̃н̃аан̣алагкан̣аа авиж̇ж̇аа, саммоханарасаа, чаад̣̇анабажжубадтаанаа, аасавабад̣̇адтаанаа. абхисан̇каран̣алагкан̣аа сан̇каараа, ааяууханарасаа, сам̣вид̣̇аханабажжубадтаанаа, авиж̇ж̇аабад̣̇адтаанаа. виж̇аананалагкан̣ам̣ вин̃н̃аан̣ам̣, буб̣б̣ан̇г̇амарасам̣, бадисанд̇хибажжубадтаанам̣, сан̇каарабад̣̇адтаанам̣, вад̇т̇аарамман̣абад̣̇адтаанам̣ ваа. наманалагкан̣ам̣ наамам̣, самбаяог̇арасам̣, авиниб̣бхог̇абажжубадтаанам̣, вин̃н̃аан̣абад̣̇адтаанам̣. руббаналагкан̣ам̣ руубам̣, вигиран̣арасам̣, аббахзяяабхаавабажжубадтаанам̣, вин̃н̃аан̣абад̣̇адтаанам̣. ааяад̇аналагкан̣ам̣ сал̣ааяад̇анам̣, д̣̇ассанаад̣̇ирасам̣, вад̇т̇уд̣̇ваарабхаавабажжубадтаанам̣, наамаруубабад̣̇адтаанам̣. пусаналагкан̣о пассо, сан̇гхадданарасо, сан̇г̇ад̇ибажжубадтаано, сал̣ааяад̇анабад̣̇адтаано. анубхаваналагкан̣аа взд̣̇анаа, висаяарасасамбхог̇арасаа, сукад̣̇угкабажжубадтаанаа, пассабад̣̇адтаанаа. хзд̇убхаавалагкан̣аа д̇ан̣хаа, абхинанд̣̇анарасаа, ад̇ид̇д̇ибхаавабажжубадтаанаа, взд̣̇анаабад̣̇адтаанаа. г̇ахан̣алагкан̣ам̣ убаад̣̇аанам̣, амун̃жанарасам̣, д̇ан̣хаад̣̇ал̣хад̇д̇ад̣̇идтибажжубадтаанам̣, д̇ан̣хаабад̣̇адтаанам̣. гаммагаммапалалагкан̣о бхаво, бхаванабхааванарасо, гусалаагусалааб̣яаагад̇абажжубадтаано, убаад̣̇аанабад̣̇адтаано. д̇ад̇т̇а д̇ад̇т̇а бхавз батамаабхиниб̣б̣ад̇д̇илагкан̣аа ж̇аад̇и, нияяаад̇анарасаа, ад̇ийд̇абхавад̇о ид̇хуббаннабажжубадтаанаа, д̣̇угкавижид̇д̇ад̇аабажжубадтаанаа ваа. канд̇хабарибаагалагкан̣аа ж̇араа, маран̣уубанаяанарасаа, яоб̣б̣анавинаасабажжубадтаанаа. жуд̇илагкан̣ам̣ маран̣ам̣ , висам̣яог̇арасам̣, г̇ад̇ивиббаваасабажжубадтаанам̣. анд̇ониж̇жхааналагкан̣о сого, жзд̇асо ниж̇жхаанарасо, анусожанабажжубадтаано. лаалаббаналагкан̣о барид̣̇зво, г̇ун̣ад̣̇осабаригид̇д̇анарасо, самбхамабажжубадтаано. гааяабийл̣аналагкан̣ам̣ д̣̇угкам̣, д̣̇уббан̃н̃аанам̣ д̣̇оманассагаран̣арасам̣, гааяигааб̣аад̇хабажжубадтаанам̣. жид̇д̇абийл̣аналагкан̣ам̣ д̣̇оманассам̣, мановигхаад̇анарасам̣, маанасаб̣яаад̇хибажжубадтаанам̣. жид̇д̇абарид̣̇аханалагкан̣о убааяаасо, нид̇т̇унанарасо, висаад̣̇абажжубадтаано. звамзд̇з авиж̇ж̇аад̣̇аяо лагкан̣аад̣̇ид̇оби взд̣̇ид̇аб̣б̣аад̇и. аяамзд̇т̇а сан̇кзбо, вид̇т̇ааро бана саб̣б̣аагаарасамбаннам̣ винижчаяам̣ ижчанд̇зна саммохавинод̣̇анияаа (вибха. адта. 225) вибхан̇г̇адтагат̇ааяа г̇ахзд̇аб̣б̣о.

