| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. பட²மப்³ரஹ்மசரியஸுத்தங்
9. Paṭhamabrahmacariyasuttaṃ
39. ஸாவத்தி²னிதா³னங். ‘‘ப்³ரஹ்மசரியஞ்ச வோ, பி⁴க்க²வே, தே³ஸெஸ்ஸாமி, ப்³ரஹ்மசரியப²லானி ச. தங் ஸுணாத². கதமஞ்ச, பி⁴க்க²வே, ப்³ரஹ்மசரியங்? அயமேவ அரியோ அட்ட²ங்கி³கோ மக்³கோ³, ஸெய்யதி²த³ங் – ஸம்மாதி³ட்டி²…பே॰… ஸம்மாஸமாதி⁴. இத³ங் வுச்சதி, பி⁴க்க²வே, ப்³ரஹ்மசரியங். கதமானி ச, பி⁴க்க²வே, ப்³ரஹ்மசரியப²லானி? ஸோதாபத்திப²லங், ஸகதா³கா³மிப²லங், அனாகா³மிப²லங், அரஹத்தப²லங் – இமானி வுச்சந்தி, பி⁴க்க²வே, ப்³ரஹ்மசரியப²லானீ’’தி. நவமங்.
39. Sāvatthinidānaṃ. ‘‘Brahmacariyañca vo, bhikkhave, desessāmi, brahmacariyaphalāni ca. Taṃ suṇātha. Katamañca, bhikkhave, brahmacariyaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, brahmacariyaṃ. Katamāni ca, bhikkhave, brahmacariyaphalāni? Sotāpattiphalaṃ, sakadāgāmiphalaṃ, anāgāmiphalaṃ, arahattaphalaṃ – imāni vuccanti, bhikkhave, brahmacariyaphalānī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. படிபத்திவக்³க³வண்ணனா • 4. Paṭipattivaggavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. படிபத்திவக்³க³வண்ணனா • 4. Paṭipattivaggavaṇṇanā