    Tattha aññāṇalakkhaṇā avijjā, sammohanarasā, chādanapaccupaṭṭhānā, āsavapadaṭṭhānā. Abhisaṅkharaṇalakkhaṇā saṅkhārā, āyūhanarasā, saṃvidahanapaccupaṭṭhānā, avijjāpadaṭṭhānā. Vijānanalakkhaṇaṃ viññāṇaṃ, pubbaṅgamarasaṃ, paṭisandhipaccupaṭṭhānaṃ, saṅkhārapadaṭṭhānaṃ, vatthārammaṇapadaṭṭhānaṃ vā. Namanalakkhaṇaṃ nāmaṃ, sampayogarasaṃ, avinibbhogapaccupaṭṭhānaṃ, viññāṇapadaṭṭhānaṃ. Ruppanalakkhaṇaṃ rūpaṃ, vikiraṇarasaṃ, appaheyyabhāvapaccupaṭṭhānaṃ, viññāṇapadaṭṭhānaṃ. Āyatanalakkhaṇaṃ saḷāyatanaṃ, dassanādirasaṃ, vatthudvārabhāvapaccupaṭṭhānaṃ, nāmarūpapadaṭṭhānaṃ. Phusanalakkhaṇo phasso, saṅghaṭṭanaraso, saṅgatipaccupaṭṭhāno, saḷāyatanapadaṭṭhāno. Anubhavanalakkhaṇā vedanā, visayarasasambhogarasā, sukhadukkhapaccupaṭṭhānā, phassapadaṭṭhānā. Hetubhāvalakkhaṇā taṇhā, abhinandanarasā, atittibhāvapaccupaṭṭhānā, vedanāpadaṭṭhānā. Gahaṇalakkhaṇaṃ upādānaṃ, amuñcanarasaṃ, taṇhādaḷhattadiṭṭhipaccupaṭṭhānaṃ, taṇhāpadaṭṭhānaṃ. Kammakammaphalalakkhaṇo bhavo, bhavanabhāvanaraso, kusalākusalābyākatapaccupaṭṭhāno, upādānapadaṭṭhāno. Tattha tattha bhave paṭhamābhinibbattilakkhaṇā jāti, niyyātanarasā, atītabhavato idhuppannapaccupaṭṭhānā, dukkhavicittatāpaccupaṭṭhānā vā. Khandhaparipākalakkhaṇā jarā, maraṇūpanayanarasā, yobbanavināsapaccupaṭṭhānā. Cutilakkhaṇaṃ maraṇaṃ , visaṃyogarasaṃ, gativippavāsapaccupaṭṭhānaṃ. Antonijjhānalakkhaṇo soko, cetaso nijjhānaraso, anusocanapaccupaṭṭhāno. Lālappanalakkhaṇo paridevo, guṇadosaparikittanaraso, sambhamapaccupaṭṭhāno. Kāyapīḷanalakkhaṇaṃ dukkhaṃ, duppaññānaṃ domanassakaraṇarasaṃ, kāyikābādhapaccupaṭṭhānaṃ. Cittapīḷanalakkhaṇaṃ domanassaṃ, manovighātanarasaṃ, mānasabyādhipaccupaṭṭhānaṃ. Cittaparidahanalakkhaṇo upāyāso, nitthunanaraso, visādapaccupaṭṭhāno. Evamete avijjādayo lakkhaṇāditopi veditabbāti. Ayamettha saṅkhepo, vitthāro pana sabbākārasampannaṃ vinicchayaṃ icchantena sammohavinodaniyā (vibha. aṭṭha. 225) vibhaṅgaṭṭhakathāya gahetabbo.

    званд̇и нид̣̇д̣̇идтасса нид̣̇ассанам̣, д̇зна авиж̇ж̇аад̣̇ийхзва гааран̣зхи, на иссараниммаанаад̣̇ийхийд̇и д̣̇ассзд̇и. зд̇ассаад̇и яат̇аавуд̇д̇асса. гзвалассаад̇и асаммиссасса сагаласса ваа. д̣̇угкагканд̇хассаад̇и д̣̇угкасамуухасса, на сад̇д̇асса, нааби ж̇ийвасса, нааби субхасукаад̣̇ийнам̣. самуд̣̇аяо ход̇ийд̇и ниб̣б̣ад̇д̇и самбхавад̇и.

    Evanti niddiṭṭhassa nidassanaṃ, tena avijjādīheva kāraṇehi, na issaranimmānādīhīti dasseti. Etassāti yathāvuttassa. Kevalassāti asammissassa sakalassa vā. Dukkhakkhandhassāti dukkhasamūhassa, na sattassa, nāpi jīvassa, nāpi subhasukhādīnaṃ. Samudayo hotīti nibbatti sambhavati.

    зд̇амад̇т̇ам̣ вид̣̇ид̇ваад̇и явааяам̣ авиж̇ж̇аад̣̇ивасзна сан̇каараад̣̇игасса д̣̇угкагканд̇хасса самуд̣̇аяо ход̇ийд̇и вуд̇д̇о, саб̣б̣аагаарзна зд̇амад̇т̇ам̣ вид̣̇ид̇ваа. д̇ааяам̣ взлааяанд̇и д̇ааяам̣ д̇асса ад̇т̇асса вид̣̇ид̇авзлааяам̣. имам̣ уд̣̇аанам̣ уд̣̇аанзсийд̇и имам̣ д̇асмим̣ ад̇т̇з вид̣̇ид̇з хзд̇уно жа хзд̇усамуббаннад̇хаммасса жа баж̇аананааяа аанубхаавад̣̇ийбагам̣ ‘‘яад̣̇аа хавз баад̇убхаванд̇ий’’д̇иаад̣̇игам̣ соманассасамбаяуд̇д̇ан̃аан̣асамудтаанам̣ уд̣̇аанам̣ уд̣̇аанзси, ад̇д̇аманаваажам̣ нижчаарзсийд̇и вуд̇д̇ам̣ ход̇и.

    Etamatthaṃviditvāti yvāyaṃ avijjādivasena saṅkhārādikassa dukkhakkhandhassa samudayo hotīti vutto, sabbākārena etamatthaṃ viditvā. Tāyaṃ velāyanti tāyaṃ tassa atthassa viditavelāyaṃ. Imaṃ udānaṃ udānesīti imaṃ tasmiṃ atthe vidite hetuno ca hetusamuppannadhammassa ca pajānanāya ānubhāvadīpakaṃ ‘‘yadā have pātubhavantī’’tiādikaṃ somanassasampayuttañāṇasamuṭṭhānaṃ udānaṃ udānesi, attamanavācaṃ nicchāresīti vuttaṃ hoti.

    д̇ассад̇т̇о – яад̣̇аад̇и яасмим̣ гаалз. хавзд̇и б̣яад̇д̇анд̇и имасмим̣ ад̇т̇з нибаад̇о. гзжи бана ‘‘хавзд̇и аахавз яуд̣̇д̇хз’’д̇и ад̇т̇ам̣ вад̣̇анд̇и, ‘‘яод̇хзт̇а маарам̣ бан̃н̃аавуд̇хзнаа’’д̇и (д̇ха. ба. 40) важанад̇о гилзсамаарзна яуж̇жханасамаязд̇и д̇зсам̣ ад̇хиббааяо. баад̇убхаванд̇ийд̇и уббаж̇ж̇анд̇и. д̇хаммаад̇и ануломабажжаяаагаарабадивзд̇хасаад̇хагаа б̣од̇хибагкияад̇хаммаа. ат̇а ваа баад̇убхаванд̇ийд̇и багаасзнд̇и, абхисамаяавасзна б̣яад̇д̇аа баагадаа хонд̇и. д̇хаммаад̇и жад̇уарияасажжад̇хаммаа, аад̇аабо вужжад̇и гилзсасанд̇аабанадтзна вийрияам̣. аад̇аабинод̇и саммаббад̇хаанавийрияавад̇о. жхааяад̇од̇и аарамман̣уубаниж̇жхаанзна лагкан̣уубаниж̇жхаанзна жхааяанд̇асса. б̣раахман̣ассаад̇и б̣аахид̇абаабасса кийн̣аасавасса. ат̇асса ган̇каа вабаяанд̇и саб̣б̣аад̇и ат̇асса звам̣ баад̇убхууд̇ад̇хаммасса яаа зд̇аа ‘‘го ну ко, бханд̇з, пусад̇ийд̇и. но галло бан̃ход̇и бхаг̇аваа авожаа’’д̇иаад̣̇инаа (сам̣. ни. 2.12) наязна, ‘‘гад̇амам̣ ну ко, бханд̇з, ж̇араамаран̣ам̣, гасса жа банид̣̇ам̣ ж̇араамаран̣анд̇и. но галло бан̃ход̇и бхаг̇аваа авожаа’’д̇иаад̣̇инаа (сам̣. ни. 2.35) наязна бажжаяаагаарз ган̇каа вуд̇д̇аа, яаа жа бажжаяаагаарассзва аббадивид̣̇д̇хад̇д̇аа ‘‘ахосим̣ ну ко ахам̣ ад̇ийд̇амад̣̇д̇хаана’’нд̇иаад̣̇инаа (ма. ни. 1.18; сам̣. ни. 2.20) сол̣аса ган̇каа ааг̇ад̇аа. д̇аа саб̣б̣аа вабаяанд̇и абаг̇ажчанд̇и нируж̇жханд̇и. гасмаа? яад̇о баж̇аанаад̇и сахзд̇уд̇хаммам̣, яасмаа авиж̇ж̇аад̣̇игзна хзд̇унаа сахзд̇угам̣ имам̣ сан̇каараад̣̇игам̣ гзвалам̣ д̣̇угкагканд̇хад̇хаммам̣ баж̇аанаад̇и ан̃н̃ааси бадивиж̇жхийд̇и.

    Tassattho – yadāti yasmiṃ kāle. Haveti byattanti imasmiṃ atthe nipāto. Keci pana ‘‘haveti āhave yuddhe’’ti atthaṃ vadanti, ‘‘yodhetha māraṃ paññāvudhenā’’ti (dha. pa. 40) vacanato kilesamārena yujjhanasamayeti tesaṃ adhippāyo. Pātubhavantīti uppajjanti. Dhammāti anulomapaccayākārapaṭivedhasādhakā bodhipakkhiyadhammā. Atha vā pātubhavantīti pakāsenti, abhisamayavasena byattā pākaṭā honti. Dhammāti catuariyasaccadhammā, ātāpo vuccati kilesasantāpanaṭṭhena vīriyaṃ. Ātāpinoti sammappadhānavīriyavato. Jhāyatoti ārammaṇūpanijjhānena lakkhaṇūpanijjhānena jhāyantassa. Brāhmaṇassāti bāhitapāpassa khīṇāsavassa. Athassa kaṅkhā vapayanti sabbāti athassa evaṃ pātubhūtadhammassa yā etā ‘‘ko nu kho, bhante, phusatīti. No kallo pañhoti bhagavā avocā’’tiādinā (saṃ. ni. 2.12) nayena, ‘‘katamaṃ nu kho, bhante, jarāmaraṇaṃ, kassa ca panidaṃ jarāmaraṇanti. No kallo pañhoti bhagavā avocā’’tiādinā (saṃ. ni. 2.35) nayena paccayākāre kaṅkhā vuttā, yā ca paccayākārasseva appaṭividdhattā ‘‘ahosiṃ nu kho ahaṃ atītamaddhāna’’ntiādinā (ma. ni. 1.18; saṃ. ni. 2.20) soḷasa kaṅkhā āgatā. Tā sabbā vapayanti apagacchanti nirujjhanti. Kasmā? Yato pajānāti sahetudhammaṃ, yasmā avijjādikena hetunā sahetukaṃ imaṃ saṅkhārādikaṃ kevalaṃ dukkhakkhandhadhammaṃ pajānāti aññāsi paṭivijjhīti.

    гад̣̇аа банасса б̣од̇хибагкияад̇хаммаа жад̇усажжад̇хаммаа ваа баад̇убхаванд̇и уббаж̇ж̇анд̇и багаасзнд̇и ваа? вибассанаамаг̇г̇ан̃аан̣зсу . д̇ад̇т̇а вибассанаан̃аан̣асамбаяуд̇д̇аа сад̇иаад̣̇аяо вибассанаан̃аан̣ан̃жа яат̇аарахам̣ ад̇д̇ано висаязсу д̇ад̣̇ан̇г̇аббахаанавасзна субхасан̃н̃аад̣̇игз баж̇аханд̇аа гааяаанубассанаад̣̇ивасзна висум̣ висум̣ уббаж̇ж̇анд̇и, маг̇г̇агкан̣з бана д̇з ниб̣б̣аанамааламб̣ид̇ваа самужчзд̣̇авасзна бадибагкз баж̇аханд̇аа жад̇уусуби арияасажжзсу асаммохаббадивзд̇хасаад̇ханавасзна сагид̣̇зва уббаж̇ж̇анд̇и. звам̣ д̇аавзд̇т̇а б̣од̇хибагкияад̇хаммаанам̣ уббаж̇ж̇анадтзна баад̇убхааво взд̣̇ид̇аб̣б̣о.

    Kadā panassa bodhipakkhiyadhammā catusaccadhammā vā pātubhavanti uppajjanti pakāsenti vā? Vipassanāmaggañāṇesu . Tattha vipassanāñāṇasampayuttā satiādayo vipassanāñāṇañca yathārahaṃ attano visayesu tadaṅgappahānavasena subhasaññādike pajahantā kāyānupassanādivasena visuṃ visuṃ uppajjanti, maggakkhaṇe pana te nibbānamālambitvā samucchedavasena paṭipakkhe pajahantā catūsupi ariyasaccesu asammohappaṭivedhasādhanavasena sakideva uppajjanti. Evaṃ tāvettha bodhipakkhiyadhammānaṃ uppajjanaṭṭhena pātubhāvo veditabbo.

    арияасажжад̇хаммаанам̣ бана логияаанам̣ вибассанаагкан̣з вибассанааяа аарамман̣агаран̣авасзна, логуд̇д̇араанам̣ д̇ад̣̇ад̇химуд̇д̇ад̇аавасзна, маг̇г̇агкан̣з нирод̇хасажжасса аарамман̣аабхисамаяавасзна, саб̣б̣зсамби гижжаабхисамаяавасзна баагадабхаавад̇о багаасанадтзна баад̇убхааво взд̣̇ид̇аб̣б̣о.

    Ariyasaccadhammānaṃ pana lokiyānaṃ vipassanākkhaṇe vipassanāya ārammaṇakaraṇavasena, lokuttarānaṃ tadadhimuttatāvasena, maggakkhaṇe nirodhasaccassa ārammaṇābhisamayavasena, sabbesampi kiccābhisamayavasena pākaṭabhāvato pakāsanaṭṭhena pātubhāvo veditabbo.

    ид̇и бхаг̇аваа сад̇иби саб̣б̣аагаарзна саб̣б̣ад̇хаммаанам̣ ад̇д̇ано н̃аан̣асса баагадабхаавз бадижжасамуббаад̣̇амукзна вибассанаабхинивзсасса гад̇ад̇д̇аа нибун̣аг̇амбхийрасуд̣̇уд̣̇д̣̇асад̇ааяа бажжаяаагаарасса д̇ам̣ бажжавзгкид̇ваа уббаннаб̣алавасоманассо бадибагкасамужчзд̣̇авибхааванзна сад̣̇д̇хим̣ ад̇д̇ано д̇ад̣̇абхисамаяаанубхаавад̣̇ийбагамзвзд̇т̇а уд̣̇аанам̣ уд̣̇аанзсийд̇и.

    Iti bhagavā satipi sabbākārena sabbadhammānaṃ attano ñāṇassa pākaṭabhāve paṭiccasamuppādamukhena vipassanābhinivesassa katattā nipuṇagambhīrasududdasatāya paccayākārassa taṃ paccavekkhitvā uppannabalavasomanasso paṭipakkhasamucchedavibhāvanena saddhiṃ attano tadabhisamayānubhāvadīpakamevettha udānaṃ udānesīti.

    аяамби уд̣̇аано вуд̇д̇о бхаг̇авад̇аа ид̇и мз суд̇анд̇и аяам̣ баал̣и гзсужиязва бод̇т̇агзсу д̣̇иссад̇и. д̇ад̇т̇а аяамбийд̇и бисад̣̇д̣̇о ‘‘ид̣̇амби б̣уд̣̇д̇хз рад̇анам̣ бан̣ийд̇ам̣, аяамби баарааж̇иго ход̇ий’’д̇иаад̣̇ийсу вияа самбин̣д̣анад̇т̇о, д̇зна убаримам̣ самбин̣д̣зд̇и. вуд̇д̇од̇и аяам̣ вуд̇д̇асад̣̇д̣̇о гзсохааран̣аваббанаваабасамийгаран̣аж̇ийвид̇авуд̇д̇ибамуд̇д̇абхаавабааважанабхаавзна бавад̇д̇ана аж̇жхзнагат̇анаад̣̇ийсу д̣̇иссад̇и. д̇ат̇аа хзса ‘‘гаабадиго маан̣аво д̣̇ахаро вуд̇д̇асиро’’д̇иаад̣̇ийсу (ма. ни. 2.426) гзсохааран̣з ааг̇ад̇о.

    Ayampiudāno vutto bhagavatā iti me sutanti ayaṃ pāḷi kesuciyeva potthakesu dissati. Tattha ayampīti pisaddo ‘‘idampi buddhe ratanaṃ paṇītaṃ, ayampi pārājiko hotī’’tiādīsu viya sampiṇḍanattho, tena uparimaṃ sampiṇḍeti. Vuttoti ayaṃ vuttasaddo kesohāraṇavappanavāpasamīkaraṇajīvitavuttipamuttabhāvapāvacanabhāvena pavattana ajjhenakathanādīsu dissati. Tathā hesa ‘‘kāpaṭiko māṇavo daharo vuttasiro’’tiādīsu (ma. ni. 2.426) kesohāraṇe āgato.

    ‘‘г̇ааво д̇асса баж̇ааяанд̇и, кзд̇д̇з вуд̇д̇ам̣ вируухад̇и;

    ‘‘Gāvo tassa pajāyanti, khette vuttaṃ virūhati;

    вуд̇д̇аанам̣ паламаснаад̇и, яо мид̇д̇аанам̣ на д̣̇уб̣бхад̇ий’’д̇и. –

    Vuttānaṃ phalamasnāti, yo mittānaṃ na dubbhatī’’ti. –

    аад̣̇ийсу (ж̇аа. 2.22.19) ваббанз. ‘‘но жа ко бадивуд̇д̇а’’нд̇иаад̣̇ийсу (баараа. 289) адтад̣̇ан̣д̣агаад̣̇ийхи ваабасамийгаран̣з. ‘‘банналомо барад̣̇ад̇д̇авуд̇д̇о миг̇абхууд̇зна жзд̇асаа вихараамий’’д̇иаад̣̇ийсу (жуул̣ава. 332) ж̇ийвид̇авуд̇д̇ияам̣. ‘‘бан̣д̣убалаасо б̣анд̇ханаа бавуд̇д̇о абхаб̣б̣о харид̇ад̇д̇ааяаа’’д̇иаад̣̇ийсу (баараа. 92) б̣анд̇ханад̇о бамуд̇д̇абхаавз. ‘‘г̇ийд̇ам̣ вуд̇д̇ам̣ самийхид̇а’’нд̇иаад̣̇ийсу (д̣̇ий. ни. 1.285) бааважанабхаавзна бавад̇д̇ид̇з. ‘‘вуд̇д̇о баарааяан̣о’’д̇иаад̣̇ийсу аж̇жхзнз. ‘‘вуд̇д̇ам̣ ко банзд̇ам̣ бхаг̇авад̇аа ‘д̇хаммад̣̇ааяаад̣̇аа мз, бхигкавз, бхават̇а, маа аамисад̣̇ааяаад̣̇аа’’’д̇иаад̣̇ийсу (ма. ни. 1.30) гат̇анз. ид̇хааби гат̇анз зва д̣̇адтаб̣б̣о, д̇зна аяамби уд̣̇аано бхаасид̇од̇и ад̇т̇о. ид̇ийд̇и звам̣. мз суд̇анд̇и бад̣̇ад̣̇ваяасса ад̇т̇о нид̣̇аанаван̣н̣анааяам̣ саб̣б̣аагаарад̇о вуд̇д̇оязва. буб̣б̣з ‘‘звам̣ мз суд̇а’’нд̇и нид̣̇аанавасзна вуд̇д̇оязва хи ад̇т̇о ид̇ха ниг̇аманавасзна ‘‘ид̇и мз суд̇а’’нд̇и буна вуд̇д̇о. вуд̇д̇ассзва хи ад̇т̇асса буна важанам̣ ниг̇амананд̇и. ид̇исад̣̇д̣̇асса ад̇т̇уд̣̇д̇хааро звам̣-сад̣̇д̣̇зна самаанад̇т̇ад̇ааяа ‘‘звам̣ мз суд̇а’’нд̇и зд̇т̇а вияа, ад̇т̇аяож̇анаа жа ид̇ивуд̇д̇агаван̣н̣анааяа амхзхи багаасид̇ааязваад̇и д̇ад̇т̇а вуд̇д̇анаязнзва взд̣̇ид̇аб̣б̣од̇и.

    Ādīsu (jā. 2.22.19) vappane. ‘‘No ca kho paṭivutta’’ntiādīsu (pārā. 289) aṭṭhadaṇḍakādīhi vāpasamīkaraṇe. ‘‘Pannalomo paradattavutto migabhūtena cetasā viharāmī’’tiādīsu (cūḷava. 332) jīvitavuttiyaṃ. ‘‘Paṇḍupalāso bandhanā pavutto abhabbo haritattāyā’’tiādīsu (pārā. 92) bandhanato pamuttabhāve. ‘‘Gītaṃ vuttaṃ samīhita’’ntiādīsu (dī. ni. 1.285) pāvacanabhāvena pavattite. ‘‘Vutto pārāyaṇo’’tiādīsu ajjhene. ‘‘Vuttaṃ kho panetaṃ bhagavatā ‘dhammadāyādā me, bhikkhave, bhavatha, mā āmisadāyādā’’’tiādīsu (ma. ni. 1.30) kathane. Idhāpi kathane eva daṭṭhabbo, tena ayampi udāno bhāsitoti attho. Itīti evaṃ. Me sutanti padadvayassa attho nidānavaṇṇanāyaṃ sabbākārato vuttoyeva. Pubbe ‘‘evaṃ me suta’’nti nidānavasena vuttoyeva hi attho idha nigamanavasena ‘‘iti me suta’’nti puna vutto. Vuttasseva hi atthassa puna vacanaṃ nigamananti. Itisaddassa atthuddhāro evaṃ-saddena samānatthatāya ‘‘evaṃ me suta’’nti ettha viya, atthayojanā ca itivuttakavaṇṇanāya amhehi pakāsitāyevāti tattha vuttanayeneva veditabboti.

    барамад̇т̇ад̣̇ийбанияаа куд̣̇д̣̇аганигааяадтагат̇ааяа

    Paramatthadīpaniyā khuddakanikāyaṭṭhakathāya

    уд̣̇аанасам̣ван̣н̣анаабатамаб̣од̇хисуд̇д̇аван̣н̣анаа нидтид̇аа.

    Udānasaṃvaṇṇanāpaṭhamabodhisuttavaṇṇanā niṭṭhitā.




    Next: 2. д̣̇уд̇ияаб̣од̇хисуд̇д̇аван̣н̣анаа • 2. Dutiyabodhisuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 1. батамаб̣од̇хисуд̇д̇ам̣ • 1. Paṭhamabodhisuttaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact